"Қазақстан Республикасы мемлекеттiк органдарының жүйесiн реформалау жөнiндегi кезектi шаралар туралы" Қазақстан Республикасы Президентiнiң 1997 жылғы 4 наурыздағы N 3377 U973377_ Жарлығына сәйкес Қазақстан Республикасының Үкiметi қаулы етедi:
Қоса берiлiп отырған:
Қазақстан Республикасы Ауыл шаруашылығы министрлiгiнiң Су
ресурстары жөнiндегi комитетi туралы ереже;
Қазақстан Республикасы Ауыл шаруашылығы министрлiгiнiң Су
ресурстары жөнiндегi комитетiнiң қарауындағы су шаруашылығы
ұйымдарының, аумақтық органдары мен объектiлерiнiң тiзбесi бекiтiлсiн.
Қазақстан Республикасының
Премьер-Министрiнiң
бiрiншi орынбасары
Қазақстан Республикасы
Үкiметiнiң
1997 жылғы 23 шiлдедегi
N 1153 қаулысымен
бекiтiлген
Қазақстан Республикасы Ауыл шаруашылығы
министрлiгiнiң Су ресурстары жөнiндегi
комитетi туралы ереженi бекiту
туралы (Суресурскомы)
ЕРЕЖЕ
I. Жалпы ережелер
1. Қазақстан Республикасы Ауыл шаруашылығы министрлiгiнiң Су ресурстары жөнiндегi комитетi (бұдан әрi - Комитет) Қазақстан Республикасы су ресурстарының пайдаланылуы мен қорғалуын басқару мен бақылау жөнiндегi мемлекеттiк орган болып табылады.
2. Комитет құрамына өзендер, көлдер, батпақтар, мұздықтар, Каспий және Арал теңiздерiнiң Қазақстан Республикасының мемлекеттiк шекарасы шегiндегi сулары, су қоймалары, жер бетiндегi басқа да су тоғандары мен су көздерi, арналы жинағыштар мен каналдар кiретiн республиканың бiртұтас су қорын басқаруды жүзеге асырады, суды ластанудан, бiтелiп қалу мен сарқылудан қорғауды ұйымдастырады, сондай-ақ министрлiктердiң, мемлекеттiк комитеттердiң, ведомстволардың, кәсiпорындар мен ұйымдардың су шаруашылығы қызметiн жергiлiктi өкiлеттi және атқарушы органдармен өзара iс-қимыл жасай отырып үйлестiредi.
3. Комитет дербес заңды ұйым болып табылады, оның банктерде шоттары, Қазақстан Республикасының Мемлекеттiк елтаңбасы бейнеленген өз атауы қазақ және орыс тiлдерiнде жазылған мөрi болады.
Комитет аппаратын ұстауға кететiн шығыстарды қаржыландыру республикалық бюджетте Қазақстан Республикасы Ауыл шаруашылығы министрлiгiн ұстауға көзделген қаржы есебiнен жүргiзiледi.
Тұтынушыларға су жеткiзумен байланысты емес мемлекетаралық, облысаралық және ауданаралық мақсаттағы су шаруашылығы объектiлерiн ұстау мен пайдалану, қорғау, iске қосу, жолға қою, реттеу, су басу мен қалқыма мұздарға қарсы жұмыстарды жүргiзу, мемлекеттiк суару, коллекторлық-дренажды және құрғату жүйелерiн тазалау жөнiндегi мемлекеттiк шараларды, сондай-ақ облыстық және бассейндiк деңгейдегi суды пайдалану мен қорғауды басқару мен бақылауға байланысты шығыстарды республикалық бюджеттiң қаражаты есебiнен жүзеге асырады.
4. Комитет өз қызметiнде Қазақстан Республикасының Конституциясын, заңдарын, Қазақстан Республикасының Президентi мен Үкiметiнiң актiлерiн, өзге де нормативтiк-құқықтық актiлердi, сондай-ақ осы Ереженi басшылыққа алады.
