Көктемгi егiс жұмыстарын жүргiзу үшiн дизель отынын беру туралы

Қазақстан Республикасы Премьер-Министрiнiң өкiмi 1997 жылғы 13 мамырдағы N 140

1. Қостанай облысы әкiмiнiң облыстың селодағы тауар өндiрушiлерге мемлекеттiк резервтен көктемгi егiс жұмыстарын жүргiзу үшiн 15 мың тонна дизель отынын беру туралы ұсынысы қабылдансын.
2. Қазақстан Республикасы Қаржы министрлiгiнiң Мемлекеттiк материалдық резервтер жөнiндегi комитетi жоғарыда аталған мақсатқа мемлекеттiк резервтен Қостанай облысы әкiмiнiң 1997 жылғы 1 тамызына дейiн республикалық бюджетке қайтару және резервтiк тауар несиесiн пайдалану мерзiмi үшiн Қазақстан Республикасы Ұлттық Банкiнiң қайта қаржыландыру ставкасы бойынша, республикалық бюджеттiң кiрiсiне процент төлеуге кепiлдендiрген мiндеттемесi шартында жаңалау тәртiбiмен 15 мың тонна дизель отынын босатсын.
3. Қазақстан Республикасы Премьер-Министрiнiң 1997 жылғы 1 сәуiрдегi N 83 өкiмiне мынадай өзгерiс енгiзiлсiн:
1-тармақтағы
"дизель отыны - 30 мың тонна" деген жол алынып тасталсын.
4. Осы өкiмнiң орындалуына бақылау жасау Қазақстан Республикасы Премьер-Министрiнiң орынбасары Ж.С.Кәрiбжановқа жүктелсiн.

Премьер-Министр