Аягөз ауданындағы шалғайдағы елді мекендерде тұратын балаларды жалпы білім беретін мектептерге тасымалдаудың схемасы мен тәртібін бекіту туралы

Жаңа

Шығыс Қазақстан облысы Аягөз ауданы әкімдігінің 2017 жылғы 23 маусымдағы № 439 қаулысы. Шығыс Қазақстан облысының Әділет департаментінде 2017 жылғы 17 шілдеде № 5127 болып тіркелді

      РҚАО-ның ескертпесі.
      Құжаттың мәтінінде түпнұсқаның пунктуациясы мен орфографиясы сақталған.

      Қазақстан Республикасының 2003 жылғы 4 шілдедегі "Автомобиль көлігі туралы" Заңының 14-бабының 3-тармағының 3-1) тармақшасына, "Автомобиль көлігімен жолаушылар мен багажды тасымалдау қағидаларын бекіту туралы" Қазақстан Республикасы Инвестициялар және даму министрінің міндетін атқарушысының 2015 жылғы 26 наурыздағы № 349 бұйрығымен бекітілген Автомобиль көлігімен жолаушылар мен багажды тасымалдау қағидаларына (нормативтік құқықтық кесімдерді мемлекеттік тіркеу тізілімінде № 11550 болып тіркелген) сәйкес, Аягөз ауданының әкімдігі ҚАУЛЫ ЕТЕДІ:

      1. Аягөз ауданындағы шалғайдағы елді мекендерде тұратын балаларды жалпы білім беретін мектептерге тасымалдаудың схемасы мен тәртібі осы қаулының 1, 2 қосымшаларына сай бекітілсін.

      2. Осы қаулының орындалуын бақылау аудан әкімінің орынбасары Б.Нукибаевқа жүктелсін.

      3. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Аудан әкімі Б.Байахметов

  Аягөз ауданы әкімдігінің
2017 жылғы "23" маусымдағы
№ 439 қаулысына 2-қосымша

Аягөз ауданындағы шалғайдағы елді мекендерде тұратын балаларды жалпы білім беретін мектептерге тасымалдаудың тәртібі

1. Балаларды тасымалдау тәртібі

      1. Балаларды тасымалдау жолаушылар мен багажды автомобиль көлігімен тасымалдау заңнамасының талаптарына сәйкес жабдықталған автобустармен, шағын автобустармен жүзеге асырылады.

      2. Балаларды тасымалдаушы (бұдан әрі – Тасымалдаушы) жолаушылар мен багажды тасымалдауға заңнаманың талаптарын сақтаумен өзіне тиесілі автобустарды, шағын автобустарды тасымалдау үшін пайдаланатын білім беру ұйымы болып табылады.

      3. Тасымалдаушы тасымалдауды орындау алдында бұйрықпен балалардың тасымалдауын ұйымдастыру туралы шешімді ресімдейді, онда жүргізушінің, еріп жүрушілердің міндеттерін, жүру маршрутын және балалардың қауіпсіздігін қамтамасыз ету жөніндегі іс-шаралар регламенттелінеді.

      4. Тасымалдау қауiпсiздiгiне қатер төндiретiн жол және метеорологиялық жағдайлардың қолайсыз өзгеруi кезiнде, автобустардың қозғалысын уақытша тоқтату туралы қолданыстағы нормативтiк құжаттарда көзделген жағдайда Тасымалдаушы рейстi алып тастауға және бұл туралы тасымалданатын балаларға дереу хабарлауға тиiс.

      5. Жол жағдайларының қолайсыз өзгеруi кезiнде, басқа жағдайлар кезiнде (қозғалысқа шек қою, уақытша кедергiлердiң көрiнуi, бұл жағдайда жүргiзушi кестеге сәйкес жылдамдықты жоғарылатпай жүре алмайды), кесте жылдамдықты төмендету жағына (қозғалыс уақыттарының артуына) түзетiлген болуы тиiс.

      6. Тасымалдаушы балаларды тасымалдайтын әрбiр автобусқа өз қызметкерлерінің санынан алғашқы дәрiгерлiк көмек көрсету әдiстерi бойынша дайындықтан және балаларды автобуспен тасымалдау кезінде қауiпсiздiгiн қамтамасыз ету бойынша арнайы нұсқамадан өткен жауапты еріп жүруші адамдарды белгiлейдi.

