Жеке тұрғын үй құрылысын жүргізу үшін Көлкент ауыл округіне жер телімін беру және елді мекеннің шегін өзгерту туралы

Оңтүстік Қазақстан облысы Сайрам аудандық мәслихат сессиясының 2007 жылғы 25 желтоқсандағы N 3-59/IV шешімі және Оңтүстік Қазақстан облысы Сайрам ауданы әкімдігінің 2007 жылғы 10 желтоқсандағы N 2503 қаулысы. Оңтүстік Қазақстан облысы Сайрам ауданының Әділет басқармасында 2008 жылғы 4 ақпанда N 14-10-84 тіркелді

"РҚАО ескертпесі.
Мәтінде авторлық орфография және пунктуация сақталған".

Қазақстан Республикасының 2003 жылғы 20-шы маусымдағы Жер Кодексінің 108-бабының 5-тармағына сәйкес, аудандық мәслихат ШЕШТІ, аудан әкімдігі ҚАУЛЫ ЕТТІ:
1. Көлкент ауыл округі аумағындағы арнаулы жер қорынан жеке тұрғын үй құрылысын жүргізу үшін жалпы көлемі 68,2 гектар жерден жер телімі алынып, Ақсуабад, Шапырашты, Теспе, Пахтазарибдар, Көлкент және Қызыл Қазақстан ауылдарының шегіне енгізілсін.
2. Жалпы көлемі 68,2 гектар жер телімі қосылып, Ақсуабад, Шапырашты, Теспе, Пахтазарибдар, Көлкент және Қызыл Қазақстан елді мекендерінің шегі өзгертілсін.
3. Осы бірлескен шешім және қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.

Аудан әкімі М. Әлі
Сессия төрағасы Р. Шадиев
Аудандық мәслихат хатшысы Т. Тулендиев