Қазақстан Республикасының " Қазақстан Республикасындағы жергiлiктi мемлекеттiк басқару туралы", " Ұлттық мұрағат қоры және мұрағаттар туралы" Заңдарына сәйкес, сондай-ақ облыстық мұрағат iсiн әрi қарай дамытуға және қолдау мақсатында облыс әкiмияты ҚАУЛЫ ЕТЕДI:
1. Қоса берiлiп отырған "Маңғыстау облысының үздiк жыл мұрағатшысы" облыстық конкурсын ұйымдастыру және өткiзу жөнiндегi Ережесi бекiтiлсiн.
2. Осы қаулының орындалуын бақылау облыс әкiмiнiң аппарат басшысы Р.Т.Мұстапаевқа жүктелсiн.
Облыс әкiмi
Маңғыстау облысы әкiмиятының
2004 жылғы 26 наурыздағы N 75
қаулысына қосымша
"Маңғыстау облысының үздiк жыл мұрағатшысы" облыстық конкурсын ұйымдастыру және өткiзу жөнiндегi
ЕРЕЖЕ
1. "Маңғыстау облысының үздiк жыл мұрағатшысы" облыстық конкурсын (әрi қарай - Конкурс) ұйымдастыру және өткiзу жөнiндегi Ережесi Маңғыстау облысының мұрағат iсiн қолдау және дамыту Аймақтық бағдарламасын жүзеге асыру мақсатында жасалған.
2. Осы ереже Конкурсты дайындау, жариялау және өткiзу тәртiбiн анықтайды.
3. Конкурстың мақсаты облыстық мемлекеттiк мұрағатының үздiк мұрағатшыларын, ведомстволық және жеке мұрағаттарының үздiк қызметкерлерiн, сонымен қатар облыстық мұрағат iсiнiң дамуына ықпал етiп отырған ұйымдарды ынталандыру және анықтау болып табылады.
4. Конкурс өлшемдерi ұпайы есептелiп бекiтiлген номинация бойынша өткiзiледi.
5. Номинация тiзбесi және өлшемдер тiзбесi, сонымен қатар әр номинация бойынша өтiнiш - сауалнамасы, облыс әкiмiнiң Конкурс өткiзудi жариялау туралы шешiмiмен бекiтiледi.
6. Конкурстың жұмысшы органының функциясы облыстық мұрағаттар мен құжаттама бөлiмiне жүктеледi.
2. Конкурсты өткiзуге дайындық тәртiбi
7. Конкурсты өткiзудiң жалпы дайындығын ұйымдастыру комитетi жүзеге асырады (әрi қарай - Ұйымдастыру комитетi).
8. Ұйымдастыру комитетiнiң құрамы облыс әкiмiнiң Конкурс өткiзудi жариялау туралы шешiмiмен бекiтiледi.
9. Конкурсқа қатысуға мемлекеттiк мұрағат мамандары, ұйымдардың ведомстволық және жеке мұрағат қызметкерлерi (әрi қарай - конкурсанттар), сондай-ақ облыстың мұрағат iсiнiң дамуына үлес қосып отырған ұйымдар жiберiледi.
10. Конкурсқа қатысу үшiн белгiленген номинация бойынша конкурсанттар өз қызметi туралы ақпараттан тұратын өтiнiм - сауалнамасын толтыру қажет, және конкурстық комиссияға өтiнiш - сауалнамасында көрсетiлген барлық ақпараттың дұрыс екендiгiн растайтын қосымша құжаттар беруге тиiстi.
11. Облыстық Конкурс екi кезеңде өткiзiледi.
12. Конкурстың бiрiншi кезеңiн тиiстi әкiмдер құрған қалалық, аудандық комиссиясы өткiзедi.
13. Қосымша ақпараты мен өтiнiм - сауалнамасын тапсыру мерзiмi "Маңғыстау облысының үздiк жыл мұрағатшысы" облыстық конкурс Комиссиясымен анықталады (әрi қарай - Облыстық комиссия).
14. Қалалық, аудандық комиссия Облыстық комиссия анықтаған мерзiм iшiнде тапсырылған материалдарды қарап, баяндалған ақпараттардың анықтығын тексерiп, әр номинация бойынша Конкурстың бiрiншi кезеңiнiң жеңiмпаздарын анықтайды.
15. Конкурстың бiрiншi кезеңiнiң жеңiмпаздары Облыстық комиссия анықтаған мерзiмнен кешiктiрмей, қалалық, аудандық комиссия арқылы жеңiмпаздар бойынша материалдарды Облыстық комиссияға екiншi кезеңге ұсынылады.
16. Конкурстың екiншi кезеңi Облыстық комиссиясымен өткiзiледi.
17. Облыстық комиссиясы қажет болған жағдайда, бiрiншi кезеңiнiң жеңiмпаздарынан қосымша ақпараттар қабылдайды.
18. Облыстық комиссияның қорытындысымен "Маңғыстау облысының үздiк жыл мұрағатшысы" Конкурсының әр номинация бойынша жеңімпаздарды анықталады.
5. Конкурстық комиссиялардың жұмыс тәртiбi
19. Конкурсты өткiзу бойынша жалпы ұйымдастыру және үйлестiру мәселелерiн Облыстық комиссия жүзеге асырады. Облыстық комиссияның құрамы облыс әкiмiнiң Конкурс өткiзудi жариялау туралы шешiмiмен бекiтiледi.
20. Қала және аудан әкiмдерi мұрағат мекемелерi мен қоғамдық ұйымдардың қызметкерлерiнiң қатысуымен, төрағалар басқаратын Конкурсты өткiзу жөнiндегi қалалық, аудандық комиссиялар құрып, Конкурстың бiрiншi кезеңiн өткiзу туралы бұқаралық ақпарат құралдары арқылы хабарлайды.
21. Облыстық және қалалық (аудандық) комиссиялардың сандық құрамы тақ болуы тиiс.
22. Кез келген деңгейдегi комиссияның мәжiлiсi, оның 2/3 құрамының мүшелерi қатысқан жағдайда, құқықты болып саналады. Комиссияның шешiмi ашық жай көпшiлiк дауыс беру арқылы қабылданады. Дауыстар тең болған жағдайда, оған төраға дауыс берген шешiм қабылданған деп саналады.
23. Конкурстың бiрiншi және екiншi кезеңдерiнiң қорытындысы, тиiстi комиссияларымен хаттама арқылы ресiмделедi.
24. Конкурс қатысушылары қала және аудан әкiмияттарында не болмаса облыстық мұрағаттар мен құжаттама бөлiмiнде және оның ведомствосына қарасты мекемелерде өтiнiм - сауалнама бланкiлерiмен қамтамасыз етiледi.
25. Облыстық конкурс жеңiмпаздары Ақтау қаласындағы салтанатты рәсiмге Облыстық комиссия арқылы шақырылып, арнайы жүлделермен марапатталады.
26. Барлық деңгейдегi комиссиялар мерзiмiнде ұсынылмаған, толық емес, не болмаса түсiнiксiз толтырылған өтiнiм - сауалнамаларына және қосымша материалдарға жауапкершiлiк артпайды.
