Ескерту. Күші жойылды - ҚР Үкіметінің 2011.02.19 N 159 Қаулысымен.
"Білім туралы" Қазақстан Республикасының 1999 жылғы 7 маусымдағы Заңына сәйкес Қазақстан Республикасының Үкіметі қаулы етеді:
1. Қоса беріліп отырған Мемлекеттік білім мекемелерінің қаржылық, материалдық және валюталық түсімдерді пайдалануының тәртібі бекітілсін.
2. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Қазақстан Республикасы
Үкiметiнiң
1999 жылғы 22 қыркүйектегі
N 1441 қаулысымен
бекiтiлген
Мемлекеттiк бiлiм мекемелерiнiң қаржылық,
материалдық және валюталық түсiмдерді
пайдалануының тәртiбi
1. Осы Тәртiп "Бiлiм туралы" Қазақстан Республикасының Заңына сәйкес әзiрлендi. Z070319
2. Мемлекеттік бiлiм мекемелерiнiң қаржылық, материалдық және валюталық түсiмдерi заңдарда белгiленген тәртiппен:
1) мекеменiң оқу-материалдық базасын нығайтуға;
2) оқу жабдықтары мен мүкәммал, оның iшiнде оқу-тәжiрибе учаскесiндегi жұмыс үшiн сатып алуға; <*>
3) оқушылардың тамақтануын, оларға тұрмыстық және мәдени қызмет көрсетудi жақсарту жөнiндегi шығыстарды жабуға;
4) оқу-өндiрiстiк шеберханалар мен қосалқы шаруашылықтарды кеңейтуге;
5) бiлiм алушыларды көтермелеуге және бiлiм алушылардың жекелеген әлеуметтiк қорғалмаған жiктерiне материалдық көмек көрсетуге; <*>
6) ұзартылған күнi бар мектептердегi және мектептер мен мектеп-интернаттардың ұзартылған күн топтарындағы оқушылардың тамақтануына;
7) асханаларды ұстау жөнiндегi шығыстарға (жалақы, тамақ өнiмдерiн сатып алу, жабдықтар мен құралдар сатып алу, күрделi жөндеу, шаруашылық және басқа да шығыстар);
8) мектептiң оқушылары орындаған жұмыстарға ақы төлеуге;
9) экскурсиялар мен мектеп кештерiн өткiзуге;
10) мектептi ағымдағы жөндеуге, оқу корпустарын және жатақханаларды; <*>
11) мектеп жанындағы учаскенi дамытуға және мектеп шеберханаларының жабдықтарын жаңалатуға;
12) спорт алаңдарын жайластыруға;
13) стипендиялар мен қоғамдық-пайдалы еңбекте көзге түскен оқушыларға сыйлықақылар беруге;
14) сауықтыру iс-шараларына;
15) жарыстарға қатысушыларды тамақтандыру жөнiндегі, төрешiлер (судьялар) мен медициналық қызметкерлердiң еңбегiне ақы төлеу жөнiндегi шығыстарды жабуға;
16) қосымша оқу бағдарламалары бойынша оқу процесiн ұйымдастыруға;
17) үйiрмелердiң жетекшiлерiнiң еңбегiне ақы төлеуге;
18) үйiрмелердi ұйымдастыруға байланысты iс-шараларға;
19) ақылы бiлiм беру қызметтерiн көрсеткен қызметкерлердiң еңбегiне ақы төлеуге;
20) қосымша ақылар, үстемеақылар, сыйлықақылар және ынталандыру сипатындағы басқа да төлемдер белгілеуге;
21) жабдықтар, мүлiктер (оның iшiнде жұмсақ) және киiм-кешектер сатып алуға;
22) шаруашылық шығыстарға (жылуға, электр энергиясына, сумен жабдықтауға және басқа да коммуналдық шығыстарға төлеуге, ағымдағы және шаруашылық мақсаттар үшiн заттар мен материалдар сатып алуға, ғимаратқа қызмет көрсету жөнiндегі қызмет көрсетулерге ақы төлеуге, көлiктiк қызмет көрсетулерге ақы төлеуге және тауарлар сатып алуға арналған басқа да шығыстарға);
23) ғимараттар мен құрылыстарды қайта жаңартуға және күрделi жөндеуге арналған шығыстарға;
24) демалыс лагерьлерiнiң тәрбиешiлерi мен көмекшi қызметшiлерiнiң еңбегiне ақы төлеуге;
25) музыкалық аспаптарды жөндеуге;
26) двигательдердi пайдалануға және жөндеуге байланысты шығыстарға;
27) оқу-қосымша, қосалқы шаруашылықтар мен оқу-тәжiрибе учаскелерiнiң өндiрiстiк қызметiне байланысты шығындарға, оның iшiнде осы қызметпен айналысатын қызметкерлердiң еңбегіне ақы төлеуге;
28) iссапарлық шығыстарға пайдаланылады.
