Ескерту. Күші жойылды - Қызылорда облысы Шиелі ауданы әкімдігінің 15.04.2013 N 77 қаулысымен.
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31 бабының 1 тармағының 14) тармақшасын және 37 бабының 8 тармағын басшылыққа ала отырып, 2005 жылғы 13 сәуірдегі "Қазақстан Республикасында мүгедектерді әлеуметтік қорғау туралы" Заңына сәйкес аудан әкімдігі ҚАУЛЫ ЕТЕДІ:
1. Мүгедек балаларды үйде тәрбиелеу мен оқытуға көрсетілетін әлеуметтік көмектің қағидасы 1-қосымшаға сәйкес бекітілсін.
2. Әлеуметтік көмекті алу үшін өтініштің нысаны 2-қосымшаға сәйкес бекітілсін.
3. Аудан әкімдігінің 2007 жылғы 14 желтоқсандағы "Мүгедек балаларды үйде тәрбиелеу мен оқытуға көрсетілетін әлеуметтік көмектің қағидасы мен мөлшерін бекіту туралы" N 1884 (нормативтік құқықтық кесімдерді мемлекеттік тіркеу тізілімінде 2008 жылдың 25 қаңтарында N 10-9-53 болып тіркелген, аудандық "Өскен өңір" газетінің 2008 жылғы 19 наурызда N 25 санды шығарылымында жарияланған) қаулысының күші жойылды деп танылсын.
2. Осы қаулының орындалуына бақылау жасау аудан әкімінің орынбасары Қ.Мүбараковқа жүктелсін.
3. Қаулы алғаш рет ресми жарияланған күнінен бастап қолданысқа
енгізіледі.
Аудан әкімі Н. Нәлібаев
2010 жылғы 9 наурыздағы
N 888 қаулысымен бекітілген
1-қосымша
Мүгедек балаларды үйден тәрбиелеу мен оқытуға көрсетілетін әлеуметтік көмектің
ҚАҒИДАСЫ
1. Жалпы қағида
1. Осы Қағида (бұдан әрі-Қағида) мүгедек балаларды үйде тәрбиелеу мен оқытуға көрсетілетін әлеуметтік көмектің (бұдан әрі-әлеуметтік көмек) тағайындау және төлеу тәртібін белгілейді.
2. Осы мүгедек балаларды үйде тәрбиелеу мен оқытуға көрсетілетін әлеуметтік көмектің Қағидасында мынадай ұғымдар қолданылады:
мүгедек бала - тіршілік тынысының шектелуіне және оны әлеуметтік қорғау қажеттігіне әкеп соқтыратын аурулардан, жарақаттардан, олардың салдарынан, кемістіктерден ағза функциялары тұрақты бұзылып, денсаулығы бұзылған, он сегіз жасқа толмаған адам;
мүгедектерді оңалтудың жеке бағдарламасы-мүгедекті оңалтудан өткізудің нақты көлемін, түрлері мен мерзімдерін белгілейтін құжат;
"Шиелі психологиялық-дәрігерлік-педагогикалық консультация" мемлекеттік мекемесінің (бұдан әрі - ПДПК) қорытындысы-медициналық көрсеткіштер тізбесіне сәйкес мүгедек баланы үйде тәрбиелеу мен оқытуды белгілейтін құжат;
өтініш беруші - мүгедек баланың атынан әлеуметтік көмек тағайындауға өтініш жасаушы тұлға;
баланың заңды өкілдері: ата-анасы, бала асырап алушылар, қорғаншысы, қамқоршысы, патронат тәрбиелеушісі, Қазақстан Республикасының заңдарына сәйкес олардың орнында қамқорлық жасайтын, білім, тәрбие беретін, баланың құқықтары мен мүдделерін қорғайтын тұлғалар.
