1. Қазақстан Республикасындағы қару-жарақ, әскери техника, сондай-ақ олардың өндiрiсiмен байланысты шикiзаттар, материалдар, жабдықтар технологиялар және қызметтерге экспорттық бақылау жасаудың автоматтандырылған жүйесiн құру мен оны пайдалану Қазақстан Республикасының Кеден комитетiмен, басқа да мүдделi министрлiктермен және ведомстволармен бiрлесу Қазақстан Республикасының Өнеркәсiп және сауда министрлiгiне тапсырылсын.
2. Қазақстан Республикасының Өнеркәсiп және сауда министрлiгi:
Қазақстан Республикасының Үкiметiне "Қазақстан Республикасындағы қару-жарақ, әскери техника, сондай-ақ олардың өндiрiсiмен байланысты шикiзаттар, материалдар, жабдықтар, технологиялар және қызметтерге автоматтандырылған экспорттық бақылау жүйесi" техникалық жобасын әзiрлеу жөнiндегi жұмыс тобын құру туралы ұсыныс енгiзсiн;
қаржыландыру объектiлерiн, оларды пайдалану мен барлық алынған техникалық құралдарға иелiк ету тәртiбiн көрсете отырып, Қазақстан Республикасындағы қару-жарақ, әскери техника, сондай-ақ олардың өндiрiсiмен байланысты шикiзаттар, материалдар, жабдықтар, технологиялар және қызметтерге байланысты автоматтандырылған экспорттық бақылау жүйесiн құрудағы ынтымақтастық пен техникалық көмек көрсету туралы АҚШ-тың Мемлекеттiк департаментiмен, АҚШ-тың Сауда министрлiгiмен, АҚШ-тың басқа да мүдделi департаменттерiмен және агенттiктерiмен қажеттi келiсiмдер жасайтын болсын.
3. Қазақстан Республикасының Экспорттық бақылау жөнiндегi мемлекеттiк комиссиясы қару-жарақ, әскери-техника, сондай-ақ олардың өндiрiсiмен байланысты шикiзаттар, материалдар, жабдықтар, технологиялар және қызметтерге автоматтандырылған экспорттық бақылау жүйесiн құру жөнiндегi техникалық жобаны қарасын және оны енгiзуде Қазақстан Республикасының Өнеркәсiп және сауда министрлiгiне, Кеден комитетiне және басқа да мүдделi министрлiктер мен ведомстволарға көмек көрсетсiн.
4. Қазақстан Республикасының Сыртқы iстер министрлiгi жасалған
келiсiмдерге сәйкес Қазақстандағы қару-жарақ, әскери техника,
сондай-ақ олардың өндiрiсiмен байланысты шикiзаттар, материалдар,
жабдықтар, технологиялар және қызметтерге автоматтандырылған
экспорттық бақылау жүйесiн құру мәселесi жөнiндегi Қазақстан
Республикасы мен АҚШ министрлiктерiнiң өзара iс-қимылдары туралы АҚШ
Қорғаныс министрлiгiн хабардар етiп отырсын.
Қазақстан Республикасы
Премьер-Министрiнiң
бiрiншi орынбасары