      7. Нұсқаманы жол қозғалысы қауiпсiздiгiн қамтамасыз етуге немесе тасымалдаушыға тиесiлi көлiк құралдарын пайдалануға жауапты адам жүргiзедi.

      8. Ұйымдасқан балалар тобын тасымалдауға арналған автобустар сары түстi шұғылалы шырақшамен жабдықталуға тиiс.

      9. Бұл автобустардың алдына және артына "Балалар тасымалы" деген тану белгiсi орнатылуға тиiс.

      10. Балаларды тасымалдау үшiн мынадай жүргiзушiлерге рұқсат етiледi:

      1) жасы жиырма бес жастан кем емес, тиiстi санаттағы жүргiзушi куәлiгi және жүргiзушiнiң бес жылдан кем емес жұмыс өтiлi бар;

      2) автобустың жүргiзушiсi ретiндегi кемiнде соңғы үш жыл үздiксiз жұмыс өтiлi бар;

      3) соңғы жылдары еңбек тәртiбiн және қозғалысы ережесiн өрескел бұзбаған.

      11. Балаларды тасымалдау кезiнде автобустың жүргiзушiсiне рұқсат етілмейді:

      1) сағатына 60 км артық жылдамдықпен жүруге;

      2) жүру маршрутын өзгертуге;

      3) балалар бар автобус салонында қол жүгi мен балалардың жеке заттарынан басқа кез келген жүктi, багажды немесе мүкәммалды тасымалдауға;

      4) автобуста балалар болған кезiнде, соның iшiнде балаларды отырғызу және түсiру кезiнде автобус салонынан шығуға;

      5) автомобиль легiнде жүру кезiнде алда жүрген автобусты басып озуға;

      6) автобуспен артқа қарай қозғалысты жүзеге асыруға;

      7) егер ол көлiк құралының өздiгiнен қозғалуын немесе оны жүргiзушi жоқ болғанда пайдалануын болдырмау шараларын қолданбаса, өз орнын тастап кетуге немесе көлiк құралын қалдыруға.

      12. Ерiп жүрушi отырғызу (түсiру) аяқталғаны туралы хабар бергеннен және автобус есiктерi толық жабылғаннан кейiн жүргiзушiге отырғызу (түсiру) орнынан автобус қозғалысын бастауға рұқсат етiледi.

      13. Көлiк құралы жақындаған кезде ерiп жүрушiлер балалардың оның алдынан шығуына және жүру бөлiгiнде болуына жол бермейдi.

      14. Ерiп жүрушiлер балаларды отырғызу орнына ұйымдасқан тәртiпте (кiшi балаларды – екi-екiден сапқа тұрғызып) жеткiзедi. Отырғызу автобустың алдыңғы есiгi арқылы жүргiзiледi.

      15. Ерiп жүрушiлер автобусқа отырғызу және одан түсiру, автобус қозғалысы кезiнде және аялдау уақытында балалар арасында тиiстi тәртiптi қамтамасыз етеді.

      16. Балаларды автобусқа отырғызу ерiп жүрушiлердің басшылығымен және жүргiзушiнiң бақылауымен автобус толық тоқтағаннан кейiн отырғызу алаңында жүргiзiледi.

      17. Сапар кезiнде ерiп жүрушiлер балалардың:

      1) салонда тұруына және жүруiне;

      2) есiктер мен терезелерге жантаюына;

      3) жоғарғы сөрелерге ауыр және орнықсыз заттарды қоюына;

      4) қол жүгiн өту жолдарына және кiреберiстегi (шыға берiстегi) алаңдарда орналастыруына;

      5) терезе ойықтарынан бастарын шығаруына;

      6) терезеден қоқысты және қандай болса да өзге заттарды тастауға;

      7) жазатайым жағдайдың алдын алуға бағытталған жолаушылардың денсаулығы мен өмiрiне қауiп төндiретiн ахуал туралы хабарламалардан басқа жүргiзушiнi көлiк құралын басқарудан алаңдатуына;

      8) жолаушылардың денсаулығы мен өмiрiне қауiп төндiрмейтiн жағдайларда авариялық жабдықтарды пайдалануына;

      9) есiктердi ашуына;

      10) төбелесуiне, итерiсуiне, қимыл ойындарын ойнауға;

      11) шылым шегуге, сiрiңке, оттық жағуға;

      12) спирттiк iшiмдiктердi iшуiне, есiрткi, психотропты және улы заттарды қабылдауына жол бермейдi.

