Ескерту. Күші жойылды - Павлодар облысы Қашыр аудандық әкімдігінің 2008 жылғы 18 желтоқсандағы N 452/12 қаулысымен.
Қазақстан Республикасының 2001 жылғы 23 қаңтардағы "Қазақстан Республикасындағы жергiлiктi мемлекеттiк басқару туралы" N 148-II, 1996 жылғы 22 қарашадағы "Өрт қауiпсiздiгi туралы" N 48-I заңдарына сәйкес, ауданның шаруашылық объектiлерiнде өртке қарсы ескерту жұмыстарын күшейту мақсатында, аудан әкiмдiгi қАУЛЫ етедi:
1. Қоса берiлiп отырған "Өрт жасақшылары туралы" Ереже бекiтiлсiн.
2. Ауылдық округ әкiмдерi меншiктiң барлық нысандарының кәсiпорындар мен ұйымдар басшыларымен (келiсiм бойынша) бiрге өрт жасағын құрсын және кәсiпорындар арасындағы шарт негiзiнде оларды ұстасын.
3 Осы қаулының орындалуына бақылау жасау аудан әкiмiнiң орынбасары Б.М.Сералиновқа жүктелсiн.
Аудан әкiмi
Аудан әкiмдiгiнiң
2003 жылғы 18 қыркүйектегi
"Качир ауданының елдi
мекендерiнде өртке
қарсы қорғауды күшейту
жөнiндегi шаралар туралы"
N 244/9 қаулысымен бекiтiлген
Өрт жасақтары туралы
ЕРЕЖЕ
1. Жалпы ережелер
1. Ауылшаруашылық өндiрiсi объектiлерi, әлеуметтiк-мәдени және тұрмыстық мақсаттағы, тұрғын үй объектiлерiнде өрт сөндiрудi ұйымдастыру жөнiндегi шараларды жүргiзу үшiн, өрттiң алдын алу және бұқаралық насихаттау жұмысын ұйымдастыруда елдi мекендерде құрамы 5 кiсiден кем емес өрт жасақтары құрылады.
2. Өрт жасақтары қазақстан Республикасының 1996 жылғы 22 қарашадағы "Өрт қауiпсiздiгi туралы" N 48-1 Заңы негiзiнде ұйымдастырылады.
3. Өрт жасағын ұйымдастыру ауыл әкiмдерiне және кәсiпорын басшыларына жүктеледi. Өрт жасақтарына негiзгi немесе бейiмделген өрт сөндiрушi көшпелi өрт техникасы бекiтiледi.
4. Өрт жасақтары жедел басқару жағынан ауданның өртке қарсы қызметiнiң бастығына тiкелей бағынады.
5. Өрт жасағының бастығы қоғамдық өрт инспекторы немесе негiзгi бейiмделген техникаға бекiтiлген жүргiзушiнi тағайындайды.
2. Өрт жасақтарының мақсаты мен мiндеттерi
6. Ауданның шаруашылық жүргiзушi объектiлерiнде өртке қарсы ескерту және күрес жөнiндегi жұмыстарды күшейту мақсатында өрт жасақтары құрылады, сондай-ақ өртке қарсы ескерту және күреске жұртшылықты кең түрде көбiрек қатыстыру.
7. Өрт жасақтарына жүктеледi:
1) елдi мекендерде және шаруашылық объектiлерiнде өрт сөндiрудi ұйымдастырады;
2) ауданнан тыс iрi және ландшафттық өрттердi сөндiруде қажет болғанда ауданның өртке қарсы гарнизон құрамын қатысады;
3) өрттiң алдын алу және бұқаралық насихаттау жұмысын жүргiзедi;
4) өндiрiсте және үйде тұрғындарға өрт қауiпсiздiгi ережелерiн ұйымдастырады;
5) өртке қарсы техниканың дайын болуын (автокөлiк, мотопомпа), алғашқы өрт сөндiру құрал-жабдықтарының жөнделгендiгiн, жұмысқа дайындық жағдайын бақылайды;
3. Өрт жасақтарының өкiлеттiлiгi
8. Өрт жасақтарының өкiлеттiлiгiне жататындар:
1) өрт қауiпсiздiгiн орындау және қамтамасыз ету шараларын ұйымдастыру;
2) өрттердi ескерту және жою жөнiндегi шараларды ұйымдастыру;
3) өрт қауiпсiздiгi орындарындағы шаралар туралы тұрғындарға хабар беру және ұйымдастыру;
4) қоғамдық өрт құрылымдарының iс-әрекетiне қолғабыс тигiзу.
