Чех Республикасының Президентi Вацлав Клаустың Қазақстан Республикасына 2004 жылғы 8-10 қыркүйектегi ресми сапары барысында қол жеткiзiлген уағдаластықтарды iске асыру жөнiндегi іс-шаралар жоспарын бекiту туралы

Қазақстан Республикасы Премьер-Министрінің 2005 жылғы 18 ақпандағы N 28-ө Өкімі

Чех Республикасының Президенті Вацлав Клаустың Қазақстан Республикасына 2004 жылғы 8-10 қыркүйектегі ресми сапары барысында қол жеткiзiлген уағдаластықтарды iске асыру және қазақстан-чехия ынтымақтастығын одан әрі дамытуды қамтамасыз ету мақсатында:

1. Қоса берiлiп отырған Чех Республикасының Президентi Вацлав Клаустың Қазақстан Республикасына 2004 жылғы 8-10 қыркүйектегi ресми сапары барысында қол жеткiзілген уағдаластықтарды iске асыру жөнiндегi iс-шаралар жоспары (бұдан әрі - Жоспар) бекітiлсiн.

2. Қазақстан Республикасының орталық атқарушы органдары, өзге де мемлекеттiк органдары және мүдделi ұйымдар (келiсiм бойынша) Жоспарда көзделген іс-шараларды iске асыру жөнiнде тиiсті шаралар қабылдасын.

3. Қазақстан Республикасы Сыртқы істер министрлiгi тоқсанында кемiнде бiр рет Қазақстан Республикасының Үкiметiне Жоспардың орындалу барысы туралы хабарлап отырсын.

Премьер-Министр

Қазақстан Республикасы
Премьер-Министрiнiң
2005 жылғы 18 ақпандағы
N 28-ө өкiмiмен
бекітілген

Чех Республикасының Президентi Вацлав Клаустың
Қазақстан Республикасына 2004 жылғы 8-10 қыркүйектегі
ресми сапары барысында қол жеткiзілген уағдаластықтарды
iске асыру жөнiндегi iс-шаралар жоспары

P/c N	Iс-шара	Орындалу мерзімi	Орындауға жауаптылар
1	2	3	4
1.	Қазақстан Республикасының Үкiметi мен Чех Республика- сының Үкiметi арасындағы Экономикалық, өндiрiстiк және ғылыми-техникалық ынтымақтастық туралы келiсiмнiң күшіне енуi жөнiндегi қажетті мемлекеті- шілiк рәсiмдердi жүргізу.	2005 жылдың I тоқсаны	Қазақстан Республикасы Индустрия және сауда министрлiгi
2.	Қазақстан Республикасы мен Чех Республикасы арасындағы ынтымақтастықты нығайту және шарттық-құқықтық базаны жетілдiру жөнiнде ұсыныстар әзiрлеу: 1) құқықтық көмек көрсету саласында: а) Қылмыскерлердi беру туралы шартқа қол қоюдың мүмкiндiгiн пысықтау; б) Қылмыстық iстер бойынша құқықтық көмек туралы шартқа қол қоюдың мүмкiндiгін пысықтау; 2) білім саласында: Қазақстан Республикасы Білiм және ғылым министрлігі мен Чех Республикасының Бiлiм министрлігі арасындағы Бiлiм саласындағы ынтымақтастық туралы келiсiмнiң жобасын әзiрлеу; 3) туризм және спорт саласында: а) Қазақстан Республикасының Үкiметі мен Чех Республикасының Үкiметi арасындағы Туризм саласындағы ынтымақтастық туралы келiсiмге қол қоюдың мүмкiндiгін пысықтау; б) туризм және қонақ үй бизнесi саласында қазақстандық кадрларды қайта даярлау мен тағлымдамадан өткiзудiң мүмкiндiгін пысықтау; в) бiрлескен оқу-жаттығу жиындары мен басқа да спорттық iс-шараларды өткiзудiң мүмкiндiгiн пысықтау.	2005 жылдың I тоқсаны 2005 жылдың I тоқсаны 2005 жылдың I тоқсаны 2005 жылдың I тоқсаны 2005 жылдың I тоқсаны 2005 жылдың I тоқсаны	Қазақстан Республикасы Бас прокура- турасы (келi- сiм бойынша) Қазақстан Республикасы Бас прокура- турасы (келi- сiм бойынша) Қазақстан Республикасы Бiлiм және ғылым министрлігі Қазақстан Республикасы Индустрия және сауда министрлiгi Қазақстан Республикасы Индустрия және сауда министрлiгi Қазақстан Республикасы Мәдениет, ақпарат және спорт мини- стрлігі
3.	Қаржы саласындағы ынтымақ- тастық: "Экспорттық кредиттердi және инвестици- яларды сақтандыру жөнiндегi мемлекеттік сақтандыру корпорациясы" АҚ мен Чех Республикасының экспорттық кредиттердi сақтандыру жөнiндегі корпорациясы арасындағы Ынтымақтастық туралы шартқа қол қоюдың мүмкiндiгiн пысықтау.	2005 жылдың I тоқсаны	"Экспорттық кредиттердi және инвести- цияларды сақтандыру жөнiндегi мемлекеттік сақтандыру корпорациясы" акционерлiк қоғамы (келi- сiм бойынша)
4.	Өнерлiк ынтымақтастық саласында: Астана қаласының әкiмдігі мен Прага қаласы- ның мэриясы арасындағы Сауда-экономикалық, ғылыми- техникалық ынтымақтастық саласындағы, денсаулық сақтау, мәдениет, білім, туризм және спорт салаласындағы ынтымақтастық келiсiмiне қол қоюдың мүмкiндiгін пысықтау.	2005 жылдың I тоқсаны	Астана қаласының әкiмдiгі
5.	Қазақстан Республикасының Президентi Нұрсұлтан Назарбаев пен Чех Республикасының Президенті Вацлав Клаус арасындағы уағдаластыққа сәйкес Ямбург келiсiмдерi бойынша берешек проблемасының Қазақстан Республикасы үшiн қолайлы шешілуi мәселесiн қарау.	2005 жылдың iшiнде	Қазақстан Республикасы Әділет минис- трлiгi, Қаржы министрлігі, Экономика және бюджет- тік жоспарлау министрлiгі, Энергетика және минерал- дық ресурстар министрлiгі, Сыртқы iстер министрлігі, "ҚазМұнайГаз" ұлттық мұнай- газ компания- сы" акционер- лiк қоғамы (келiсiм бойынша)

Ескерту: барлық ақпарат Қазақстан Республикасының Сыртқы iстер министрлігіне беріледi