ЗҚАИ-ның ескертпесі!
Осы бұйрықтың қолданысқа енгізілу тәртібін 4 т. қараңыз
БҰЙЫРАМЫН:
1. "Автомобиль көлігімен қауіпті жүктерді тасымалдау қағидаларын және Қазақстан Республикасының аумағында автокөлік құралдарымен тасымалдауға жол берілетін қауіпті жүктердің тізбесін бекіту туралы" (Нормативтік құқықтық актілерді мемлекеттік тіркеу тізілімінде № 11779 болып тіркелген , "Әділет" ақпараттық құқықтық жүйесінде 2015 жылғы 12 тамызда жарияланған) Қазақстан Республикасы Инвестициялар және даму министрінің міндетін атқарушының 2015 жылғы 17 сәуірдегі № 460 бұйрығына өзгерістер енгізу туралы:
кіріспе мынадай редакцияда жазылсын:
"Автомобиль көлігі туралы" 2003 жылғы 4 шілдедегі Қазақстан Республикасы Заңының 13-бабының 23-7) және 23-12) тармақшаларына, "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес БҰЙЫРАМЫН:";
Көрсетілген бұйрықпен бекітілген Автомобиль көлігімен қауіпті жүктерді тасымалдау қағидалары осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Индустрия және инфрақұрылымдық даму министрлігінің Көлік комитеті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркелуді;
2) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.
|
Қазақстан Республикасы Индустрия және инфрақұрылымдық даму министрінің міндетін атқарушы |
А. Ержанов |
"КЕЛІСІЛДІ"
Қазақстан Республикасы
Ұлттық экономика министрлігі
"КЕЛІСІЛДІ"
Қазақстан Республикасы
Цифрлық даму, инновациялар
және аэроғарыш өнеркәсібі министрлігі
"КЕЛІСІЛДІ"
Қазақстан Республикасы
Ішкі істер министрлігі
Автомобиль көлігімен қауіпті жүктерді тасымалдау қағидалары
1-тарау. Жалпы ережелер
1. Осы "Автомобиль көлігі туралы" 2003 жылғы 4 шілдедегі Қазақстан Республикасы Заңының 13-бабының 23-7) тармақшасы, "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес әзірленді және автомобиль көлігімен қауіпті жүктерді тасымалдау, 1, 6 және 7-сыныптағы қауіпті жүкті тасымалдауға арнайы рұқсат, көлік құралын халықаралық қатынаста қауіпті жүктерді тасымалдауға жіберу туралы куәлікті беру тәртібін анықтайды, сондай-ақ "1, 6 және 7-сыныптағы қауіпті жүкті тасымалдауға арнайы рұқсат беру" және "Көлік құралына халықаралық қатынаста қауіпті жүктерді тасымалдауға рұқсат беру туралы куәлік беру" мемлекеттік көрсетілетін қызметтер тәртібін анықтайды.
2. Қағидалардың қолданысы Қазақстан Республикасының аумағы бойынша қауіпті жүктерді тасымалдаумен байланысты жеке және заңды тұлғаларға қолданылады.
Қауіпті жүктерді автокөлік құралдарымен халықаралық тасымалдау Қауіпті жүктерді халықаралық жолдарда тасымалдау туралы Еуропалық келісімнің (ҚЖХЖТ), Қазақстан Республикасының халықаралық шарттарының талаптарын сақтаумен жүзеге асырылады.
3. Тасымалдау, тиеу-түсіру жұмыстарын жүргізу және сақтау кезінде оларға тән қасиеттерге қарай техникалық құралдардың, құрылғылардың, ғимараттар мен құрылыстардың жарылуына, өртенуіне немесе бүлінуіне, сондай-ақ адамдардың, жануарлардың өлім-жітіміне, жарақат алуына және ауруына себеп болуы, қоршаған табиғи ортаға зиян келтіруі мүмкін кез келген заттар, материалдар, бұйымдар, өндірістік және өзге де қызмет қалдықтары қауіпті жүктер деп танылады.
