Көктемгi егiс жұмыстарын жүргiзуге бензин бөлу туралы

Қазақстан Республикасы Премьер-Министрiнiң өкiмi 1997 жылғы 29 сәуiр N 120-ө

1. Көкшетау облысы әкiмiнiң мемлекеттiк резервтен облыстың ауыл шаруашылығы өнiмiн өндiрушiлерге көктемгi егiс жұмыстарын жүргiзуге 11 мың тонна дизель отынын және 5 мың тонна бензин бөлу туралы ұсынысы қабылдансын.
2. Қазақстан Республикасы Қаржы министрлiгiнiң Мемлекеттiк материалдық резервтер жөнiндегi комитетiне жоғарыда аталған мақсаттарға мемлекеттiк резервтен, жаңалау тәртiбiмен, 11 мың тонна дизель отыны мен 5 мың тонна бензин, оны 1997 жылдың 1 шiлдесiне дейiн мемлекеттiк резервке қайтару және республикалық бюджеттiң кiрiсiне Қазақстан Республикасы Ұлттық Банкiнiң қайта қаржыландыру ставкалары бойынша тауар несиесiн Көкшетау облысы әкiмiнiң кепiлдiк мiндеттемесi бойынша пайдалану кезеңiне проценттер төлеу шартымен босатылсын.

Премьер-Министр