РҚАО-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
"Қазақстан Республикасындағы жергілікті мемлекеттік басқару және өзін - өзі басқару туралы" Қазақстан Республикасының 2001 жылғы 23 қаңтардағы Заңының 31 - бабының 2 - тармағына, "Білім туралы" Қазақстан Республикасының 2007 жылғы 27 шілдедегі Заңының 6 - бабы 4 - тармағының 8 - 1) тармақшасына сәйкес Алтай ауданының әкімдігі ҚАУЛЫ ЕТЕДІ:
1. Осы қаулыға 1, 2 - қосымшаларға сәйкес 2019 жылға Алтай ауданында мектепке дейінгі тәрбие мен оқытуға мемлекеттік білім беру тапсырысы, ата-ананың ақы төлеу мөлшері бекітілсін.
2. "Алтай ауданының білім, дене шынықтыру және спорт бөлімі" мемлекеттік мекемесі Қазақстан Республикасының заңнамасымен бекітілген тәртіпте:
1) Алтай ауданының әділет басқармасында осы қаулының мемлекеттік тіркелуін;
2) әкімдіктің осы қаулысы мемлекеттік тіркелгеннен кейін он күн ішінде оның көшірмесінің Қазақстан Республикасы Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына Қазақстан Республикасы нормативтік құқықтық актілерінің Эталондық бақылау банкіне қосу үшін жіберілуін;
3) осы қаулы мемлекеттік тіркелгеннен кейін күнтізбелік он күн ішінде Алтай ауданы аумағында таратылатын мерзімдік баспаға оның көшірмесі ресми жариялауға жіберілуін;
4) қаулы ресми жарияланғаннан кейін Алтай ауданы әкімінің интернет - ресурсында осы қаулының орналастырылуын қамтамасыз етсін.
3. Осы қаулының орындалуын бақылау Алтай ауданы әкімінің орынбасары Ж.А. Аскароваға жүктелсін.
4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Алтай ауданының әкімі | Н. Токсеитов |
| Алтай ауданы әкімдігінің 2019 жылғы 2 сәуірдегі № 126 қаулысына 1- қосымша |
Мектепке дейінгі тәрбие мен оқытуға мемлекеттік білім беру тапсырысы
№ | Мектепке дейінгі балалар ұйымдары | Мемлекеттік білім беру тапсырысы, орындар саны |
1 | Балабақшалар | 1145 |
2 | Мектептер жанындағы шағын орталықтар | 160 |
| Алтай ауданы әкімдігінің 2019 жылғы 2 сәуірдегі № 126 қаулысына 2- қосымша |
Ата - ана төлемақысының мөлшері
№ | Мектепке дейінгі балалар ұйымдары | Күніне бір баланың шығыны, 3 жасқа дейін (теңге) | Күніне бір баланың шығыны, 3 жастан 7 жасқа дейін (теңге) | |
1 | Балабақшалар | 573 | 591 | |
2 | Мектеп жанындағы кіші орталықтар | Толық күн | - | 665 |
Жарты күн | - | 333 | ||
Ескертпе: 1 күнге бір балаға жас ерекшелігіне қарай кететін шығын. Нақты жұмыс күніне есептелген.
