1. Қазақстан Республикасының Мемлекеттiк мүлiктi басқару жөнiндегi мемлекеттiк комитетi Қазақстан Республикасының Жекешелендiру жөнiндегi мемлекеттiк комитетiмен бiрлесiп:
жалпықұрылыс және өнеркәсiптiк-құрылыс ұйымдарын жекелеген бейiмдiк және аумақтық бөлiмшелерiмен оларды ұстау құрылысты iс жүзiнде қымбаттауына әкелетiн қондырма құрылымдардан босата отырып жекешелендiрудi аяқтасын;
аяқталған технологиялық желiлердi сақтауды ескере отырып мамандандырылған құрылыс кәсiпорындарын бiрыңғай кешенмен жекешелендiрудi жүзеге асырсын;
жобалау және iздестiру ұйымдарын олардың өндiрiстiк және қызметтiк үйлерiн белгiленген нормаларға сәйкес өздерiнде қалдыра отырып жекешелендiрсiн, қалған алаңдар қолданылып жүрген заңға сәйкес сатуға жатқызылады.
2. "Құрылысты жұмыстар мен көрсетiлетiн қызметтерге шартты баға
жүйесiне көшiру туралы" Қазақстан Республикасы Баға және монополияға
қарсы саясат жөнiндегi мемлекеттiк комитетiнiң 1996 жылғы 28
ақпандағы N 2/54 қаулысы назарға алынсын.
3. Қазақстан Республикасы Үкiметiнiң кейбiр шешiмдерiнiң қоса
берiлiп отырған тiзбеге сәйкес күшi жойылған деп танылсын.
Қазақстан Республикасы
Премьер-Министрiнiң
орынбасары
Қазақстан Республикасы
Үкiметiнiң
1996 жылғы 13 маусымдағы
N 736 қаулысына
қосымша
Қазақстан Республикасы Үкiметiнiң күшi
жойылған кейбiр шешiмдерiнiң
Тiзбесi
1. "Құрылыс" мемлекеттiк холдинг компаниясын құру туралы" Қазақстан Республикасы Министрлер Кабинетiнiң 1993 жылғы 24-тамыздағы N 726 қаулысы (Қазақстан Республикасының ПҮАЖ-ы, 1993 ж., N 33, 370-бап);
2. "Құрылыс" мемлекеттiк холдинг компаниясының президентi мен Байқаушы кеңесi туралы" Қазақстан Республикасы Министрлер Кабинетiнiң 1993 жылғы 23 қыркүйектегi N 943 қаулысы;
3. "Мемлекеттiк қатысуымен "Алматықұрылыс" холдинг компаниясын құру туралы" Қазақстан Республикасы Министрлер Кабинетiнiң 1993 жылғы 4 қазандағы N 983 қаулысы (Қазақстан Республикасының ПҮАЖ-ы, 1993 ж., N 41, 474-бап);
4. "Мемлекет қатысатын "Монтажспецстрой" акционерлiк холдинг компаниясы туралы" Қазақстан Республикасы Министрлер Кабинетiнiң 1993 жылғы 18 қарашадағы N 1155 қаулысы (Қазақстан Республикасының ПҮАЖ-ы, 1993 ж, N 44, 535-бап).
