Жедел айналымдағы вексельдердi сатып алуға және сақтауға келiсiм жасау туралы

Қазақстан Республикасы Премьер-Министрiнiң өкiмi 1996 жылғы 3 шiлде N 314

1. 1993 жылғы егiн орағы кезiнде көлiктiк қызмет үшiн Қостанай облысының шаруашылықтары мен Молдова Республикасының Көлiк министрлiгi арасындағы есеп айырысу жөнiндегi мiндеттемелердi орындау мақсатында, Қазақстан Республикасы Қаржы министрлiгiнiң жедел айналымдағы вексельдерiн сатып алуға және сақтауға 1994 жылғы 22 сәуiрдегi және 1995 жылғы 1 ақпандағы жағдай бойынша 1994 жылдың өзара қарыздарын республика iшiнде есептеу арқылы кредит түсiмдерi сомасын негiзге алып есеп айырысатын вексельдiң долларға пара-пар құнына жылдық 3 проценттi аудара отырып, корреспонденттiк шотты ашу орны бойынша Молдова Республикасының Көлiк министрлiгiмен Келiсiм жасауға Қазақстан Республикасының Қаржы министрлiгiне рұқсат етiлсiн.
2. Қазақстан Республикасы Премьер-Министрiнiң 1996 жылғы 26 қаңтардағы N 36 өкiмi күшiн жойған деп танылсын.

     Премьер-Министрдiң
        орынбасары