1. Қоса беріліп отырған Орталық және жергілікті атқарушы органдар мен өзге де ұйымдардың штат санын және шығыстарын оңтайландыру жөніндегі 2019 - 2020 жылдарға арналған іс-шаралар жоспары (бұдан әрі - Іс-шаралар жоспары) бекітілсін.
2. Қазақстан Республикасының мемлекеттік органдары:
1) Іс-шаралар жоспарының уақтылы орындалуын қамтамасыз етсін;
2) есепті кезеңнен кейінгі айдың 5-күніне дейін жартыжылдық негізде қабылданған шаралар туралы Қазақстан Республикасының Ұлттық экономика министрлігін хабардар етсін.
3. Қазақстан Республикасының Ұлттық экономика министрлігі есепті кезеңнен кейінгі айдың 15-күніне дейін жартыжылдық негізде осы Іс-шаралар жоспарының орындалу барысы туралы жиынтық ақпаратты Қазақстан Республикасының Үкіметіне ұсынсын.
| Премьер-Министр | Б. Сағынтаев |
| Қазақстан Республикасы Премьер-Министрінің 2019 жылғы 18 ақпандағы № 23-ө өкімімен бекітілген |
Орталық және жергілікті атқарушы органдар мен өзге де ұйымдардың штат санын және шығыстарын оңтайландыру жөніндегі 2019 - 2020 жылдарға арналған іс-шаралар жоспары
Р/с | Іс-шараның атауы | Жауапты орындаушылар | Аяқтау нысаны | Орындау мерзімі |
| 1 | 2 | 3 | 4 | 5 |
|---|---|---|---|---|
| Орталық және жергілікті атқарушы органдар мен ведомстволық бағынысты ұйымдардың штат санын оңтайландыру | ||||
1. | Артық және қайталанатын функцияларды анықтау тұрғысынан мемлекеттік органдардың ведомстволық бағынысты ұйымдарына функционалдық талдау жүргізу | ОАО және ЖІАО | ҰЭМ-ге ақпарат | 2019 жылғы сәуір |
2. | Функционалдық талдау нәтижелері бойынша мемлекеттік органдардың ведомстволық бағынысты ұйымдарын, оның ішінде олардың штат санын қайта қарай отырып, оңтайландыру | ҰЭМ (жинақтау), Қаржымині, МҚІСҚА (келісу бойынша), мүдделі мемлекеттік органдар | Қазақстан Республикасы Үкіметінің қаулысы | 2019 жылғы мамыр |
3. |
Мемлекеттік органдардың штат санын: | мүдделі мемлекеттік органдар, ЖАО | министрлердің және өзге де орталық мемлекеттік органдар басшыларының бұйрықтары, әкімдердің шешімдері | 2019 жылғы бірінші тоқсан |
4. | Тиісті жүргізілген талдаудың негізінде ОАО/ЖАО атқарушы құрамына жетекшілік ететін негізгі персоналға қосалқы персоналдың қатынасын нормативтік бекіту бойынша ұсыныстар әзірлеу | МҚІСҚА (келісу бойынша), мүдделі мемлекеттік органдар, ЖАО | ҰЭМ-ге ұсыныстар | 2019 жылғы бірінші тоқсан |
5. | Квазимемлекеттік сектор субъектілерін әкімшілік күтіп ұстау шығыстарын оңтайландыру | мүдделі мемлекеттік органдар, ЖАО | ҰЭМ-ге ақпарат | 2019 жылғы екінші тоқсан |
| Орталық және жергілікті атқарушы органдардың (ММ, АҚ, ЖШС, МК) ведомстволық бағынысты ұйымдарын оңтайландыру | ||||
6. | 2020 жылдың соңына дейін әлеуметтік ; маңызы бар объектілер болып табылмайтын ведомстволық бағынысты жаңа ұйымдарды құруға мораторий енгізуді көздейтін Қазақстан Республикасы Президенті Жарлығының жобасын әзірлеу | ҰЭМ (жинақтау), Қаржымині, МҚІСҚА (келісу бойынша) | Қазақстан Республикасы Президенті Жарлығының жобасы | 2019 жылғы наурыз |
7. | Мемлекеттік органдардың ведомстволық бағынысты ұйымдарын одан әрі оңтайландыру, шоғырландыру не тарату бойынша ұсыныстар енгізу | МҚІСҚА (келісу бойынша), мүдделі мемлекеттік органдар, ЖАО | ҰЭМ-ге ұсыныстар | 2019 - 2020 жылдар, жартыжылдық негізде |