      18. Тұрақтау (аялдау) кезiнде балаларды автобустан шығару алдыңғы есiк арқылы жүзеге асырылады. Автобустан бiрiншi болып ерiп жүрушi шығады. Тұрақтау (аялдау) кезiнде ерiп жүрушi автобустың алдыңғы бөлiгiнде тұруы және балалардың түсуiн және содан кейiн балалардың жолдың жүру бөлiгiне жүгiрiп шықпауын бақылау қажет.

      19. Автобустан шыққанда әрбiр бала жеке заттарын бiр қолымен көтерiп, ал екiншi қолымен баспалдақтардан түскенде тұтқадан ұстауы тиiс. Тепе-теңдiктi жоғалтпау және өзге жолаушыларды жарақаттандырмау үшiн иықпен көтерiп жүретiн рюкзактар мен сөмкелердi оқушылар иықтан шешiп, қолдарына алулары тиiс.

      20. Түсiрген кезде ерiп жүрушiлер балалардың:

      1) есiкке қарай қозғалғанда төбелесуiне, итерiсуiне;

      2) баспалдақтардан секiруiне;

      3) көлiк құралын жолдың жүргiншi бөлiгiнен айналып өтуiне, оған шығуына;

      4) жүргiншi бөлiктiң маңында қимыл ойындар ойнауына жол бермейдi.

      21. Түсiргеннен кейiн ерiп жүрушiлер:

      1) жеткiзу орнына келген балаларды санап шығуға;

      2) ұйымдасқан түрде оларды түсiру орнынан және автобустардың тұрақтау алаңшаларынан ерiп жүру;

      3) түсiру орнынан жаяу жүрген кезде олардың Жол жүру ережесiмен жаяу жүргiншiлерге қойылатын талаптардың сақталуын қамтамасыз етедi.

2. Қорытынды ережелер

      22. Қаланың шалғайдағы елді мекендерінде тұратын балаларды жалпы білім беретін мектептерге тасымалдау бойынша осы тәртіппен реттелмеген қатынастар Қазақстан Республикасының қолданыстағы заңнамасына сәйкес реттеледі.

  Аягөз ауданы әкімдігінің
2017 жылғы "23" маусымдағы
№ 439 қаулысына 2-қосымша

Аягөз ауданындағы шалғайдағы елді мекендерде тұратын балаларды жалпы білім беретін мектептерге тасымалдаудың схемасы

Тура бағыт

Кері бағыт

1

Аялдама: Аягөз ауданы Майлин ауылдық округінің Ескі Майлин елді мекені;

Аягөз қаласы Оңтүстік қалашығының "№ 4 аралас жалпы білім беретін орта мектебі" коммуналдық мемлекеттік мекемесінен 50 метр қашықтықтағы алаң.

Аягөз қаласы Оңтүстік қалашығының "№ 4 аралас жалпы білім беретін орта мектебі" коммуналдық мемлекеттік мекемесінен 50 метр қашықтықтағы алаң;

Аялдама: Аягөз ауданы Майлин ауылдық округінің Ескі Майлин елді мекені.

2

Аялдама: Аягөз ауданы Аягөз қаласы 3-ші шақырым елді мекені;

Аягөз қаласы Оңтүстік қалашығының "№ 4 аралас жалпы білім беретін орта мектебі" коммуналдық мемлекеттік мекемесінен 50 метр қашықтықтағы алаң.

Аягөз қаласы Оңтүстік қалашығының "№ 4 аралас жалпы білім беретін орта мектебі" коммуналдық мемлекеттік мекемесінен 50 метр қашықтықтағы алаң;
Аялдама: Аягөз ауданы Аягөз қаласы 3-ші шақырым елді мекені;
 

3

Аялдама: Аягөз ауданы Ақшәулі ауылдық округінің Қарабұлақ елді мекені;

Аягөз ауданы Ақшәулі ауылдық округінің Ақшәулі ауылының "Ақшәулі жалпы білім беретін орта мектебі" коммуналдық мемлекеттік мекемесінен 50 метр қашықтықтағы алаң.

