Аудиторлық ұйымдардың қорытындыларының дұрыстығын тексеру туралы

Қазақстан Республикасы Премьер-Министрiнiң өкiмi 1996 жылғы 8 қараша N 507-ө

1. Қазақстан Республикасының Мемлекеттiк салық комитетi шет елден және шетелдiң қатысуымен заңды тұлғалардан, оның iшiнде соңғыларының аудиторлық ұйымдардың қорытындыларын беру бөлiгiнде жылдық бухгалтерлiк баланстар мен кiрiстер туралы декларацияларды қабылдаған кезде "Шетел инвестициялары туралы" Қазақстан Республикасының 1994 жылғы 27 желтоқсандағы Заңының 23-бабының талаптарын мүлтiксiз орындайтын болсын.
2. Қазақстан Республикасының Қаржы министрлiгi:
Қазақстан Республикасының Мемлекеттiк салық комитетiмен бiрлесiп 1997 жылдың 1 маусымына дейiн аудиторлық ұйымдарының аталған заңды тұлғалардың қаржы-шаруашылық қызметi жөнiндегi қорытындыларының дұрыстығын тексерудi ұйымдастырсын;
аудиторлық қорытындының дұрыс еместiгi анықталған жағдайда аудиторлық ұйымдарға қолданылып жүрген заңдарға сәйкес, тiптi лицензияларды қайтарып алуға дейiн шара қолдансын.
3. Қазақстан Республикасының Қаржы министрлiгi мен Мемлекеттiк салық комитетi Қазақстан Республикасының Үкiметiне iстелген жұмыс туралы 1997 жылдың 1 шiлдесiне дейiн ақпарат ұсынсын.
4. Шетелдiк және шетелдiң қатысуындағы заңды тұлғалардан өздерiнiң қаржы-шаруашылық қызметiнiң негiзгi көрсеткiштерiн бұқаралық ақпарат құралдарында жариялау талап етiлсiн.
5. Осы өкiм белгiленген тәртiппен жариялануға жатады.

Премьер-Министр