Қазақстан Республикасының 2012 жылғы 16 ақпандағы "Әскери қызмет және әскери қызметшілердің мәртебесі туралы" Заңының 27-бабы 3-тармағына, Қазақстан Республикасы Президентінің 2014 жылғы 14 наурыздағы "Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2014 жылдың сәуір-маусымында және қазан-желтоқсанында мерзімді әскери қызметке кезекті шақыру туралы" N 768 Жарлығының 3-тармағына, Қазақстан Республикасы Үкіметінің 2012 жылғы 15 мамырдағы "Қазақстан Республикасының азаматтарын әскери қызметке шақыруды ұйымдастыру мен жүргізу қағидаларын бекіту туралы" N 620 қаулысына сәйкес, Павлодар облысында азаматтарды мерзімді әскери қызметке шақыруды ұйымдасқан түрде өткізу мақсатында Павлодар облысының әкімдігі ҚАУЛЫ ЕТЕДІ:
1. 2014 жылдың сәуір-маусым мен қазан-желтоқсан айларында әскерге шақырудан кейінге қалдыру немесе босатылу құқығы берілмеген он сегізден жиырма жеті жасқа дейінгі Павлодар облысының азаматтарын мерзімді әскери қызметке шақыру ұйымдастырылсын және әскерге шақыруды өткізу қамтамасыз етілсін.
2. Облыс денсаулық сақтау басқармасы:
ағымдағы жылғы 1 сәуірге дейін және 1 қазанға дейін Павлодар облысының жергілікті әскери басқару органдарына стационарлық емделуде және диспансерлік есепте тұрған әскерге шақырушылар туралы мәліметтерді ұсынсын;
азаматтарды мерзімді әскери қызметке шақыру кезеңінде қорғаныс істері жөніндегі басқармалар мен бөлімдердің өтінімдеріне сәйкес медициналық комиссиялардың құрамында жұмыс істеу үшін әскери-дәрігерлік сараптамада тәжірибесі бар тиісті санаттағы медицина қызметкерлерінің қажетті санын бөлсін;
ағымдағы жылғы 1 сәуір мен 30 маусым аралығындағы және 1 қазан мен 31 желтоқсан аралығындағы кезеңде облыстық жиналу пунктін шақыруға жататын азаматтарды рентгенологиялық тексеруден өткізу үшін жылжымалы флюорографиялық қондырғымен қамтамасыз етсін.
3. Облыс ішкі істер департаментіне (келісім бойынша):
ағымдағы жылғы 1 сәуір мен 30 маусым аралығындағы және 1 қазан мен 31 желтоқсан аралығындағы кезеңде Павлодар облысының жергілікті әскери басқару органдарына тергеу, алдын ала тергеу жүргізіліп жатқан немесе ішкі істер органдарында есепте тұрған және бас бостандығынан айырмастан жазалауға сотталған әскерге шақырылушылар туралы мәліметтерді ұсыну;
әскерге шақырылушыларды әскерге жіберу және әскери бөлімдерге жөнелту кезінде облыстық әскерге шақыру пунктінде қоғамдық тәртіпті сақтауды қамтамасыз ету ұсынылсын.
4. Павлодар станциясының желілік ішкі істер бөліміне (келісім бойынша):
теміржол станциясында отырғызу орындарында қоғамдық тәртіпті қамтамасыз ету бойынша қажетті шаралар қабылдау ұсынылсын.
5. Облыс мәдениет, мұрағаттар және құжаттама басқармасы Қазақстан Республикасы Қарулы Күштерінің, басқа да әскерлері мен әскери құралымдарының қатарына шақырылған әскерге шақырылушыларды салтанатты түрде шығарып салу іс-шараларын ұйымдастырсын.
6. Облыс ішкі саясат басқармасы:
шақыру науқанының басталуы және оның өткізілу барысы туралы бұқаралық ақпарат құралдарында ақпараттық жариялауды ұйымдастырсын;
облыс қалалары, аудандарының, ауылдық округтерінің аумағында мерзімді әскери қызметке азаматтарды шақыру туралы көрнекі түрде үгіттеулер дайындасын және орналастыруды қамтамасыз етсін.
7. Қалалар мен аудандардың әкімдері:
қорғаныс істері жөніндегі басқармалар мен бөлімдерінің бастықтарына әскерге шақырылғандарға медициналық тексеру жүргізу және шақыру комиссияларының жұмыс істеуі үшін жабдықталған үй-жайлар берсін, өтінімдерге сәйкес көлікпен, сондай-ақ тиісті санаттағы медициналық қызметкерлердің және техникалық қызметкерлердің қажетті санымен қамтамасыз етсін;
әскерге шақырушыларды әскерге шақыру және бөлімдерге жөнелту кезеңінде әскерге шақыру пункттеріндегі жұмысқа тартылатын шақыру комиссияларының мүшелеріне, медициналық персонал мен техникалық қызметкерлерге жұмыс орындарының, атқаратын қызметтері мен орташа еңбекақыларының сақталуын қамтамасыз етсін.
8. Павлодар облысы әкімінің 2013 жылғы 19 наурыздағы "2013 жылдың сәуір-маусым және қазан-желтоқсан айларында азаматтарды мерзімді әскери қызметке шақыруды ұйымдастыру туралы" N 84/3 қаулысының күші жойылсын (Нормативтік құқықтық актілерді мемлекеттік тіркеу тізілімінде 2013 жылғы 29 наурызда N 3489 болып тіркелген, 2013 жылғы 2 сәуірде "Сарыарқа самалы" газетінде, 2013 жылғы 2 сәуірде "Звезда Прииртышья" газетінде жарияланған).
9. Осы қаулының орындалуын бақылау облыс әкімінің бірінші орынбасары Д.Н. Тұрғановқа жүктелсін.
10. Осы қаулы алғаш ресми жарияланған күннен кейін он күнтізбелік күн өткеннен соң қолданысқа енгізіледі.
Облыс әкімі Қ. Бозымбаев
"КЕЛІСІЛДІ"
Облыс қорғаныс істері
жөніндегі департаментінің
бастығы А. Қаленов
2014 жылғы "28" наурыз
Облыс ішкі істер
департаментінің
бастығы С. Құсетов
2014 жылғы "28" наурыз
Павлодар станциясындағы
ішкі істер желілік бөлімінің
бастығы А. Нағыманов
2014 жылғы "28" наурыз
