Жаңа ауылдық округ құру және оның Түркiстан қаласына әкiмшiлiк бағыныстылығы туралы

Бірлескен Оңтүстік Қазақстан облыстық мәслихатының 2007 жылғы 19 шілдедегі N 34/388-III шешімі және Оңтүстік Қазақстан облыстық әкімиятының 2007 жылғы 23 шілдедегі N 223 қаулысы. Оңтүстік Қазақстан облысының әділет департаментінде 2007 жылғы 27 шілдеде N 1960 тіркелді

Қазақстан Республикасының 1993 жылғы 8 желтоқсандағы "Қазақстан Республикасының әкiмшiлiк-аумақтық құрылысы туралы" Заңының 11-бабына сәйкес, Түркiстан қалалық мәслихаты мен әкiмдiгiнiң ұсыныстары негiзiнде Оңтүстiк Қазақстан облыстық мәслихаты ШЕШТІ және Оңтүстiк Қазақстан облысының әкiмдiгi ҚАУЛЫ ЕТТІ:

1. Сауран ауылдық округiнен бөлiну жолымен Сауран, Ескi Сауран елдi-мекендерi шекараларында жаңадан ауылдық округ құрылсын.

2. Жаңадан құрылған ауылдық округке Жiбек Жолы деген атау берiлсiн.

3. Құрамынан Сауран, Ескi Сауран елдi мекендерi шығарыла отырып, Сауран ауылдық округiнiң шекарасы өзгертiлсiн.

4. Жаңадан құрылған Жiбек Жолы ауылдық округiнiң Түркiстан қаласына бағыныстылығы белгiленсiн.

5. Осы шешiм алғаш ресми жарияланғаннан кейiн күнтiзбелiк он күн өткен соң қолданысқа енгiзiлсiн.

Облыстық мәслихат
сессиясының төрағасы

Облыс әкiмi

Облыстық мәслихат
хатшысы