Атырау облысында су тасқынының алдын алу және оның зардаптарын жою жөнiнде кезек күттiрмейтiн шаралар қабылдау және су басуға қарсы шараларды жүргiзу үшiн Қазақстан Республикасының Үкiметi қаулы етедi:
1. Қазақстан Республикасы Үкiметiнiң резерв қорынан табиғи және техногендiк сипаттағы төтенше жағдайларды жоюды қоса алғанда, төтенше жағдайлар мен шараларды қаржыландыруға көзделген қаражаттың есебiнен Атырау облысының әкiмiне 1998 жылдың сәуiрiндегi су тасқынының алдын алуға және оның зардаптарын жоюға байланысты шығындарды өтеуге 50 (елу) млн. теңге бөлiнсiн.
2. Атырау облысының әкiмi 1998 жылдың II тоқсанының
қорытындылары бойынша Қазақстан Республикасының Төтенше жағдайлар
жөнiндегi комитетiне орындалған жұмыстардың көлемi мен құны туралы
баяндасын.
3. Қазақстан Республикасы Қаржы министрлiгiнiң Қаржы бақылау
комитетi бөлiнген қаражаттың мақсатқа сай пайдаланылуын бақылауды
қамтамасыз етсiн.
Қазақстан Республикасының
Премьер-Министрi
