Кәсiпорындар мен ұйымдардың өзара борыштарының iшкiреспубликалық есептерiн жүргiзудiң белгiленген ережелерiн бұзуға жол берген шаруашылық жүргiзушi субъектiлер мен банкiлерге қолданылатын ықпал ету шаралары туралы

Күшін жойған

Қазақстан Республикасы Министрлер Кабинетiнiң Қаулысы 1994 жылғы 10 тамыз N 890. Күші жойылды - Қазақстан Республикасы Үкіметінің 2000.04.13. N 565 қаулысымен. ~P000565

Кәсiпорындар мен ұйымдардың өзара борыштарының iшкiреспубликалық есептерiн жүргiзудiң шарттарын реттейтiн заң талаптарын кәсiпорындар мен банктердiң бұзуының көптеген фактiлерi анықталуына байланысты Қазақстан Республикасының Министрлер Кабинетi қаулы етедi:
1. Мынадай қосымша экономикалық санкциялар белгiленсiн:
шаруашылық жүргiзушi субъектiлердiң iшкiреспубликалық есептеу қаражаты есебiнен аванс төлемдерiн жасағаны үшiн- кредиттiң мақсаттан тыс пайдаланылған сомасының 25 процентi көлемiнде айыппұл. Есептеу бойынша кредиттiң мақсаттан тыс пайдаланылған сомасына Қазақстан Республикасы Ұлттық банкiнiң қайта қаржыландыру ставкасы бойынша процент қосылады;
нөмiрi 725 баланс шоты қалдықтарын өз бетiнше босатқаны /санкцияланбаған эмиссия/ үшiн - бiр ай мерзiм iшiнде босатылған соманың орны толтырылатын етiп, осы соманың 25 процентi көлемiнде айыппұл.
2. Мыналар белгiленсiн:
айыппұл төлетушi орган Қазақстан Республикасының Қаржы министрлiгi мен Қаржы бақылау комитетi және олардың жергiлiктi органдары болып табылады;
айыппұл республикалық бюджеттiң кiрiсiне есептеледi.
3. Мемлекеттiк кредиттi қайтару перспективаларын қарастыру жөнiндегi жергiлiктi комиссиялар бiр ай мерзiм iшiнде қолданылып жүрген заңға сәйкес есептеу бойынша берiлген кредит ресурстарының мақсаттан тыс пайдаланылуына жол берген лауазымды адамдардың жауапкершiлiгiн қарасын.
Бұл жөнiндегi материалдар Iшкiреспубликалық есептеу жөнiндегi мемлекеттiк комиссияға берiлсiн.
4. Қазақстан Республикасының Ұлттық банкiне Қазақстан

Республикасының Қаржы министрлiгiмен бiрлесе отырып бiр ай
мерзiм iшiнде:
     Қазақстан Республикасының Ұлттық банкiнiң және банктердiң
қызметкерлерiнiң есептеу бойынша қаражатты санкциясыз босатуға 
жол берген тәртiп бұзушылықтары үшiн жауапкершiлiгiн қарау ұсынылсын.
     Қажет болған жағдайда өрескел тәртiп бұзушылық туралы 
материалдар тергеу орындарына берiлсiн.

     Қазақстан Республикасының
          Премьер-министрi