Қазақстан Республикасы Президентiнiң 1998 жылғы 13 қаңтардағы
нұсқауын iске асыру мақсатында Қазақстан Республикасының Үкiметi
қаулы етедi:
1. Ақмола қаласының жаңа орталығын дамытудың бас жоспарының
нобай-идеясына халықаралық конкурс өткiзiлсiн.
2. Халықаралық конкурс өткiзу жөнiндегi жұмысты ұйымдастыру мен
үйлестiру мақсатында мына құрамда конкурстық комиссия құрылсын:
Жақсыбеков Ә.Р. - Ақмола қаласының әкiмi, Ақмола
АЭА-ның әкiмшiлiк кеңесiнiң
төрағасы, комиссияның төрағасы
Досмағамбетов Б.Ф. - Қазақстан Республикасы Сәулетшiлер
одағы төралқасының мүшесi,
комиссия төрағасының орынбасары,
Комиссия хатшылығының жетекшiсi
Комиссия мүшелерi:
Уәйiсов М.К. - Қазақстан Республикасының
Әдiлет вице-министрi
Мiржақыпов Е.Е. - Қазақстан Республикасының Көлiк
және коммуникациялар вице-министрi
Власов Н.А. - Қазақстан Республикасы Iшкi
iстер министрiнiң орынбасары
Руденко Ю.С. - Қазақстан Республикасы Қаржы
министрлiгi бас басқармасының
бастығы
Андрющенко А.И. - Қазақстан Республикасы
Стратегиялық жоспарлау және
реформалар жөнiндегi агенттiгi
төрағасының орынбасары
Смирнов А.В. - Қазақстан Республикасы Сыртқы
iстер министрлiгiнiң Орталық
аппаратының және шетелдегi
мекемелердiң қызметiн қамтамасыз
ету жөнiндегi департаментiнiң
директоры
Нұрпейiсов Б.Ғ. - Қазақстан Республикасы
Президентiнiң Iс Басқарушысының
орынбасары (келiсiм бойынша)
Гурский А.С. - Қазақстан Республикасы Ақпарат
және қоғамдық келiсiм
министрлiгiнiң Бұқаралық ақпарат
құралдары департаментiнiң
директоры
3. Мыналар:
Ақмола қаласының жаңа орталығын дамытудың бас жоспарының нобай-идеясына халықаралық конкурстың әдiлқазы алқасының жеке құрамы 1-қосымшаға сәйкес;
Ақмола қаласының жаңа орталығын дамытудың бас жоспарының нобай-идеясына халықаралық конкурс өткiзу жөнiндегi негiзгi ережелер 2-қосымшаға сәйкес бекiтiлсiн.
4. Комиссия:
конкурс өткізiлетiн уақытқа тұрақты жұмыс iстейтiн, 7 адамнан тұратын Хатшылық құрсын. Хатшылықты ұстауға кететiн шығыстарды конкурсты өткiзу сметасына енгiзсiн;
1998 жылдың 15 наурызына дейiн мерзiмде халықаралық конкурсты дайындау мен өткiзудiң жұмыс жоспарын, оны өткiзудiң бағдарламасы мен шарттарын бекiтсiн;
1998 жылдың 25 наурызына дейiн мерзiмде Ақмола қаласының әкiмiне халықаралық конкурсты дайындау мен өткiзуге арналған шығыстар сметасын бекiтуге ұсынсын.
5. Халықаралық конкурсты өткiзуге арналған шығыстар "1998 жылы Ақмола қаласын дамытудың бiрiншi кезектегi объектiлерiнiң құрылысы туралы" Қазақстан Республикасы Үкiметiнiң 1998 жылғы 10 ақпандағы N 91 қаулысымен бекiтiлген 1998 жылы республикалық бюджеттiң есебiнен қаржыландырылатын Ақмола қаласын дамытудың бiрiншi кезектегi объектiлерi тiзбесiнiң реттiк нөмiрi 10-жол бойынша көзделген қаражаттан жұмсалсын.
6. Ақмола қаласының әкiмi бiр апта мерзiм iшiнде Конкурстың
хатшылығын көлемi кемiнде 100 шаршы м. жиhазбен, қажеттi компьютерлiк
және ұйымдастыру техникасымен, сондай-ақ үкiметтiк, қалааралық және
халықаралық байланыс құралдарымен жабдықталған үй-жайлармен
қамтамасыз етсiн.