II. Мiндеттерi мен функциялары
5. Комитеттiң негiзгi мiндеттерi:
Қазақстан Республикасының аумағында су ресурстарын пайдалану мен қорғауды реттеудi жүзеге асыру;
экологиялық талаптарды ескере отырып, халықтың және экономика салаларының суға деген қажеттiлiгiн, оның кешендi пайдаланылуын, су қорының сақталуы мен суды ластанудан, бiтелiп қалудан және сарқылудан қорғауды, өзендер, көлдер мен су қоймаларының жағдайын жақсартуды қамтамасыз ету;
министрлiктердiң, мемлекеттiк комитеттердiң және өзге де орталық атқарушы органдардың су шаруашылығы қызметiн жергiлiктi өкiлеттi және атқарушы органдармен өзара iс-қимылда үйлестiру;
шекаралық су бассейндерi мен мемлекетаралық су өткiзу жүйелерiнiң су ресурстарын бiрлесiп пайдалану мен қорғау мәселелерi бойынша iргелес мемлекеттермен ынтымақтастық жасау;
су шаруашылығын аудандастыру принциптерiне және халықтың, экономика салалары мен табиғи кешендердiң суға деген қажеттiлiгiне сәйкес аумақтар мен өзендер бассейндерiнде шаққандағы су ресурстарын пайдалану мен қорғаудың негiзгi бағыттарын әзiрлеу;
суды пайдалану мен қорғауды реттеу, жердi мелиорациялау саласында ғылыми-техникалық және инвестициялық саясатты жүзеге асыру;
су ресурстарын пайдаланудың экономикалық тетiгiн жетiлдiру;
су ресурстарының қалыптасуына және оларды бөлуге ықпал ететiн су шаруашылығы объектiлерi мен кешендi мақсаттағы су құбырларын, сондай-ақ су көздерiнде орналасқан гидротехникалық құрылғыларды пайдалану болып табылады.
6. Комитет өзiне жүктелген мiндеттерге сәйкес:
су шаруашылығы және жердi мелиорациялау мәселелерi жөнiнде Қазақстан Республикасының Үкiметiне ұсыныстар дайындауды және халықты және экономика салаларын сумен қамтамасыз ету жөнiндегi ғылыми негiзделген нысаналы кешендi бағдарламаларды әзiрлеудi ұйымдастырады;
су жинау мен су тұтыну шегiн анықтауды қоса алғанда, өзен бассейндерi мен республика аумағының су шаруашылығы учаскелерiнде су ресурстарын аймақаралық және облысаралық бөлу мен қайта бөлудi, су ресурстарын реттеудi және бөлудi жүзеге асырады;
табиғат қорғау органдарымен келiсе отырып, жерүстi су көздерiнен арнайы су пайдалануға рұқсаттар бередi және жерасты су көздерiнен арнайы су пайдалануға рұқсат берудi келiседi;
кәсiпорындар мен объектiлердi салу, қайта жаңғырту, кәсiпорындарды, ғимараттарды орналастыру жобаларына келiсу кезiнде су пайдаланудың барлық түрлерiне техникалық шарттарды берудi ұйымдастырады;
су тұтынуға норма белгiлеуге арналған ережелердi әзiрлейдi және бекiтедi;
су қорын ұтымды пайдалануға мемлекеттiк бақылауды ұйымдастырады;
су тұтынудың техникалық шарттардың, белгiленген лимиттерiнiң сақталуына, жерүстi су объектiлерiне сарқынды су төгуге, жерүстi суларының сапасына жедел бақылауды ұйымдастырады, сондай-ақ объектiлер бойынша жерүстi суларының арнайы су пайдалануға бұрын берiлген рұқсаттарды, олардың қолданылу мерзiмiне қарамастан, қайта қарайды;
салааралық және кешендi мақсаттағы су шаруашылығы объектiлерiнiң жұмыс тәртiбiн диспетчерлiк және жедел реттеудi жүзеге асырады;
су қоймаларын, кешендi мақсаттағы арналы су құбырларын, мемлекетаралық, салааралық және облысаралық, ауданаралық және шаруашылықаралық мақсаттағы каналдарды, су бөгендерiн, гидротораптарды, арна реттеу, жаға бекiту құрылғыларын, қорғау дамбалары мен тiкелей су көздерiнде орналасқан басқа да объектiлердi пайдалануды жүзеге асырады;
су шаруашылығы объектiлерi мен құрылғыларын, мелиорация жүйелерiн пайдаланудың техникалық деңгейiн көтеру жөнiнде жұмыс жүргiзедi;