3. Мүгедек балаларды жалпы немесе арнаулы мектепке дейінгі ұйымдарда және басқа оку орындарында тәрбиелеу мен оқыту мүмкін болмаған жағдайда, оларды тәрбиелеу мен оқыту ата-анасының немесе заңды өкілдерінің тілегі ескеріле отырып, ПДПК-қорытындысы негізінде үйде жүргізіледі.
4. Әлеуметтік көмек үйде тәрбиеленіп және оқытылатын 18 жасқа дейінгі мүгедек баласы бар ата-анасының біреуіне немесе оның орнын ауыстыратын тұлғаға немесе заңды өкіліне (бүдан әрі - алушылар) беріледі.
5. Әлеуметтік көмек туылған, асырап алынған және қамқорлыққа (қорғаншылыққа) алынған мүгедек балаларға тағайындалып төленеді.
6. Әлеуметтік көмек мүгедек балаларға басқа да әлеуметтік көмек түрлерін алатындығына және отбасының табысына қарамастан тағайындалады.
7. Әлеуметтік көмек толық мемлекет қамқорлығындағы мүгедек балаларға тағайындалмайды.
8. Дау тудыратын барлық мәселелер Қазақстан Республикасының қолданыстағы заңнамаларына сәйкес қаралады.
2. Әлеуметтік көмекті алуға өтініш беру тәртібі
9. Алушылар "Шиелі аудандық жұмыспен қамту және әлеуметтік бағдарламалар бөлімі" мемлекеттік мекемесіне (бұдан әрі - уәкілетті орган) мынадай құжаттар ұсынады:
1) қосымшаға сәйкес белгіленген нысандағы өтініш;
2) баланың туу туралы куәлігі (түпнұсқасы мен көшірмесі);
3) дәрігерлік-әлеуметтік сараптаманың (бұдан әрі - ДӘС) мүгедектігі туралы берген анықтамасы (көшірмесі);
4) ПДПК-ның мүгедек баланы үйде оқыту қажеттігі туралы берген қорытындысы(түпнұсқасы);
5) мүгедектерді оңалтудың жеке бағдарламасы (көшірмесі).
10. Әлеуметтік көмекті тағайындауға қажетті құжаттардың түпнұсқалары мен көшірмелері ұсынылады, салыстырылғаннан кейін түпнұсқалары өтініш иесіне қайтарылып беріледі.
11. Уәкілетті органның жауапты тұлғасы құжаттарды түпнұсқаларымен салыстырады, тіркеу журналына ұсынылған құжаттарына қоса өтініштерін тіркейді және өтініш иесіне қабылдау туралы белгісі бар талонды береді.
3. Әлеуметтік көмекті тағайындау тәртібі
12. Әлеуметтік көмекті тағайындау жөніндегі өтініш тұрғылықты мекен жайы бойынша уәкілетті органға тапсырылады.
13. Әлеуметтік көмек, көмек алуға құқық пайда болғаннан кейін, әлеуметтік көмекті тағайындауға өтініш берген айдан бастап тағайындалады. Құжаттарды қоса бере отырып өтініш берген ай өтініш жасаған ай деп саналады.
14. Уәкілетті орган құжаттар түскен күннен бастап 10 күн ішінде қолданыстағы заңнамаларға сәйкес жергілікті бюджетте осы мақсатқа қаралған қаржы көлемінде әлеуметтік көмекті тағайындау жөнінде шешім қабылдайды. Әлеуметтік көмекті тағайындаудан бас тартқан жағдайда, уәкілетті орган бас тарту себебін көрсете отырып, өтініш берушіні жазбаша хабардар етеді.
15. Әлеуметтік көмек аудандық ПДПК-ның берген анықтамасында көрсетілгендей, құқық пайда болған кезден бастап, тоқсан сайын бір жылға тағайындалады және тоқсан сайын көрсетілген кезеңге төленеді.
16. Әлеуметтік көмек бірінші рет тағайындалған жағдайда, өтініш берген күннен бастап төленеді.
