Ескерту. Күші жойылды - Қостанай облысы әкімдігінің 03.08.2022 № 344 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
2003 жылғы 9 шілдедегі Қазақстан Республикасы Су кодексінің 39-бабына сәйкес, қолданыстағы заңнамаға сәйкес келтіру мақсатында Қостанай облысының әкімдігі ҚАУЛЫ ЕТЕДІ:
1. Қостанай облысы әкімдігінің 2008 жылғы 5 маусымдағы № 320 "Объектілердің құрылысына арналған телімде Амангелді су қоймасының Тобыл өзені және Безымянный көлінің су қорғау аймағы мен белдеуін және олардың шаруашылық пайдаланудың тәртібін белгілеу туралы" қаулысына (Нормативтік құқықтық актілерді мемлекеттік тіркеу тізілімінде № 3645 болып тіркелген, 2008 жылғы 24 шілдеде "Костанайские новости" газетінде жарияланған) мынадай өзгерістер енгізілсін:
тақырыбы мынадай редакцияда жазылсын:
"Объектілердің құрылысына арналған учаскелерде Тобыл өзенінің, Амангелді су қоймасының және Безымянный көлінің су қорғау аймақтары мен белдеулерін, оларды шаруашылықта пайдаланудың режимі мен ерекше жағдайларын белгілеу туралы";
кіріспесі мынадай редакцияда жазылсын:
"2003 жылғы 9 шілдедегі Қазақстан Республикасы Су кодексінің 39, 116, 125-баптарына, "Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы Қазақстан Республикасы Заңының 27-бабына, "Құқықтық актілер туралы" 2016 жылғы 6 сәуірдегі Қазақстан Республикасы Заңының 24-бабына сәйкес Қостанай облысының әкімдігі ҚАУЛЫ ЕТЕДІ:";
көрсетілген қаулының 1-қосымшасы осы қаулының 1-қосымшасына сәйкес жаңа редакцияда жазылсын;
2-тармақ мынадай редакцияда жазылсын:
"2. Қостанай қаласының мен Қостанай ауданының аумағындағы объектілердің құрылысына арналған учаскелерде Тобыл өзенінің, Амангелді су қоймасының және Безымянный көлінің су қорғау аймақтары мен белдеулерін шаруашылықта пайдаланудың режимі мен ерекше жағдайлары 2-қосымшаға сәйкес белгіленсін.";
көрсетілген қаулының 2-қосымшасы осы қаулының 2-қосымшасына сәйкес жаңа редакцияда жазылсын.
2. Осы қаулының орындалуын бақылау Қостанай облысы әкімінің жетекшілік ететін орынбасарына жүктелсін.
3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қостанай облысының әкімі |
А. Мұхамбетов |
КЕЛІСІЛДІ
"Қазақстан Республикасы
Ауыл шаруашылығы министрлігі
Су ресурстары комитетінің Су
ресурстарын пайдалануды реттеу
және қорғау жөніндегі
Тобыл-Торғай бассейндік инспекциясы"
республикалық мемлекеттiк
мекемесінің басшысы
____________________ Г. Оспанбекова
КЕЛІСІЛДІ
"Қазақстан Республикасы
Денсаулық сақтау министрлігі
Қоғамдық денсаулықты қорғау
комитетінің Қостанай облысының
қоғамдық денсаулықты қорғау
департаменті" республикалық
мемлекеттік мекемесінің басшысы
______________ О. Бекмағамбетов
| Әкімдіктің 2017 жылғы 4 шілдедегі № 333 қаулысына 1-қосымша |
|
| Әкімдіктің 2008 жылғы 5 маусымдағы № 320 қаулысына 1-қосымша |
Объектілердің құрылысына арналған учаскелерде Тобыл өзенінің, Амангелді су қоймасының және Безымянный көлінің су қорғау аймақтары мен белдеулерін белгілеу
№ р/с | Су объектісі, оның учаскесі | Су қорғау аймағы | Су қорғау белдеуі | ||||
шекараның қашықтығы, (м) | шекараның қашықтығы, (м) | шекараның қашықтығы, (м) | шекараның қашықтығы, (м) | алаңы, (га) | ені, (м) | ||
1. | Тобыл өзені Қостанай ауданы Мичурин ауылдық округі аумағындағы демалыс базасы | 385 | 38,5 | 1000 | 570 | 1,14 | 20 |
2. | Тобыл өзені Қостанай ауданы Мичурин ауылдық округі аумағындағы демалыс пен сервистік қызметтер аймағы | 220 | 5,72 | 200 – 300 | 220 | 0,9 | 20 –60 |
3. | Тобыл өзені Қостанай қаласы "Қонай" тұрғын үй алабы аумағындағы тұрғын үйлер және жеке қосалқы шаруашылықтары |
№ 1–100 учаске |
1,2 |
120 |
100 |
1,0 |
100 |
4. | Тобыл өзені Қостанай қаласының Гашек көшесінде орналасқан офис | 33 | 1,02 | 304 – 316 | 33 | 0,33 | 100 |
5. | Амангелді су қоймасы Қостанай ауданы Мичурин ауылдық округі аумағындағы туристік коттедждік қалашығы |
№ 1–600 учаске |
41,4 |
600 – 880 |
320 |
3,2 |
100 |
6. | Амангелді су қоймасы Қостанай ауданы Садовое ауылының оңтүстік – батысына қарай Мичурин ауылдық округі аумағындағы туристік база | 400 | 8,2 | 180 | 400 | 4,0 | 100 |
7. | Безымянный көлі Қостанай ауданы Затобол кенті аумағындағы сауықтыру – ойын-сауық кешені | 100 | 3,0 | 300 | 100 | 0,55 | 55 |
| Әкімдіктің 2017 жылғы 4 шілдедегі № 333 қаулысына 2-қосымша |
|