су ресурстарын кешендi пайдалану мен қорғау схемасын әзiрлеуге, ғылыми-зерттеу және жобалау жұмыстарын жүргiзуге, салааралық, облысаралық, аймақаралық және шаруашылықаралық мақсаттағы су шаруашылығы объектiлерiн салуға, мелиорациялау шараларын жүзеге асыруға, қала және қала үлгiсiндегi елдi мекендердiң аумақтарынан тысқары жерлерде, көлдерде, су қорғау аймақтарында жағалауды бекiту және басқа жұмыстарды, су қоймаларын жайластыруды орындауға тапсырысшы функциясын атқарады;
су объектiлерi мен су шаруашылығы жүйелерiнде ведомстволық гидрометриялық жүйелердi және гидротехникалық құрылғыларды метрологиялық қамтамасыз ету жұмыстарын ұйымдастырады;
жер қойнауын қорғау және гидрометеорология органдарымен бiрлесiп, суды мемлекеттiк есепке алуды және мемлекеттiк су кадастрын, мониторингiн жүргiзудi жүзеге асырады;
суды пайдаланудың жиынтық жоспарларын дайындауды, сондай-ақ өзен бассейндерi, экономикалық және өндiрiс аудандары мен облыстары үшiн қысқа мерзiмдi және перспективалық су шаруашылығы балансын жасауды қамтамасыз етедi;
ұйымдардың, су ресурстарын ұтымды пайдалану және су көздерiнiң ластануына, бiтелуiне және сарқылуына жол бермеуге қатысты су шаруашылығы және су қорғау қызметiн үйлестiредi;
су қорғау шараларының орындалуын және су пайдалануды алғашқы есепке алу талаптарының сақталуына басшылық пен бақылау жасайды;
заңдарда белгiленген тәртiппен мүдделi ұйымдармен бiрлесiп шекаралық суларды бiрлесiп пайдалану мен қорғау бойынша келiссөздер жүргiзуге және екiжақты және көпжақты шарттар жасауға қатысады;
су қоймаларының, өзендердiң, көлдердiң, су қорғау аймақтары мен белдеулерiнiң жай-күйiн сақтау және жақсарту шараларын жүзеге асырады;
су объектiлерiндегi табиғи апаттар мен авариялық жағдайлардың салдарын болдырмау және жою шараларын әзiрлеудi ұйымдастырады;
мүдделi министрлiктердiң, мемлекеттiк комитеттердiң және өзге де орталық атқарушы органдардың ұсыныстарын ескере отырып, кешендi мақсаттағы су қоймаларын пайдалану ережелерiн бекiтедi;
кешендi, салааралық және шаруашылықаралық мақсаттағы жаңадан салынған және қайта жаңғыртылған су шаруашылығы объектiлерiн пайдалануға қабылдауды жүзеге асырады;
объектiлердi (iске қосу кешендерiн) пайдалануға қабылдайтын мемлекеттiк комиссиялардың жұмыстарына қатысады;
жер бетiндегi су объектiлерiн жеке пайдалануға беру туралы қорытындылар бередi және жеке пайдалануға берiлген су объектiлерiндегi суды қайталама пайдалану шарттарын, су объектiлерiн пайдалануға беру туралы заңды және жеке тұлғалардың ұсыныстарын келiседi;
су ресурстарының жай-күйiне әсер ететiн су шаруашылығы объектiлерiнiң жобаларын және (олардың мақсатына, ведомстволық бағыныстылығына және меншiк нысанына қарамастан) құрылыс салу, арна түбiн тереңдету және өзге де жұмыстар жүргiзу тәртiбiне сараптама жүргiзедi және оларды келiседi;
су қоймаларын, көлдер мен өзендердi, суармалы жерлердi, сондай-ақ салааралық және шаруашылықаралық маңызы бар су шаруашылығы объектiлерiн сақтау мен олардың жай-күйiн жақсарту жөнiндегi жобалық құжаттаманы әзiрлеудi ұйымдастырады;
су пайдаланудың барлық түрлерiне, су беру жөнiндегi қызмет көрсетулерге тарифтердi, оларды қолдану шарттарын Қазақстан Республикасы Экономика және сауда министрлiгiмен бiрлесiп әзiрлейдi және оларды мүдделi министрлiктерiмен, ведомстволармен және өзге де ұйымдармен келiседi;
су заңдарын, су шаруашылығы және жердi мелиорациялау саласындағы өзге де нормативтiк құқықтық актiлердi жетiлдiру жөнiнде ұсыныстар әзiрлейдi;
су ресурстарын басқару және мелиорациялау, суларды және суармалы жерлердi ұтымды пайдалану және қорғау мәселелерi жөнiнде өз құзыретi шегiнде халықаралық ынтымақтастықты ұйымдастырады және оған қатысады;
су ресурстарының жай-күйi және пайдаланылуы туралы жыл сайынғы ғылыми-техникалық ақпаратты басып шығарады;
су үнемдеу технологияларын игеру, ауыз су дайындау, су көздерiн қорғау жөнiнде ұсынымдар әзiрлейдi.