4. Қағидаларда пайдаланылатын негізгі ұғымдар:
1) автомобиль көлігі құралы (бұдан әрі - автокөлік құралы) - автобустарды, шағын автобустарды, жеңіл және жүк автомобильдерін, троллейбустарды, автомобиль тіркемелерін, ершікті тартқыштарға жартылай тіркемелерді, сондай-ақ арнайы бейімделген автомобильдерді (жүктердің белгілі бір түрлерін тасымалдауға арналған) және арнаулы автомобильдерді (әртүрлі, көбінесе көлікке арналмаған жұмыстарды орындауға арналған) қамтитын, автомобиль көлігі жылжымалы құрамының бірлігі;
2) автомобильмен тасымалдаушы (бұдан әрі - тасымалдаушы) - меншік құқығымен немесе өзге де заңды негіздерде автокөлік құралдарына иелік етуші, жолаушыларды, багажды, жүктерді немесе поштаны тасымалдауда ақыға немесе жалға қызметтер көрсететін заңды немесе жеке тұлға;
3) БҰҰ нөмірі - заттың немесе бұйымның төрт сандық сәйкестендіру нөмірі;
4) жүк алушы - жүкті автомобильмен тасымалдау шарты негізінде немесе өзге де заңды негіздерде жүк алуға уәкілетті жеке немесе заңды тұлға;
5) жүк жөнелтуші - оның атынан жүк жөнелту ресімделетін жеке немесе заңды тұлға;
6) 1, 6 және 7-сыныптағы қауіпті жүкті тасымалдауға арнайы рұқсат - 1, 6 және 7-сыныптағы қауіпті жүкті тасымалдауға құқық беретін уәкілетті орган берген электрондық рұқсат беру құжаты.
5. Қауіпті жүктерді тасымалдау кезінде "Қауіпті жүктер. Сыныптау" 19433.1-2010 - МемСТ, "Қауіпті жүктер. Сынау әдістері" 19433.2-2010 - МемСТ және "Қауіпті жүктер. Таңбалау" 19433.3-2010 - МемСТ, және Қауіпті жүктерді халықаралық жолдарда тасымалдау туралы Еуропалық келісімнің (ҚЖХЖТ) қолданыстағы стандарттарына, сондай-ақ автомобиль көлігі саласындағы уәкілетті орган бекіткен Қазақстан Республикасының аумағында автокөлік құралдарымен тасымалдауға жол берілген қауіпті жүктердің тізбесіне сәйкес қауіпті жүктердің сыныптамасы қолданылады.
2-тарау. Автомобиль көлігімен қауіпті жүктерді тасымалдауды ұйымдастыру тәртібі
6. Қауіпті жүктерді Қазақстан Республикасының аумағы бойынша тасымалдауды жүзеге асыратын көлік құралдарының жүргізушілері және қауіпті жүктерді тасымалдау үшін пайдаланылатын автокөлік құралдары осы Қағидалардың 3 және 4-тарауының жазылған белгілі бір талаптарға сәйкес келеді.
7. Қазақстан Республикасының аумағы бойынша 1, 6 және 7-сыныптағы қауіпті жүктерді тасымалдау осы Қағидаларға 1-қосымшаға сәйкес нысан бойынша 1, 6 және 7-сыныптағы қауіпті жүктерді тасымалдауға арнайы рұқсат негізінде, арнайы бейімделген автомобильмен немесе осы мақсаттар үшін арнайы қайта жабдықталған басқа да автокөлік құралдарымен жүзеге асырылады.
8. Жүк жөнелтуші (жүк алушы) мен тасымалдаушы арасында "Автомобиль көлігімен жүктерді тасымалдау қағидаларын бекіту туралы" Қазақстан Республикасы Инвестициялар және даму министрінің 2015 жылғы 30 сәуірдегі № 546 бұйрығына сәйкес (Нормативтік құқықтық актілерді мемлекеттік тіркеу тізілімінде № 12463 болып тіркелген) (бұдан әрі - Автомобиль көлігімен жүктерді тасымалдау қағидалары) қауіпті жүк тасымалын жүзеге асыруға арналған шарт жасалады.
