"Қазақстан Республикасы Президентiнiң 1995 жылғы 17 сәуiрдегi N 2201 қаулысын iске асыру туралы" Қазақстан Республикасы Үкiметiнiң 1995 жылғы 29 желтоқсандағы N 1894 қаулысына және "Жекелеген қызмет түрлерiмен айналысу құқығы үшiн лицензиялық алым төлеу тәртiбi туралы ереженi бекiту туралы" Қазақстан Республикасы Министрлер Кабинетiнiң 1995 жылғы 16 тамыздағы N 1127 қаулысына сәйкес Қазақстан Республикасының Үкiметi қаулы етедi:
1. Қазақстан Республикасында Почта байланысы мен телекоммуникациялар саласындағы кәсiпкерлiк қызметтi лицензиялау, радиожиiлiк спектрiн пайдалану тәртiбi туралы қоса берiлiп отырған Ереже бекiтiлсiн.
2. Қазақстан Республикасының Көлiк және коммуникациялар министрлiгi екi ай мерзiм iшiнде бұрын Қазақстан Республикасының Байланыс министрлiгi почта байланысы мен телекоммуникациялар саласында қызметiн жүзеге асыратын заңды және жеке тұлғаларға берген лицензияларды Қазақстан Республикасында Почта байланысы мен телекоммуникациялар саласындағы кәсiпкерлiк қызметтi лицензиялау, радиожиiлiк спектрiн пайдалану тәртiбi туралы ережеге сәйкестендiрсiн.
Қазақстан Республикасының
Премьер-Министрi
Қазақстан Республикасы
Үкiметiнiң
1996 жылғы 25 қарашадағы
N 1443 қаулысымен
БЕКIТIЛГЕН
Қазақстан Республикасында почта байланысы мен
телекоммуникациялар саласындағы кәсiпкерлiк қызметтi
лицензиялау, радиожиiлiгi спектрiн пайдалану
тәртiбi туралы
ЕРЕЖЕ
Осы Ереже "Лицензиялау туралы" Қазақстан Республикасы Президентiнiң 1995 жылғы 17 сәуiрдегi N 2200 Заң күшi бар Жарлығына , "Қазақстан Республикасы Президентiнiң 1995 жылғы 17 сәуiрдегi N 2201 қаулысын жүзеге асыру туралы" Қазақстан Республикасы Үкiметiнiң 1995 жылғы 29 желтоқсандағы N 1894 қаулысына сәйкес әзiрлендi және почта байланысы мен телекоммуникациялар саласындағы кәсiпкерлiк қызметке, радиожиiлiгi спектрiн пайдалануға лицензиялар (патенттер) беру мен қайтарып алу (доғару), күшiн тоқтату тәртiбiн айқындайды.
1. Жалпы ережелер
1. Почта байланысы мен телекоммуникациялар саласындағы кәсiпкерлiк қызметтi лицензиялау кез-келген санаттағы тұтынушыларға почта байланысы мен телекоммуникациялар қызметiн көрсететiн заңды және жеке тұлғалардың (бұдан былай - лицензиаттар) қызметiн, сондай-ақ шектеулi табиғат ресурсы ретiнде мемлекеттiң меншiгi болып табылатын радиожиiлiгi аясының тиiмдi пайдаланылуын мемлекеттiк реттеу мен бақылау мақсатында жүзеге асырылады.
2. Қазақстан Республикасының аумағында бұл қызметтi лицензиялауды Қазақстан Республикасының Ақпараттандыру және байланыс жөнiндегi агенттігі (бұдан былай - лицензиар) жүзеге асырады. <*>
ЕСКЕРТУ. 2-тармақ өзгерді - ҚР Үкіметінің 1999.09.08. N 1334 қаулысымен .
ЕСКЕРТУ. 2-тармақ өзгерді - ҚР Үкіметінің 2000.11.03. N 1665 қаулысымен .
ЕСКЕРТУ. 2-тармақ өзгерді - ҚР Үкіметінің 2003.07.22. N 724 қаулысымен .
3. Лицензиар почта байланысы мен телекоммуникациялар саласындағы кәсiпкерлiк қызметке берiлген лицензиялардың бiртұтас республикалық тiзiлiмiн, радиожиiлiгi спектрiн пайдаланушылар тiзiлiмiн, сондай-ақ тоқтатылған және қайтарылып алынған лицензиялар тiзiлiмiн жүргiзедi.
4. Лицензияларға Қазақстан Республикасы Ақпараттандыру және байланыс жөнiндегi агенттiгiнiң төрағасы қол қояды. <*>
ЕСКЕРТУ. 4-тармақ жаңа редакцияда - ҚР Үкіметінің 1999.09.08. N 1334 қаулысымен .
ЕСКЕРТУ. 4-тармақ өзгерді - ҚР Үкіметінің 2000.11.03. N 1665 қаулысымен .
ЕСКЕРТУ. 4-тармақ өзгерді - ҚР Үкіметінің 2003.07.22. N 724 қаулысымен .
5. Берiлген лицензиялар туралы мәлiметтер, сондай-ақ лицензиялардың қолданылуын тоқтату немесе доғару туралы шешiмдер тоқсан сайын мерзiмдi баспасөзде жарияланып тұрады.
2. Лицензиялау объектiлерi мен құрылымы,
лицензиялардың иелерi
6. Почта байланысы мен телекоммуникациялар саласындағы мынадай кәсiпкерлiк қызмет түрлерi лицензиялануға тиiс:
жергiлiктi телефон байланысы көрсететiн қызмет;
қалааралық телефон байланысы көрсететiн қызмет;
телеграф байланысы көрсететiн қызмет, абонеттiк телеграф желiлерi көрсететiн қызмет, Телекс;
деректер жеткiзу жөнiнде көрсетiлетiн қызмет;
телематикалық қызметтер ("Телетекс", "Бейнетекс", "Телемәтiн", "Телефакс", "Бюрофакс", "Бейнеконференцбайланыс") көрсететiн қызмет;
ұялық байланыс көрсететiн қызмет;
дербес байланыс көрсететiн қызмет;
жылжымалы радиотелефон байланысы көрсететiн қызмет;
жылжымалы радиобайланыс көрсететiн қызмет;
дербес радиошақыру көрсететiн қызмет;
бөлiнген байланыс желiлерi бойынша электр байланысы көрсететiн қызмет;
жерсерiгi байланыс желiлерi арқылы электр байланысы көрсететiн қызмет;
байланыс каналдарын жалға беру;
телевизия мен дыбысты бағдарламалардың эфирлiк трансляциясы бойынша көрсетiлетiн қызмет;
телевизиялық хабарлардың жерсерiгi жүйесi бойынша телевизия бағдарламаларының трансляция жөнiнен көрсетiлетiн қызмет;
кабельдiк теледидар желiсi бойынша телевизия бағдарламаларының трансляция жөнiнен көрсетiлетiн қызмет;
сымды хабарлар желiлерi бойынша дыбысты бағдарламалардың трансляциясы жөнiнен көрсетiлетiн қызмет;
жерсерiгi хабарлары жүйелерi бойынша дыбысты бағдарламалардың трансляциясы жөнiнен көрсетiлетiн қызмет;
почта жөнелтiлiмдерiн қабылдау, тасымалдау және жеткiзу жөнiнен көрсетiлетiн қызмет;
экспресс-почта көрсететiн қызмет;
жалпы республикалық магистральдық және халықаралық байланыс арналарын техникалық пайдалану;
телекоммуникациялардың магистральдық, аймақтық және жергiлiктi желiлерiн техникалық пайдалану;
жерсерiгi байланыс жүйелерiн техникалық пайдалану;
радио байланысы, радио хабарлары мен теледидар объектiлерiн техникалық пайдалану;
телеккомуникациялар саласындағы қызметке байланысты радиожиiлiгi спектрiн Халықаралық электр байланысы одағының Радио байланысы регламентiне және Қазақстан Республикасының Радиожиiлiгi жөнiндегi мемлекеттiк ведомствоаралық комиссиясының шешiмдерiне сәйкес пайдалану.
Байланыс қызметi - почта жөнелтiлiмдерiн немесе электр байланысы хабарламаларын қабылдау, өңдеу, сақтау, жөнелту және жеткiзу жөнiндегi қызметтiң нәтижесi.
