Ескерту. Бұйрықтың тақырыбы жаңа редакцияда – ҚР Білім және ғылым министрінің 02.07.2020 № 284 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
"Білім туралы" 2007 жылғы 27 шілдедегі Қазақстан Республикасы Заңының 52-бабының 8-тармағына сәйкес БҰЙЫРАМЫН:
1. Осы бұйрыққа қосымшаға сәйкес Сот төрелігі академиясын, әскери, арнаулы оқу орындарын, мәдениет саласындағы білім беру ұйымдарын қоспағанда, жоғары және (немесе) жоғары оқу орнынан кейінгі білім беру ұйымдары профессор - оқытушылар құрамының жалпы санын есептеу үшін білім алушылар санының оқытушыларға орташа арақатынасы бекітілсін.
Ескерту. 1-тармақ жаңа редакцияда – ҚР Білім және ғылым министрінің 02.07.2020 № 284 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.2. Қазақстан Республикасының Білім және ғылым министрлігі Жоғары және жоғары оқу орнынан кейінгі білім департаменті Қазақстан Республикасының заңнамасында белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрық мемлекеттік тіркелген күнінен бастап күнтізбелік он күн ішінде оның көшірмесін қағаз және электронды түрде қазақ және орыс тілдерінде Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;
3) осы бұйрық ресми жарияланғаннан кейін оны Қазақстан Республикасы Білім және ғылым министрлігінің интернет-ресурсында орналастыруды;
4) осы бұйрық мемлекеттік тіркеуден өткеннен кейін он жұмыс күні ішінде Қазақстан Республикасы Білім және ғылым министрлігінің Заң қызметі департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.
3. Осы бұйрықтың орындалуын бақылау Қазақстан Республикасының Білім және ғылым вице-министрі А.Қ. Аймағамбетовке жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Білім және ғылым министрі |
Е. Сағадиев |
| Қазақстан Республикасы Білім және ғылым министрінің 2018 жылғы 31 қазандағы № 606 бұйрығына қосымша |
Сот төрелігі академиясын, әскери, арнаулы оқу орындарын, мәдениет саласындағы білім беру ұйымдарын қоспағанда, жоғары және (немесе) жоғары оқу орнынан кейінгі білім беру ұйымдары профессор-оқытушылар құрамының жалпы санын есептеу үшін білім алушылар санының оқытушыларға орташа арақатынасы
Ескерту. Қосымша жаңа редакцияда – ҚР Ғылым және жоғары білім министрінің 24.10.2023 № 543 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
Әскери, арнаулы оқу орындарын, мәдениет саласындағы білім беру ұйымдарын қоспағанда, жоғары және (немесе) жоғары оқу орнынан кейінгі білім беру ұйымдарының профессор-оқытушылар құрамы (бұдан әрі – ОПҚ) білім алушылардың 1 ОПҚ-ға арақатынасының негізінде айқындалады:
№ | Атауы | Білім алушылардың оқытушыларға орташа арақатынасы | |
Жоғары және жоғары оқу орнынан кейінгі білім | білім алушылар | ОПҚ | |
1 | Бакалавриат даярлау бағыттары бойынша: | ||
1.1 | Өнер* | 3,5 | 1 |
1.2 |
Жалпы дамытудың пәндік мамандырылған оқытушыларын даярлау *** | 8 | 1 |
1.3 |
Тілдер және әдебиет бойынша оқытушыларды даярлау*** | 8 | 1 |
1.4 |
Тілдер және әдебиеттер*** | 8 | 1 |
1.5 | Денсаулық сақтау** | 6 | 1 |
1.6 | Ветеринария*** | 8 | 1 |
1.7 | Педагогикалық ғылымдар*** | 10 | 1 |
1.8 | Өнер және гуманитарлық ғылымдар*** | 8 | 1 |
1.9 | Даярлаудың басқа барлық бағыттары және білім беру бағдарламалары бойынша**** | 12 | 1 |
2. | Дайындық бөлімдерінің тыңдаушылары, оның ішінде шетел азаматтары үшін** | 6 | 1 |
3. | Әскери кафедра студенттері үшін*** | 10 | 1 |
4. | Магистратура** | 6 | 1 |
5. | Резидентура** | 3 | 1 |
6. | Докторантура** | 4 | 1 |
Ескерту: профессор-оқытушылар құрамының жалпы санын есептеу үшін білім алушылар санының оқытушыларға орташа арақатынасынан рұқсат етілген ауытқулар:
* – 0,5 (-/+);
** – 1 (-/+);
*** – 2 (-/+);
**** – 4 (-/+).