Қауіпті жүктерді тасымалдауға арналған шарт өзіндік ерекшеліктеріне байланысты, сондай-ақ мынадай:
1) автокөлік құралдарын арнайы өңдеу жөніндегі іс-шаралар туралы;
2) ілесіп жүруді ұйымдастыру (қажет болған жағдайда) туралы;
3) жүргізушілерді жеке қорғану құралдарымен қамтамасыз ету тәртібі туралы;
4) қауіп және қауіпті жүкті бейтараптандыру туралы ақпарат жүйесінің элементтерімен қамтамасыз ету тәртібі туралы;
5) 7-сыныптағы қауіпті жүктерді тасымалдау кезінде - жүк жөнелтушіні (жүк алушыны) және тасымалдаушыны жүктің нақты атауы мен мөлшерін, сондай-ақ осы жүкті жөнелту уақыты (болжамды жеткізу мерзімі) және алғаны туралы өзара хабарландыру тәртібі туралы мәліметтерді қамтуы тиіс.
9. Жүк қабылдаушы жүктер алынбаған немесе оның жеткіліксіздігі анықталған, атауы сәйкес келмеген жағдайда жүк жөнелтушіні жедел ден қою шараларын қабылдау үшін қауіпті жүкті тасымалдауға рұқсат берген уәкілетті органды күнтізбелік үш күн ішінде хабардар етеді.
10. Қауіпті жүкті тасымалдау шартын жасасу тауар-көлік жүкқұжатын жасаумен расталады.
Қауіпті жүкті тасымалдау кезінде тасымалдаушының төрт данада жасалатын және Заңға сәйкес жүк жөнелтуші мен тасымалдаушы қол қоятын тауар-көлік жүкқұжаты болуы тиіс.
11. Тауар-көлік жүкқұжатының нысаны және оны қолдану тәртібі Автомобиль көлігімен жүктерді тасымалдау қағидаларына сәйкес анықталады.
12. Жүк жөнелтуші тасымалдаушыға қауіпті жүктерді тасымалдауға жасалған шартпен бірге мыналарды:
1) әрбір автокөлік құралына арналған "Қауіпті жүк" айырым белгісі;
2) осы Қағидаларға 2-қосымшаға сәйкес нысан бойынша қауіпті жүктің әрбір түріне жүргізушіге арналған нұсқаулықты ұсынады.
13. 1, 6 және 7-сыныптағы қауіпті жүкті тасымалдауға Қазақстан Республикасының аумағында автокөлік құралдарымен тасымалдауға жол берілген қауіпті жүктердің тізбесі Заңға сәйкес тасымалдаушы қауіпті жүкті тасымалдау маршрутын әзірлейді.
Тасымалдау маршрутын әзірлеген кезде тасымалдаушы мынадай негізгі талаптарды басшылыққа алады:
1) маршрут маңында ірі өнеркәсіп объектілері болмауы тиіс;
2) маршрут ірі елді мекендер арқылы өтпеуі тиіс. Қауіпті жүктерді ірі елді мекендердің ішімен тасымалдау қажет болған жағдайда маршрут ойын-сауық, мәдени-ағарту, оқу, мектепке дейінгі және емдеу мекемелерінің қасынан өтпеуі тиіс;
3) тасымалдау маршрутында көлік құралдарының тұрақ орындары көзделуі тиіс.
14. Кеден одағы комиссиясының 2011 жылғы 16 тамыздағы № 770 шешімімен бекітілген Кеден одағының "Пиротехникалық бұйымдардың қауіпсіздігі туралы" техникалық регламентінің пиротехникалық бұйымдары бар қауіпті жүктердің сыныптамасына сәйкес 1.4-ішкі сыныбы бар пиротехникалық бұйымдарды тасымалдау кезінде тасымалдауға рұқсатты ресімдеу талап етілмейді.
15. Көру мүмкіндігі 300 метрге дейін шектелген кезде (тұман, жаңбыр, қар жауу) 1, 6 және 7-сыныптағы қауіпті жүктерді тасымалдауға жол берілмейді, бұл туралы арнайы рұқсат қолданылуының ерекше жағдайларында көрсетіледі.
