1. Қазақстан Республикасының Россия Федерациясындағы Өкiлеттi Өкiлдiгi (Елшiлiгi) жанынан "Қазақ мәдениет және iскерлiк орталығы" құрылсын.
2. Қазақстан Республикасының Россия Федерациясындағы Өкiлеттi Өкiлдiгi (Елшiлiгi) жанындағы Қазақ мәдениет және iскерлiк орталығы қызметiнiң Негiзгi бағыттары бекiтiлсiн (қоса берiлiп отыр).
3. Қазақстан Республикасының министрлiктерi мен ведомстволары, облыстардың, Алматы және Ленинск қалаларының әкiмдерi Қазақ мәдениет және iскерлiк орталығының практикалық қызметiне жан-жақты көрсететiн болсын.
Қазақстан Республикасының Премьер-министрi
Қазақстан Республикасы
Министрлер Кабинетiнiң
1995 жылғы 17 ақпандағы
N 173 қаулысымен
БЕКIТIЛГЕН
Қазақстан Республикасының Россия Федерациясындағы
Өкiлеттi Өкiлдiгi (Елшiлiгi) жанындағы Қазақ
мәдениет және iскерлiк орталығы қызметiнiң
негiзгi бағыттары
1. Қазақ мәдениет және iскерлiк орталығы Қазақстан Республикасының Россия Федерациясындағы Өкiлеттi Өкiлдiгi (Елшiлiгi) жанынан Қазақстан Республикасының Үкiметi мен Москва қаласы Үкiметiнiң арасындағы экономикалық, ғылыми-техникалық және мәдени ынтымақтастық жөнiндегi Келiсiмдi жүзеге асыру және Қазақстан Республикасы мен Россия Федерациясы арасындағы қол жеткен келiсiмдер мақсатында инвестициялық-құрылыс орталығы және сауда үйi ретiнде құрылады.
2. Орталық қызметiнiң негiзгi бағыттары:
Қазақстан Республикасының Россия Федерациясындағы Өкiлеттi Өкiлдiгi (Елшiлiгi) жанындағы дербес дирекцияның үй-жайлар мен ғимараттарды қайта жаңғырту, тұрғын үйлер құрылысы, оның iшiнде тұрғындардың қайта жаңғыртылатын үй-жайлар мен ғимараттардан көшiп-қонуы жөнiндегi "Тапсырысшының" қызметтерiн жүзеге асырады;
үй-жайлар мен ғимараттардың, тұрғын үйлердiң құрылысы үшiн және оларды қайта жаңғыртуға кәсiпорындар мен ұйымдардың, басқа заңды ұйымдар мен жеке адамдардың қаражаттарын тартады;
осы мақсатта үй-жайлар мен ғимараттарды бiрлесiп қайта жаңғырту, салу және пайдалануға беру жөнiнде акционерлiк қоғам құру, сонымен бiрге тартылған инвестициялардың үлесi шығарылатын акциялардың 49 процентiнен аспауға тиiс;
акционерлiк қоғамдағы мемлекеттiк мүлiктiң үлесiн басқару және иелiк ету, сонымен бiрге мемлекеттiк акциялар пакетi 51 проценттен кем болмауға тиiс;
Москва рыногын, Москва қаласындағы "Басманное" аумақтық басқармасын Қазақстан Республикасы мен Москва қаласы Үкiметiнiң арасындағы келiсiмге сәйкес халық тұтынатын тауарлармен молықтыру жөнiндегi коммерциялық және сыртқы экономикалық қызметтердi жүзеге асырады.
3. Қазақстан Республикасы мен инвесторлар бөлген қаражаттың пайдаланылуына және Қазақстан Республикасының Россия Федерациясындағы Өкiлеттi Өкiлдiгi (Елшiлiгi) жанындағы Қазақ мәдениет және iскерлiк орталығы қызметiне бақылау жасайды, барлық инвесторлардың қатысуымен Байқаушы кеңес ұйымдастырады, оны лауазымы бойынша Қазақстанның Россиядағы Өкiлеттi Өкiлдiгiнiң (Елшiлiгiнiң) Кеңесшi-Елшiсi басқарады. Байқаушы кеңестiң қабылдаған шешiмдерiн Қазақ мәдениет және iскерлiк орталығының дирекциясы орындауға мiндеттi.
4. Қазақ мәдениет және iскерлiк орталығын Қазақстан Республикасының Россия Федерациясындағы Өкiлеттi Өкiлiнiң өкiмiмен тағайындалған бас директор басқарады.