III. Құқықтары
7. Комитеттiң мыналарға:
өз құзыретi шегiнде бұйрықтар шығаруға, Комитет жүйесiне кiретiн барлық ұйымдарға нұсқамалар беруге, ал суларды кешендi пайдалану мен қорғауды реттеу мәселелерi бойынша министрлiктердiң, мемлекеттiк комитеттер мен өзге де орталық атқарушы органдардың, сондай-ақ басқа да заңды тұлғалардың орындауы үшiн мiндеттi нұсқамалар беруге және олардың орындалуын тексеруге;
заңдарда белгiленген тәртiппен ведомстволық бағынысты ұйымдарды құру, қайта ұйымдастыру және тарату мәселелерi жөнiнде министрлiк басшылығына ұсыныстар әзiрлеуге және енгiзуге;
саланы және оның жекелеген бағыттарын дамыту жөнiндегi ұсыныстарды әзiрлеу үшiн қажет болған жағдайда шарттық негiзде ғылыми-зерттеу және басқа да ұйымдарды қатыстыра отырып, тиiстi мамандарды, сондай-ақ тиiстi сараптау жүргiзу үшiн тәуелсiз сарапшыларды тартуға;
су ресурстарын ұтымды пайдалануға, су көздерiнiң сақталуы мен жай-күйiнiң жақсаруына мемлекеттiк бақылауды жүзеге асыруға және жергiлiктi атқарушы органдардың қарауына жер бетiндегi су объектiлерiн пайдалану құқығын тоқтату жөнiнде ұсыныстар енгiзуге
Қазақстан Республикасының заңдарына қайшы келген жағдайда Қазақстан Республикасы министрлiктерiнiң, мемлекеттiк комитеттерiнiң және өзге де орталық атқарушы органдарының су ресурстарын бөлу мен пайдалануды реттейтiн нормативтiк және құқықтық құжаттарының күшiн уақытша тоқтату немесе жою жөнiнде белгiленген тәртiппен ұсыныс енгiзуге;
табиғат қорғау, жер қойнауын, жердi қорғау органдарынан су объектiлерiнiң жай-күйi, су ресурстарын пайдалану мен қорғау мәселелерi бойынша белгiленген тәртiппен ақпарат алуға және оларға осындай ақпарат беруге құқығы бар.
IV. Қызметiн ұйымдастыру
8. Комитеттi Қазақстан Республикасының Ауыл шаруашылығы министрiнiң ұсынуы бойынша Қазақстан Республикасының Үкiметi қызметке тағайындайтын және қызметтен босататын Төраға басқарады.
Комитет Төрағасының орынбасары болады, оны Комитет Төрағасының ұсынуымен Қазақстан Республикасының Ауыл шаруашылығы министрi қызметке тағайындайды және қызметтен босатады.
Комитет Төрағасы қызметi бойынша сонымен бiр уақытта Республикалық су шаруашылығы кеңесiнiң (Ирригация және дренаж жөнiндегi ұлттық комитеттiң) төрағасы және Мемлекетаралық су шаруашылығы үйлестiру комиссиясының мүшесi болып табылады.
Комитеттiң штат санын Қазақстан Республикасының Ауыл шаруашылығы министрi бекiтедi.
9. Комитет Төрағасы:
Комитеттiң және оған бағынысты мекемелердiң, ұйымдардың, кәсiпорындардың қызметiне басшылық жасайды;
Комитетке жүктелген мiндеттердiң орындалуына жеке жауап бередi;
Комитет аппараты қызметкерлерiнiң лауазымдық мiндеттерiн бекiтедi;
өз құзыретiнiң шегiнде бұйрықтар шығарады, Комитетке ведомстволық бағынысты ұйымдардан құрылымы мен штат-санын, сондай-ақ олар туралы ережелердi бекiтедi;
Комитеттiң орталық аппараттарының қызметкерлерiн және Ауыл шаруашылығы министрiмен келiсе отырып, Комитет жүйесiне кiретiн ведомстволық бағынысты ұйымдардың басшыларын қызметке тағайындайды және қызметтен босатады;
қолданылып жүрген заңдарға сәйкес өз құзыретiнiң шегiнде
мемлекеттiк органдар мен ұйымдарда Комитеттi бiлдiредi;
өз құзыретiне жатқызылған басқа да мәселелер бойынша шешiмдер
қабылдайды.
