Қазақстан Республикасы мен Украина арасындағы екi жақты ынтымақтастықты нығайту, сондай-ақ 2005 жылғы 30 - 31 мамырда Астана қаласында Украина президентi Виктор Андреевич Ющенконың Қазақстан Республикасына ресми сапарын (бұдан әрi - сапар) дайындау және өткiзу жөнiндегi протоколдық-ұйымдастыру iс-шараларын қамтамасыз ету мақсатында:
1. Қазақстан Республикасы Сыртқы iстер министрлiгi сапарды дайындау және өткiзу жөнiндегi протоколдық-ұйымдастыру iс-шараларын қамтамасыз етсiн.
2. Қазақстан Республикасы Президентiнiң Iс басқармасы (келiсiм бойынша):
қосымшаға сәйкес Украина ресми делегациясының мүшелерiне қызмет көрсету жөнiнде ұйымдастыру шараларын қабылдасын;
2005 жылға арналған республикалық бюджетте 001 "Мемлекет басшысының, Премьер-Министрдiң және мемлекеттік органдардың басқа да лауазымды тұлғаларының қызметiн қамтамасыз ету" бағдарламасы және 003 "Республикалық деңгейде халықтың санитарлық-эпидемиологиялық салауаттылығы" бағдарламасы бойынша көзделген қаражат есебiнен сапарды және Қазақстан Республикасы мен Украина iскер топтары өкiлдерiнiң қатысуымен Астана қаласында бизнес-форумды өткiзуге арналған шығыстарды қаржыландыруды қамтамасыз етсiн.
3. Қазақстан Республикасы Iшкi iстер министрлiгi, Қазақстан Республикасы Президентiнiң Күзет қызметi (келiсiм бойынша), Қазақстан Республикасы Ұлттық қауiпсiздiк комитетi (келiсiм бойынша), Украинаның ресми делегациясы мүшелерiнiң әуежайдағы, тұратын және болатын орындарындағы қауiпсiздiгiн, сондай-ақ жүретiн бағыттары бойынша бiрге жүрудi және арнайы ұшақты күзетудi қамтамасыз етсiн.
4. Қазақстан Республикасы Көлiк және коммуникация министрлiгi белгiленген тәртіппен:
Қазақстан Республикасы Қорғаныс министрлiгiмен және Қазақстан Республикасы Сыртқы iстер министрлiгiмен бiрлесіп, Украина президентi Виктор Андреевич Ющенконың арнайы ұшағының Қазақстан Республикасы аумағының үстінен ұшып өтуiн, Астана қаласының әуежайына қонуын және одан ұшып шығуын қамтамасыз етсiн;
Астана қаласының әуежайында арнайы ұшаққа техникалық қызмет көрсетудi, оның тұрағын және жанармай құюды қамтамасыз етсiн.
5. Қазақстан Республикасы Мәдениет, ақпарат және спорт министрлiгi сапардың бұқаралық ақпарат құралдарында жария етілуін қамтамасыз етсiн.
6. Астана қаласының әкiмi:
Украинаның ресми делегациясын қарсы алуды және шығарып салуды Астана қаласының әуежайы мен көшелерiн безендiру жөнiндегi ұйымдастыру iс-шараларының орындалуын қамтамасыз етсiн;
Қазақстан Республикасы Индустрия және сауда министрлiгiмен бiрлесіп, Қазақстан Республикасы мен Украинаның мүдделi мемлекеттік органдары өкілдерiнің, кәсіпкерлерiнің қатысуымен бизнес-форумды ұйымдастырсын.
7. Қазақстан Республикасы Республикалық ұланы (келiсiм бойынша) Астана қаласының әуежайында Украина президентi Виктор Андреевич Ющенконы қарсы алу мен шығарып салу рәсiмiне қатыссын, Қазақстан Республикасы Президентiнің атынан қабылдау кезiнде концерттiк бағдарлама ұйымдастырсын.
8. Осы өкiмнiң iске асырылуын бақылау Қазақстан Республикасы Сыртқы iстер министрлiгiне жүктелсiн.
Премьер-Министр
Қазақстан Республикасы
Премьер-Министрiнiң
2005 жылғы 28 мамырдағы
N 146-ө өкiмiне
қосымша
Украина ресми делегациясының мүшелерiне қызмет көрсету
жөнiндегі ұйымдастыру шаралары
1. Украина ресми делегациясының мүшелерiн және бiрге жүретiн адамдарды Астана қаласының қонақ үйiне орналастыру, тамақтандыру және оларға көліктік қызмет көрсету.
2. Қазақстан Республикасының Президентi Күзет қызметінің қызметкерлерiн ресми делегация мүшелерi орналасқан жерлерге орналастыру.
3. Баспа өнiмдерiн (бейдждер, автомобильдерге арнайы рұқсатнамалар, куверттiк карталар, қабылдауға шақырулар) дайындау.
4. Украинаның ресми делегациясының басшысы мен мүшелерi үшiн сыйлық және кәдесыйлар сатып алу.
5. Украинаның ресми делегациясын қарсы алу және шығарып салу кезiнде Астана қаласының әуежайында шай дастарханын ұйымдастыру.
6. Қазақстан Республикасының Президентi H. Назарбаевтың атынан Украина президентi В. Ющенконың құрметіне Астана қаласында ресми қабылдау ұйымдастыру.
7. Астана қаласында Қазақстан Республикасының және Украинаның iскер топтары өкiлдерінің қатысуымен бизнес-форум өткiзуге қажеттi залды, слайд-проекторды, компьютердi, iлеспе аудармаға арналған жабдықтарды, микрофондарды, құлақшаларды жалға алуға, кеңсе тауарлары мен минералдық суға ақы төлеу.
8. Ресми делегацияның мүшелерiне және бiрге жүретiн адамдарға медициналық қызмет көрсету.