4. Өрт жасақтарының жұмысын ұйымдастыру тәртiбi
9. Өрт жасағының сандық құрамын ауыл әкiмi анықтайды, бiрақ 5 кiсiден кем болмау керек.
10. Өрт жасағының жеке құрамы жасы 20 жастан жас болмайтын ер азаматтардан iрiктеледi.
11. Өрт жасағына жұмысқа алу азаматтың өз өтiнiшi негiзiнде жүргiзiледi, жергiлiктi жерде дәрiгерлiк комиссиядан, Мемлекеттiк өртке қарсы қызметiнiң бөлiмiнде 44 сағаттық алғашқы даярлықтан сынақ беру арқылы өткен соң және жеке еңбек келiсiмiмен ресiмделедi.
12. Өрт автокөлiгiнiң жүргiзушi жұмысына I, II, III класты жүргiзушiлер өз өтiнiшi негiзiнде алынады. Лауазымға тағайындау ауылдық округ әкiмiнiң өкiмiмен дәрiгерлiк комиссиядан, Мемлекеттiк өртке қарсы қызмет бөлiмiнде алғашқы даярлықтан сынақ тапсырғаннан соң жүргiзiледi. Келешекте жүргiзушi Павлодар облысы Мемлекеттiк өртке қарсы қызмет басқармасы пунктiнде өрт автокөлiгiн жүргiзуге құқық беретiн куәлiктi алу үшiн даярлықтан өтедi.
13. Өрт жасағының мүшесiнен алып тастау мына жағдайда жүргiзiледi:
1) өртке қарсы кестенi бұзғанда;
2) жасақ бастығының, аудандық өртке қарсы қызметi бастығының, өрт сөндiру жетекшiлерiнiң нұсқауларын орындамағанда;
3) өз еркiмен ауыл әкiмнiң атына өтiнiш берген жағдайда;
4) тұрақты мекен жайын ауыстырғанда.
14. Өрт жасағының мүшелерiмен мемлекеттiк өртке қарсы қызмет қызметкерлерi, ауданның Мемлекеттiк өртке қарсы қызмет бастығы құрған кестеге сәйкес және аудан әкiмiмен бекiтiлген жеке уақытында (айына 4 сағаттан кем емес) оқу сабағы жүргiзiледi.
15. Өрт жасақтарын өрт сөндiруге қатыстыру аудандық өрт сөндiру жоспары мен ауданның өртке қарсы қызметi гарнизонының шығу кестесiмен жүзеге асырылады.
5. Өрт жасағы бастығының мiндеттерi
16. Өрт жасағы бастығының мiндетi:
1) қызмет көрсетiлетiн аумақта өртке қарсы ереженiң сақталуына бақылауда қамтамасыз етедi;
2) үйде және өндiрiсте өртке қарсы қауiпсiздiк шаралары туралы қызметкерлер мен тұрғындар арасында түсiндiрме жұмыстарын жүргiзедi;
3) бекiтiлген кестеге сәйкес өрт жасақтарының жеке құрамына сабақ ұйымдастырады;
4) өрт автокөлiгi мен өрт-техникалық құралдарының өрт сөндiруге даярлығына үнемi бақылауды қамтамасыз етедi;
5) дабыл бойынша жиналғанда кезiнде өрт жасақтарының жеке құрамын құлақтандыру мәселесiн жасайды;
6) Мемлекеттiк өртке қарсы қызметiнiң бөлiмi келгенде дейiн объектiлер мен тұрғын үйлерде өрт сөндiруге басшылық жасайды;
7) күнде 9 сағат 00 минутта өрт сөндiру автокөлiктерiнiң техникалық жағдайы, жанар-жағар майдың мөлшерi, өрт жасағының құрамын тексерiп, ауданның өрт сөндiру гарнизонының 01 байланыс пунктiне хабарлайды. өткен күнде болған өрт туралы, өрт болған объектiнiң аталуы, мекен жайы, өрт көлемi, сөндiру уақыты, шыққаннан қайтқанда дейiнге уақыт, жеке меншiк нысаны, аты, тегi, әкесiнiң аты, өрттiң туу себептерi мен кiнәлi адамдарды хабарлайды;
8) өрт жасақтары мүшелерiнiң тұрақты тұрғын орнынан уақытша шығу кезегiн реттейдi;
9) ай сайын өрт жасақтарының жеке құрамының жұмысына табель жасайды, ауданның өртке қарсы қызметiнiң бастығымен келiсiлген соң жеке еңбек келiсiмiне сәйкес еңбек ақы алуға бередi;
10) ғимараттарды жөндеуге қажеттi құрылыс материлдарымен, қосалқы бөлшектермен, жанар-жағар маймен, ғимаратты көмiрмен қамтамасыз ету жөнiнде өтiнiштi жазбаша түрде уақытында бередi. Электрмен қамтамасыз ету және коммуналды қызмет өкiлдерiмен бiрге пайдаланған энергия мен су үшiн төленетiн төлеу есебi приборларының көрсеткiштерiмен сәйкес есеп бередi;
11) жанар-жағар май материалдарын пайдаланғандығы туралы уақытында есептi бередi.