3-тарау. Қауіпті жүктерді тасымалдайтын автокөлік құралдарына қойылатын талаптар
16. Қауіпті жүктерді тасымалдайтын автокөлік құралдары мынадай талаптарға сәйкес келеді:
1) қауіпті жүктерді тасымалдайтын көлік құралдарының конструкциясына, жабдығына және техникалық жай-күйіне қойылатын жасап шығарушы зауыттың құрылымдық-техникалық сипаттамаларына және Қазақстан Республикасының стандарттау жөніндегі нормативтік құжаттарына;
2) тіркеу құжаттарының деректеріне;
3) қауіпті жүктерді халықаралық жолдарда тасымалдау туралы Еуропалық келісімінде (ҚЖХЖТ) белгіленген нақты қауіпті заттар мен бұйымдарды қауіпсіз тасымалдау шарттарына;
4) Қазақстан Республикасы Денсаулық сақтау министрінің 2017 жылғы 31 мамырдағы № 359 бұйрығымен бекітілген (Нормативтік құқықтық актілерді мемлекеттік тіркеу тізілімінде № 15695 болып тіркелген) "Жолаушылар мен жүктерді тасымалдауға арналған көлік құралдарына қойылатын санитариялық-эпидемиологиялық талаптар" санитариялық қағидаларына;
5) Қазақстан Республикасы Үкіметінің 2014 жылғы 13 қарашадағы № 1196 қаулысымен бекітілген Қазақстан Республикасының жол жүрісі қағидаларына (бұдан әрі - Жол қозғалысы қағидалары);
6) жүргізушілердің еңбек және демалыс режимін тіркейтін бақылау құрылғыларымен (тахографтармен) жабдықталуына;
7) Жол жүрісі қағидаларына және Қауіпті жүктерді халықаралық жолдарда тасымалдау туралы Еуропалық келісімге (ҚЖХЖТ) сәйкес тану белгілерімен жабдықталуына;
8) Қазақстан Республикасының стандарттау жөніндегі қолданыстағы нормативтік құжаттарына сәйкес жарамды құралмен және жабдықпен жинақталуына;
9) қажет болған жағдайларда тасымалданатын қауіпті затты бейтараптандыратын құралдармен және жүргізуші мен ілесіп жүруші қызметкердің жеке қорғану құралдарымен жасақталуына;
10) бақылаусыз төгілу, қауіпті жүк шығарынды болған жағдайда халықты хабардар етудің жергілікті жүйесімен жабдықталуына.
1, 6 және 7-сыныптағы қауіпті жүктерді тасымалдайтын автокөлік құралдары қозғалыс жылдамдығы, маршрутының сақталуы туралы деректерді нақты уақыт режимінде үздіксіз беру құрылғыларымен қосымша жабдықталады.
17. Автокөлік құралының конструкциясындағы өзгерістер автокөлік құралын жасап шығарушы зауытпен келісілуі тиіс.
4-тарау. Қауіпті жүктерді автокөлік құралдарымен тасымалдауды жүзеге асыратын жүргізушілерге қойылатын талаптар
18. Автокөлік құралымен қауіпті жүктерді тасымалдауды жүзеге асыратын жүргізушілер мынадай талаптарға сәйкес келеді:
1) тиісті санаттағы жүргізуші куәлігінің болуы;
2) осы санаттағы көлік құралының жүргізушісі ретінде кемінде үш жыл үздіксіз жұмыс өтілінің болуы;
3) Автомобиль көлігімен жүктерді тасымалдау қағидаларына 1-қосымшаға сәйкес жол парағына белгі қоя отырып, кәсіби жүргізушілер үшін жалпы медициналық куәландырудан және рейс алдында және рейстен кейін медициналық тексеруден өтуі;
4) Осы Қағидаларға 3-қосымшаға сәйкес нысан бойынша жүргізушіге Қазақстан Республикасының аумағы арқылы қауіпті жүкті тасымалдауға рұқсат беру туралы куәліктің болуы.