Байланыс қызметiн көрсету телекоммуникациялар құралдарын техникалық пайдалану мен көрсетiлетiн қызметтi тұтынушылармен жұмысты жүзеге асыруды қамтиды.
Байланыс желiлерi мен жүйелерiн, теледидар мен радио хабарлары объектiлерiн жобалауды, салуды және жабдықтарын монтаждауды өтiнiш берушi Қазақстан Республикасының Құрылыс, тұрғын үй және аумақтарда құрылыс салу министрлiгi лицензиясының негiзiнде өздiгiнен немесе осындай жұмыстарды орындауға лицензиясы бар басқа заңды тұлғамен жасалған шарттың негiзiнде жүзеге асырады.
7. Мына қызметтер:
мемлекеттiк басқару, қорғаныс, қауiпсiздiк пен құқық тәртiбi мақсатында ғана айырықша байланыс қызметiн көрсету жөнiндегi;
iшкi өндiрiстiк қызмет пен технологиялық процестердi басқаруға арналған жалпы пайдаланымдағы байланыс желiсiне шықпайтын және радио жиiлiгi аясын пайдаланбайтын iшкi өндiрiстiк және технологиялық мақсаттағы желiлердi құру мен пайдалану жөнiндегi;
курьерлiк қызмет көрсету жөнiндегi;
ведомстволық желiлердiң, егер олар "үшiншi тұлғаларға" байланыс қызметiн көрсетпей, заңды тұлғаның өзiнiң ғана мұқтаждарын қанағаттандыруға арналған болса, жергiлiктi телефон байланысы (радиожиiлiгi спектрiн пайдаланусыз) көрсететiн қызмет жөнiндегi;
мемлекет монополиясына жатқызылған қызметтер лицензияланбайды.
8. Лицензия (патент) оның иесiнiң белгiлi бiр аумақтың шекарасында көрсетiлген мақсатында сәйкес лицензияда айтылған талаптар мен шарттарды сақтай отырып, белгiленген мерзiмнiң iшiнде почта байланысы мен телекоммуникациялар саласындағы кәсiпкерлiк қызметтi жүзеге асыру құқығын куәландыратын құжат болып табылады.
9. Телекоммукациялар саласындағы радиожиiлiгi спектрi пайдаланылатын қызметтi, сондай-ақ радио байланысы, радио хабарлары мен теледидар саласындағы байланыс жөнiндегi кәсiпкерлiк қызметтi жүзеге асырған кезде лицензиат қызметтi жүзеге асыруға деген лицензиямен қатар радиожиiлiгi сепктрiн пайдалануға рұқсат (рұқсаттар) аулға мiндеттi, бұлар лицензияның ("Лицензиялау туралы" Қазақстан Республикасы Президентiнiң Жарлығының 7-бабының 1-тармағына сәйкес) ажырағысыз қосымшасы болып табылады.
10. Радиожиiлiгi спектрiн пайдалануға алынған рұқсат оның иесiнiң техникалық құралдарына бекiтiлiп берiлген жиiлiк телiнiмдерiн (аталған жиiлiктердi) пайдалануға құқығын куәландыратын құжат болып табылады.
11. Лицензия (патент) лицензиаттың почта байланысы мен телекоммуникациялар саласындағы нақтылы кәсiпкерлiк қызмет түрiн жүзеге асыруға құқығын заң жүзiнде бекемдейдi және ол басқа заңды немесе жеке тұлғаға берiлуге тиiс емес. Аталған ереже сондай-ақ радиожиiлiгi спектрiн пайдалану жөнiндегi рұқсатқа да қолданылады. Лицензияның күшi лицензиатпен шарттық қатынастармен байланысты үшiншi тұлғаларға қолданылмайды.
12. Қызмет (жұмыс) түрiне қарай берiлетiн лицензиялардың санын лицензиялау құрылымына сәйкес (1-қосымша) лицензиялардың өзi анықтайды. Саны жөнiнен шектеулер радиожиiлiгi ресурстарының, қалааралық/халықаралық телефон байланысы кодтарының, телекоммуникациялар желiлерi телефон нөмiрлерiнiң жетiмсiздiгiне байланысты болуы мүмкiн.
13. Кәсiпкерлiк қызметтiң әрбiр түрiне жеке лицензия (патент) берiледi, ол басқа қызмет түрлерiне пайдаланылуға тиiс емес.
Кәсiпкерлiк қызмет көрсету жөнiндегi жұмыстың бiрнеше түрiн жүргiзуге, егер олар өтiнiш берушiнiң қарауындағы байланыс жабдықтарының бiртұтас технологиялық кешенi арқылы атқарылатын болса, бiр лицензия берiлуi мүмкiн.
3. Лицензиялардың қолданылу мерзiмi
14. Лицензиялардың қолданылу мерзiмiн қызмет түрiне қарай лицензиар белгiлейдi:
лицензиаттың iрi күрделi салымдарын және өзiн ақтаудың ұзақ мерзiмiн талап ететiн телекоммуникациялық желiлердi салуы мен пайдалануына байланысты болатын негiзгi электр байланысы (жергiлiктi, қалааралық және халықаралық телефон мен телеграф байланысы) қызметiн, тиiстi ұлттық желiлердiң деректер беру қызметiн көрсету жөнiндегi кәсiпкерлiк жұмысты жүзеге асыруға - он бес жыл;
республиканың бүкiл аумағында ұялық немесе дербес байланыс қызметiн көрсету жөнiнде кәсiпкерлiк жұмысты жүзеге асыруға - он бес жыл;
байланыстың тиiстi аймақтық және жергiлiктi желiлерi, бөлiнген және жер серiгi желiлерiмен негiзгi электр байланысы қызметiн көрсету жөнiндегi жұмысты жүзеге асыруға - он жыл;
телематикалық қызметтi, жылжымалы радио және радио телефон байланысы, дербес радиошақыру қызметiн, байланыстың ұлттық желiлерiмен, бөлiнген және жер серiгi желiлерiмен байланыс каналдарын жалға беру қызметiн көрсету жөнiндегi жұмысты жүзеге асыруға - он жыл;
тиiстi аймақтық және жергiлiктi желiлердiң (желiлердiң сыйымдылығы 5000 және одан кем нөмiрлi, байланыс арналары бойынша 120 және одан кем каналдар) алдыңғы абзацта көрсетiлген қызметтердi көрсету жөнiндегi кәсiпкерлiк жұмысты жүзеге асыруға - бес жыл.
Почта байланысы көрсететiн қызмет жөнiндегi кәсiпкерлiк жұмысты жүзеге асыруға - бес жыл;
радио байланысы, радио хабарлары мен теледидар саласындағы кәсiпкерлiк байланыс қызметiн жүзеге асыруға - үш жыл;
байланыс құралдары мен желiлерiн және радио байланысы, радио хабарлары мен теледидар объектiлерiн техникалық пайдалануды жүзеге асыруға - үш жыл мерзiм белгiленедi.
15. Радиожиiлiгi спектрiн пайдаланып, телекоммуникациялық қызмет көрсетуге лицензия (патент) алынған жағдайда, жиiлiк телiнiмдерiн пайдалануға рұқсат қызмет көрсетуге алынған лицензияның (патенттiң) қолданылу мерзiмiнiң соңына дейiн оларды келесi жарты жылға ұдайы ұзартып отыру арқылы алты айға берiледi (осы Ереженiң 9-тармағы).
4. Лицензиялардың мазмұны
16. Лицензия (патент) белгiленген нысан бойынша берiледi және онда лицензиар белгiлеген бiрқатар мiндеттi шарттар көрсетiледi.
