1. Қазақстан Республикасы шекара әскерлерiнiң Бас басқармасы Қазақстан Республикасының Мемлекеттiк шекара күзетi жөнiндегi мемлекеттiк комитетi болып қайта құрылысын;
Қазақстан Республикасы шекара әскерлерiнiң құрылымына Қазақстан Республикасы Ұлттық қауiпсiздiк комитетiнiң Әскери институты енгiзiлiп, ол Қазақстан Республикасы Шекара әскерлерiнiң Әскери институты болып қайта құрылсын.
2. Былай деп:
Қазақстан Республикасының Мемлекеттiк шекара күзетi жөнiндегi мемлекеттiк комитетi орталық мемлекеттiк басқару органы болып табылады;
Қазақстан Республикасының Мемлекеттiк шекара күзетi жөнiндегi мемлекеттiк комитетiнiң төрағасы қызметi бойынша Қазақстан Республикасы Шекара әскерлерiнiң қолбасшысы болып табылады;
Қазақстан Республикасының Мемлекеттiк шекара күзетi жөнiндегi Мемлекеттiк комитетi мен Қазақстан Республикасы Шекара әскерлерiнiң Әскери институты Қазақстан Республикасы Шекара әскерлерi Бас басқармасы мен Қазақстан Республикасы Ұлттық қауiпсiздiк комитетi Әскери институтының мүлiктiк құқықтары мен мiндеттерiнiң құқықтық иегерлерi болады деп белгiленсiн.
3. Қазақстан Республикасының Министрлер Кабинетi екi ай мерзiмде:
Қазақстан Республикасының Мемлекеттiк шекара күзетi жөнiндегi мемлекеттiк комитетi туралы ереженi бекiтсiн;
Үкiметтiң мемлекеттiк шекара күзетiн және Қазақстан Республикасы шекара әскерлерiнiң қызметтiк - жауынгерлiк жұмысын ұйымдастыру мәселелерi жөнiндегi актiлерiн осы Жарлыққа сәйкес келтiрсiн.
4. "Орталық мемлекеттiк басқару органдарының тiзбесi туралы" Қазақстан Республикасы Президентiнiң 1993 жылғы 9 маусымдағы N 1220 Жарлығының 1-тармағы мынадай мазмұндағы отыз үшiншi абзацпен толықтырылсын:
"Қазақстан Республикасының Мемлекеттiк шекара күзетi жөнiндегi мемлекеттiк комитетi".
5. Мыналардың күшi жойылған деп танылсын:
"Қазақстан Республикасының Шекара әскерлерi туралы" Қазақстан Республикасы Президентiнiң 1992 жылғы 18 тамыздағы N 862 Жарлығының 3 және 4-тармақтары (Қазақстан Республикасының ПҮАЖ-ы, 1992 ж., N 30, 436-құжат);
"Қазақстан Республикасының Ұлттық қауiпсiздiк комитетi, оның жергiлiктi жерлердегi органдары және Ұлттық қауiпсiздiк комитетiне бағынатын әскерлер туралы ережесiн бекiту туралы" Қазақстан Республикасы Президентiнiң 1992 жылғы 30 желтоқсандағы қауiпсiздiк комитетi, оның жергiлiктi жерлердегi органдары және Қазақстан Республикасының Ұлттық қауiпсiздiк комитетiне бағынатын әскерлер туралы ереженiң 1.5-тармағының екiншi абзацы;
"Қазақстан Республикасы Ұлттық қауiпсiздiк комитетiнiң
Әскери институтын құру туралы" Қазақстан Республикасы Президентiнiң
1993 жылғы 17 маусымдағы N 1245 Жарлығы (Қазақстан Республикасының
ПҮАЖ-ы, 1993 ж., N 22, 267-құжат).
6. Осы Жарлық жарияланған күннен бастап күшiне енедi.
Қазақстан Республикасының
Президентi