5-тарау. Қауіпті жүктерді тасымалдайтын көлік құралдарының Қазақстан Республикасының аумағы бойынша жүріп өту тәртібі
19. Тасымалдауды жүзеге асыратын жүргізуші сапар басталғанға дейін қауіпті жүктерді тасымалдау бойынша рейс алдында нұсқау алуы және оның мынадай ілеспе құжаттары болуы тиіс:
1) автокөлік құралына тіркеу құжаттары;
2) "Қауіпті жүк" белгісі бар, осы Қағидалардың талаптарына сәйкес тасымалдау маршруты көрсетілген жол парағы;
3) Осы Қағидаларға 4-қосымшаға сәйкес жүргізушілерге арналған нұсқаулық;
4) Осы Қағидаларға 5-қосымшаға сәйкес нысан бойынша жүргізушіге Қазақстан Республикасының аумағы арқылы қауіпті жүктерді тасымалдауға рұқсат беру туралы куәлік;
5) Осы Қағидаларға 4-қосымшаға сәйкес нысан бойынша Қазақстан Республикасының аумағына автокөлік құралдарымен тасымалдауға рұқсат етілген қауіпті жүктер тізбесіне сәйкес Қазақстан Республикасының аумағында автокөлік құралдарымен тасымалдауға жіберілетін 1, 6 және 7-сыныптағы қауіпті жүкті тасымалдау маршрутының бланкісі;
6) тауар-көлік жүкқұжаты;
7) жүк жөнелтуші әзірлеген авариялық жағдайда әрекет ету жоспары;
8) тасымалдаушының, жүк жөнелтушінің, жүк алушының, қозғалыс маршруты бойынша орналасқан көлікті қауіпсіз пайдалануды қамтамасыз етуді бақылау, жол қозғалысы қауіпсіздігі, азаматтық қорғау саласындағы және жою жөніндегі уәкілетті органдардың мекенжайлары мен телефондары.
20. Жүргізуші қауіпті жүк тасымалының белгіленген маршрутын және тұрақ орындарын қатаң сақтайды.
Қауіпті жүгі бар автокөлік құралын жүргізу кезінде жүргізушіге:
1) автокөлік құралын орнынан кенеттен қозғауға;
2) кенеттен тежеуге;
3) қозғалтқыш пен ілінісуі ажыратылған күйде қозғалуға;
4) қозғалыс кезінде автокөлік құралында темекі шегуге (тоқтаған кезде автокөліктің тұрған орнынан кемінде 50 метр жерде темекі шегуге рұқсат етіледі);
5) отты ашық пайдалануға (ерекше жағдайларда тамақ дайындаған кезде автокөліктің тұрған орнынан кемінде 200 метр қашықтықта от жағуға рұқсат етіледі);
6) автокөлік құралын қадағалаусыз қалдыруға болмайды.
21. Қауіпті жүктерді тасымалдайтын көлік құралдарының Қазақстан Республикасының аумағы арқылы қозғалуы Жол жүрісі қағидаларына және осы Қағидаларға сәйкес жүзеге асырылады.
22. Қауіпті жүк тасымалдайтын автокөлік құралында бір тіркемеден (немесе жартылай тіркемеден) артық болмауы тиіс.
23. Қауіпті жүктерді тасымалдау кезінде автокөлік құралдарының қозғалыс жылдамдығын шектеу Жол жүрісі қағидаларына сәйкес белгіленеді.
Қауіпті жүкті тасымалдау кезінде қозғалыс жылдамдығын белгіленген шектеу жағдайында автокөлік құралында рұқсат етілген жылдамдық көрсетілген тану белгісі орнатылуы тиіс.
24. Қауіпті жүктерді 5 және одан көп автокөлік құралдарынан тұратын колоннамен тасымалдаған кезде оның құрамында жүктің осы түрін тасымалдауға арналған резервті бос автокөлік құралының болуы міндетті. Резервтік автокөлік құралы колоннаның соңында жүруі тиіс.
25. Автокөлік құралдарының колоннасымен қауіпті жүктерді тасымалдау кезінде тасымалдаушы немесе жүк жөнелтуші (жүк алушы) бөлетін ілесіп жүру автомобилінің (автомобильдерінің) болуы мүмкін.
Ілесіп жүру автомобилі алынып жүретін көлік құралдарының алдында жүруі тиіс.
Ілесіп жүру автомобилі тасымалдау кезінде міндетті түрде қосылуға тиіс қызғылт сары түсті жарқылдауық маякпен жабдықталады.