17. Лицензияның мiндеттi шарттарына:
коммутациялық жабдықтардың құрамында Қазақстан Республикасының қолданылып жүрген заңдарына сәйкес арнаулы жедел iздестiру iс-шараларын жүргiзудiң техникалық құралдары жүйесiнiң болуы;
онда қолданылатын жабдықтың үлгiлерi, жабдық пайдаланыла бастаған сәтте сәйкестiк сертификаттарының болуы жөнiндегi мiндеттемелер көрсетiлген жұмыстардың көлемi (желiлердiң сыйымдылығы);
егер лицензиат осы қызмет түрiнiң нарығында монополистiк жағдайда тұрған болса, онда байланыс қызметiне арналған тарифтер жөнiндегi лицензиармен келiсiмi;
лицензиаттың қызметiн тұтынушылары алдындағы өзiнiң мiндеттемелерi бойынша жауапкершiлiгi;
саланың ерекшелiгiнен туындайтын талаптар, атап айтқанда:
жабдықтардың құрамында Қазақстан Республикасының қолданылып жүрген заңнамасына сәйкес жедел-іздестіру іс-шараларын жүргізуді қамтамасыз ететін сертификатталған ақпараттық-бағдарламалық және техникалық құралдардың болуы;
лицензиаттың техникалық құралдарына жиiлiк телiнiмдерiн бекiтiп беру (радио жиiлiгi спектрiн пайдалануға рұқсаттар алу) тәртiбi туралы;
лицензиаттың желiсiн республиканың жалпы пайдаланымдағы байланыс желiлерiне, басқа мемлекеттердiң байланыс желiлерiне қосу тәртiбi туралы;
халықаралық байланыс (трафик) қызмет көрсетулерінің уәкілетті орган жүзеге асыратын есептеу жүйесі арқылы міндетті бағыттандыру туралы;
қалааралық және халықаралық графиктердi өткiзу, телефон кодтарын, нөмiрлемелерiн және т.б. пайдалану тәртiбi туралы;
әр түрлi желiлердiң операторлары арасында өзара есеп айырысудың тәртiбi туралы талаптар кiредi.
Лицензияда сонымен қатар жүзеге асыру үшiн лицензия алынып отырған қызмет түрiне байланысты басқа да шарттардың қойылуы мүмкiн.
ЕСКЕРТУ. 17-тармақ 8-абзацпен толықтырылды - ҚР Үкіметінің
1999.11.25. N 1787 қаулысымен .
ЕСКЕРТУ. 17-тармақ абзацпен толықтырылды - ҚР Үкіметінің
1999.12.20. N 1937 қаулысымен .
ЕСКЕРТУ. 17-тармақ абзацпен толықтырылды - ҚР Үкіметінің
2001.08.07. N 1081 қаулысымен .
18. Лицензиардың ұлттық қауіпсіздік мүддесінен, жедел-іздестіру шараларынан туындайтын, сондай-ақ телекоммуникациялар желiлерiнде пайдаланудың жаңа стандарттары, нормалары мен ережелерi енгiзiлуiне байланысты лицензияға өзгерiстер енгiзуге құқығы бар. Лицензияға өзгерiстер енгiзудiң тәртiбi лицензиар өзгерiстер енгiзу ниетi туралы лицензиатты жазбаша түрде құлақтандырғаннан кейiн онымен келiсiледi.
Лицензияға енгiзiлген оның ажырағысыз қосымшасы болып табылатын өзгерiстерге Қазақстан Республикасы Ақпараттандыру және байланыс жөнiндегi агенттiгiнiң төрағасы қол қояды. <*>
ЕСКЕРТУ. 18-тармақ өзгерді - ҚР Үкіметінің 1999.09.08. N 1334
қаулысымен .
ЕСКЕРТУ. 18-тармақ өзгерді - ҚР Үкіметінің 2000.11.03. N 1665
қаулысымен .
ЕСКЕРТУ. 18-тармақ өзгерді - ҚР Үкіметінің 2001.08.07. N 1081
қаулысымен .
ЕСКЕРТУ. 18-тармақ өзгерді - ҚР Үкіметінің 2003.07.22. N 724 қаулысымен .
5. Лицензиялар берудiң тәртiбi мен шарттары
19. Почта байланысы мен телекоммуникациялар саласындағы кәсiпкерлiк қызметтi жүзеге асыру, радио жиiлiгi спектрiн пайдалану құқығына лицензия (патент) бiлiктiлiк деңгейi қойылатын талаптарға сай келетiн заңды немесе жеке тұлғаға берiледi.
20. Лицензия (патент) алу үшiн заңды және жеке тұлғалар лицензиялық органға мынадай құжаттар:
Қазақстан Республикасының Үкiметi бекiткен нысан бойынша өтiнiшiн;
қызметiнiң негiзгi түрiнiң бiрi ретiнде почта байланысы мен телекоммуникациялар саласындағы қызметi атап көрсетiлген мемлекеттiк тiркеу туралы куәлiктiң көшiрмесiн;
радио хабарлары мен теледидар саласындағы байланыс жөнiндегi қызметке өтiнiш берiлген ретте, егер трансляция жасалатын бағдарламалар өтiнiш берушiнiң өз күшiмен әзiрленетiн болса, онда бұқаралық ақпарат құралы мекемесiн мемлекеттік тiркеу туралы куәлiктiң көшiрмесiн;
лицензияланатын қызмет қойылатын бiлiктiлiк талаптарына (2-қосымша) сәйкес жасалған iшiнде техникалық ұсыныстары бар түсiндiрме жазбаны тапсырады.
21. Радиожиiлiгi спектрiн пайдалануға рұқсатты ресiмдеу үшiн өтiнiш берушi (лицензиат) санитарлық қадағалаудың радио электрондық тарату қондырғыларын осы орынға орналастырудың қауiпсiздiгi туралы берген қорытындысын тапсыруға мiндеттi.
22. Шетел теле және радио станциялары бағдарламаларының Қазақстан Республикасының аумағына немесе Қазақстан Республикасының аумағынан үшiншi елдерге трансляциясын (ретрансляциясын) жүргiзу үшiн техникалық құралдардың берiлуiне лицензия алуға өтiнiш жасалған ретте халықаралық келiсiмдердiң талаптарына сәйкес қосымша мәлiметтер мен құжаттар тапсырылады.
23. Өтiнiш пен оған қоса берiлетiн құжаттарды лицензиар тiркейдi, өтiнiш иесiне оның тiркеу нөмiрi мен тiркелген мерзiмi жазбаша хабарланады.
24. Өтiнiштер:
оны мемлекеттiң монополиясына жатқызылған қызмет түрлерiне берген;
20-24-тармақтарға сәйкес талап етiлген құжаттарды ұсынбаған жағдайларда қарауға қабылданбайды.
25. Өтiнiш пен оған қоса берiлген құжаттарды лицензиар алқалы түрде (арнайы құрылған лицензиялық комиссиямен) бiр айдың iшiнде қарайды, содан кейiн өтiнiш иесiне ол лицензиялық алымын төлегеннен кейiн өзi сұраған кәсiпкерлiк қызмет түрiн жүзеге асыруға лицензия (патент) бередi немесе жазбаша түрде дәлелдеп бас тартады.
26. Егер радиожиiлiгi спектрiн пайдалануға байланысты кәсiпкерлiк қызмет түрiн жүзеге асыру үшiн бiр жиiлiк телiнiмiн бекiтiп беру талап етiлсе, онда радио жиiлiгiн пайдалануға деген рұқсат қызмет етуге арналған лицензиямен бiр мезгiлде берiлуi мүмкiн. Ал басқа жағдайларда осындай лицензия алынғаннан кейiн ғана берiледi ("Лицензиялау туралы" Қазақстан Республикасы Президентi Жарлығының 7-бабының 1-тармағы).
27. Өтiнiш материалдарына техникалық сараптама жүргiзу, халықаралық үйлестiру немесе жиiлiктi iрiктеу кезiнде (Электр байланысы Халықаралық одағының Радио байланысы регламентiне сәйкес) басқа радио қызметтерi жағынан кедергiлердi болдырмау қажеттiгiне байланысты басқа да мүдделi тараптармен iс-қимылды үйлестiру қажет болса, өтiнiштi қарау мерзiмi өтiнiш иесiмен келiсiм бойынша ұзартылуы, бiрақ екi айдан аспайтын мерзiмге ғана ұзартылуы мүмкiн.
Сараптама жүргiзуге, радиожиiлiгiн iрiктеуге және электр магниттiк қабысымды есептеуге байланысты шығыстардың төлемiн өтiнiш иесi жасайды.