8. | Мемлекеттік органдардың және ведомстволық бағынысты ұйымдардың қызметін қамтамасыз ететін ақпараттық жүйелерді интеграциялау бойынша ұсыныстар әзірлеу | мүдделі мемлекеттік органдар, ЖАО | АКМ-ге ұсыныстар | 2019 жылдың екінші жартыжылдығы |
9. | Ведомстволық бағынысты ұйымдарды оңтайландыру, шоғырландыру және тарату шеңберінде босатылған алаңдарды мақсатты пайдалану бойынша нормативтік бекіту | Қаржымині (жинақтау), мүдделі мемлекеттік органдар, ЖАО | Қазақстан Республикасы Қаржы министрінің бұйрығы | 2019 жылдың бірінші жартыжылдығы |
| Министрліктердің аумақтық бөлімшелеріндегі және министрліктердің аумақтық органдарындағы қосалқы қызметтерді орталықтандыру және оңтайландыру | ||||
10. | Министрліктердің аумақтық бөлімшелеріндегі және министрліктердің ведомствалық аумақтық органдарының қосалқы қызметтеріне функционалдық талдау жүргізу | мүдделі мемлекеттік органдар | ҰЭМ-ге ақпарат | 2019 жылғы екінші тоқсан |
11. | Функционалдық талдау нәтижелері бойынша "Бірыңғай баланс ұстаушы" жобасының шеңберінде министрліктердің құрылымдық бөлімшелерінің қаржы, әкімшілік құжаттамалық қамтамасыз ету қызметтеріне жауапты құрылымдық бөлімшелерін орталықтандыру және оңтайландыру | Қаржымині (жинақтау), мүдделі мемлекеттік органдар, ЖАО | Қазақстан Республикасы министрлерінің бұйрықтары | 2020 жылдың екінші жартыжылдығы |
| Штаттық бірліктерді босатудың "қолайлы" тетіктерін тарту | ||||
12. | Мемлекеттік органдардағы бос орындарды алмастыру ұзақтығына талдау жүргізе отырып, мемлекеттік қызмет кадрларының жағдайына мониторинг жүргізу | МҚІСҚА (келісу бойынша) (жинақтау), ҰЭМ, Қаржымині, мүдделі мемлекеттік органдар | ҰЭМ-ге ақпарат | 2019 жылғы ақпан |
| Орталық және жергілікті атқарушы органдардың техникалық қызмет көрсетуін және олардың жұмыс істеуін қамтамасыз ететін қызметкерлер бойынша нормативтерді жетілдіру | ||||
13. | Экономикалық орындылықты және аутсорсинг арқылы бәсекелес ортаны тартуды ескере отырып, мемлекеттік органдардың техникалық қызмет көрсетуін және олардың жұмыс істеуін қамтамасыз ететін жекелеген лауазымдарды және қызметкерлердің нормативтік санын оңтайландыру | Еңбекмині (жинақтау), ҰЭМ, Қаржымині, мүдделі мемлекеттік органдар, ЖАО | Қазақстан Республикасының Еңбек және халықты әлеуметтік қорғау министрінің бұйрығы | 2019 жылдың екінші жартыжылдығы |
| Орталық және жергілікті атқарушы органдардың зерттеулер жүргізуге арналған шығыстарын оңтайландыру | ||||
14. |
Орталық және жергілікті атқарушы органдардың зерттеулер жүргізуге арналған шығыстарын оңтайландыру: | мүдделі мемлекеттік органдар, ЖАО | ҰЭМ-ге ақпарат | 2019 жылдың бірінші жартыжылдығы |
Ескертпе: аббревиатуралардың толық жазылуы:
АКМ - Қазақстан Республикасының Ақпарат және коммуникациялар министрлігі
АҚ - акционерлік қоғам
Еңбекмині - Қазақстан Республикасының Еңбек және халықты әлеуметтік қорғау министрлігі
ЖАО - жергілікті атқарушы орган
ЖШС - жауапкершілігі шектеулі серіктестік
Қаржымині - Қазақстан Республикасының Қаржы министрлігі
ҚДМ - Қазақстан Республикасының Қоғамдық даму министрлігі
МК - мемлекеттік кәсіпорын
МҚІСҚА - Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі
ММ - мемлекеттік мекеме
ОАО - орталық атқарушы органдар
ҰЭМ - Қазақстан Республикасының Ұлттық экономика министрлігі
