Ескерту. Күші жойылды - Солтүстік Қазақстан облысы әкімдігінің 2012.11.23 N 336 Қаулысымен
"Қазақстан Республикасындағы жергiлiктi мемлекеттiк басқару туралы" Қазақстан Республикасының 2001 жылғы 23 қаңтардағы N 148 Заңы 27-бабы 1-тармағы 14-1) тармақшасына, Қазақстан Республикасы Президентiнiң 2004 жылғы 13 қыркүйектегi N 1438 Жарлығымен бекiтiлген Қазақстан Республикасы денсаулық сақтау iсiн реформалау мен дамытудың 2005-2010 жылдарға арналған мемлекеттiк бағдарламасының 5.5. тармағына, Қазақстан Республикасы Үкiметiнiң 2004 жылғы 13 тамыздағы N 850 қаулысымен бекiтiлген Қазақстан Республикасында туберкулезбен күрестi күшейтудiң 2004-2006 жылдарға арналған бағдарламаның 5 бөлiмi 4 тармағына сәйкес облыс әкiмдiгi ҚАУЛЫ ЕТЕДІ:
1. Қоса берiлген белсендi туберкулезбен ауыратын азаматтарға қосымша тамақтануды қамтамасыз ету үшiн әлеуметтiк көмек көрсету Ережелерi бекiтiлсiн.
2. Аудандар мен Петропавл қаласының әкiмi белсендi туберкулезбен ауыратын азаматтарды қосымша тамақтандыру үшiн әлеуметтiк көмек тағайындауды ұйымдастыруды қамтамасыз етсiн.
3. Денсаулық сақтау департаментi белсендi туберкулезбен ауыратын азаматтардың тiзiмiн аудандық және қалалық еңбекпен қамту және әлеуметтiк бағдарламалар бөлiмiне ай сайын ұсынуды қамтамасыз етсiн.
4. Осы қаулының орындалуын бақылау облыс әкiмiнiң орынбасары М.К.Мырзалинге жүктелсiн.
Облыс әкiмi
Облыс әкімдігінің
2006 жылғы 2 мамырдағы
N 89 қаулысымен бекітілген
Белсенді туберкулезбен ауыратын азаматтарға қосымша
тамақтануды қамтамасыз ету үшін әлеуметтік көмек
көрсету ережелері 1. Жалпы ережелер
1. Берілген белсенді туберкулезбен ауыратын азаматтарға қосымша тамақтануды қамтамасыз ету үшін әлеуметтік көмек көрсету ережелері (ілгеріде - Ереже) белсенді туберкулезбен ауыратын азаматтарға қосымша тамақтануды қамтамасыз ету үшін әлеуметтік көмек көрсетудің тәртібін белгілейді (ілгеріде әлеуметтік көмек).
2. Берілген Ережелерде келесі негізгі ұғымдар қолданылады:
1) әлеуметтік көмек тағайындау және төлеу жөніндегі өкілетті орган (ілгеріде-өкілетті орган) - аудандық және қалалық еңбекпен қамту және әлеуметтік бағдарламалар бөлімдері;
2) әлеуметтік көмек - белсенді туберкулезбен ауыратын азаматтарға қосымша тамақтануды қамтамасыз етуге бағытталған қаржы төлемінің бір түрі;
3) алушы - облыстың туберкулезге қарсы мекемелерінде диспансерлік есепте тұратын белсенді туберкулезбен ауыратын азамат.
3. Әлеуметтік көмекке тағайындауды облыстың туберкулезге қарсы мекемелері ай сайын ұсынатын тізіміне сәйкес аудандық және қалалық еңбекпен қамту және әлеуметтік бағдарламалар бөлімдері жүргізеді.
2. Әлеуметтік көмек алуға өтініш беру тәртібі
5. Ереженің 3 тармағында көрсететін тұлғалар өкілетті органға тұрғылықты жерлері бойынша келесі құжаттарды береді:
1) қосымшаға сәйкес белгіленген формадағы өтініш;
2) жеке тұлғаны куәландыратын құжат көшірмесі;
3) тұрғылықты жерді растайтын құжат көшірмесі;
4) белсенді топ бойынша есепте тұратыны жөніндегі туберкулезге қарсы мекемеден анықтама.
6. Балаларға әлеуметтік көмек тағайындау үшін ата-ананың біреу немесе заңды өкіл (қорғаншы, қамқоршы, патронатты тәрбиеші) 5 тармақта көрсетілген құжаттардың және қорғаншы, қамқоршы, патронатты тәрбиеші статусын растайтын құжаттармен жасалады.
3. Әлеуметтік көмекті тағайындау тәртібі
7. Әлеуметтік көмек өтініш беру айынан бастап оған құқығы пайда болғаннан кейінгі ағымды айда тағайындалады.
8. Әлеуметтік көмек тағайындау туберкулезге қарсы мекемелер тұрғылықты жері бойынша өкілетті орган жүргізеді.
9. Әлеуметтік көмек көлемі айына 600 (алты жүз) теңгені құрайды.
10. Балаларға әлеуметтік көмек тағайындау үшін ата-ананың біреуінің көрсетілген құжаттарды ұсыну, сондай-ақ, бала тұлғасын куәландыратын құжаттар және қорғаншы, қамқоршы, патронатты тәрбиеші статусын растайтын құжаттармен жасалады.
4. Әлеуметтік көмек төлеу
11. Әлеуметтік көмек төлеу екінші деңгейлі банктер арқылы жасалады, олармен заңда белгіленген тәртіпте аудандар мен Петропавл қаласының еңбекпен қамту және әлеуметтік бағдарламалар бөлімдері ұсынған алушылардың ашылған жеке шотына сома есептеуге арналған тізімдемелер негізінде келісім-шарт жасалған.
Ережелерге қосымша
Еңбекпен қамту және әлеуметтiк
бағдарламалар бөлiмiнiң бастығы
_______________ ауданы (қаласы)
Өтiнiш
Тегi ______________________________________________________________
Аты _______________________________________________________________
Әкесiнiң аты ______________________________________________________
Мәртебесi _________________________________________________________
Мекен-жайы ________________________________________________________
СТН _______________________________________________________________
Есеп айырысу шот нөмiрi ___________________________________________
Бөлiмшеде _________________________________________________________
Маған азық түлiк - сары май сатып алуға әлеуметтiк көмек
тағайындауды сұраймын.
Қосымша ____ парақта.
200 жыл "__"___________ ___________________________________________
Өтiнiш берушiнiң қолы
Өтiнiш 200 жыл "____" _____________ қабылданды.
_______________________________________________
Құжаттар қабылдаған тұлғаның аты-жөнi және қолы.
