Селодағы экономикалық реформаларды тереңдету және дәрменсiз ауыл шаруашылығы ұйымдарын қаржылық сауықтыру туралы

Қазақстан Республикасы Премьер-Министрiнiң өкiмi 1998 жылғы 25 ақпандағы N 45

Селодағы экономикалық реформаларды тереңдету және дәрменсiз ауыл шаруашылығы ұйымдарын қаржылық сауықтыру және Қазақстан Республикасы Үкiметiнiң 1998 жылғы 25 ақпандағы N 139 P980139_ қаулысын iске асыру мақсатында:
1. Қазақстан Республикасының Ауыл шаруашылығы министрлiгi Қаржы министрлiгiмен келiсiм бойынша бiр апталық мерзiм iшiнде "ауыл шаруашылығында экономикалық реформаларды жүзеге асыру жөнiндегi қосымша шаралар туралы" Қазақстан Республикасы Үкiметiнiң 1998 жылғы 25 ақпандағы N 139 қаулысына сәйкес оларға қатысты экономикалық ынталандыру шаралары қолданылатын ауыл шаруашылығы ұйымдарының үш тобын айқындаудың өлшемдерiн бекiтсiн.
2. Қазақстан Республикасы Қаржы министрлiгiнiң Салық комитетi заңдарда белгiленген тәртiппен:
қаржы органдарымен келiсiм бойынша, берiлген өкiлеттiктердiң шегiнде және ауыл шаруашылығы ұйымдарының экономикалық және қаржы жағдайына талдау жүргiзу жөнiндегi жұмыс тобының ұсынымдарын ескере отырып, екiншi топқа жатқызылған және қаржылық оңалту мен санациялау рәсiмiне жататын ауыл шаруашылығы ұйымдарына салықтар мен бюджетке төленетiн басқа да төлемдердi кейiнге қалдыруға рұқсат етсiн;
бюджеттiк және бюджеттiк емес қорлардың алдында берешегi бар дәрменсiз ауыл шаруашылығы ұйымдарының мүлiктерiне иелiк жасауды шектеудi қамтамасыз етсiн;
ауыл шаруашылығы ұйымдарының қаржы-экономикалық жағдайына талдау жүргiзу жөнiндегi жұмыс тобының ұсынысын ескере отырып және тендердiң негiзiнде бiрыңғай технологиялық желiнi (жабдықтар мен техникалардың кешенiн) сақтау арқылы ауыл шаруашылығы ұйымдарының осы тармақтың үшiншi абзацында көрсетiлген мүлкiн сатуды қамтамасыз етсiн;
"Кәсiпорындарды қайта ұйымдастыру және тарату жөнiндегi агенттiк" акционерлiк қоғамымен бiрлесiп:
бюджеттiк және бюджеттiк емес қорлардың алдында берешектерi бар дәрменсiз ауыл шаруашылығы ұйымдарының мүлкiн сатуды тоқтата тұру жөнiнде шаралар қабылдасын;
дәрменсiз ауыл шаруашылығының мүлкiн сатып алушыларға бiр жылдан аспайтын мерзiмге көрсетiлген кейiнге қалдыруды сатып алушылардың жеке шоттарында көрсету арқылы олар сатып алған мүлiктiң құнын бюджетке төлеу жөнiнде мұрсат берсiн.
3. Облыстар мен аудандардың әкiмдерi тоқсан сайын ауыл шаруашылығы ұйымдарының жұмыстарына және өндiрiстi қалпына келтiру жөнiндегi олар өздерiне алған мiндеттемелердiң орындалу барысына талдау жасасын.
4. Осы өкiмнiң атқарылуына бақылау жасау Қазақстан Республикасы Премьер-Министрiнiң орынбасары Ж.С.Кәрiбжановқа жүктелсiн.

Премьер-Министр