Ескерту. Күші жойылды - Павлодар облысы Павлодар аудандық әкімдігінің 2009 жылғы 23 шілдедегі N 189/7 қаулысымен.
Қазақстан Республикасының 1996 жылғы 22 қарашадағы "Өрт қауiпсiздiгi туралы" Заңына сәйкес, ауданда өрт қауiпсiздiгiн қамтамасыз ету мақсатында аудан әкiмдiгi ҚАУЛЫ ЕТЕДI:
1. Меншiктiң барлық нысанындағы ауданның кәсiпорындары мен ұйымдары қызметкерлерiнiң iшiнен өртке қарсы iс-шараларды өткiзу үшiн ерiктi өртке қарсы құрылымдары құрылсын.
2. Қоса берiлген ауданда ерiктi өртке қарсы құрылымдарын ұйымдастыру және қызметiнiң қағидалары (бұдан әрi - қағидалар) бекiтiлсiн.
3. Павлодар облысы Мемлекеттiк өртке қарсы қызметiнiң Павлодар ауданы 35 өрт сөндiру бөлiмiнiң бастығына меншiктiң нысанына қарамастан кәсiпорын мен ұйымдардың басшыларына өртке қарсы құрылымдардың құрылуына және қызметiне практикалық және әдiстемелiк көмек көрсету ұсынылсын.
4. Осы қаулы аумақтық әдiлет органында мемлекеттiк тiркелгеннен кейiн екi апта iшiнде аудандық "Нива" газетiнде жариялансын.
5. Осы қаулының орындалуын бақылау аудан әкiмiнiң орынбасары Ж.О.Қожановқа жүктелсiн.
Аудан әкiмi
"Келiсiлдi"
Павлодар облысы
Мемлекеттiк өртке
қарсы қызметiнiң
Павлодар ауданы
35 өрт сөндiру
бөлiмiнiң бастығы
iшкi қызмет майоры
2003 жылғы 28 шiлде
Павлодар ауданы әкiмдiгiнiң
2003 жылғы 28 шiлдедегі N 318/8
"Ерiктi өртке қарсы құрылымдары
туралы" қаулысымен бекiтiлген
Ауданда ерiктi өртке қарсы құрылымдарының қызметi және ұйымдастыру ҚАҒИДАЛАРЫ 1. Жалпы ережелер
1. Осы қағидалар меншiк нысанына қарамастан ауданның кәсiпорындары мен ұйымдарында ерiктi өртке қарсы құрылымдарының қызметi мен ұйымдастыру тәртiбiн белгiлейдi (бұдан әрi-Объект).
2. Осы қағидалар Қазақстан Республикасының 1996 жылғы 22 қарашадағы N 48-I "Өрт қауiпсiздiгi туралы" Заңының, Қазақстан Республикасының төтенше жағдайлар жөнiндегi Агенттiгiнiң 1999 жылғы 9 шiлдедегi N 19 "Қазақстан Республикасында өрт қауiпсiздiгi Ережелерiн бекiту туралы" қаулысының негiзiнде ұйымдастырылды.
3. Ерiктi өртке қарсы құрылымдары меншiк нысанына қарамастан ауданның кәсiпорындары мен ұйымдарында 15 адамнан аз емес қызметкерлер санымен ұйымдастырылады.
4. Өртке қарсы құрылымдарды ұйымдастыру, оның қызметiн басқару, өртке қарсы iс-шараларды өткiзу және қызметкерлер арасында түсiндiру жұмыстарын жүргiзу Объектiлердiң басшыларына жүктеледi.
5. Ерiктi өртке қарсы құрылымдардың бастықтарын, олардың орынбасарларын және бөлiмшелердiң бастықтарын Объект басшысы тағайындайды.
