1. Қазақстан Республикасының Мемлекеттiк мүлiк жөнiндегi мемлекеттiк комитетi бiр ай мерзiмде түстi металлургияның мемлекеттiк кәсiпорындарының акционерлiк қоғамдары мен ұйымдарының құрамында қосымшаға сәйкес "Қазақстан түстi металдары" Ұлттық акционерлiк компаниясын құру жөнiндегi құжаттардың пакетiн әзiрлесiн.
2. "Қазақстантүстi металдары" Ұлттық акционерлiк компаниясының құрылуына байланысты Қазақ мемлекеттiк түстi металдар өндiрiсi жөнiндегi "Қазтүстiмет" корпорациясы таратылсын.
"Қазақстан түстi металдары" Ұлттық акционерлiк компаниясы Қазақ мемлекеттiк түстi металдар өндiрiсi жөнiндегi "Қазтүстiмет" корпорациясының мүлiктiк құқықтары мен мiндеттерiнiң құқылы мұрагерi болып табылады деп белгiленсiн.
"Қазақстан түстi металдары" Ұлттық акционерлiк компаниясы атқарушы аппаратының орналасатын жерi Алматы қаласы болып белгiленсiн.
3. Қазақстан Республикасының Мемлекеттiк мүлiк жөнiндегi мемлекеттiк комитетi "Қазақстан түстi металдары" Ұлттық акционерлiк компаниясына оның құрамына кiретiн кәсiпорындар мен ұйымдардың мемлекеттiк мүлiктерiн, сондай-ақ мемлекеттiк холдинг компанияларының құрамына кiрмеген бұрын құрылған акционерлiк қоғамдардың акцияларының мемлекеттiк пакеттерiне иелiк ету, пайдалану мен басқару құқығын табыстасын.
"Қазақстан түстi металдары" Ұлттық акционерлiк компаниясына мемлекеттiк холдинг компанияларының акциялары берiлсiн.
Мемлекеттiк холдинг компанияларына кiрмеген мемлекеттiк кәсiпорындар мен ұйымдарды акционерлендiру барысына қарай, Қазақстан Республикасында мемлекет иелiгiнен алу мен жекешелендiрудiң 1993-1995 жылдарға (II кезең) арналған Ұлттық бағдарламасында белгiленген тәртiппен Қазақстан Республикасының Мемлекеттiк мүлiк жөнiндегi мемлекеттiк комитетi өткiзетiн акциялар пакетiн қоспағанда, акционерлiк қоғамдар акцияларының мемлекеттiк пакеттерi Компаниялардың иеленуiне, пайдалануына және басқаруына берiлсiн.
4. "Қазақстан түстi металдары" Ұлттық акционерлiк компаниясына:
Қазақстанның түстi металлургиясын дамытудың басым және стратегиялық бағыттарын, оның техникалық прогресiн, стандарттау мен экология, минералдық шикiзат ресурстарын кешендi игеру саласындағы маңызды бағдарламаларды әзiрлеу;
түстi және сирек металдар өндiрiсiмен шұғылданатын холдинг компанияларының, акционерлiк қоғамдардың, кәсiпорындар мен ұйымдардың, өндiрiстiк шаруашылық және экономикалық қызметiн үйлестiру;
өндiрiстiк бағдарламаларды әзiрлеу және металдар өндiрiсiнiң бiртұтас технологиялық балансын жасау, мемлекеттiк мұқтажы үшiн тапсырыс мөлшерiн белгiлеу;
түстi металлургия кәсiпорындарын материалдық-техникалық жағынан қамтамасыз ету, құрылыстарды жарақтандыру, түстi металлургия өнiмдерiнiң маркетингi мен өткiзiлуi, өндiрiстi әртараптандыру мен коммерциялау жөнiндегi жұмыстарды ұйымдастыру;
Компания құрамына кiретiн мемлекеттiк холдинг компанияларының акционерлiк қоғамдар мен кәсiпорындардың өндiрген өнiмдерiнiң экспортына квоталар беру жөнiндегi ұсыныстар әзiрлеу, олардың сыртқы экономикалық қызметiн үйлестiру;
сала iшiнде ортақ мүдде үшiн қаржы ресурстарын шоғырландыру есебiнен холдинг компаниялары акционерлiк қоғамдар мен ұйымдар арасында қаржы ресурстарымен амалдар жасауды жүзеге асыру, салалар iшiнде бағаларды әзiрлеу;
жалпы сұранымдағы тауарлар шығаруды ұйымдастыру, жөндеу өнiмдерiн өндiру мен берiп тұру жөнiнде кооперация ұйымдастыру;
мемлекеттiк холдинг компанияларының құрамына кiрмеген кәсiпорындар мен ұйымдардың басшыларын тағайындау мен бекiту жүктелсiн.