7. Орталық және жергiлiктi мемлекеттiк органдардың басшылары
Комиссияға өзiне жүктелген мiндеттерiн орындауы кезiнде қажеттi
көмек көрсетсiн.
Қазақстан Республикасының
Премьер-Министрi
Қазақстан Республикасы
Үкiметiнiң
1998 жылғы 11 наурыздағы
N 199 Қаулысына
1-қосымша
Ақмола қаласының жаңа орталығын дамытудың бас
жоспарының нобай-идеясына халықаралық конкурстың
ӘДIЛҚАЗЫ АЛҚАСЫНЫҢ ҚҰРАМЫ
Тәтiғұлов А.Ш. - "КАЗГОР" жобалау академиясының
президентi, әдiлқазылар алқасының
төрағасы
Ғалимов Ф.Х. - Ақмола қаласының әкiмiнiң бiрiншi
орынбасары, төрағаның орынбасары
Әдiлқазылар алқасының мүшелерi:
Ералиев Т.Е. - Ақмола қаласының Сәулет және
қала құрылысы департаментiнiң бастығы
Бекмұхамбетов С.Қ. - Қазақстан Республикасы Энергетика,
индустрия және сауда министрлiгiнiң
бас басқармасының бастығы
Сейдалин Р.А. - Қазақстан Республикасының еңбек
сiңiрген сәулетшiсi, КСРО Көркемөнер
академиясының мүше-корреспондентi
Қойшыбеков Н.К. - сәулетшi, Қазақ КСР-i Ленин
комсомолы сыйлығының лауреаты
Баймағамбетов С.Қ. - Қазақстан Республикасы Сәулетшiлер
одағы Төралқасының мүшесi, Алматы
қаласының бас сәулетшiсi
Мордвинцев С.И. - Қазақстан Республикасының еңбек
сiңiрген сәулетшiсi
Әдiлқазы алқасының- - Комиссияның шешiмi бойынша
мүшелерi, шет шақырылады
мемлекеттердiң өкiлдерi
3 адамға дейiн
Қазақстан Республикасы
Үкiметiнiң
1998 жылғы 11 наурыздағы
N 199 Қаулысына
2-қосымша
Ақмола қаласының жаңа орталығын дамытудың
бас жоспарының нобай-идеясына халықаралық
конкурсты өткiзу жөнiндегi
НЕГIЗГI ЕРЕЖЕЛЕР
Жалпы ережелер
Осы Негiзгi ережелер Комиссия Ақмола қаласының жаңа орталығын
дамытудың бас жоспарының нобай-идеясына халықаралық конкурс
өткiзудiң шарттарын әзiрлеген және бекiткен кезде мiндеттi болып
табылады.
Конкурстың мақсаты
Қатысушылар ұсынған материалдардың негiзiнде ұлттық,
табиғи-климаттық, экологиялық және орналасудың басқа да шарттарына
барынша жауап беретiн Қазақстан Республикасының астанасы - Ақмола
қаласының жаңа орталығының құрылысын таңдап алу.
Конкурсқа қатысушыларға қойылатын негiзгi талаптар
Конкурсқа мынадай негiзгi талаптарға жауап беретiн:
- қала салу құжаттамасын әзiрлеу тұрғысынан сәулет-қала салу
қызметiн жүзеге асыруға лицензиясы бар;
- соңғы 5 жылда қаланы реттеу құжаттамасын толық көлемiнде
әзiрлеу жағынан, оның iшiнде экология, дренаж және басқа да
мәселелердi қоса алғанда, қаланың iрi аудандары құрылысын
көлiкпен және инженерлiк қамтамасыз ету мәселелерiн шешу
тәжiрибесi бар;
- жобалау мен ақпарат берудiң электрондық құралдары бар
отандық және шетелдiк заңды және жеке тұлғалар қатыса алады.
