Павлодар облысы Екібастұз қаласының әкімшілік-аумақтық құрылысындағы өзгерістер туралы

Павлодар облыстық маслихаты мен әкімиятының 2008 жылғы 20 маусымдағы N 108/6, N 2 шешімі мен қаулысы. Павлодар облысының әділет депртаментінде 2008 жылғы 20 маусымда N 3114 тіркелді.

Қазақстан Республикасының "Қазақстан Республикасындағы жергiлiктi мемлекеттiк басқару туралы" Заңының 6-бабы 1-тармағының 4) тармақшасына, "Қазақстан Республикасының әкiмшiлiк-аумақтық құрылысы туралы" Заңы 11-бабының 3, 4) тармақшаларына, Екібастұз қалалық мәслихатының және Екібастұз қаласы әкiмдiгiнiң 2008 жылғы 27 мамырдағы (ІV сайланған VІІ сессиясы)«Екібастұз өңірінің әкімшілік-аумақтық құрылысындағы кейбір өзгерістер туралы N 85/7 бiрлескен шешiмiне сәйкес, Екібастұз аймағы тұрғындарының пікірлерін есепке алып, Павлодар облысының әкiмдiгi ҚАУЛЫ ЕТЕДІ және облыстық мәслихат ШЕШIМ ЕТЕДI :

1. Екібастұз қаласының әкiмшiлiк-аумақтық құрылысына мынадай өзгерiстер енгiзiлсiн:
"Қоянды",«"Теміртас",«"Құрылысшы" елді мекендері ауыл санаттарына жатқызылсын және осы ауылдардың шекарасында Қоянды ауылын орталық етіп, Қоянды ауылдық округі құрылсын.

2. Осы шешiм ресми жарияланғаннан кейiн он күнтiзбелiк күн өткен соң қолданысқа енгiзiледi.

3. Осы шешiмнiң орындалуын бақылау облыстық мәслихаттың азаматтардың құқығы мен заңды мүдделерiн қамтамасыз ету мәселелерi жөнiндегi тұрақты комиссиясына жүктелсiн.

Облыс әкімі Қ. Нұрпейісов

Сессия төрағасы А. Бабенко

Облыстық мәслихаттың хатшысы Р. Гафуров