Жуалы ауданы аумағында бейбіт жиналыстар, митингілер, шерулер, пикеттер және демонстрациялар өткізу тәртібін қосымша реттеу туралы

Күшін жойған

Жамбыл облысы Жуалы аудандық мәслихатының 2014 жылғы 22 желтоқсандағы № 39-8 шешімі. Жамбыл облысы Әділет департаментінде 2015 жылғы 21 қаңтарда № 2469 болып тіркелді. Күші жойылды - Жамбыл облысы Жуалы аудандық мәслихатының 2016 жылғы 26 ақпандағы № 53-5 шешімімен

Ескерту. Күші жойылды - Жамбыл облысы Жуалы аудандық мәслихатының 26.02.2016 № 53-5 шешімімен (алғашқы ресми жарияланған күннен кейін күнтізбелік он күн өткен соң қолданысқа енгізіледі).
РҚАО-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
"Қазақстан Республикасында бейбіт жиналыстар, митингілер, шерулер, пикеттер және демонстрациялар ұйымдастыру мен өткізу тәртібi туралы" Қазақстан Республикасының 1995 жылғы 17 наурыздағы Заңының 10 бабына сәйкес Жуалы ауданының мәслихаты ШЕШІМ ҚАБЫЛДАДЫ:
Бейбіт жиналыстар, митингілер, шерулер, пикеттер және демонстрациялар өткізу тәртібін қосымша реттеу мақсатында Жуалы ауданының аумағында бейбіт жиналыстар, митингілер, шерулер, пикеттер және демонстрациялар өткізу орындары қосымшаға сәйкес белгіленсін.
Осы шешімнің орындалуын бақылау аудандық мәслихаттың әкімшілік аумақтық құрылым, аумақты әлеуметтік экономикалық дамыту, бюджет және жергілікті салықтар мәселелері, адамдардың құқығын қорғау жөніндегі тұрақты комиссиясына жүктелсін.
Осы шешім әділет органдарында мемлекеттік тіркелген күннен бастап күшіне енеді және оның алғашқы ресми жарияланған күннен кейін күнтізбелік он күн өткен соң қолданысқа енгізіледі.

Аудандық мәслихат	Аудандық
сессиясының төрағасы	мәслихат хатшысы
Е. Мұғалов	Е. Тлеубеков

Жуалы аудандық мәслихатының 2014 жылғы 22 желтоқсандағы № 39-8 шешіміне қосымша

Жуалы ауданы аумағында бейбіт жиналыстар, митингілер, шерулер, пикеттер және демонстрациялар өткізу орындарының тізбесі

№	Елді мекендер атауы	Бейбіт жиналыстар, митинг, шерулер, пикеттер және демонстрациялар өткізілетін орындар
1	Б. Момышұлы ауылы	Жібек жолы көшесі, "Жасай бер Қазақстан!" саябағы
2	Б. Момышұлы ауылы	Жамбыл көшесі орталық алаң