ЕСКЕРТУ. 2-тармақ өзгерді - ҚР Үкіметінің 2002.08.15. N 905 қаулысымен.P020905
3. 1) жалпы орта және кәсiптiк бастауыш және жоғары мемлекеттiк бiлiм мекемелерi, балалар үйлерi дамуында проблемалары бар балалар мен жасөспiрiмдердi қалпына келтiрудi және әлеуметтiк бейiмдеудi жүзеге асыратын бiлiм мекемелерi ақылы білiм беру және өзге де қызметтер көрсетуден алатын қаражат мекеменiң "Ақылы қызмет көрсетулерден алынған қаражат" деген ағымдағы шотына есептеледі және осы Ереженiң 2-тармағында көрсетiлген мақсаттарға пайдаланылады; <*>
2) басқа мемлекеттiк бiлiм беру мекемелерiнiң бiлiм беру және өзге де қызметтер көрсетуден алынған қаражаты заңдарда белгiленген тәртiппен тиiстi бюджеттердiң (республикалық немесе жергiлiктi) кiрiсiне түседi.
Ескерту. 3-тармақ өзгерді - ҚР Үкіметінің 2000.09.22. N 1437
қаулысымен. P001437_
ЕСКЕРТУ. 3-тармақ өзгерді - ҚР Үкіметінің 2002.08.15. N 905
қаулысымен. P020905
4. Мемлекеттiк бiлiм мекемелерi демеушілiк және қайырымдылық көмек түрiнде алған қаражат мекемелердiң демеушiлiк және қайырымдылық көмектерге арналған шотына есептеледi және егер демеушiлер немесе қайырымдылық көмегiн көрсетушi тұлғалар өзгедей көрсетпесе, осы Ереженiң 2-тармағында аталған мақсаттарға жұмсалады.
5. Ақылы бiлiм беру қызметтерiн көрсетуден түскен қаражат кiрiстер мен шығыстардың сметалары бойынша жоспарланады және пайдаланылады.
6. Әрбiр бiлiм мекемесi кiрiстер мен шығыстардың сметаларын жасайды және бюджеттiк бағдарламаның әкiмшiсiне қарауға ұсынады.
7. Кiрiстер мен шығыстар сметаларын бюджеттiк бағдарламалардың әкiмшiлерi бекiтедi. <*>
ЕСКЕРТУ. 7-тармақ жаңа редакцияда - ҚР Үкіметінің 2002.03.28. N 362 қаулысымен. P020362_
8. <*>
ЕСКЕРТУ. 8-тармақ алып тасталды - ҚР Үкіметінің 2002.03.28. N 362 қаулысымен. P020362
9. Ақылы бiлiм беру қызметтерi мен өзге де қызметтер көрсетуден түскен қаражат мекеменiң басшысы белгiлеген және мiндеттi түрде ата-аналар комитетiмен келiсiлген бiрiншi кезектегi iс-шаралар ескерiле отырып, қатаң түрде мақсаты бойынша жұмсалады. Қазақстан Республикасының заңдарымен бюджеттiк қаражатқа билiк ету құқығы берiлген мемлекеттiк мекемелердiң басшылары қаражатқа билiк етушiлер болып табылады.
10. Мемлекеттiк бiлiм мекемелерiнiң "Ақылы қызметтер көрсетуден алынған қаражат" деген ағымдағы шотын ашу, жүргiзу және жабу Қазақстан Республикасының Қаржы министрлiгi белгiлеген тәртiппен жүргiзiледi. <*>
ЕСКЕРТУ. 10-тармақ жаңа редакцияда - ҚР Үкіметінің 2002.03.28. N 362 қаулысымен. P020362
11. Мемлекеттiк бiлiм мекемелерiнiң бюджеттiк қаражатты ақылы қызмет көрсетулердi iске асырудан алынатын қаражаттың ағымдағы шотына аударуына тыйым салынады.
12. Ақылы қызмет көрсетудi iске асырудан түсетiн қаражаттың есебiн жүргiзу, есептiлiгi және оны бақылау Қазақстан Республикасы Қаржы министрлiгiнiң нормативтiк актiлерiне сәйкес жүзеге асырылады.
13. Қаржылық, материалдық және валюталық түсiмдерге салық салудың және салықтар мен алымдар бойынша жеңiлдiктер берудің тәртiбi Қазақстан Республикасының қолданылып жүрген заңдарымен реттеледi.
Оқығандар:
Қобдалиева Н.М.
Қасымбеков Б.А.