Конкурсқа қатысушыларға конкурстық ұсынымдарды әзiрлеу үшiн
берiлетiн материалдардың құрамы
1. Конкурстың бағдарламасы
2. Конкурстың шарттары
3. Түсiндiрме жазба
4. Қаланың бас жоспарының негiзгi көлiк магистральдары мен қала көшелерiнiң кестесi түсiрiлген және қаланың негiзгi жұмыс iстейтiн аймақтары көрсетiлген 1:25000 масштабты схемасы. Аталған схемада конкурсқа қатысушылар қала құрылысын салатын аумақтың учаскесi бөлiп көрсетiледi.
Қатысушылар конкурсқа беретiн материалдардың құрамы
1. 1:25000 масштабатағы ситуациялық схема.
2. Қаланың жаңа орталығының негiзгi қала магистральдарымен үйлестiрiлген 1:10000 масштабты бас жоспары.
3. Қаланың жаңа орталығының егжей-тегжейлi жоспарлануының 1:2000 масштабтағы жобасы.
4. Қаланың жаңа орталығының 1:2000 масштабта жасалған макетiнен жасалған, толық көлемдiк-кеңiстiктiк шешiмдi көрсететiн 30 да 40 сантиметр мөлшерiндегi түрлi-түстi фотосуреттер жинағы.
5. Авторларының ой-ниетiн түсiндiретiн егжей-тегжейлi
түсiндiрме жазба.
Конкурстық материалдарды беру нысаны
1. Материалдар оларды жеңiп шықпаған қатысушыларға қайта
жөнелту үшiн қайта пайдалануға мүмкiндiк беретiн арнайы контейнерде
берiлуге тиiс.
2. Конкурс материалдары түрлi-түстi графикада орындалып, көлемi
1 метрге 1 метр, көбiктiполиуретан планшеттерде берiледi. Аталған
материалдар электронды жеткiзгiштерге көшiрiлiп, негiзгi
материалдармен бiрге берiледi.
Конкурсты өткiзу мерзiмдерi
Дайындық кезеңi:
1. Халықаралық конкурс жарияланғаны туралы - 1998 жылдың 30
баспасөзде және ИНТЕРНЕТ-тi қоса алғанда, наурызы
басқа да ақпарат құралдарында ресми
хабарлау
2. Конкурсқа қарымды қатысушылардан өтiнiм - 1998 жылдың
қабылдаудың аяқталуы және оларды 30 сәуiрi
алдын-ала тiркеу
3. Өтiнiмдердiң конкурс шарттарына сәйкес - 1998 жылдың
келуiне сараптама жүргiзу және 10 мамыры
комиссияның конкурс қатысушыларын
түпкiлiктi iрiктеу мен оларды тiркеуi
4. Тiркелген конкурс қатысушыларына - 1998 жылдың
материалдарды экспресс-почта және 20 мамыры
дипломатиялық арналар арқылы жөнелту
Конкурсты өткiзу және оны қорытындылау
1. Материалдарды Конкурс хатшылығына - 1998 жылдың
ұсыну мерзiмi 20 тамызы
2. Ұсынылған материалдардың конкурс - 1998 жылдың
шарттарына сәйкес келуiне техникалық 30 тамызы
сараптама жүргiзу
3. Сараптық кеңестiң конкурстың әдiлқазылар - 1998 жылдың
алқасына баяндамалар әзiрлеуi 15 қыркүйегi
4. Конкурсқа ұсынылған материалдарды - 1998 жылдың
қоғамдық талқыға салу 20 қыркүйегi
5. Конкурстың әдiлқазылар алқасының отырысы - 1998 жылдың
25 қыркүйегi
6. Конкурстың әдiлқазылар алқасының конкурс - 1998 жылдың
материалдарын қарауының және ең жақсы үш 28 қыркүйегi
жобаны анықтауы нәтижелерi бойынша
комиссия мен Қазақстан Республикасының
Үкiметiне баяндама әзiрлеу
7. Әдiлқазылар алқасы баяндамасының - 1998 жылдың
Қазақстан Республикасының Үкiметiнде 30 қыркүйегi
қаралуы және жеңiмпазды белгiлеу
8. Қазақстан Республикасы Президентiнiң - Қазақстан
конкурс лауреаттарына сыйлық тапсыруы Республикасы
Президентiнiң
Әкiмшiлiгiмен
келiсiлген
мерзiм бойынша