Өтiнiш иесi сараптама жүргiзу үшiн лицензиар тағайындаған фирмалардан (немесе нақтылы мамандардан), егер олардың құзырлылығы мен әдiлдiгiне күмән келтiрсе, бас тартуға және басқалардың шақырылуын талап етуге хақылы.
28. Лицензияларды және рұқсаттарды беру, егер:
бiр аймақта қызметтiң бiр ғана түрiне техникалық тұрғыдан iске асыру мүмкiндiгiнен көп өтiнiш берiлсе;
радиожиiлiгi спектрiнiң экономикалық жағынан неғұрлым тиiмдi аралықтарын пайдалануға байланысты жаңа байланыс қызметiн енгiзу ұсынылса, конкурстық негiзде өткiзiлуi мүмкiн.
Конкурстарды өткiзудiң тәртiбi мен шарттары Конкурстар өткiзу тәртiбi туралы ережеде (3-қосымша) айқындалып отыр.
Конкурсқа бiр ғана өтiнiш түскен ретте лицензияның жарияланған конкурс шарттарының негiзiнде берiлуi мүмкiн.
29. Сараптама жүргiзу үшiн лицензиардың ғылыми - зерттеу және оқу орындарының, консалтинг фирмаларының мамандарын, сондай-ақ тәуелсiз сарапшыларды шақыруға құқығы бар.
6. Лицензия беруден бас тарту
30. Лицензия (патент) беруден бас тарту мынадай себептер бойынша:
өтiнiш берушi бiлiктiлiктiң өтiнiш берушi мен қызметтiң осы түрi үшiн белгiленген талаптарына сай келмеген;
өтiнiш берушiге қатысты оған қызметтiң осы түрiмен шұғылдануға тыйым салатын сот шешiмi болған жағдайларда;
радиожиiлiгiнiң, телефон кодтарының жоқтығына, Қазақстан Республикасының заң актiлерiнде көзделген қуаттар және телевизия мен радио хабарлары станцияларының орналасуы жөнiндегi шектеулерге байланысты қызмет түрiн техникалық тұрғыдан жүзеге асыру мүмкiн болмаған жағдайларда;
конкурс нәтижелерi бойынша;
өтiнiш иесi лицензия алғаны үшiн ақы төлемеген жағдайда жүргiзiледi.
7. Лицензияның (патенттiң) қолданылуын тоқтату, доғару
және оны керi қайтарып алу
31. Лицензиар лицензияның (патенттiң) қолданылуын мынадай жағдайларда:
берiлген өтiнiшке сәйкес лицензияда белгiленген мезгiлден бастап үш айдың iшiнде қызмет көрсетiлмеген;
лицензия үшiн төлемi жөнiнен немесе радиожиiлiгiн пайдаланғаны үшiн бiр айдан асатын мерзiмге берешегi болған;
тұтынушыларға көрсетiлетiн қызметтiң сапасы туралы жаңсақ ақпарат берiлген;
белгiленген техникалық пайдалану нормалары, ережелерi мен көрсетiлетiн қызметтiң сапасы сақталмаған;
қызметке лицензиар немесе ол уәкiлдiк берген орган жүргiзген тексерiстiң нәтижесiнде лицензия шарттарының бұзылғаны анықталған;
лицензиаттың қызметiне баға беру үшiн қажеттi мәлiметтердi лицензиарға беруден бас тартқан жағдайларда алты айға дейiнгi мерзiмге тоқтатуға хақылы.
Тоқтатылған уақыты лицензия қолданылатын жалпы мерзiмге кiредi.
32. Берiлген лицензияның қолданылуы мынадай жағдайларда: лицензия (патент) берiлген мерзiм өткен;
лицензия (патент) берiлген азамат кәсiпкерлiк қызметiн тоқтатқан, заңды тұлға қайта ұйымдастырылған немесе таратылған;
лицензиат қызметiн тоқтататыны жайында өтiнiш берген;
лицензия қайтарып алынған жағдайларда доғарылады.
33. Лицензия (патент) мынадай жағдайларда:
иесi лицензияда көзделмеген қызмет жүргiзген;
монополияға қарсы заңдарды бұзуына байланысты уәкiлдi органдар ұсыныс берген;
лицензиатқа бекiтiлiп берiлген радиожиiлiгiн басқа тұтынушыларға уақытша немесе тұрақты пайдалануға берген;
лицензияның қолданылуын тоқтатуға әкелiп соққан себептердi белгiленген мерзiмiнде түземеген жағдайларда сот тәртiбiмен қайтарып алынуы мүмкiн.
34. Лицензияның қолданылуы тоқтатылған жағдайда оның берiлгенi үшiн төленген алым қайтарылмайды.
35. Лицензияның (патенттiң) қолданылуы тоқтатылғаны туралы лицензиар (лицензиялық комиссия) осындай шешiм қабылданғаннан кейiн бiр апта мерзiм iшiнде оның иесiне себептерiн көрсетiп, жазбаша түрде хабарлайды.
Лицензиаттың атына жолданатын жазбаша құлақтандыруға Қазақстан Республикасы Ақпараттандыру және байланыс жөнiндегi агенттiгiнiң төрағасы қол қояды. <*>
ЕСКЕРТУ. 35-тармақ өзгерді - ҚР Үкіметінің 1999.09.08. N 1334
қаулысымен .
ЕСКЕРТУ. 35-тармақ өзгерді - ҚР Үкіметінің 2000.11.03. N 1665
қаулысымен .
ЕСКЕРТУ. 35-тармақ өзгерді - ҚР Үкіметінің 2003.07.22. N 724 қаулысымен .
8. Лицензиаттардың құқықтары мен мiндеттерi
36. Лицензиялар (патенттер) иелерiнiң:
көрсететiн байланыс қызметiне (тарифтерiн Қазақстан Республикасы Үкiметi реттейтiн қызметтен басқаларына) еркiн баға белгiлеуге;
егер конкурс шарттарында өзгеше көзделмеген болса, басқа лицензиаттармен бiрдей (техникалық және коммерциялық) жағдайлар бойынша жалпы пайдаланымдағы байланыс желiлерiне қосылуға;
почта байланысы мен телекоммуникациялар саласындағы әртүрлi кәсiпкерлiк қызмет түрлерiне бiрнеше лицензия алуға;
басқа лицензиаттармен арадағы дауларды шешу үшiн лицензиялық органға жүгiнуге;
лицензиялардың қолданылуын тоқтату немесе доғару мәселелерi жөнiндегi барлық материалдармен танысуға, сондай-ақ лицензиар бұл материалдарды қараған кезде қатысып отыруға құқығы бар.
37. Лицензиаттар сонымен қатар лицензияда (патент) көзделген әрi Қазақстан Республикасының заңдарына қайшы келмейтiн барлық құқықтарды иеленедi.
38. Лицензиялардың (патенттердiң) иелерi:
лицензияның (патенттiң) барлық талаптары мен шарттарының сақталуын;
Қазақстан Республикасының заңдары талаптарының, жүйелердi, желiлердi техникалық пайдалану мен қызмет көрсетудiң белгiленген стандарттарының, нормаларының, ережелерiнiң сақталуын; сертификацияланған жабдықтың қолданылуын;
халыққа көрсетiлетiн почта және телекоммуникациялық қызмет тарифтерiнiң жариялануын;
телефон, телеграф және өзге хабарламалардың құпиялылығын;
лицензиялық органның сұрау салуы бойынша лицензияланатын қызметке байланысты статистикалық және анықтамалық деректердiң, басқа да мәлiметтердiң берiлуiн;
лицензия үшiн және радио жиiлiгi спектрiн пайдаланғаны үшiн төлемдердiң уақтылы әрi дұрыс енгiзiлуiн;
техникалық құралдардың жұмысына бақылау жасау үшiн олардың лицензиарға немесе оның уәкiлдiк берген адамдарына ашық болуын;
көрсетiлетiн қызметтiң, соның iшiнде негiзгi электр байланысы қызметiнiң сапасына тәулiгiне 24 сағат бойы кепiлдiк беру арқылы тұтынушылар құқығының қорғалуын;
жалпы пайдаланымдағы байланыс желiлерiне жалғанатын желiлер абоненттерiнiң тiзiмi берiлген анықтамалықтардың шығарылуын;
төтенше жағдайларда желiлердiң мемлекеттiк органдардың қарауына берiлуiн қамтамасыз етуге мiндеттi.
