2009 жылға арналған аудандық бюджет туралы

Ескерту. Күші жойылды - Батыс Қазақстан облысы Казталов аудандық мәслихаттың 2010.03.01 N 25-15 Шешімімен.

Қазақстан Республикасының 2008 жылғы 4 желтоқсандағы N 95-ІV "Бюджет кодексі", Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару туралы" Заңының 6 бабына сәйкес Казталов аудандық мәслихаты ШЕШІМ ЕТЕДІ:

1. 2009 жылға арналған аудандық бюджет 1 қосымшаға сәйкес келесі көлемдерде бекітілсін:

1) кірістер – 3 167 772 мың теңге, оның ішінде:

салықтық түсімдер – 547 984 мың теңге;

салықтық емес түсімдер – 2 942 мың теңге;

негізгі капиталды сатудан түсетін түсімдер – 263 мың теңге;

трансферттер түсімі – 2 616 583 мың теңге;

2) шығындар – 3 243 269 мың теңге;

3) таза бюджеттік кредиттеу – 0;

бюджеттік кредиттер - 0 мың теңге;

бюджеттік кредиттерді өтеу - 0 мың теңге;

4) қаржы активтерімен операциялар бойынша сальдо – 30 793;

қаржы активтерін сатып алу – 30 793;

мемлекеттің қаржы активтерін сатудан түсетін түсімдер - 30 793;

5) бюджет тапшылығы (профициті) – -106 290;

6) бюджет тапшылығын қаржыландыру (профицитін пайдалану) – 106 290;

қарыздар түсімі – 106 290;

қарыздарды өтеу - 106 290;

бюджет қаражатының пайдаланылатын қалдықтары – 106 290.

Ескерту: 1 тармаққа өзгерту енгізілді - Батыс Қазақстан облысы Казталов аудандық мәслихатының 2009.03.04 N 15-2, 2009.04.30 N 17-1, 2009.08.28 N 20-1, 2009.10.28 N 22-2, 2009.11.30 N 23-1 Шешімдерімен.

2. 2009 жылға арналған аудандық бюджеттің түсімдері Қазақстан Республикасының Бюджет кодексіне, Қазақстан Республикасының "2009-2011 жылдарға арналған республикалық бюджет туралы" Заңына, Батыс Қазақстан облыстық мәслихаттың 2008 жылғы 11 желтоқсандағы N 10-3 "2009 жылға арналған облыстық бюджет туралы" шешіміне сәйкес қарастырылды.

3. Қазақстан Республикасының "2009-2011 жылдарға арналған республикалық бюджет туралы" Заңы және Батыс Қазақстан облыстық мәслихаттың 2008 жылғы 11 желтоқсандағы N 10-3 "2009 жылға арналған облыстық бюджет туралы" шешімі (нормативтік құқықтық актілерді мемлекеттік тіркеу тізілімінде N 3018 тіркелген) қатерге және басшылыққа алынсын.

4. Жергілікті атқарушы органдарға қарасты мемлекеттік мекемелер ұсынатын қызметтер мен тауарларды өткізуден түсетін ақшалар Қазақстан Республикасының Бюджет кодексі және Қазақстан Республикасының Үкіметі анықтаған тәртіпте пайдаланылады.

5. 2009 жылға арналған ауданның жергілікті атқарушы органдардың резерві 10 000 мың теңге көлемінде бекітілсін.

6. 2009 жылдың 1 қаңтарынан бастап ауылдық жерлерде қызмет ететін деңсаулық сақтау, әлеуметтік қамсыздандыру, білім беру, мәдениет және спорт мамандарына осы қызмет түрлерімен айналысатын мамандар мөлшерлемелерімен салыстырғанда лауазымдық жалақыларын 25%-ға көтеру белгіленсін.

7. 2009 жылға арналған аудандық бюджеттің бюджеттік даму бағдарламалар тізбесі 2 қосымшаға сәйкес бекітілсін.

8. 2009 жылға арналған жергілікті бюджеттердің атқару үдерісінде секвестрлендіруге жатпайтын жергілікті бюджеттік бағдарламалардың тізбесі 3 қосымшаға сәйкес бекітілсін.

9. Аудандық қазынашылық басқармасы осы шешімге сәйкес тиісті нормативтер бойынша бюджеттердің есеп шоттарына қаржы түсуін қамтамасыз ететін болсын.

10. Осы шешім 2009 жылдың 1 қаңтарынан бастап күшіне енеді.

Сессия төрағасы	М.Мырзағалиев
Аудандық мәслихат хатшысы	Қ.Мұқанов

Аудандық мәслихаттың
2008 жылғы 19 желтоқсандағы
N 11-3 шешіміне N 1 қосымша

Ескерту. 1 қосымша жаңа редакцияда - Батыс Қазақстан облысы Казталов аудандық мәслихатының 2009.11.30 N 23-1 Шешімімен.