5. "Қазақстан түстi металдары" Ұлттық акционерлiк компаниясы бұрын құрылған мемлекеттiк холдинг компанияларының, акционерлiк қоғамдарының бақылаушы кеңестерiнiң құрамдарына өз өкiлдерiн тағайындап, олардың бұрынғы басшыларын қалдырсын.
"Қазақстан түстi металдары" Ұлттық акционерлiк компаниясы мен оның құрамына кiретiн мемлекеттiк холдинг компанияларының басшыларын тағайындау мен бекiту Қазақстан Республикасы Министрлер Кабинетiнiң "Мемлекет иелiгiнен алу мен жекешелендiру барысында шаруашылық жүргiзушi субъектiлердiң қызметiн мемлекеттiк реттеу мәселелерi" деген 1993 жылғы 14 шiлдедегi N 606 қаулысында белгiленген тәртiппен
жүзеге асырылады.
6. Мемлекеттiк басқару органдары, жергiлiктi әкiмдер "Қазақстан
түстi металдары" Ұлттық акционерлiк компаниясының, сондай-ақ оның
құрамына кiретiн мемлекеттiк холдинг компаниялары мен кәсiпорындарының
қызметiне байланысты мәселелердi жедел шешуге жәрдемдесетiн болсын.
Қазақстан Республикасының
Премьер-министрi Қазақстан Республикасы
Министрлер Кабинетiнiң
1993 жылғы 9 қыркүйектегi
N 858 қаулысына
қосымша
"Қазақстан түстi металдары" Ұлттық акционерлiк
компаниясының құрамына кiретiн мемлекеттiк
холдинг компанияларының, акционерлiк қоғамдардың
өндiрiстiк бiрлестiктердiң, кәсiпорындар мен
ұйымдардың нақтыланған
Т I З Б Е С I
<*>
"Алтай-ТМ" мемлекеттiк холдинг компаниясы, Өскемен қаласы "Ақсұңқар" мемлекеттiк холдинг компаниясы, Шымкент қаласы "Қазақмыс" мемлекеттiк холдинг компаниясы, Жезқазған қаласы "Өскемен титан-магний холдинг комбинаты", Өскемен қаласы "Лениногор полиметал комбинаты" акционерлiк қоғамы, Лениногор қаласы "Қазвольфрам" өндiрiстiк бiрлестiгi, Жезқазған облысындағы Ақшатау поселкесi Алматы "Энерготүстiмет" арнаулы кәсiпорны, Алматы қаласы "Тұсма" акционерлiк қоғамы, Алматы қаласы "Отырар" қызметкерлердi жабдықтау акционерлiк қоғамы, Алматы қаласы "Қазқайталаматүстiмет" өндiрiстiк бiрлестiгi, Алматы қаласы Кемпiрсай кен басқармасы, Ақтөбе облысының қалалық үлгiдегi Баташы поселкесi
Қайрақты кен-металлургия комбинаты, Жезқазған облысының қалалық
үлгiдегi Қайрақты поселкесi
Шалқия кен басқармасы, Қызылорда облысының қалалық үлгiдегi
Шалқия поселкесi
ТүстiметШҒЗИ институтының тәжiрибелi қорғасын зауыты, Өскемен қаласы
ТүстiметШҒЗИ институты, Өскемен қаласы
Қазтүстiметмемжоба институты, Өскемен қаласы
Қазмеханобр институты, Алматы қаласы
Қазтүстiмет ҒЗЖИ институты, Алматы қаласы
Қазақ Республикалық сыртқы экономикалық "Қазметаллэкспорт"
бiрлестiгi, Алматы қаласы
Әскери күзеттiң аумақтық бөлiмi, Алматы қаласы
Ескерту. Тiзбеге өзгерiстер енгiзiлген - ҚРМК-нiң 30.05.1994 ж.
N 576 қаулысымен.
