Ескерту. Күші жойылды - Павлодар облысы Лебяжі аудандық әкімдігінің 06.03.2014 N 90/3 қаулысымен.
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31-бабы 1-тармағының 18-тармақшасына, Қазақстан Республикасының 2002 жылғы 10 шілдедегі "Ветеринария туралы" Заңының 10-бабы 2-тармағының 9-тармақшасына, 27–бабына сәйкес, Лебяжі ауданының мемлекеттік ветеренариялық бас инспекторының берген 2009 жылғы 3 қыркүйектегі N 1-16/440 ұсынысы бойынша аудан әкімдігі ҚАУЛЫ ЕТЕДІ:
1. Ямышев селолық округіне ірі қара мал сарып ауруы бойынша шектеу салынсын.
2. Ямышев селолық округінің әкіміне шектеу жағдайы бойынша:
ауыл шаруашылығы малдарын басқа аймаққа айдауға, әкелуге және әкетуге;
сүт және сүт өнімдерін әзірлеуге және ауылдан шығаруға;
шөп әзірлеуге және сатуға;
көрмелер мен жәрмеңкелерді өткізуге рұқсат етілмесін.
3. Ямышев селолық округінің мемлекеттік ветеринариялық инспекторы (келісім бойынша) селолық округ әкімімен бірлесе, ауру малдарды жекелеу және карантиндеу бойынша шаралар қабылдасын.
4. Лебяжі ауданы бойынша мемлекеттік санитарлық–эпидемиологиялық қадағалау департаментінің бөлімшесі (келісім бойынша) аудандық орталық ауруханамен бірлесе отырып, селолық округ тұрғындары арасында түсіндіру және алдын-алу іс шараларын жүргізсін.
5. Бұл қаулы ресми жарияланғаннан кейін он күнтізбелік күн өткен соң қолданысқа енгізілсін.
6. Осы қаулының орындалуын бақылау аудан әкімінің орынбасары Б.Т. Байжановқа жүктелсін.
Аудан әкімі С. Әпсалықов
"КЕЛІСІЛДІ"
Ямышев селолық округінің
мемлекеттік ветеринариялық
инспекторы К. Габдрахимов
2009 жылғы "10" қыркүйек
Лебяжі ауданы бойынша
мемлекеттік санитарлық-
эпидемиологиялық қадағалау
басқармасының бастығы А. Жалелов
2009 жылғы 10 қыркүйек
Аудандық орталық аурухананың
бас дәрігері А. Сыздықов
2009 жылғы 10 қыркүйек