Аягөз ауданы Ақшәулі ауылдық округінің Ақшәулі ауылының "Ақшәулі жалпы білім беретін орта мектебі" коммуналдық мемлекеттік мекемесінен 50 метр қашықтықтағы алаң;

Аялдама: Аягөз ауданы Ақшәулі ауылдық округінің Қарабұлақ елді мекені.

4

Аялдама: Аягөз ауданы Тарлаулы ауылдық округінің Таңсық айрығы;
Аягөз ауданы Тарлаулы ауылдық округінің Тарлаулы ауылының "Қ.Қадыржанов атындағы Қызылқия жалпы білім беретін орта мектеп" коммуналдық мемлекеттік мекемесінен 50 метр қашықтықтағы алаң.

Аягөз ауданы Тарлаулы ауылдық округінің Тарлаулы ауылының "Қ.Қадыржанов атындағы Қызылқия жалпы білім беретін орта мектеп" коммуналдық мемлекеттік мекемесінен 50 метр қашықтықтағы алаң;

Аялдама: Аягөз ауданы Тарлаулы ауылдық округінің Таңсық айрығы.

5

Аялдама: Аягөз ауданы Тарбағатай ауылдық округінің Малтүгел елді мекені;

Аягөз ауданы Тарбағатай ауылдық округінің Тарбағатай ауылының "Тарбағатай жалпы білім беретін орта мектебі" коммуналдық мемлекеттік мекемесінен 50 метр қашықтықтағы алаң
 

Аягөз ауданы Тарбағатай ауылдық округінің Тарбағатай ауылының "Тарбағатай жалпы білім беретін орта мектебі" коммуналдық мемлекеттік мекемесінен 50 метр қашықтықтағы алаң;

Аялдама: Аягөз ауданы Тарбағатай ауылдық округінің Малтүгел елді мекені.
 

6

Аялдама: Аягөз ауданы Қопа ауылдық округінің Қарасу елді мекені;

Аягөз ауданы Қопа ауылдық округінің "Мал бордақылау алаңынан" 50 метр қашықтықтағы алаң;

Аягөз ауданы Қопа ауылдық округінің Қопа ауылының "С.Сейфуллин атындағы жалпы білім беретін орта мектеп" коммуналдық мемлекеттік мекемесінен 50 метр қашықтықтағы алаң.

Аягөз ауданы Қопа ауылдық округінің Қопа ауылының "С.Сейфуллин атындағы жалпы білім беретін орта мектеп" коммуналдық мемлекеттік мекемесінен 50 метр қашықтықтағы алаң;

Аягөз ауданы Қопа ауылдық округінің "Мал бордақылау алаңынан" 50 метр қашықтықтағы алаң;

Аялдама: Аягөз ауданы Қопа ауылдық округінің Қарасу елді мекені.
 

7

Аялдама: Аягөз ауданы Қопа ауылдық округінің 5 ферма елді мекені;

Аялдама: Аягөз ауданы Қопа ауылдық округінің Ескі Қопа елді мекені;

Аягөз ауданы Қопа ауылдық округінің Қопа ауылының "С.Сейфуллин атындағы жалпы білім беретін орта мектеп" коммуналдық мемлекеттік мекемесінен 50 метр қашықтықтағы алаң.

Аягөз ауданы Қопа ауылдық округінің Қопа ауылының "С.Сейфуллин атындағы жалпы білім беретін орта мектеп" коммуналдық мемлекеттік мекемесінен 50 метр қашықтықтағы алаң;

Аялдама: Аягөз ауданы Қопа ауылдық округінің Ескі Қопа елді мекені;

Аялдама: Аягөз ауданы Қопа ауылдық округінің 5 ферма елді мекені.

8

Аялдама: Аягөз ауданы Баршатас ауылдық округінен 3,5 шақырым қашықтықта орналасқан елді мекені;

Аягөз ауданы Баршатас ауылдық округінің Баршатас ауылының "О.Менаяқұлы атындағы жалпы білім беретін орта мектеп" коммуналдық мемлекеттік мекемесінен 50 метр қашықтықтағы алаң.

Аягөз ауданы Баршатас ауылдық округінің Баршатас ауылының "О.Менаяқұлы атындағы жалпы білім беретін орта мектеп" коммуналдық мемлекеттік мекемесінен 50 метр қашықтықтағы алаң;

Аялдама: Аягөз ауданы Баршатас ауылдық округінен 3,5 шақырым қашықтықта орналасқан елді мекені; 


Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады