Астана қаласының террористік тұрғыдан осал объектілерінің тізбесін бекіту туралы

Астана қаласы әкімдігінің 2017 жылғы 15 наурыздағы № 17-500 қаулысы. Астана қаласының Әділет департаментінде 2017 жылғы 29 наурызда № 1095 болып тіркелді

"Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы Қазақстан Республикасы Заңы 27-бабы 1-тармағының 26-2) тармақшасына сәйкес Астана қаласының әкімдігі ҚАУЛЫ ЕТЕДІ:
1. Қоса беріліп отырған Астана қаласының террористік тұрғыдан осал объектілерінің тізбесі (қызмет бабында пайдалану үшін) бекітілсін.
2. "Астана қаласы әкімінің аппараты" мемлекеттік мекемесінің басшысына осы қаулыны әділет органдарында мемлекеттік тіркегеннен кейін оның көшірмесін мерзімді баспа басылымдарында және "Әділет" ақпараттық-құқықтық жүйесінде ресми жариялау, сондай-ақ "Қазақстан Республикасы Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына Қазақстан Республикасы нормативтік құқықтық актілерінің эталондық бақылау банкіне енгізу үшін жазба және электрондық түрде жолдау және Астана қаласы әкімдігінің интернет-ресурсында орналастыру жүктелсін.
3. Осы қаулының орындалуын бақылау Астана қаласы әкімінің орынбасары А.И. Лукинге жүктелсін.
4. Осы қаулы әділет органдарында мемлекеттік тіркелген күннен бастап күшіне енеді.

Әкім	Ә. Исекешев

КЕЛІСІЛДІ:
"Қазақстан Республикасы
Ұлттық қауіпсіздік комитетінің
Астана қаласы бойынша
департаменті" мемлекеттік
мекемесінің бастығы
_______________ А. Төлеуов
2017 жылы "___" __________
"Қазақстан Республикасы
Ішкі істер министрлігінің
Астана қаласының Ішкі істер
департаменті" мемлекеттік
мекемесінің бастығы
_______________ А. Әубәкіров

Астана қаласы әкімдігінің 2017 жылы 15 наурыздағы № 17-50 қаулысымен бекітілді

РҚАО-ның ескертпесі : "Заң" деректер базасына "ҚБПҮ" белгісі бар құжаттар енгізілмейді