39. Лицензиялардың (патенттердiң) иелерi Қазақстан Республикасының заңдарына сәйкес лицензияларға (патенттерге) енгiзiлген талаптардың сақталуы үшiн жауап бередi.
9. Лицензия (патент) берiлгенi үшiн алынатын ақы
40. Лицензиаттар жыл сайын "Салық және бюджетке төленетiн басқа да мiндеттi төлемдер туралы" Қазақстан Республикасы Президентiнiң 1995 жылғы 24 сәуiрдегi N 2235 Заң күшi бар Жарлығына және Қазақстан Республикасы Министрлер Кабинетiнiң 1995 жылғы 16 тамыздағы N 1127 қаулысымен бекiтiлген Жекелеген қызмет түрлерiмен шұғылдану құқығы үшiн лицензиялық алым төлеу тәртiбi туралы ережеге сәйкес лицензия алған кезде алғашқы рет алым төлеген кезден бастап он екi айлық кезең өткеннен кейiн лицензиялық алым төлеп отырады.
Төлем тапсырыстарының көшiрмелерi лицензиарға табысталады.
41. Лицензияны (патенттi) жоғалтқан (жоғалған, жойылған және т.б.) ретте "дубликат" белгiсi соғылған жаңа лицензия (патент) берiледi. Берiлген "дубликат" үшiн лицензиат лицензияның берiлгенi үшiн алынған соманың 50 процентi мөлшерiнде ақы төлейдi.
42. Лицензия (патент) немесе "дубликат" алу үшiн өтiнiш берушi төлем құжаттарының көшiрмелерiн көрсетуге тиiс.
10. Лицензиялар (патенттер) шарттарының сақталуын
бақылау
43. Лицензиар лицензиялар бланктерiнiң сатып алынуын, есепке алынуын және сақталуын, сондай-ақ лицензиялар (патенттер) шарттарын олардың иелерiнiң орындауына бақылау жасалуын жүзеге асырады.
44. Лицензиаттардың лицензиялық шарттарды сақтауын бақылауды лицензиар жүзеге асырады.
ЕСКЕРТУ. 44-тармақ жаңа редакцияда - ҚРҮ-нің 1998.12.23. N 1322 қаулысымен .
ЕСКЕРТУ. 44-тармақ жаңа редакцияда - ҚР Үкіметінің 1999.09.08. N 1334 қаулысымен .
45. Жоспарлы тексерiстердi жүргiзу мерзiмi технологиялық процестерде материалдық залал шегуге әкелiп соғуы мүмкiн ерiксiз iркiлiстер мен үзiлiстерге жол бермеу мақсатында лицензиаттармен келiсiледi.
46. Тексерiстердiң нәтижесi бойынша жасалған осындай ұсыныстардың негiзiнде лицензияның (патенттiң) қолданылуын тоқтату туралы немесе лицензияны керi қайтарып алу жөнiнде талап қою туралы шешiмдi лицензиар қабылдайды. Патент лицензиардың талап қоюы бойынша сот тәртiбiмен ғана қайтарып алынады.
47. Лицензиаттар өздерi қызмет көрсететiн тұтынушыларының шағымдары бойынша, егер олардың құқықтарының бұзылу фактiсi анықталатын болса, онда өз жұмыстарына жүргiзiлген тексерiстерге байланысты шығыстарды да өтейтiн болады.
Басқа жағдайларда шығыстарды тексерiстерге бастамашы болғандардың өздерi өтейдi.
11. Дауларды шешу
48. Егер лицензия (патент) белгiленген мерзiмiнде берiлмесе немесе оны беруден бас тарту өтiнiш берушiге негiзсiз болып көрiнсе, мұндай жағдайда оның бұл iс-әрекетке бiр ай мерзiмде сот тәртiбiмен шағым жасауға құқығы бар.
Лицензиат сонымен қатар лицензиардың лицензияның қолданылуын тоқтату немесе оған жаңа шарттар енгiзу жөнiндегi iс-әрекетiне де сот тәртiбiмен шағым жасауға хақылы.
49. Лицензия (патент) беруден негiзсiз бас тартқаны, өтiнiштердi қарау мерзiмiн бұзғаны, лицензиялардың (патенттердiң) қолданылуын негiзсiз тоқтатқаны, лицензиаттардың қызметiн тексеру кезiнде алынған коммерциялық құпия болып табылатын мәлiметтердi жария еткенi үшiн лицензиар Қазақстан Республикасының қолданылып жүрген заңдарында белгiленген тәртiппен жауап бередi.
50. Лицензия беруден негiзсiз бас тартуға немесе лицензиаттың құқығын бұзуға байланысты келтiрiлген шығындарды өтеу Қазақстан Республикасының азаматтық заңдарында белгiленген тәртiппен жүзеге асырылады.
1-ҚОСЫМША
Қазақстан Республикасының аумағында почта байланысы мен
телекоммуникациялар саласындағы кәсiпкерлiк қызметтi
лицензиялау
ҚҰРЫЛЫМЫ
Мемлекет монополиясына жатқызылған қызмет түрлерi
1. Төзiмдiлiгi жоғары желiлердi жобалау, салу және пайдалану.
2. Радио байланысының ҚТ-ды магистралдық техникалық құралдарын пайдалану.
3. Почта төлемдерiнiң белгiлерiн шығару.
4. Фельдъегерлiк байланыс пен арнаулы байланыс көрсететiн қызмет.
Жоғарыда аталған қызмет түрлерiне монополияны сақтап қалу мемлекет мүдделерiн қорғау мақсаты үшiн қажет.
Шектеулi бәсекелестiк секторы
1. Жалпы пайдаланымдағы желiлер абоненттерiне қалааралық және халықаралық телефон байланысы көрсететiн қызмет.
2. Жалпы пайдаланымдағы желiлердiң телеграф байланысы, телеграфтiк абоненттiк желiлерi, "Телекс" көрсететiн қызмет.
3. Мемлекеттiк хабарлар бағдарламаларын таратуға арналған радио байланысы, радио хабарлары мен теледидардың техникалық құралдарын пайдалану.
4. Деректер берiлiмi көрсететiн қызмет.
5. Телематикалық қызметтер көрсететiн қызмет.
6. Ұялық байланыс көрсететiн қызмет.
7. Дербес байланыс көрсететiн қызмет.
8. Бөлiнген байланыс желiлерi бойынша электр байланысы көрсететiн қызмет.
9. Жерсерiгi байланыс жүйелерi арқылы электр байланысы көрсететiн қызмет.
10. Байланыс каналдарын жалға беру.
11. Жерсерiгi хабарлары жүйесi бойынша телевизия мен дыбысты бағдарламалар трансляциясы жөнiнен көрсетiлетiн қызмет.
12. Телевизия мен дыбысты бағдарламалардың эфирлiк трансляциясы бойынша көрсетiлетiн қызмет.
13. Республиканың немесе бiрнеше облыстардың аумағында почта жөнелтiлiмдерiн қабылдау, тасымалдау және жеткiзу жөнiнен көрсетiлетiн қызмет.
14. Экспресс-почта көрсететiн қызмет.
15. Жалпы республикалық магистральдық және халықаралық байланыс арналарын пайдалану.
16. Магистральдық байланыс желiлерiн техникалық пайдалану.
17. Жерсерiгi байланыс жүйелерiн техникалық пайдалану.
Лицензиялар облыс аумағына да, сондай-ақ бүкiл республика аумағына да берiледi. Лицензиялар саны Халықаралық электр байланысы одағы Қазақстан Республикасына бекiтiп берген бос халықаралық кодтардың, орбитадағы жерсерiктерi сегменттерi бос сыйымдылығының болу-болмауына және Республика аумағында енгiзу үшiн қабылданған техникалық стандарттардың талаптарына, бос радио жиiлiгiнiң болу-болмауына және т.б. байланысты шектелуi мүмкiн.
Еркiн бәсекелестiк секторы
1. Жергiлiктi телефон байланысы көрсететiн қызмет.
2. Жылжымалы радиотелефон (ұялық және дербестен басқа) байланысы көрсететiн қызмет.
