Халықты гнустан және басқа адамға қауiптi жәндiктер мен кенеден қорғау жөнiндегi кезек күттiрмейтiн шараларды жүзеге асыру мақсатында Қазақстан Республикасының Үкiметi қаулы етедi:
1. Қазақстан Республикасының ауыл шаурашылығы министрлiгi Көлiк және коммуникациялар министрлiгi, Құрылыс, тұрғын үй және аумақтарда құрылыс салу министрлiгi, Су ресурстары жөнiндегi комитетi, Орман шаруашылығы комитетi, өзге де орталық және жергiлiктi атқарушы органдары, меншiк нысандарына қарамастан кәсiпорындар мен ұйымдардың басышлары:
гнуспен және басқа адамға қауiптi жәндiктер мен кенеге қарсы күрес жөнiндегi профилактикалық және құтқару-жою iс-шараларын ұйымдастыру бойынша кезек күттiрмейтiн шараларды қабылдасын;
көрсетiлген шараларды өткiзу үшiн қажеттi қаржыларды, көлiк пен жұмыс күшiн бөлудiң мүмкiндiгiн iздестiрсiн.
2. Қазақстан Республикасының ауыл шаруашылығы министрлiгi, Су ресурстары жөнiндегi комитетi аумақтық батпақтануы мен гнус ошақтарының пайда болуының алдын алу, суландыру каналдарын тазарту және жөндеу, күрiш себетiн жүйелердi, су қоймалары мен басқа да гидротехникалық ғимараттарды дұрыс пайдалану жөнiндегi шараларды жыл сайын жүзеге асырсын, барлық суландырылған аудандарда су пайдаланудың тиiстi тәртiбiн орнатсын.
3. Қазақстан Республикасының Орман шаруашылығы комитетi ормандық-техникалық шараларды өткiзудi, орман алқаптарын құнарландыруды, тоған шаруашылығы су айдындарының батпақтануына жол бермеу үшiн гидротехникалық шараларды жүргiзуге қаражат қарастыруды және бақылау жасауды қамтамасыз етсiн.
4. Қазақстан Республикасының Көлiк және коммуникациялар министрлiгi қызмет көрсететiн аумақтарында батпақтануды, гнустың өсiп-өнетiн ошақтарын жою жөнiнде шараларды қабылдасын.
5. Қазақстан Республикасының Құрылыс, тұрғын үй және аумақтарда құрылыс салу министрлiгi елдi мекендердi, өнеркәсiп кәсiпорындарын, гидротехникалық ғимараттарды қайта жаңарту және құрылысын салу жобаларын әзiрлеген кезде гнустың жаппай өсiп-өнуiне жағдай туғызатын шалшықтар мен батпақтардың пайда болуының алдын алуға бағытталған шараларды қарастырсын.
6. Облыстар мен Алматы қаласының әкiмдерi қала шетiндегi ормандар мен су айдындары маңындағы халықтың жаппай дем алатын орындарын құнарландыруды қамтамасыз етсiн.
7. Қазақстан Республикасының Ауыл шаруашылығы министрлiгi гнуспен және басқа адамға және малға қауiптi басқа да жәндiктер мен кенеге қарсы күрес жөнiндегi ғылыми-әдiстемелiк басшылық пен профилактикалық шараларды ұйымдастыруды күшейтсiн.
8. Қазақстан Республикасының Денсаулық сақтау министрлiгi:
су көздерiнiң санитарлық жағдайына, суландыру торабының, ашық су қоймаларының, тұрғын үйлер мен өндiрiстiк ғимараттар төлелерiнiң дұрыс пайдалануына қадағалауды күшейтсiн;
адамға қауiптi қан сорғыш жәндiктер мен кенеге қарсы күрес жөнiндегi шараларды өткiзумен байланысты шығыстарды жұқпалы ауруларға қарсы шараларды жүргiзуге арналған денсаулық сақтау бойынша бюджетте көзделген қаржыландыру шегiнде жүзеге асырсын;
"Фармация" акционерлiк қоғамымен бiрлесiп халыққа жәндiктердi
қашырып-үркiтетiн (реппеленттер) және басқа да заттардың кеңiнен
сатылуын қамтамасыз етсiн;
гнустармен және басқа қан сорғыш жәндiктер мен кенеге қарсы
күрес жөнiндегi шаралардың өткiзiлуiне басшылық пен бақылауды жүзеге
асырсын.
Қазақстан Республикасы
Премьер-Министрiнiң
орынбасары