6. Жүргiзушiнiң мiндетi
17. Өрт сөндiру көлiгi жүргiзушiсiнiң мiндеттi:
1) тактика-техникалық мәлiметтерiн, қызметiн, құрылысын, жұмыс iстеу принципiн, қызмет көрсету тәртiбi мен жұмысын және өрт-техникасы құрал-жабдықтарын, сондай-ақ шығу аймағы, су көздерiн, жолдарды, өтетiн жерлердi бiлу;
2) жол жүру ережесiн сақтау;
3) техникалық қауіпсiздiк ережесiн және кезекшiлiк кезiнде өндiрiстiк санитарияны сақтау өрт автомобилiн жөндеу және пайдалану;
4) кезекшiлiкте болғанда өрт сөндiру автомобилiнiң және құралдарының барлық тетiктерi мен агрегаттарының техникалық жағдайын тексеру;
5) ғимараттың тазалығы мен тәртiбiн сақтау, байланыс құралдарының дұрыстығы мен өрт қауiпсiздiгi ережесiн қадағалау;
6) өрт туралы хабар алғанда өрт жасағының жеке құрамын жинауды қамтамасыз етiп және өрт сөндiруге шығады;
7) күнде кезекшiлiктi 8 сағат 00 минуттан 17 сағат 00 минутқа дейiн табжылмай атқарады. 17 сағат 00 минуттан кейiн ауданның өртке қарсы қызмет бөлiмiнiң (01) байланыс пунктiне келесi күнi 8 сағат 00 минутқа дейiн тұрған мекен жайын, телефон нөмерiн хабарлайды. Автокөлiк қоятын ғимаратты бекiтiп жауып демалуға кетедi. қыс күндерi 17 сағат 00 минуттан автокөлiк тұратын ғимараттың уақытында жылытып, жылу жүйесi мен өрт сөндiру автокөлiгiнiң қатып қалуын болдырмайды.
7. Өрт жасақтары мүшелерiнiң мiндеттерi
18. Өрт жасақтарының мүшелерi мiндеттi:
1) үйде, өндiрiсте және басқалардан өрт қауiпсiздiгi шараларының сақталуын, бiлу және талап ету;
2) өз мiндеттерiн жауынгерлiк есеп табелi бойынша бiлу;
3) хабар тиген кезде, тез уақытта өрт болған жерге жету;
4) жабдықталған жауынгерлiк киiмдер мен құрал-жабдықтардың тазалығы мен дұрыстығын қадағалау;
5) өрт сөндiру басшысының нұсқауын сөзсiз орындау;
6) өрт-техникасы құралдарымен жұмыс iстеу дағдыларын және өзiнiң кәсiби бiлiмiн жүйелi түрде көтеру.
8. Өрт жасақтарын ұстау
19. Өрт жасақтарын ұстау жөнiндегi барлық шығын кәсiпорын және ұйым жетекшiлерiмен шарт негiзiнде жүргiзiледi.
20. Жоғарыда айтылған шығыннан басқа өрт жасақтары жауынгерлiк киiммен жабдықталады.
21. Өрт жасақтары қызметкерлер мүшелерiн өрт кезiндегi бақытсыздық жағдайдан сақтандыру қарастырылсын.