17. Әлеуметтік көмекті тағайындау және төлеуді тоқтатуға немесе қайта жаңғыртуға әсер ететін (баланы асырап алу, оның өлімі тағы басқа) жағдайларда, әлеуметтік көмекті тағайындау және төлеу тиісті жағдайлар туындаған айдан кейінгі айдан бастап тоқтатылады немесе қайта жаңартылады.
4. Әлеуметтік көмекті төлеу тәртібі
18. Әлеуметтік көмек бір тоқсанға төленеді.
19. Әлеуметтік көмек тиісті қаржы жылына арналған республикалық бюджет туралы заңда бекітілген айлық есептік көрсеткіш мөлшерінің өзгеруі ескеріле отырып төленеді.
20. Әлеуметтік төлемдерге арналған қаржылар әлеуметтік төлемдерді алушылардың жеке шоттарына екінші деңгейдегі банктер арқылы немесе банк операцияларының тиісті түріне Қазақстан Республикасы Ұлттық банкінің лицензиясы бар ұйымдар арқылы аударылады.
21. Уәкілетті орган төлемдер жүргізілетін екінші деңгейдегі банктер немесе Қазақстан Республикасы Ұлттық банкінің лицензиясы бар ұйымдарымен бірлесіп, төленген әлеуметтік көмектің салыстыру актісін жасап, есеп беру тоқсаннан кейінгі айдың 15 дейін облыстық жұмыспен қамтуды үйлестіру және әлеуметтік бағдарламалар департаментіне тапсырады.
22. Әдейі жалған мәліметтерді ұсыну, әлеуметтік көмек төлеміне әсер ететін жағдайларды жасырып қалу нәтижесінде артық төленген әлеуметтік көмек, алушыдан төмендегі жағдайларда ұсталады.
а) уәкілетті органның шешімі негізінде;
б) соттың шешімі, анықтамасы, қаулысы негізінде.
23. Әлеуметтік көмекті тағайындайтын және төлейтін уәкілетті органның кінәсі бойынша аударылмаған әлеуметтік көмектің сомасы өткен уақыт үшін ешқандай мерзіммен шектеусіз бірден аударылады.
24. Әлеуметтік көмекті төлеу бойынша есепті жүргізу және беру тәртібі Қазақстан Республикасының қолданыстағы заңнамаларына сәйкес анықталады.
2010 жылғы 9 наурыздағы
N 888 қаулысына 2-қосымша
Шиелі______________аудандық жұмыспен
қамту және әлеуметтік бағдарламалар
бөлімінің бастығы __________________
____________________________________
____________________________________
(мекен-жайында тұратын)
____________________________________
(тегі, аты, әкесінің аты)
телефон____________________________
жеке куәлігі________________________
_____________________________________
___________________________берілген
(кім берді)
СТН__________________________________
ЖӘК__________________________________
Өтініш
Маған мүгедек балам___________________________________________
(тегі, аты, әкесінің аты)
әлеуметтік көмек тағайындап төлеуіңізді және________________________
Екінші деңгейдегі банктер арқылы немесе банк операцияларының тиісті түріне Қазақстан Республикасы Ұлттық банкінің лицензиясы бар ұйымдарында ашылған шоттың N _______________________________________
жеке есеп-шотқа аударуыңызды сұраймын.
Өзгерістер туған жағдайда 10 күн ішінде ол туралы хабарлауға міндеттенемін.
Жалған ақпарат пен анық емес (жасанды) құжаттар көрсеткенім үшін жауапты екендігім ескертілді.
20___жылғы "___"______________________________________________
(өтініш иесінің қолы)
Өтініш қабылданды.
20___ жылғы "___"_____________________________________________
(Құжаттарды қабылдап алған тұлғаның аты-жөні,қолы)
____________________________________________________________________
Азамат_______________________ өтініш_____________________ дана
құжаттарымен қоса:
20___жылғы "____"____________________қабылданды.
