РҚАО-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
Қазақстан Республикасының 2003 жылғы 9 шілдедегі Су кодексінің 39, 116, 125, 145-1-баптарына, Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 27-бабы 1-тармағының 8-1) тармақшасына сәйкес, бекітілген жобалық құжаттама негізінде және су объектілерін тиісті санитарлық-гигиеналық және экологиялық талаптарға сәйкес күйде ұстау мақсатында, жер үсті суларының ластануын, қоқыстануы мен сарқылуын болғызбау, сондай-ақ өсімдіктер мен жануарлар дүниесін сақтау үшін, Шығыс Қазақстан облысының әкімдігі ҚАУЛЫ ЕТЕДІ:
1. Мыналар:
1) осы қаулыға қосымшаға сәйкес Шығыс Қазақстан облысы Ұлан ауданындағы Тарғын өзенінің және атауы жоқ бұлақтың су қорғау аймақтары мен су қорғау белдеуілері;
2) Қазақстан Республикасының қолданыстағы заңнамасына сәйкес Шығыс Қазақстан облысы Ұлан ауданындағы Тарғын өзенінің және атауы жоқ бұлақтың су қорғау аймақтары аумағында шаруашылыққа пайдаланудың арнайы режимі және су қорғау белдеулері аумағында шектеулі шаруашылық қызметі режимі белгіленсін.
2. Шығыс Қазақстан облысы табиғи ресурстар және табиғат пайдалануды реттеу басқармасы бекітілген жобалық құжаттаманы Қазақстан Республикасының заңнамасымен белгіленген құзыретіне сәйкес шаралар қабылдау үшін Ұлан ауданының әкіміне және мемлекеттік жер кадастрында есепке алу және су қоры мен жер ресурстарының пайдаланылуына және қорғалуына мемлекеттік бақылауды жүзеге асыру үшін арнайы уәкілетті мемлекеттік органдарға тапсырсын.
3. Облыстың табиғи ресурстар және табиғат пайдалануды реттеу басқармасы Қазақстан Республикасының заңнамасымен белгіленген тәртіппен:
1) осы қаулының аумақтық әділет органында мемлекеттік тіркелуін;
2) осы әкімдік қаулысы мемлекеттік тіркелген күннен бастап күнтізбелік он күн ішінде оның қазақ және орыс тілдеріндегі қағаз және электрондық түрдегі көшірмесінің Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;
3) осы қаулы мемлекеттік тіркелгеннен кейін күнтізбелік он күн ішінде оның көшірмесінің облыс аумағында таралатын мерзімді баспа басылымдарында ресми жариялауға жіберілуін;
4) осы қаулының ресми жарияланғаннан кейін Шығыс Қазақстан облысы әкімінің интернет-ресурсында орналастырылуын қамтамасыз етсін.
4. Осы қаулының орындалуын бақылау облыс әкімінің агроөнеркәсіптік кешен мәселелері жөніндегі орынбасарына жүктелсін.
5. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
2019 жылғы "11" наурыз
| Шығыс Қазақстан облысы әкімдігінің 2019 жылғы "11" наурыздағы № 70 қаулысына қосымша |
Шығыс Қазақстан облысы Ұлан ауданындағы Тарғын өзенінің және атауы жоқ бұлақтың су қорғау аймақтары мен су қорғау белдеуілері
Су объектісі, оның учаскесі | Су қорғауаймағы | Су қорғау белдеуі | ||||
Ұзындығы, км | Ауданы, га | Ені, м | Ұзындығы, км | Ауданы, га | Ені, м | |
1 | 2 | 3 | 4 | 5 | 6 | 7 |
05-079-020 есеп кварталаумағында (Тарғын ауылынан 9,0 км оңтүстікке қарай) Е.С.Бейсембиновқа берілетін жер учаскелері тұстамасындағы Тарғын өзені | 2,408 | 156,0 | 500 | 4,106 | 19,5 | 55-100 |
05-079-020 есеп кварталаумағында (Тарғын ауылынан 9,0 км оңтүстікке қарай) Е.С.Бейсембинов-қа берілетін учаскенің солтүстік шығысындағы атауы жоқ бұлақтың сол жағалау жағы | 4,308 | 217,6 | 500-750 | 4,865 | 33,4 | 55 |
05-079-020 есеп кварталаумағында (Тарғын ауылынан 9,0 км оңтүстікке қарай) Е.С.Бейсембиновқа берілетін учаскенің солтүстік шығысындағы атауы жоқ бұлақтың оң жағалау жағы | - | - | - | - | 0,8 | 10-27 |
05-079-020 есеп кварталаумағында (Тарғын ауылынан 9,0 км оңтүстікке қарай) Е.С.Бейсембиновқа берілетін учаскенің оңтүстігіндегі атауы жоқ бұлақтың оң жағалау жағы | 2,247 | 106,6 | 500-600 | 2,15 | 27,4 | 100 |
05-079-020 есеп квартал аумағында (Тарғын ауылынан 9,0 км оңтүстікке қарай) Е.С.Бейсембиновқа берілетін учаскенің оңтүстігіндегі атауы жоқ бұлақтың сол жағалау жағы | - | - | - | - | 1,3 | 21-31 |
Ескертпе:
Су қорғау аймақтары мен су қорғау белдеулерінің шекаралары мен ені бекітілген жобалық құжаттаманың картографиялық материалында көрсетілген.