2. Ерiктi өртке қарсы құрылымның мiндеттерi
6. Ерiктi өртке қарсы құрылымның негiзгi мiндеттерi:
1) Объектiде өрт қауiпсiздiгiнiң жағдайын және өртке қарсы режимiнiң сақталуын тексеру;
2) Объектiде қызметкерлер арасында өртке қарсы режимдi орындау жөнiнде түсiндiру жұмыстарын жүргiзу;
3) өрт сөндiру жүйесi мен құралдарын үнемi әзiрлiкте ұстау;
4) өрт пайда болған жағдайда Мемлекеттiк өртке қарсы қызметiнiң бөлiмшелерiн шақыру және Объектiде бар өрт сөндiру құралдарымен пайда болған өрттi сөндiруге шұғыл шаралар қолдану.
3. Ерiктi өртке қарсы құрылымын ұйымдастыру тәртiбi және оның жұмысы
7. Ерiктi өртке қарсы құрылымның сандық құрамын Объект басшысы белгiлейдi, бiрақ 5 адамнан кем емес.
8. Ерiктi өртке қарсы құрылымдары 18-ден жас емес Объект жұмыскерлерiнiң арасынан ұйымдастырылады.
9. Ерiктi өртке қарсы құрылымына қабылдау ерiктi түрде, жеке өтiнiшiнiң негiзiнде, тұрғылықты жер бойынша медициналық тексеруден, Мемлекеттiк өртке қарсы қызметiнiң бөлiмшелерiнде бастапқы дайындықтан өткеннен кейiн жүргiзiледi.
Өртке қарсы құрылымға жүргiзушi ретiнде жеке өтiнiштерiнiң негiзiнде 1,2 класты жүргiзушiлер қабылданады.
10. Лауазымға тағайындау Объект басшысының бұйрығымен жүргiзiледi.
11. Ерiктi өртке қарсы құрылымның мүшесi құрамынан шығару:
1) өртке қарсы режимдi бұзғаны үшiн;
2) құрылым басшысының нұсқауларын орындамағаны үшiн;
3) өз еркiмен құрылым басшысының атына өтiнiш жазу арқылы жүргiзiледi.
12. Ерiктi өртке қарсы құрылымдары мүшелерiмен оқу сабақтары Объект басшысы бекiткен кесте бойынша жұмыстан бос, айына 4 сағаттан артық емес уақытта жүргiзiледi.
4. Ерiктi өртке қарсы құрылым бастығының мiндеттерi
13. Ерiктi өртке қарсы құрылымның бастығы:
1) Объектiде өртке қарсы iс-шаралардың уақытында орындалуын және өртке қарсы режимнiң сақталуын қадағалауға;
2) өрт сөндiру жүйесi мен құралдарын, олардың басқа мақсатқа пайдаланылуын жiбермей, үнемi әзiрлiкте ұстауға;
3) ерiктi өртке қарсы құрылымның жеке құрамымен өрт-техникалық бiлiмiн арттыру және алған бiлiмдерiн практикада бекiту жөнiнде өрттермен нәтижелi күресу үшiн тұрақты сабақтар жүргiзуге. Күрделi тәртiптер жөнiндегi сабақтарды өткiзу үшiн инженерлiк-техникалық қызметкерлердi және Мемлекеттiк өртке қарсы қызметiнiң мамандарын шақыруға;
4) өртке қарсы үгiттеу жұмыстарын жүргiзу, сондай-ақ Объект жұмыскерлерiне өрт қауiпсiздiгi шараларын үйретуге;
5) ерiктi өртке қарсы құрылымның бөлiмшелерi бастықтарының жұмысын басқаруға және жауынгерлiк есептердiң iс-әрекетке әзiрлiгiн тексеруге;
6) Объектiде Мемлекеттiк өртке қарсы қызметiнiң бөлiмшелерi келгенше өрт сөндiрудi басқаруға;
7) Объект басшылығын өртке қарсы режимiнiң бұзылуы туралы хабардар етiп отыруға;
8) Мемлекеттiк өрттi қадағалау органдарымен бiрлесiп ерiктi өртке қарсы құрылымды оқыту жөнiндегi жұмысты, Объектiлерде алдын алу iс-шараларын өткiзуге мiндеттi.