10. Республикада су шаруашылығы мен жердi мелиорациялауды
дамыту, халықты және экономика салаларын сумен қамтамасыз ету, су
ресурстарын ұтымды пайдалану мен қорғау, ведомстволық бағынысты
ұйымдарды басқару әдiстерiн жетiлдiру мәселелерi жөнiнде Қазақстан
Республикасының Ауыл шаруашылығы министрлiгi алқасының қарауына
материалдар дайындайды.
Қазақстан Республикасы
Үкiметiнiң
1997 жылғы 23 шiлдедегi
N 1153 қаулысымен
бекiтiлген
Қазақстан Республикасы Ауыл шаруашылығы
министрлiгiнiң Су ресурстары жөнiндегi
комитетiнiң қарауындағы су шаруашылығы
ұйымдарының, аумақтық органдары мен
объектiлерiнiң
ТIЗБЕСI
Су ресурстары жөнiндегi Ақмола облыстық комитетi, Ақмола қаласы
Су ресурстары жөнiндегi Ақтөбе облыстық комитетi, Ақтөбе қаласы
Су ресурстары жөнiндегi Алматы облыстық комитетi, Алматы қаласы
Су ресурстары жөнiндегi Атырау облыстық комитетi, Атырау қаласы
Су ресурстары жөнiндегi Шығыс Қазақстан облыстық комитетi,
Өскемен қаласы
Су ресурстары жөнiндегi Жамбыл облыстық комитетi, Тараз қаласы
Су ресурстары жөнiндегi Батыс Қазақстан облыстық комитетi, Орал
қаласы
Су ресурстары жөнiндегi Қарағанды облыстық комитетi, Қарағанды
қаласы
Су ресурстары жөнiндегi Қызылорда облыстық комитетi, Қызылорда
қаласы
Су ресурстары жөнiндегi Қостанай облыстық комитетi, Қостанай
қаласы
Су ресурстары жөнiндегi Маңғыстау облыстық комитетi, Ақтау
қаласы
Су ресурстары жөнiндегi Павлодар облыстық комитетi, Павлодар
қаласы
Су ресурстары жөнiндегi Солтүстiк Қазақстан облыстық комитетi,
Петропавл қаласы
Су ресурстары жөнiндегi Оңтүстiк Қазақстан облыстық комитетi,
Шымкент қаласы
Арал Сырдария бассейндiк су шаруашылығы бiрлестiгi, Қызылорда
қаласы
Балқаш-Алакөл бассейндiк су шаруашылығы бiрлестiгi, Алматы қаласы
Ертiс бассейндiк су шаруашылығы бiрлестiгi, Семей қаласы
Есiл бассейндiк су шаруашылығы бiрлестiгi, Ақмола қаласы
Нұра-Сарысу бассейндiк су шаруашылығы бiрлестiгi, Қарағанды қаласы
Тобыл-Торғай бассейндiк су шаруашылығы бiрлестiгi, Қостанай
қаласы
Орал-Каспий бассейндiк су шаруашылығы бiрлестiгi, Атырау қаласы
Шу-талас бассейндiк су шаруашылығы бiрлестiгi, Тараз қаласы
"Союзцелинвод" тресi, Петропавл қаласы (шаруашылық жүргiзу
құқығында)
Ертiс-Қарағанды каналын пайдалану жөнiндегi кәсiпорын, Қарағанды
қаласы (шаруашылық жүргiзу құқығында)
Шардара ГЭС-i, су қоймасымен, Оңтүстiк Қазақстан облысының
Шардара қаласы (шаруашылық жүргiзу құқығында)
"Қызылордасельхозводопровод" тресi, Қызылорда қаласы (шаруашылық
жүргiзу құқығында)
Тасөткел су қоймасын пайдалану жөнiндегi басқарма, Жамбыл облысы
Шу ауданының, Тасөткел селосы
"Суавтоматика" ғылыми-өндiрiстiк орталығы, Шымкент қаласы
Д. Қонаев атындағы Үлкен Алматы каналын және Бартоғай су
қоймасын пайдалану жөнiндегi басқарма, Алматы қаласы (шаруашылық
жүргiзу құқығында)
Салынып жатқан кәсiпорындардың "Арал" бiрiктiрiлген дирекциясы,
Қызылорда қаласы
"Қазсуресустары" ғылыми-техникалық ақпарат орталығы, Алматы
қаласы
Әкiмшiлiк үйi, Алматы қаласы, Желтоқсан көшесi, 118-үй.
