Ақша қаражаттарының республикалық бюджет кiрiсiне түсуiн қамтамасыз ету мақсатында Қазақстан Республикасының Үкiметi қаулы етедi:
1. Қазақстан Республикасының Инвестициялар жөнiндегi мемлекеттiк комитетi Қазақстан Республикасының Қаржы министрлiгiмен бiрлесiп "Теңiзмұнайгаз" және "Қазақойл" акционерлiк қоғамдарының қатысуымен Қазақстан Республикасы Қаржы министрлiгiнiң атынан мемлекетке кредит берушiлердiң талап ету құқықтарының көшуiн қамтамасыз ететiн 1993 жылғы 2 сәуiрдегi Қазақстан Республикасында сатып алу үшiн орнын толтыру төлемiне жататын Заем туралы келiсiмге өзгерiстер мен толықтырулар енгiзу туралы "Теңiзшевройл" жауапкершiлiгi шектеулi әрiптестiгiмен және "Трансошен Шеврон Компани" компаниясымен республикалық бюджетке көрсетiлген заем бойынша қаражаттардың (оның iшiнде проценттердiң) түсуiн қамтамасыз ету мақсатында келiссөздер
жүргiзсiн.
2. Қазақстан Республикасы Қаржы министрлiгiнiң Салық комитетi осы
қаулының 1-тармағына сәйкес тараптар тиiстi толықтырулар мен
өзгерiстерге қол қойылғаннан кейiн көрсетiлген заем бойынша
қаражаттардың бюджетке толық және уақтылы түсуiне бақылау жасауды
қамтамасыз етсiн.
Қазақстан Республикасының
Премьер-Министрi
