1. Германия Федерациялық Республикасы Қалпына келтiру жөнiндегi кредиттiк ведомствосы (КFW) темiржол көлiгiн жөндеу үшiн қосалқы бөлшектер сатып алуға берген 4,5 миллион (төрт миллион бес жүз мың) немiс маркасы сомасында жеңiлдiк жасалған ұзақ мерзiмдi кредиттi пайдалану мақұлдансын.
2. Кредиттiң түпкi займшылары саналатын Алматы темiр жолы мен "Рысты-АЭВРЗ" акционерлiк қоғамы Қазақстан Республикасының мемлекеттiк Экспорт-импорт банкiсiне кредиттi өтеу жөнiнде кепiлдi мiндеттемелер беретiн болсын.
Сақтандыру жарнасын, қызмет көрсететiн банктер комиссияларын, барлық iлеспе шығындар мен проценттердi, сондай-ақ тартылатын кредиттердi төлеу түпкi займшылардың өз қаражаты есебiнен жасалатыны еске алынсын.
3. Қазақстан Республикасының мемлекеттiк Экспорт-импорт банкi:
Қалпына келтiру жөнiндегi "KFW" кредиттiк ведомствосымен 4,5 миллион (төрт миллион бес жүз мың) немiс маркасы сомасына кредиттiк келiсiм әзiрлеп, қол қоятын болсын;
түпкi займшылармен iшкi кредиттiк келiсiм жасассын;
Қазақстан Республикасының Қаржы министрлiгiне кредиттi өтеу жөнiнде қарсы кепiлдiктер берсiн.
4. Қазақстан Республикасының Қаржы министрлiгi:
белгiленген тәртiппен Қазақстан Республикасының кепiлдiгiн берсiн;
Қазақстан Республикасының кепiлдiгiн қамтамасыз ету туралы Қазақстан Республикасының мемлекеттiк Экспорт-импорт банкiмен келiсiм жасассын.
5. Қазақстан Республикасының Қаржы министрлiгi мен Көлiк және коммуникациялар министрлiгi осы жобаның орындалуын және кредит жөнiндегi төлемдердiң уақтылы төленуiн бақылауды қамтамасыз етсiн.
6. Қазақстан Республикасының Қаржы министрлiгi жанындағы Шетел капиталын пайдалану жөнiндегi комитет жобаның iске асуына жалпы басшылықты және бақылауды қамтамасыз етсiн.
Қазақстан Республикасының
Премьер-Министрi
