Ескерту. Қолдану мерзімінің өтуіне байланысты күшін жойды (Солтүстік Қазақстан облысы Жамбыл ауданы әкімі аппаратының 2012.05.22 N 02-05-1.4-2/328 хаты)
«Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы Заңының 31-бабы 1 тармағы 8) тармақшасына, «Әскери міндеттілік және әскери қызмет туралы» Қазақстан Республикасының 2005 жылғы 8 шілдедегі Заңының 17-бабына сәйкес аудан әкімдігі ҚАУЛЫ ЕТЕДІ:
1. 2009 жылдың қаңтар-наурыз айларында 1992 жылы туған, сонымен қатар жасы үлкен шақыру учаскесінде тіркелмеген ер жынысты Қазақстан Республикасы азаматтарына тіркеу жүргізілсін.
2. 1 қосымшаға сәйкес аудандық тіркеу жөніндегі комиссия құрылсын.
3. «Қазақстан Республикасы Денсаулық сақтау Министрлігінің Солтүстік Қазақстан облысы әкімдігінің Жамбыл аудандық емханасы» коммуналды мемлекеттік қазыналық кәсіпорыны (келісім бойынша)аудандық комиссияны қажетті көлемде орта буынды медициналық қызметкерлермен қамтамасыз етсін.
4. «Қазақстан Республикасы Денсаулық сақтау Министрлігінің Солтүстік Қазақстан облысы әкімдігінің Жамбыл аудандық орталық ауруханасы» коммуналды мемлекеттік қазыналық кәсіпорыны (келісім бойынша) шақыртылған азаматтарды стационарлық тексерістен өткізу үшін аудандық ауруханадан орын бөлсін, шақыру пункітін қажетінше медициналық құрал-жабдықтармен және дәрі-дәрмектермен жабдықтасын.
5. Жас өспірімдерді шақырту учаскесінде тіркеу Жамбыл ауданының қорғаныс істері жөніндегі бөлімінің ғимаратында жүргізілсін.
6. Селолық округ әкімдеріне, аудандық білім бөліміне 1992 жылы туған, сонымен қатар, жасы үлкен, тіркеуден өтпеген барлық азаматтарды шақырту қағазында көрсетілген қажетті құжаттарымен тіркеуге келуін ұйымдасқан түрде және уақытында камтамасыз етсін.
7. «Жамбыл ауданының қорғаныс істері жөніндегі бөлімі» Мемлекеттік мекемесіне:
2 қосымшаға сәйкес, Жамбыл ауданының қорғаныс істері жөніндегі бөлімінің шақыру учаскесіне 1992 жылы туған, сонымен қатар жасы үлкен азаматтардың тіркеуін қамтамасыз ету үшін техникалық қызметшілер жұмысқа тартылсын;
әскери міндетінен жалтарғандардың және әскери бөлімдерін өз еріктерімен тастап кеткендердің жауапкершіліктері жөнінде шақырылушылардың алдында баяндама циклдарымен қамтамасыз етілсін;
аудан әкіміне тіркеуді жүргізудің қорытындысы жөнінде 2009 жылдың 1 сәуіріне ақпарат тапсырсын.
8. «Жамбыл ауданының қаржы бөлімі» мемлекеттік мекемесіне «Әскери міндеттілік және әскери қызмет туралы» Қазақстан Республикасының 2005 жылғы 8 шілдедегі Заңының 44-бабының негізінде көрсетілген шаралардың орындалуына байланысты шығындар жергілікті бюджеттің қаржысы есебінен жүзеге асырылсын.
9. Осы қаулының орындалуын бақылау аудан әкімінің әлеуметтік мәселелер жөніндегі орынбасарына жүктелсін.
10. «Жамбыл ауданының қорғаныс істері жөніндегі бөлімінің шақыру учаскесінде азаматтарды тіркеуді жүргізу туралы» аудан әкімінің 2007 жылғы 19 қарашадағы № 302 қаулысының (мемлекеттік тіркеу нөмірі № 13-7-59 2007 жылғы 26 желтоқсандағы, «Ауыл арайы – Сельская новь» 2008 жылғы 11 қаңтардағы 2 нөмірі, 2008 жылғы 25 қаңтардағы 4 нөмірі) күшін жойды деп танылсын.
11. Осы қаулы бірінші ресми жарияланған күннен он күнтізбелік күн өткеннен кейін қолданысқа енеді.
Аудан әкімі С. Ыбыраев