3. Жылжымалы радио байланысы көрсететiн қызмет.
4. Дербес радиошақыру көрсететiн қызмет.
5. Кабельдiк теледидар желiсi бойынша телевизиялық бағдарламалар трансляциясы жөнiнен көрсетiлетiн қызмет.
6. Бiр облыстың аумағында почта жөнелтiлiмдерiн қабылдау, тасымалдау және жеткiзу жөнiнен көрсетiлетiн қызмет.
7. Телекоммуникациялардың аумақтық және жергiлiктi желiлерiн техникалық пайдалану.
8. Радио байланысы, радио хабарлары мен теледидар объектiлерiн техникалық пайдалану.
Лицензия бiр облыстың аумағына ғана берiледi. Белгiлi бiр қызмет түрiн бiрнеше облыстық аумағында жүзеге асырғысы келетiн өтiнiш берушi лицензиялардың тиiстi санын алады.
2-ҚОСЫМША
Почта байланысы мен телекоммуникациялар саласында
бiлiктiлiк талаптары жөнiнен мәлiметтер беру
ТӘРТIБI
1. Кәсiпкерлiк қызметпен шұғылдану құқығына лицензия сұраушы субъектiге байланысты
Өтiнiш берушi өзi туралы iшiнде мынадай ақпарат бар мәлiметтер беруге тиiс:
өтiнiш берушiнiң жалпы сипаттамасы - атауы, ұйымдық нысаны, қызметiнiң негiзгi түрлерi;
өтiнiш берiлген байланыс қызметi саласындағы бұрынғы жұмысының тәжiрибесi мен ауқымы;
өтiнiш берiлген қызмет түрi жөнiндегi кәсiпорында iстейтiн қызметкерлердiң саны, олардың бiлiктiлiгi ("байланыс" саласының бейiнi бойынша жоғары немесе арнаулы орта бiлiмi жөнiндегi дипломдарына қарай, бiлiктiгiне сәйкес кемiнде үш жыл жұмыс стажы бар), лицензияланатын қызмет түрiнiң, көрсетiлетiн қызметтiң сапалы әрi қауiпсiз жүзеге асырылуын қамтамасыз ету жөнiндегi талаптарға сәйкестiгi;
телекоммуникациялар құралдарын құруға немесе дамытуға арналған инвестиция көздерi (өз қаражаты, бюджет есебiнен қаржыландыру, Үкiметтiң кепiлдiгiмен немесе кепiлдiгiнсiз берiлген банк кредиттерi, акциялар шығару мен сату және т.б.);
техникалық құралдарды иелену, қолдану және пайдалану құқықтары (толығымен өтiнiш берушiнiң өзiнiкi, басқа заңды тұлғалармен ортағы, толығымен басқа заңды тұлғалардiкi - жалға алу құқығымен пайдалану);
көрсетiлетiн қызметтi тұтынушылармен арадағы өзара қарымқатынастары бойынша дербестiгiнiң дәрежесi (дербес жүзеге асырылады немесе делдалдар - "қызмет ұсынушылар" талап етiледi, не болмаса өтiнiш берушiнiң өзi басқа заңды тұлғаның делдалы болып табылады);
телекоммуникация құралдарын пайдаланудағы дербестiгiнiң дәрежесi.
2. Лицензияланатын қызмет түрлерiне байланысты
Өтiнiш берушi лицензия сұралып отырған қызмет түрi бойынша лицензиардың қарауына техникалық ұсыныстар бередi.
Техникалық ұсыныстар лицензиаттың пайдаланушыларға байланыс қызметiн көрсету жөнiндегi жұмысты ұйымдастыруы жайында толық әрi айқын мағлұмат беруге тиiс.
Техникалық ұсыныстардың құрамы мен мазмұны:
1. Құрылатын желiнiң атауы, көрсетiлетiн қызмет жөнiндегi жұмыстың қандай шешiмдердiң негiзiнде жүзеге асырылатыны (директорлар кеңесiнiң, акционерлер жиналысының шешiмi, әкiмшiлiктiң тапсырмасы және т.б.).
2. Көрсетiлетiн қызмет жүзеге асырылатын аумақ, құру және/немесе даму кезеңдерi бойынша және Қазақстан Республикасының әкiмшiлiк - аумақтық бөлiнiсiне телу арқылы.
3. Көрсетiлетiн қызметке сұраныстың бағасы, бұл қызметтердiң бәсекеге қабiлеттiгiнiң болжамы.
4. Негiзгi техникалық шешiмдер:
желiнiң сыйымдылығы, соның iшiнде құру және/немесе даму кезеңдер бойынша, күтiлетiн график;
таңдап алынған жабдық үлгiлерi (коммутациялық, түйiсу арналарындағы берiлiс жүйелерi, абонент учаскесiндегi арналардың үлгiлерi, қосарластық аппаратурасы, терминалдық жабдық және т.б.), өндiрушi фирмалар, Қазақстан Республикасының Мемлекеттiк сертификаттау жүйесiнде танылған сәйкестiк сертификаттарының болуы; радио құралдарын пайдаланған кезде - жиiлiк телiнiмiн алу қажет болатын жабдықтың тiзбесiн көрсету;
телефонмен сөйлесу құнын уақыты бойынша есептеу аппаратурасын, нөмiрдi анықтау аппаратурасын пайдалану (жергiлiктi телефон байланысы үшiн);
әкiмшiлiк пункттерi мен желiнi құру кезеңдерiне телiгенде байланысты ұйымдастыру схемасы, қажеттi түсiнiктемелерiмен қоса;
Қазақстан аумағындағы жалпы пайдаланымдағы байланыс желiлерiмен, басқа да байланыс желiлерiмен өзара iс-қимыл;
станциялар аралық түйiлiстердi ұйымдастыру тәсiлдерi (өтiнiш берушiнiң байланыс желiсiнiң өз құралдары бойынша, басқа желiлердiң жалға алынған қаналдары бойынша нақтылы техникалық құралдары қоса көрсетiледi);
өтiнiш берушi желiсiнiң шетел байланыс желiсiне (халықаралық байланыс үшiн), байланыс компаниялары-операторларына шығуын ұйымдастырудың тәсiлi. Ынтымақтастықтың мүмкiндiктерiн қуаттайтын ниет жайлы хаттамалардың немесе басқа құжаттардың көшiрмелерiн қоса беру. Шетелдiк әрiптестердiң желiлерiмен байланысты ұйымдастыру үшiн пайдаланылатын техникалық құралдар, өзара iс-қимыл жасаушы әрiптестердiң желiлерi арқылы үшiншi елдерге асу мүмкiндiгi;
жергiлiктi, қалааралық, халықаралық байланыстың кiруi мен шығуын ұйымдастырған кезде нөмiрленуi көрсетiлген нөмiрлеу жоспары, Қалааралық және/немесе iшкi аймақтық кодтарды бөлу қажеттiгi. Нөмiрлеу жоспарлары және бөлiнген желiлер үшiн кодтарды бөлу қажеттiгi;
өтiнiш берушiнiң желiсiнде бiр абонентке түсетiн жоспарлы жүктеме;
ұжымдық пайдаланым пункттерi мен таксофондарды пайдалану;
метрологиялық қамтамасыз ету;
тұтынушыларға көрсетiлетiн қызметтiң, желi жұмысының сапалық кепiлдi көрсеткiштерi (жалғауды күту уақыты, мейлiнше ауыр жүктеме түсетiн сағаттардағы бас тарту процентi, зақымдануларды жоюға жұмсалатын орташа уақыт және т.б.);
басқару мен пайдалану жүйелерiн ұйымдастыру принциптерi.
5. Радиотелефон байланысы жүйелерiн және/немесе желiлерiн ұйымдастыру жөнiндегi техникалық ұсыныстар, онда:
таңдап алынған стандартты, жиiлiк диапазондарын, жабдық үлгiсiн көрсету, таратушы жабдықтың орнатылған дәл орнын, жалпы пайдаланымдағы байланыс желiсiмен қосарласуды ұйымдастыру тәсiлiн көрсету;
жиiлiк каналдарының қажеттi санының есебiн көрсету қажет. Жалпы пайдаланымдағы байланыс желiсiне құрылатын желiнi жалғау ниетi болған кезде 4-тармаққа сәйкес негiзгi техникалық шешiмдер баяндалады.