26. Егер қозғалыс процесінде жол жүру қауіпсіздігін қамтамасыз ету мақсатында жол жүрісін реттеу жөніндегі қосымша іс-шараларды жүргізудің қажеттілігі туындаса, жол жүрісі қауіпсіздігін қамтамасыз ету жөніндегі уәкілетті органның патрульдік автомобилінің ілесіп жүруі жүзеге асырылады.
27. Ерекше қауіпті жүктерді тасымалдау кезінде жүргізушілердің елді мекендерде демалуға тоқтауына рұқсат етіледі.
Тұрғын үй құрылыстары мен адамдардың көп шоғырланған жерінен кемінде 200 метр қашықтықта немесе осыған арнайы бөлінген жерлерде тұруға рұқсат етіледі.
Автокөлік құралы аялдаған немесе тоқтап тұрған кезде тоқтау тежегіші міндетті түрде қосылуы тиіс, ал еңісте қосымша сырғуға қарсы тіреуіш қойылуы керек.
Қауіпті жүктерді тасымалдайтын автокөлік құралдарының тоқтайтын және тұратын орындары қауіпті жүкті тасымалдау маршрутында көрсетіледі.
28. Қауіпті жүктерді тасымалдайтын автокөлік құралдары мүмкіндігінше жалпы пайдаланымдағы автожанармай құю станцияларында қосымша жанармай құймай, бүкіл сапар жолына жетерліктей отынмен қамтамасыз етіледі.
Қажет болған жағдайда жалпы пайдаланымдағы автожанармай құю станцияларында жанармай құю автожанармай құю станциясының аумағынан кемінде 25 метр қашықтықта орналасқан алаңда станциядан темір канистрлермен немесе арнайы осы мақсаттар үшін көзделген жылжымалы май құю станцияларынан алынып жүргізіледі.
29. Жол-көлік оқиғасы туындаған жағдайда жүргізуші:
1) оқиға болған жерге бөгде адамдарды жібермейді;
2) зардап шеккен адамдарға алғашқы медициналық көмек көрсетеді және қажет болған кезде жедел медициналық жәрдем шақыртады;
3) болған оқиға туралы азаматтық қорғау саласындағы уәкілетті органға, сондай-ақ басқа да мүдделі органдарға хабарлайды;
4) жүргізушіге арналған нұсқаулықтағы нұсқамаға және апаттық жағдайда іс-қимыл жоспарына сәйкес апаттық ахуалдың салдарын жою бойынша шаралар қабылдайды;
5) оқиға болған жерге келген осы Қағидалардың 28-тармағының 8) тармақшасында атап көрсетілген уәкілетті органдардың өкілдерін қауіп-қатер және қабылданған шаралар туралы хабардар етеді.
30. Қауіпті жүктерді тасымалдауға қатысушылар адамдардың денсаулығы мен өміріне, қоршаған ортаға зиян келтіруді болдырмау мақсатында қауіпсіздікті қамтамасыз ету жөніндегі тиісті ұйымдастыру және техникалық шаралар қабылдайды.
Қауіпті жүктерді жөнелтушілердің және (немесе) тасымалдаушылардың негізгі немесе қосымша қызметі қауіпті жүктерді тасымалдауды немесе онымен байланысты тиеу-түсіру операцияларын қамтыса, өз құрамында тасымалдау процесінің қауіпсіздігіне жауапты қызметкерлері болады.
Қауіпті жүктерді тасымалдау үшін барлық қолданыстағы маршруттардан адамдардың денсаулығы мен өміріне, қоршаған ортаға зиян келтіруді болдырмау мақсатында тасымалдаушы қауіптілігі мейлінше төмен маршрутты таңдайды.
