1. Шаруашылық жүргiзу құқығындағы "Кентаукенiштарату" республикалық мемлекеттiк кәсiпорны (бұдан әрi - Кәсiпорын) құрылсын.
Кәсiпорынның негiзгi мақсаты шығынды кенiштер мен қалдықтар қоймаларын тарату мен консервациялау, су құю-су шығару жөнiндегi қызмет, сондай-ақ шаруашылық жүргiзудiң арнайы тәртiбi белгiленген қызмет салалары болып белгiленсiн.
Қазақстан Республикасының Энергетика, индустрия және сауда министрлiгi Кәсiпорынның мемлекеттiк басқару органы, сондай-ақ оған қатысты мемлекеттiк меншiк құқығы субъектiсiнiң функцияларын жүзеге асыратын орган болып белгiленсiн.
2. Қазақстан Республикасының Энергетика, индустрия және сауда министрлiгi:
Кәсiпорынның жарғылық қорын белгiлесiн, Жарғысын бекiтсiн және оны заңды тұлғаларды мемлекеттiк тiркеу үшiн белгiленген тәртiппен тiркесiн;
Кәсiпорынның басшысын тағайындасын;
кәсiпорынның Жарғысын тiркегеннен кейiн оны Республикалық мемлекеттiк кәсiпорындардың тiзбесiне енгiзу туралы ұсыныс енгiзсiн.
3. Қазақстан Республикасы Қаржы министрлiгiнiң Мемлекеттiк мүлiк пен активтердi басқару жөнiндегi департаментi "Ащысай полиметалл комбинаты" акционерлiк қоғамының жалпы жиналысында оның шығынды кенiштерi мен қалдық қоймаларын Кәсiпорынға беру туралы мәселенi қарасын.
4. Оңтүстiк Қазақстан облысының әкiмi мен Қазақстан Республикасының мемлекеттiк Медетшi банкi төрағасының қайта ұйымдастырылып отырған заңды тұлғаның функцияларын, құқықтары мен мiндеттерiн өткiзу актiсi бойынша бере отырып, "Су құю - су ағызу" Кентау коммуналдық мемлекеттiк кәсiпорнын құрылып отырған кәсiпорынға қосу жолымен оны қайта ұйымдастыру туралы ұсынысы қабылдансын.
5. Қазақстан Республикасының Энергетика, индустрия және сауда министрлiгi Қазақстан Республикасының Мемлекеттiк Медетшi банкiмен және "Кентаукенiштарату" мемлекеттiк кәсiпорнымен бiрлесе отырып шығынды кенiштер мен қалдықтар қоймаларын тарату жөнiндегi қаржыландыру сомасын айқындасын.
6. Қазақстан Республикасының Қаржы министрлiгi 1998 жылға арналған республикалық бюджетте мырғалымсай кен орнының су құю - су ағызуы жөнiндегi шығыстарды қаржыландыру үшiн 400 (төрт жүз) млн. теңге сомасында бюджет қаражатын бөлудi көздейтiн болсын. <*>
ЕСКЕРТУ. 6-тармақ өзгердi - ҚРҮ-нiң 1998.05.14. N 434
қаулысымен. P980434_
7. Қазақстан Республикасының мемлекеттiк медетшi банкi су құю - су ағызуды, шығынды кенiштердi таратуды және қалдық қоймаларын консервациялауды қаржыландыруға арнап жiберiлген бюджет қаражатының мақсатқа сай пайдаланылуына бақылау жасасын.
8. Қазақстан Республикасы Үкiметiнiң 1996 жылғы 31 желтоқсандағы N 1737 P961737_ қаулысына мынадай өзгерiс енгiзiлсiн:
46-тармақ "су құю - су ағызуды" деген сөздерден кейiн "және кен орындарын консервациялау мен тарату жобалары жөнiндегi жұмыстарды" деген сөздермен толықтырылсын.
9. "Оңтүстiк Қазақстан облысының Кентау қаласының экономикасын дағдарыс жағдайынан шығару жөнiндегi шаралар туралы" Қазақстан Республикасы Министрлер Кабинетiнiң 1994 жылғы 5 шiлдедегi N 757 P940757_ қаулысының (Қазақстан Республикасының ПҮАЖ-ы, 1994 ж., N 28, 313-құжат) 7-тармағының күшi жойылған деп танылсын.
Қазақстан Республикасының
Премьер-Министрi