14. Объектiде ерiктi өртке қарсы құрылымның бастығы болмаған жағдайда оның мiндеттерiн орынбасары атқарады.
5. Ерiктi өртке қарсы құрылымның бөлiмшесi (жауынгерлiк есеп) бастығының мiндеттерi
15. Ерiктi өртке қарсы құрылым бөлiмшесiнiң (жауынгерлiк есеп) бастығы:
1) Объектiде өртке қарсы режимiнiң сақталуын және барлық өрт сөндiру құралдарының әрекетке әзiрлiгiн қадағалауға;
2) жұмыстың соңында Объектiнiң өртке қарсы жағдайын тексеруге, айқындалған жетiспеушiлiктердi жоюға шаралар қолдануға және өрт сөндiру құралдарын тапсыруға;
3) ерiктi өртке қарсы құрылым мүшелерiнiң оқу сабақтарына келуiн қамтамасыз етуге;
4) Мемлекеттiк өртке қарсы қызметiнiң бөлiмшелерi немесе өртке қарсы құрылымның бастығы келгенше өрттi сөндiрудi басқаруға мiндеттi.
6. Ерiктi өртке қарсы құрылым мүшелерiнiң мiндеттерi
16. Ерiктi өртке қарсы құрылымның мүшелерi:
1) Объектiде және жұмыс орнында өртке қарсы режимiнiң Ережелерiн бiлуге және сақтауға;
2) өз мiндеттерiн бiлуге және өрт пайда болған жағдайда оның сөндiруiне белсендi қатысуға;
3) бастапқы өрт сөндiру құралдарының iс-әрекетке әзiрлiгiн қадағалау, айқындалған жөндеусiздiктердi ерiктi өртке қарсы құрылым бөлiмшесiнiң бастығына хабарлау, ал мүмкiндiк болған кезде жөндеусiздiктердi өздерi жоюға;
4) ерiктi өртке қарсы құрылымның мүшелерiне жүктелген мiндеттердi, құрылым (бөлiмше) бастығының өкiмдерiн орындауға және кестемен қарастырылған сабақтарды қатысу арқылы өрт-техникалық бiлiмдерiн жоғарылатуға мiндеттi.
7. Ерiктi өртке қарсы құрылым бастығының құқықтары
17. Ерiктi өртке қарсы құрылымның бастығы:
1) Объект құрамына кiретiн барлық өндiрiстiк және қосалқы учаскелердiң, бөлiмдер мен бөлiмшелердiң өрт қауiпсiздiгi жағдайын тексеруге, тексеру қорытындылары бойынша айқындалған жетiмсiздiктердi жоюға бағытталған нақты ұсыныстармен акт жасауға;
2) Объект құрамына кiретiн өндiрiстiк және қосалқы учаскелердiң, бөлiмдер мен бөлiмшелер басшыларының Мемлекеттiк өрттi қадағалау органдарының нұсқамаларын орындауларын тексеруге және өрт қаупiне әкелетiн жетiмсiздiктердi уақытында жою туралы талаптарды ұсынуға;
3) өрт қауiпсiздiгi Ережелерiн орындамағаны және бұзғаны үшiн, өрт сөндiру жүйесi мен құралдарын қажеттi жағдайда ұстамағаны үшiн кейiннен Объект басшысына немесе Мемлекеттiк өрттi қадағалау органына жiберумен актiлер жасауға;
4) Объект басшысының қарауына өрт қауiпсiздiгi шараларын күшейту жөнiндегi мәселелердi ұсынуға құқылы.
8. Ерiктi өртке қарсы құрылымды ұстау
18. Ерiктi өртке қарсы құрылымдарын ұстау жөнiндегi барлық шығыстар Объектiлер есебiнен жүргiзiледi.
19. Объект басшылары ерiктi өртке қарсы құрылым мүшелерiн ынталандыру мақсатында өрттердi жою кезiнде ерекшеленген азаматтарды мадақтауға құқылы.
