Республикалық мемлекеттік почта байланысы кәсіпорнын және оның еншілес мемлекеттік кәсіпорындарын қайта ұйымдастыру туралы

Жаңартылған

Қазақстан Республикасы Үкіметінің Қаулысы 1999 жылғы 20 желтоқсан N 1940

      Қазақстан Республикасының почта саласын дамыту мақсатында Қазақстан Республикасының Үкіметі қаулы етеді:
      1. Республикалық мемлекеттік почта байланысы кәсіпорны және оның еншілес мемлекеттік кәсіпорындары мемлекеттің 100 проценттік қатысуымен "Қазпочта" ашық акционерлік қоғамы (бұдан әрі - Қазпочта) болып қайта ұйымдастырылсын.
      2. Қазпочта акцияларының мемлекеттік пакетін "Қазақстан Халықтық Жинақ Банкі" ашық акционерлік қоғамының басқаруына берудің және почта-жинақ жүйесін қалыптастыру стратегиясын әзірлеудің шарттарын белгілеу мақсатында қосымшаға сәйкес құрамда комиссия (бұдан әрі - Комиссия) құрылсын.
      3. Комиссия 1999 жылдың 31 желтоқсанына дейінгі мерзімде:
      1) шарттарының бірі ретінде басқару мерзімін "Қазақстан Халықтық Жинақ Банкі" ААҚ-ында акциялардың мемлекеттік пакетін 50 процент қосылған бір акция мөлшерінде сақтауға дейін көзделген, Қазпочта акцияларының мемлекеттік пакетін басқаруға беру талаптарын белгілесін;
      2) аудандық деңгейде және ауылдық жерлерде "Қазақстан Халықтық Жинақ Банкі" ашық акционерлік қоғамының активтер құнын бағалауды жүргізсін;
      3) почта-жинақ жүйесін дамыту стратегиясын әзірлесін және оны Қазақстан Республикасы Үкіметінің бекітуіне ұсынсын.
      4. Қазақстан Республикасы Қаржы министрлігінің Мемлекеттік мүлік және жекешелендіру комитеті заңдарда белгіленген тәртіппен:
      1) Қазпочтаның жарғысын бекітсін және оның әділет органдарында мемлекеттік тіркелуін қамтамасыз етсін;
      2) Комиссия белгілеген шарттар негізінде Қазпочта акцияларының мемлекеттік пакетін басқаруға "Қазақстан Халықтық Жинақ Банкі" ашық акционерлік қоғамымен шарт жасассын;
      3) осы қаулыны жүзеге асыру жөнінде өзге де шаралар қабылдасын.

      5. Күші жойылды - ҚР Үкіметінің 05.08.2013 № 796 қаулысымен.
      6. Осы қаулы қол қойылған күнінен бастап қолдануға енгізіледі.

      Қазақстан Республикасының
      Премьер-Министрі

                                   Қазақстан Республикасы Үкіметінің
                                      1999 жылғы 20 желтоқсандағы
                                        N 1940 қаулысына қосымша

      ЕСКЕРТУ. Құрам өзгерді - ҚР Үкіметінің 2000.05.04. N 659
               қаулысымен. P000659_

             Қазпочта акцияларының мемлекеттік пакетін
         "Қазақстан Халықтық Жинақ Банкі" ашық акционерлік
              қоғамының басқаруына беру шарттарын
         белгілеу және почта-жинақ жүйесін қалыптастыру
        стратегиясын әзірлеу жөніндегі комиссияның құрамы

     Өтембаев               - Қазақстан Республикасы
     Ержан Әбілхайырұлы       Премьер-Министрінің
                              орынбасары, төраға

     Марченко               - Қазақстан Республикасы
     Григорий Александрович   Ұлттық Банкінің төрағасы
                              (келісім бойынша)

     Сәйденов               - Қазақстан Республикасының
     Әнуар Ғалимоллаұлы       Қаржы вице-министрі

     Жолдасбеков            - Қазақстан Республикасының
     Азамат Мырзаданұлы       Бағалы қағаздар жөніндегі
                              ұлттық комиссиясының төрағасы
                              (келісім бойынша)

     Қанешов                - Қазақстан Республикасының
     Біржан Бейсекенұлы       Көлік және коммуникациялар
                              вице-министрі

     Құзытбаева             - Қазақстан Республикасының
     Ажар Қилымбекқызы        Әділет вице-министрі

     Раханов                - Қазақстан Республикасы
     Мақсұтбек Смағұлұлы      Қаржы министрлігінің Мемлекеттік
                              мүлік және жекешелендіру
                              комитетінің төрағасы

     Мәсімов                - "Қазақстан Халықтық Жинақ
     Кәрім Кәкімжанұлы        Банкі" ашық акционерлік
                              қоғамы басқармасының төрағасы
                              (келісім бойынша)

     Ержанов                - Республикалық мемлекеттік
     Оразәлі Сәнтайұлы        почта байланысы кәсіпорнының
                              бас директоры

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады