Астана қаласында Ұлы Отан соғысындағы Жеңiстiң 60 жылдығын мерекелеу күндерi облыстардың, Астана және Алматы қалаларының соғыс ардагерлерi делегацияларына кейбiр мемлекеттiк органдар мен өзге ұйымдарды бекiтiп беру туралы

Қазақстан Республикасы Премьер-Министрінің 2005 жылғы 16 наурыздағы N 52-ө Өкімі

Астана қаласында Ұлы Отан соғысындағы Жеңiстiң 60 жылдығын мерекелеу күндерiндегi салтанатты iс-шараларға республика өңiрлерiнiң соғыс ардагерлерi делегацияларының қатысуын ұйымдасқан түрде қамтамасыз ету мақсатында:

1. Қосымшаға сәйкес республика өңiрлерiнiң соғыс ардагерлерi делегацияларына мемлекеттiк органдар мен өзге де ұйымдар (келiсiм бойынша) бекiтiлiп берiлсiн.

2. Мемлекеттік органдар мен өзге де ұйымдар (келiсiм бойынша) делегацияларды қарсы алулар мен шығарып салуларды, мәдени бағдарламаны, оларға медициналық, көлiктiк қызмет көрсетулердi, тамақтандыруды ұйымдастырсын, сондай-ақ олардың Астана қаласында барлық болу кезеңiнде қонақ үйлерде тұруы үшiн жағдай жасасын.

3. Республика өңiрлерiнiң соғыс ардагерлерi делегацияларын қаржылай қамтамасыз ету тиiстi мемлекеттiк мекемелерге - бағдарламалардың әкiмшiлерiне оларды ұстауға 2005 жылға арналған республикалық бюджетте көзделген қаражат шегiнде, сондай-ақ осы өкiмнiң 1-тармағына сәйкес республика өңiрлерiнiң соғыс ардагерлерi делегациялары бекiтілiп берiлген өзге де ұйымдардың қаражаты есебiнен жүзеге асырылады деп белгiленсiн.

4. Осы өкiмнiң орындалуын бақылау Қазақстан Республикасы Премьер-Министрiнiң Кеңсесiне жүктелсін.

Премьер-Министр

Қазақстан Республикасы
Премьер-Министрiнiң
2005 жылғы 16 наурыздағы
N 52-ө өкiмiне қосымша

Облыстардың, Астана және Алматы қалаларының соғыс
ардагерлерi делегацияларына мемлекеттiк органдар
мен өзге де ұйымдарды бекiтiп беру

P/c N	Қалалар мен облыс- тардың атауы	Соғыс ардагерлерi делегацияларына бекiтiлiп берiлген мемлекеттiк органдар мен өзге де ұйымдар
1.	Ақмола облысы	Қазақстан Республикасы Еңбек және халықты әлеуметтiк қорғау министрлiгi
2.	Ақтөбе облысы	Қазақстан Республикасы Бiлiм және ғылым министрлiгi
3.	Алматы облысы	Қазақстан Республикасы Төтенше жағдайлар министрлiгi
4.	Атырау облысы	"Қазмұнайгаз" ұлттық мұнай-газ компаниясы" жабық акционерлiк қоғамы (келiсiм бойынша)
5.	Шығыс Қазақстан облысы	Қазақстан Республикасы Әдiлет министрлiгi
6.	Жамбыл облысы	Қазақстан Республикасы Денсаулық сақтау министрлiгi
7.	Батыс Қазақстан облысы	Қазақстан Республикасы Ауыл шаруашылығы министрлiгi
8.	Қарағанды облысы	"Қазақстан темiр жолы" ұлттық компаниясы" акционерлiк қоғамы
9.	Қостанай облысы	Қазақстан Республикасы Көлiк және коммуникация министрлiгi
10.	Қызылорда облысы	Қазақстан Республикасы Энергетика және минералдық ресурстар министрлiгi
11.	Маңғыстау облысы	"Қазмұнайгаз" ұлттық мұнай-газ компаниясы" жабық акционерлiк қоғамы (келiсiм бойынша)
12.	Павлодар облысы	Қазақстан Республикасы Экономика және бюджеттiк жоспарлау министрлiгi
13.	Солтүстiк Қазақстан облысы	Қазақстан Республикасы Қаржы министрлігі
14.	Оңтүстiк Қазақстан облысы	Қазақстан Республикасының Табиғи монополияларды реттеу агенттiгi
15.	Алматы қаласы	Қазақстан Республикасы Индустрия және сауда министрлігі