РҚАО-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
"Ветеринария туралы" Қазақстан Республикасының 2002 жылғы 10 шілдедегі Заңының 10-бабының 2-тармағының 10) тармақшасына, "Құқықтық актілер туралы" Қазақстан Республикасының 2016 жылғы 6 сәуірдегі Заңының 46-бабының 2-тармағының 4) тармақшасына сәйкес және Тарбағатай ауданының аумақтық бас мемлекеттік ветеринариялық-санитариялық инспекторының 2017 жылғы 15 желтоқсандағы № 617, № 618, 2018 жылғы 23 қаңтардағы № 31, 2018 жылғы 7 және 22 ақпандағы № 56, № 86 ұсыныстары негізінде Тарбағатай ауданының әкімдігі ҚАУЛЫ ЕТЕДІ:
1. Ірі қара және мүйізді ұсақ малдардың бруцеллез ауруының ошақтарын жою жөніндегі ветеринариялық іс-шаралар кешені жүргізілгеніне байланысты Тарбағатай ауданының Көкжыра ауылдық округiнiң "Жаңаауыл", "Көкжыра" учаскелерінде, Құмкөл ауылдық округiнiң "Қызылқора" учаскесінде, Ойшілік ауылдық округiнiң "Жүніс" учаскесінде, Кіндікті ауылдық округінің "Үмбет" учаскесінде және Ақсуат ауылдық округінің "Көкжайдақ" бөлігінде, шектеу іс-шаралары тоқтатылсын.
2. Тарбағатай ауданы әкімдігінің 2017 жылғы 19 қыркүйектегі № 403 "Тарбағатай ауданының Көкжыра ауылдық округiнiң "Жаңаауыл", "Көкжыра" учаскелеріне, Құмкөл ауылдық округiнiң "Қызылқора" учаскесіне, Ойшілік ауылдық округiнiң "Жүніс" учаскесіне, Кіндікті ауылдық округінің "Үмбет" учаскесіне және Ақсуат ауылдық округінің "Көкжайдақ" бөлігіне, шектеу iс-шараларын белгілеу туралы" (Нормативтік құқықтық актілерді мемлекеттік тіркеу тізілімінде № 5221 тіркелген, 2017 жылғы 12 тамыздағы "Тарбағатай" газетінде және 2017 жылғы 09 қазанда Қазақстан Республикасының нормативтік құқықтық актілерінің эталондық бақылау банкінде электрондық түрде жарияланған) қаулысының күші жойылды деп танылсын.
3. Осы қаулы оның алғашқы ресми жарияланған күнiнен кейiн күнтiзбелiк он күн өткен соң қолданысқа енгiзiледi.
|
Аудан әкімінің міндетін атқарушы |
Е. Сабырбаев |