6. Қолданылу саласына (электр байланысы желiлерi, радио байланысы, радио хабарлары мен теледидар) қарамастан, барлық радио жабдығына:
РЭБ-тың тактикалық-техникалық деректерi;
радио таратқыштардың сипаттамалары, таралатын белгiлердiң сипаттамалары;
радиоқабылдағыштардың сипаттамалары;
антенналардың сипаттамалары.
7. Жерсерiгi байланыс жүйелерiн құрған немесе жерсерiгi байланысының жердегi станцияларын пайдаланған кезде әкiмшiлiк пункттерi арасында каналдар ұйымдастыру үшiн:
пайдаланылатын жасанды жерсерiгiнiң (ЖЖС) мақсаты, орналасуы мен иесi (елi), олардың үлгiлерi мен тұрған нүктесi, қызмет көрсету аймағы;
құрылатын жүйенiң ЖЖС-ға жүктемесiнiң көлемi және даму кезеңдерi бойынша жүктеменiң өсуi;
жоғары және төмен қарай кететiн арналардағы жиiлiктердiң диапазоны, модуляциялар, тығыздықтар мен станция аралық кiру үлгiлерi;
байланыс жүйесiне кiретiн жер станцияларының үлгiлерi, шығарушы фирма, Қазақстан Республикасының Мемлекеттiк сертификаттау жүйесiнде танылған сертификаттарының болуы;
жүйенiң энергетикалық параметрлерi;
жердегi байланыс желiлерiмен қосарласуы туралы деректер берiлуi керек.
8. Радио немесе телевизия бағдарламаларының трансляциясы жөнiнен қызмет көрсетуге арналған техникалық ұсыныстарда сонымен қатар радио таратқыш жабдық орналасқан ғимараттың үлгiсi, антенналар қондыруға арналған бағандардың үлгiсi, бағдарламалар жасалатын көздерден оларды радио таратқыш станцияға дейiн беру тәсiлi туралы мәлiметтер болуға тиiс.
9. Почта байланысы бойынша:
почта жөнелтiлiмдерiн жiберудiң, қабылдап алып, тиiстi жерiне табыстағанға дейiнгi пайдаланылған көлiк түрлерi көрсетiлген тәртiбi;
шет елдерден келiп түскен және шет елдерге жiберiлетiн почта жөнелтiлiмдерiн кедендiк тексеруге ұсынудың тәртiбi көрсетiлуi қажет.
Көрсетiлетiн қызмет бойынша барлық қызмет түрлерi үшiн өтiнiш иесi:
байланыс қызметi көрсетiлетiн пайдаланушыларының санатын (барлық заңды және жеке тұлғалар немесе пайдаланушылардың шектеулi санаттарын); сондай-ақ өзiнiң қызмет көрсету жөнiндегi мiндеттерiн кепiлдi мерзiмiнде және тиiстi сапада атқармағаны немесе тиiсiнше атқармағаны үшiн пайдаланушылар алдындағы өз жауапкершiлiгiн көрсетуге;
кәсiпорынның бизнес - жоспарын беруге тиiс.
Техникалық ұсыныстар мәшiңкеге басылған екi дана мәтiнде түсiндiрме жазба түрiнде ресiмделедi, оған қажеттi схемалар, кестелер, сызбалар қоса берiледi. Түсiндiрме жазба қазақ немесе орыс тiлiнде жасалады.
3-ҚОСЫМША
Қазақстан Республикасында почта байланысы мен
телекоммуникациялар саласындағы кәсiпкерлiк қызметке
лицензиялар алуға және радиожиiлiгi спектрiн пайдалануға
рұқсат беруге конкурс өткiзу тәртiбi туралы
ЕРЕЖЕ
1. Жалпы ережелер
Осы Ереже Қазақстан Республикасында почта байланысы мен телекоммуникациялар саласындағы кәсiпкерлiк қызметке лицензиялар алуға конкурстар ұйымдастыру мен оларды өткiзудiң, радиожиiлiгi спектрiн пайдалануға рұқсат берудiң ортақ қағидаларын қамтиды.
Конкурс өткiзуге Қазақстан Республикасы Ақпараттандыру және байланыс жөнiндегi агенттiгiнiң бұйрығы негiз болып табылады. <*>
Конкурсты ұйымдастыру мен өткiзу үшiн арнайы комиссия құрылады, оның құрамы Қазақстан Республикасы Ақпараттандыру және байланыс жөнiндегi агенттiгiнiң бұйрығымен бекiтiледi. <*>
Комиссиялар әрбiр конкурс үшiн оны өткiзудiң шарттары мен өтiнiш берушiлерге қойылатын талаптарды жеке әзiрлейдi, дегенмен олар осы Ережеге қатаң сәйкес әзiрленедi.
Почта байланысы мен телекоммуникациялар саласындағы, оның iшiнде, егер ол радиожиiлiгi спектрiн пайдаланатын салада рұқсат алуға байланысты болса, кәсiпкерлiк қызметтiң қандай да бiр түрiне лицензияларды конкурс арқылы беру туралы шешiм бiр аймақта қызметтiң белгiлi бiр түрiн жүргiзуге бiрнеше үмiткер тiлек бiлдiрiп, осы аймақта жиiлiк ресурстары шектеулi, ондай қызметтi iске асырудың басқадай техникалық мүмкiндiктерi жетiмсiз болған жағдайларда қабылданады.
Мұнда шешiм мемлекеттiң қолындағы шектеулi табиғат ресурсы ретiнде радиожиiлiгi аясын неғұрлым тиiмдi пайдалану мақсатында жылжымалы радио және/немесе радиотелефон байланысы көрсететiн жаңа қызметтi енгiзген кезде үздiк операторды (немесе екi - үш операторды) таңдап алу үшiн қабылдануы мүмкiн.
Конкурсты Қазақстан Республикасы Үкiметiнiң шешiмiмен де жариялануы мүмкiн.
ЕСКЕРТУ. 1-тармақ өзгерді - ҚР Үкіметінің 1999.09.08. N 1334 қаулысымен .
ЕСКЕРТУ. 1-тармақ өзгерді - ҚР Үкіметінің 2000.11.03. N 1665 қаулысымен .
ЕСКЕРТУ. 1-тармақ өзгерді - ҚР Үкіметінің 2003.07.22. N 724 қаулысымен .
2. Конкурс комиссиясы
Конкурс комиссиясының құрамына лицензиар мен Қазақстан Республикасының Радиожиiлiгi жөнiндегi мемлекеттiк ведомствоаралық комитетiнiң өкiлдерiнен басқа тәуелсiз консалтинг, оның iшiнде заңгерлiк фирмалардың сарапшылары, Қазақстан Республикасының Баға және монополияға қарсы саясат жөнiндегi мемлекеттiк комитетiнiң, Қазақстан Республикасының Мемлекеттiк мүлiктi басқару жөнiндегi мемлекеттiк комитетiнiң, Баспасөз және бұқаралық ақпарат iстерi жөнiндегi ұлттық агенттiктiң, жергiлiктi атқарушы органдардың өкiлдерi, қызмет түрi мен лицензиялардың күшi қолданылатын аумаққа байланысты басқа да мамандар енгiзiлуi мүмкiн.
Конкурс комиссиясы конкурсты ұйымдастырып, өткiзедi және лицензияларды немесе рұқсатты ресiмдеу үшiн негiз болып табылатын қорытынды құжатты лицензиарға табыстайды.
Конкурс комиссиясының жұмысқа қосымша сарапшылар мен консультанттар тартуға құқығы бар.
Комиссияның қызметi Қазақстан Республикасының қолданылып жүрген заңдарына және осы Ережеге сәйкес, жариялылық, алқалы түрде түпкiлiктi шешiм қабылдау негiзiнде жүзеге асырылады.
Конкурсқа берiлген өтiнiш құжаттарын қараған және шешiм қабылдаған кезде толық құпиялылық қамтамасыз етiлуге тиiс.
