Пайдалы қазбалар қоры жөнiндегi ақпарат беру туралы

Қазақстан Республикасы Министрлер Кабинетiнiң қаулысы 7 қазан 1993 ж. N 999

Пайдалы қазбалар қоры жөнiнде ақпарат берудi тәртiпке келтiру мақсатында және Қазақстан Республикасының Жер қойнауы және минералдық шикiзатты ұқсату туралы кодексiнiң 57-бабына сәйкес Қазақстан Республикасының Министрлер Кабинетi қаулы етедi:
Қазақстан Республикасының Геология және жер қойнауын қорғау министрлiгi жыл сайын 1 қаңтарға дейiнгi жағдай бойынша:
Қазақстан Республикасының Министрлер Кабинетi мен Қазақстан Республикасының Экономика министрлiгiне пайдалы қазбалардың барлық түрлерi бойынша;
Қазақстан Республикасының Энергетика және отын ресурстары министрлiгiне, Өнеркәсiп министрлiгiне, Су ресурстары жөнiндегi мемлекеттiк комитетiне - тиiстiлiгiне қарай пайдалы қазбалар қорының мемлекеттiк баланстарын берiп отырады деп белгiленсiн.

     Қазақстан Республикасының
         Премьер-министрi