Күші жойылды - Қазақстан Республикасы Үкіметінің 2008.04.23 N 381 Қаулысымен.
"Қазақалтын" акционерлiк қоғамын қаржылық сауықтыру жөнiндегi кезек күттiрмейтiн шаралар қабылдау мақсатында Қазақстан Республикасының Үкiметi қаулы етедi:
1. "Банкроттық туралы" Қазақстан Республикасының Заңына сәйкес "Қазақалтын" акционерлiк қоғамы дәрменсiз борышкер деп танылсын.
2. Қазақстан Республикасы Қаржы министрлiгiнiң Мемлекеттiк мүлiк пен активтердi басқару департаментi:
соттан тыс тәртiппен "Қазақалтын" акционерлiк қоғамына қатысты оңалту рәсiмдерiн жүргiзсiн;
"Қазақалтын" акционерлiк қоғамын оңалтушы басқарушы тағайындасын.
3. "Қазақалтын" акционерлiк қоғамына Қаржылық менеджер және оператор ретiнде Қазақстан Акционерлiк Халықтық Жинақ Банкi ұсынылсын.
4. Қазақстан Акционерлiк Халықтық Жинақ Банкiне "Қазақалтын" акционерлiк қоғамы үшiн айналымдағы қаражатты толтыру және жалақы жөнiндегi берешектердi төлеу мақсатында 386 млн. теңге сомасында құрамында алтын бар өнiмдердiң кепiлдiгiмен ресурстар iздестiру, сондай-ақ көрсетiлген қаржының мақсатты пайдаланылуы жөнiнде шаралар қабылдау ұсынылсын.
Қазақстан Республикасының
Премьер-Министрi