Комиссияның, егер өтiнiш берушi:
жалған мәлiметтер берсе;
Қазақстан Республикасының аумағында қолданылып жүрген заңдарды бұзса;
оның өтiнiмiнiң материалдары конкурс комиссиясы белгiлеген талаптарға сай келмесе, конкурс комиссиясына ұсынылған кез келген ұсынысты қабылдамай тастауға құқығы бар.
Комиссия мұның өзi түпкiлiктi шешiм қабылдау үшiн қажет болса, өтiнiш берушiлерден қосымша мәлiметтер сұратып алдыруға, сондай-ақ отырыстарына өтiнiш берушiлердi шақыруға хақылы.
3. Конкурсты ұйымдастыру
Конкурс өткiзу туралы шешiм қабылданғаннан кейiн лицензиар бұл туралы баспасөзде мәлiмет жариялайды.
Комиссия iшiнде:
конкурсты өткiзу шарттары мен мерзiмi және осыған байланысты қажеттi рәсiмдер;
конкурсқа қатысуға берiлген өтiнiмдердiң мазмұнына қойылатын талаптар;
жаңа операторлар мен жұмыс iстеп тұрған желiлердiң, соның iшiнде жалпы пайдаланымдағы желiлердiң операторлары арасындағы жалғану үшiн өзара есеп айырысуларға дейiнгi мәселелердi қамтитын қатынастар туралы ақпарат;
iшiнде желiнiң көлемi, көрсетiлетiн қызмет, тарифтердiң деңгейi мен басқа да шарттар жөнiндегi мiндеттемелер айтылатын лицензияның жобасы бар конкурс құжаттамасын дайындайды.
Конкурс құжаттамасы дайындалып болғаннан кейiн баспасөзде барлық ықтимал қатысушыларға белгiленген ақысына кокурс құжаттарын жiберуге дайын екендiктерi және оған қатысуға өтiнiмдер қабылдаудың басталу мен аяқталу мерзiмi туралы тағы да бiр жарнамалық хабарлама берiледi.
Конкурсқа өтiнiм құжаттарын дайындау кезеңiнде үмiткерлердiң комиссияға жазбаша нысанда берiлетiн әрi конкурсты өткiзу мен конкурс құжаттамасының мазмұнына қатысты сұрақтар қоюға құқығы бар. Сұрақтар мен оларға жауаптарды комиссия конкурс құжаттамасын алған барлық тараптарға жiбередi.
Келiп түскен өтiнiм материалдарын комиссия тiркеп отырады. Өтiнiш берушiлерге өтiнiмнiң тiркелген мезгiлi мен нөмiрi жазбаша хабарланады.
Сонымен қатар барлық сұрақтар мен жауаптар да тiркелуге тиiс.
Өтiнiм құжаттарын қабылдау аяқталғаннан кейiн бұл туралы және өтiнiм берген фирмалардың тiзбесi жайында баспасөзде хабар берiледi.
Конкурс өткiзу шарттарында белгiленген мерзiмде комиссия келiп түскен құжаттарды қарап, ең үздiк ұсыныстарды iрiктеп алады. Қорытынды шешiм дәлелденiп, отырыстан кейiнгi үш күн мерзiмнiң iшiнде отырыс хаттамасының негiзiнде ресiмделуге тиiс. Бұл шешiм жариялауы және осы шешiмнiң көшiрмесi қоса тапсырылатын конкурс жеңiмпазына лицензия және/немесе рұқсат беруi үшiн лицензиарға табысталады. Комиссия отырысының хаттамасына оның барлық мүшелерi, ал қорытынды шешiмге - комиссия төрағасы қол қояды.
Конкурс комиссиясының отырысы оның мүшелерiнiң кемiнде 2/3-сi қатысқан жағдайда құқықты, ал шешiм бiлiктi мамандардың көпшiлiк даусымен қабылданған болып саналады.
Конкурс комиссиясының қарауына келiп түскен материалдар қайтарылмайды және Қазақстан Республикасының Көлiк және коммуникациялар министрлiгiнiң меншiгiнде қалады.
4. Конкурсқа қатысушылар мен өтiнiм материалдарына
қойылатын талаптар
Конкурсқа қатысуға техникалық жобаны немесе конкурсқа берiлетiн ұсынысты жүзеге асыруға өзiнiң қаражаты немесе кредит бөлетiндiгi жөнiнде банктердiң кепiлдiгi бар, қандай меншiк нысанындағы болсын заңды тұлғалар, әрi жеке тұлғалар, соның iшiнде шетелдiк тұлғалар жiберiледi.
Конкурс комиссиясы қойған талаптарға сәйкес келетiн өтiнiм материалдарын табыстаған, әрi тiркелу нөмiрiн алған заңды немесе жеке тұлғалар конкурстық ұсыныс берушi болып танылады.
Өтiнiм материалдарында мынадай ақпарат көрсетiледi:
1. Өтiнiш берушiнiң баяны - оның жалпы сипаттамасы, атауы, ұйымдық нысаны.
Егер конкурсқа қатысуға өтiнiмдi консорциум берген болса, онда атауы мен орналасқан жерi, қызмет түрi; консорциум шеңберiндегi мiндеттер бөлiнiсi, ұсынылатын заңдық нысаны: акциялары, акцияларының қаржылық қамтамасыз етiлуi және т.б. көрсетiлiп, консорциум мүшелерiне қысқаша сипаттама берiледi.
2. Өтiнiш берушiнiң мүмкiндiктерi - құрылатын желiнi немесе объектiнi әзiрлеу, енгiзу мен техникалық қызмет көрсетуге қатысты мәлiметтер келтiрiледi. Егер өтiнiмдi консорциум берген болса, онда консорциумның әрбiр мүшесiнiң салымы баяндалады.
3. Қаржылық мүмкiндiктерi - қаржылық менеджментi және құжатпен расталған қаржыландыру көздерiнiң тiзбесi.
4. Өтiнiш берушiнiң техникалық мүмкiндiктерi.
Бұл бөлiмде лицензияланатын қызмет түрiне қойылатын бiлiктiлiк талаптарына (Лицензиялау, туралы ережеге N 2 қосымша) сәйкес негiзгi техникалық шешiмдер егжей-тегжейлi баяндалады. Өтiнiш берушi өзiнiң қызмет көрсету мен көрсетiлетiн қызметтiң сапасына қандай кепiлдiк бере алатынан көрсетуге, сонымен қатар пайдаланылатын техникалық құралдардың жай-күйi, көрсетiлетiн қызметтiң барлық номенклатурасына қойылатын тарифтер туралы ақпаратты, сондай-ақ статистикалық есеп деректерiн берiп тұруға, жабдықтардың техникалық параметрлерiне тексерiс жүргiзген кезде мемлекеттiк қызметтерге кедергi келтiрмеуге өзiнiң әзiр екенiн қуаттауға тиiс.
5. Нарықты бағалау:
өтiнiш берушiнiң көрсетiлiп келе жатқан қызмет пен оны дамыту келешегiн ескере келiп, нарыққа беретiн бағасы;
осындай бағаны алудың әдiсiн (әдiстерiн) сипаттау;
лицензияның қызмет мерзiмiне өтiнiш берiлген қызметке деген күтiлiп отырған қажеттiлiк және келешектегi даму жоспарлары.
6. Қамту аумағына сәйкестендiрiлген, жылдар бойынша дамуды қоса алғанда, жоспардың негiзгi факторлары мен қағидалары баяндалған жұмыс жоспары; iске қосуға, техникалық күтiм жасауға кететiн жалпы шығындар мен лицензия қолданылатын бұдан кейiнгi жылдарға арналған басқа да күрделi салымдар; лицензия берiлетiн мерзiмге экономикалық көрсеткiштер жөнiндегi ұсыныстарды бағалауға арналған бизнес-жоспар (күрделi салымдар, көрсетiлетiн қызмет тарифтерi, пайда).
Өтiнiш берушiлер, өздерiнiң пiкiрлерiнше, комиссияға жобаларды (ұсыныстарды) неғұрлым әдiл бағалауға мүмкiндiк беретiн конкурстың мән-мағынасына қатысты кез-келген деректi қосымша хабарлап, жобаны (ұсынысты) жаңғыртудың ықтимал жолдары мен оларды iске асыру мерзiмдерiн көрсете алады.
