1. Халықаралық Экономикалық Ынтымақтастық Қорының (Жапония) займы бойынша шығыстар санаттарының арақатынасы 7 236 000 000 (жетi миллиард екi жүз отыз алты миллион) жапон иенi сомасында қосымшаға сәйкес бекiтiлсiн.
2. Қазақстан Республикасының мемлекеттiк Экспорт - импорт банкiсi осы займ бойынша қаржы агентi болып табылады деп белгiленсiн.
3. Өз мұқтажына осы займның валюталық қаражаты бөлiнген Алматы темiр жолының басқармасы осы займ бойынша атқарушы агенттiк болып табылады деп белгiленсiн.
Бөлiнетiн қаражаттың нысаналы әрi тиiмдi пайдалануы үшiн, сондай-ақ негiзгi борыштың, проценттерi мен қосымша төлемдерiнiң өтелуi үшiн жауапкершiлiк Алматы темiр жолы басқармасына жүктелсiн.
4. Темiр жол көлiгiнiң қуатын арттыру жобасы жөнiндегi займ туралы халықаралық шарт мәртебесi бар Келiсiмге және Қазақстан Республикасының заңдарына сәйкес:
осы Жобаның шеңберiнде әкелiнетiн тауарлардың импорты қосымша құн мен кедендiк баж салығын төлеуден босатылады;
осы Жоба жөнiндегi әкелiнетiн тауарларға, көрсетiлетiн қызметтерге (жұмыстар) қосымша құнға салық нөлдiк ставка бойынша салынады деп белгiленсiн.
5. Қазақстан Республикасының мемлекеттiк Экспорт - импорт банкi:
займ туралы Келiсiмде белгiленген мерзiмдерге сәйкес займның негiзгi сомасының, проценттерiнiң және қосымша төлемдерiнiң орнын толтыру жөнiнде Халықаралық Экономикалық Ынтымақтастық Қорымен (Жапония) есеп айырысуды жүзеге асырсын;
ай сайын:
Қазақстан Республикасының Қаржы министрлiгiне - арнайы шотта негiзгi борышты, проценттерi мен қосымша төлемдерiн өтеу есебiне қаражат жинау жөнiндегi проценттiң жай-күйi туралы есеп және займ қаражаттың өтелуi жөнiнде ақпарат;
Қазақстан Республикасының Қаржы министрлiгi жанындағы Шетел капиталын пайдалану жөнiндегi комитетке - займ қаражатын игеру жөнiндегi ақпарат берiп отырсын.
6. Алматы темiр жолының басқармасы:
Қазақстан Республикасының Қаржы министрлiгiнiң займы мен кредитi бойынша мiндеттемелердi өтеуге арналған қаражаттың жиналуын және оның Қазақстан Республикасының мемлекеттiк Экспорт - импорт банкiнiң арнайы шотына дер кезiнде аударылуын қамтамасыз етсiн;
тендерлер өткiзудiң нәтижелерi бойынша, консультанттарды, берiп тұрушылар мен мердігерлердi таңдап алу жөнiнде контрактiлердiң жасалуын қамтамасыз етсiн;
тоқсан сайын Қазақстан Республикасының Қаржы министрлiгi жанындағы Шетел капиталын пайдалану жөнiндегi комитетке және Халықаралық Экономикалық Ынтымақтастық Қорына (Жапония) жобаның жүзеге асырылуының барысы туралы есеп берiп отырсын;
ай сайын Қазақстан Республикасының Қаржы министрлiгiне мемлекеттiк Экспорт - импорт банкiнiң арнайы шотына негiзгi борышты, проценттерi мен қосымша төлемдерiн өтеу есебiне қаражат жинау жөнiндегi процестiң жай-күйі туралы есеп берiп отырсын:
7. Қазақстан Республикасының Экономика министрлiгi темiр жол көлiгiн дамытудың жобасын (Достық стансасын дамыту және Ақтоғай-Достық темiр жол желiсiн күшейту, 1 кезегi) республика бюджетiнен қоса қаржыландыруға талап етiлетiн 1997 жылға арналған басым жобалардың тiзбесiне енгiзсiн.
8. Қазақстан Республикасының Қаржы министрлiгi Халықаралық Экономикалық Ынтымақтастық Қорының (Жапония) займымен темiр жол көлiгiнiң қуаттарын дамыту жобасын (Достық стансасын дамыту және Ақтоғай-Достық темiр жол желісiн күшейту, 1 кезегi) қоса қаржыландыру мақсатында:
1996 жылдың IҮ тоқсанында Алматы темiр жол басқармасына 30 000 000 (отыз миллион) жапон иенiне баламды мөлшерде қаражат бөлсiн;
1997 жылға арналған республикалық бюджеттi қалыптастыру кезiнде қоса қаржыландыру үшiн 5. 000 000 (бес миллион) АҚШ долларына баламды мөлшерде қаражат қарастырсын, кейiн қоса қаржыландыру Алматы темiр жолы басқармасының өз қаражаты есебiнен жүзеге асырылсын;
жоғарыда аталған Жобаны қоса қаржыландыру "Қазақстан Республикасы бюджетiнен жобаларды қоса қаржыландырудың тетiгi туралы" Қазақстан Республикасы Үкiметiнiң 1996 жылғы 5 маусымдағы N 695 қаулысында белгiленген тәртiпке сәйкес қатаң жүзеге асырсын;
Халықаралық Экономикалық Ынтымақтастық Қорының (Жапония) займы және Қазақстан Республикасы Қаржы министрлiгiнiң кредитi бойынша негiзгi борыштың, проценттерi мен қосымша төлемдерiнiң дер кезiнде өтелуiне бақылауды жүзеге асырсын.
9. Қазақстан Республикасының Қаржы министрлiгiнiң жанындағы Шетел капиталын пайдалану жөнiндегi комитет:
Халықаралық Экономикалық Ынтымақтастық Қорының (Жапония) ресiмдерi мен ережелерiне сәйкес займның сатылуы және таратулардың сатып алынуын, жұмыс пен қызмет көрсетудiң атқарылуын жалпы үйлестiрудi жүзеге асырсын;
займ қаражатын пайдаланудың есебiн жүргiзсiн және осы мәселе жөнiнде Қазақстан Республикасының Үкiметiне есептер табыс етсiн;
Қазақстан Республикасының Қаржы министрлiгiне ай сайын займ
қаражаттарын игеру жөнiнде ақпарат ұсынатын болсын.
10. Қазақстан Республикасының Жер қатынастары және жерге
орналастыру жөнiндегi мемлекеттiк комитетi Талдықорған облысының
әкiмiмен бiрлесiп Алматы темiр жолы басқармасын Алакөл көлiнен
айналма темiр жол желісiн жүргiзу үшiн жердi Алматы темiр жол
басқармасына тұрақты пайдалануға беруiне байланысты ауыл шаруашылығы
өндiрiсi шығынының құнын төлеуден босататын болсын.
Қазақстан Республикасының
Премьер-Министрi
Қазақстан Республикасы
Үкiметiнiң
1996 жылғы 28 тамыздағы
N 1064 қаулысына
қосымша
Халықаралық Экономикалық Ынтымақтастық Қорының (Жапония)
займы бойынша шығыстар санаттарының арақатынасы
__________________________________________________
Санаты і Қаржы сомасы
і млн. жапон йенi
__________________________________________________
(А) Құрылыс жұмыстар 6480
(В) Консалтингтiк қызмет 312
(С) Көзделмеген шығыстар 444
жиыны 7236