| Әкімдіктің 2008 жылғы 5 маусымдағы № 320 қаулысына 2-қосымша |
Қостанай қаласының мен Қостанай ауданының аумағындағы объектілердің құрылысына арналған учаскелерде Тобыл өзенінің, Амангелді су қоймасының және Безымянный көлінің су қорғау аймақтары мен белдеулерін шаруашылықта пайдаланудың режимі мен ерекше жағдайлары
1. Су қорғау белдеулерінің шегінде мыналарға жол берілмейді:
1) су объектілерінің сапалық және гидрологиялық жай-күйін нашарлататын (ластану, қоқыстану, сарқылу) шаруашылық қызметіне немесе өзге де қызметке;
2) су шаруашылығы және су жинайтын құрылыстар мен олардың коммуникацияларын, көпірлерді, көпір құрылыстарын, айлақтарды, порттарды, пирстерді және су көлігі қызметіне байланысты өзге де көлік инфрақұрылымдары объектілерін, жаңартылатын энергия көздерін (гидродинамикалық су энергиясын) пайдалану объектілерін, сондай-ақ су объектісіндегі рекреациялық аймақтарды қоспағанда, ғимараттар мен құрылыстарды салуға және пайдалануға;
3) бау-бақша егуге және саяжай салуға жер учаскелерін беруге;
4) су объектілерінің және олардың су қорғау аймақтары мен белдеулерінің ластануын болғызбайтын құрылыстармен және құрылғылармен қамтамасыз етілмеген қазіргі бар объектілерді пайдалануға;
5) жекелеген учаскелерді шалғындандыруға, егін егуге және ағаш отырғызуға арналған жерлерді өңдеуді қоспағанда, топырақ және өсімдік қабатын бұзатын жұмыстарды жүргізуге (оның ішінде жер жыртуға, мал жаюға, пайдалы қазбаларды өндіруге);
6) шатыр қалашықтарын, көлік құралдары үшін тұрақты тұрақтарды, малдың жазғы жайылым қостарын орналастыруға;
7) тыңайтқыштардың барлық түрлерін қолдануға тыйым салынады.
2. Су қорғау аймақтарының шегінде мыналарға жол берілмейді:
1) су объектілерін және олардың су қорғау аймақтары мен белдеулерінің ластануы мен қоқыстануын болғызбайтын құрылыстармен және құрылғылармен қамтамасыз етілмеген жаңа және реконструкцияланған объектілерді пайдалануға беруге;
2) ғимараттарға, құрылыстарға, коммуникацияларға және басқа да объектілерге реконструкция жүргізуге, сондай-ақ құрылыс, су түбін тереңдету және жарылыс жұмыстарын жүргізуге, пайдалы қазбалар өндіруге, кәбіл, құбыр және басқа да коммуникацияларды төсеуге, белгіленген тәртіппен жергілікті атқарушы органдармен, уәкілетті органмен, қоршаған ортаны қорғау саласындағы уәкілетті мемлекеттік органмен, жер ресурстарын басқару жөніндегі орталық уәкілетті органмен, энергиямен жабдықтау және халықтың санитарлық- эпидемиологиялық салауаттылығы саласындағы уәкілетті органдармен және басқа да мүдделі органдармен келісілген жобасы жоқ бұрғылау, жер қазу және өзге де жұмыстар жүргізуге;
3) тыңайтқыштар, пестицидтер, улы химикаттар мен мұнай өнімдерін сақтайтын қоймаларды, көлік құралдары мен ауыл шаруашылығы техникасына техникалық қызмет көрсету, оларды жуу пункттерін, механикалық шеберханаларды, тұрмыстық және өнеркәсіп қалдықтарын төгетін құрылғыны, аппаратураларды пестицидтермен және улы химикаттармен толтыратын алаңдарды, авиациялық-химиялық жұмыстар жүргізуге арналған ұшу-қону жолақтарын орналастыруға және салуға, сондай-ақ судың сапасына кері әсер ететін басқа да объектілерді орналастыруға;
4) мал шаруашылығы фермалары мен кешендерін, сарқынды су жинағыштарды, сарқынды сумен суарылатын егістіктерді, зираттарды, мал қорымдарын (биотермиялық шұңқырларды), сондай-ақ жерүсті және жерасты суларының микробпен ластану қаупіне себепші болатын басқа да объектілерді орналастыруға;
5) жүктелім нормасынан асырып мал жаюға, су тоғандарының режимін нашарлататын мал тоғыту мен санитариялық өңдеуге және шаруашылық қызметінің басқа да түрлеріне;
6) су көздеріндегі су кемерінен екі мың метрге жетпейтін қашықтықта орналасқан ауыл шаруашылығы дақылдары мен орман екпелерін улы химикаттармен авиациялық өңдеу және авиация арқылы минералдық тыңайтқыштармен қоректендіру тәсілін қолдануға;
7) концентрациясының жол берілетін шегі белгіленбеген пестицидтерді қолдануға, қардың үстіне тыңайтқыш себуге, сондай-ақ залалсыздандырылмаған көң қосылған сарқынды суды және тұрақты хлорорганикалық улы химикаттарды тыңайтқыш ретінде пайдалануға тыйым салынады.
Су қорғау аймағында мәжбүрлі санитариялық өңдеу жүргізу қажет болған жағдайда уыттылығы әлсіз және орташа тұрақсыз пестицидтерді қолдануға жол беріледі.