6-тарау. 1, 6 және 7-сыныптағы қауіпті жүктерді тасымалдауға арнайы рұқсат беру тәртібі
31. "1, 6 және 7-сыныптағы қауіпті жүкті тасымалдауға арнайы рұқсат беру" мемлекеттік көрсетілетін қызметті Қазақстан Республикасы Индустрия және инфрақұрылымдық даму министрлігі Көлік комитетінің аумақтық бөлімшелері (бұдан әрі - көрсетілетін қызметті беруші) жеке немесе заңды тұлғаларға (бұдан әрі - көрсетілетін қызметті алушы) қауіпті жүктерді тасымалдайтын көлік құралы жүргізушісін даярлау туралы куәлікті (жүргізушінің қауіпті жүктерді автокөлік құралдарымен тасымалдауға рұқсат беру туралы куәлік) қоса бере отырып www.egov.kz, www.elіcense.kz "электрондық үкіметтің" веб-порталы арқылы (бұдан әрі - портал) көрсетілетін қызметті берушіге осы Қағидаларға 5-қосымшаға сәйкес нысан бойынша өтінішті жолдау арқылы көрсетіледі.
32. "1, 6 және 7-сыныптағы қауіпті жүкті тасымалдауға арнайы рұқсат беру" мемлекеттік қызмет көрсету ерекшеліктері ескеріле отырып, қызмет көрсету процесінің сипаттамаларын, нысанын, мазмұны мен нәтижесін, сондай-ақ өзге де мәліметтерді қамтитын "1, 6 және 7-сыныптағы қауіпті жүктерді тасымалдауға арнайы рұқсат беру" мемлекеттік қызмет көрсетуге қойылатын негізгі талаптардың тізбесі осы Қағидаларға 6-қосымшада мемлекеттік көрсетілетін қызмет стандарты (бұдан әрі - Стандарт) нысанында көзделген.
33. Егер Қазақстан Республикасының заңдарында өзгеше көзделмесе, көрсетілетін қызметті алушы мемлекеттік қызметтер көрсету кезінде ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға келісім береді.
34. Портал арқылы жүгінген кезде көрсетілетін қызметті алушының "жеке кабинетіне" "1, 6 және 7-сыныптағы қауіпті жүктерді тасымалдауға арнайы рұқсат беру" мемлекеттік көрсетілетін қызметіне сұрау салуды қабылдау туралы мәртебе жіберіледі.
35. Жеке басын куәландыратын, дара кәсіпкерді немесе заңды тұлғаны мемлекеттік тіркеу (қайта тіркеу) туралы құжаттардың мәліметтерін, көлік құралын тіркеу туралы мәліметтерді көрсетілетін қызметті беруші тиісті мемлекеттік ақпараттық жүйелерден "электрондық үкіметтің" шлюзі арқылы алады.
36. Көрсетілетін қызметті алушы қауіпті жүктерді тасымалдайтын көлік құралының жүргізушісін даярлау туралы куәлікті ұсынған жағдайда, көрсетілетін қызметті беруші екі жұмыс күні ішінде осы Қағидалардың талаптарына сәйкес "1, 6 және 7-сыныптағы қауіпті жүкті тасымалдауға арнайы рұқсат беру" мемлекеттік қызметін көрсету үшін қажетті ұсынылған құжаттың және онда көрсетілген мәліметтердің сәйкестігін тексереді және 1, 6 және 7-сыныптағы қауіпті жүктерді тасымалдауға арнайы рұқсатты не осы Қағидалардың 37-тармағының жағдайлары мен негіздері бойынша мемлекеттік қызмет көрсетуден бас тарту туралы (бұдан әрі - бас тарту) дәлелді жауапты ресімдейді.
"1, 6 және 7-сыныптағы қауіпті жүктерді тасымалдауға арнайы рұқсат беру" мемлекеттік қызмет көрсету нәтижесі электрондық құжат нысанында көрсетілетін қызметті алушының "жеке кабинетіне" жіберіледі.
37. Мемлекеттік қызмет көрсетуден бас тарту үшін негіздер:
1) мемлекеттік қызметті алу үшін көрсетілетін қызметті алушы ұсынған құжаттардың және (немесе) оларда қамтылған деректердің (мәліметтердің) анық еместігі анықтау;
2) көрсетілетін қызметті алушының және (немесе) мемлекеттік қызметті көрсету үшін қажетті ұсынылған материалдардың, объектілердің, деректер мен мәліметтердің осы Қағидаларда белгіленген талаптарға сәйкес келмеуі.
3) көрсетілетін қызметті алушыға қатысты осы мемлекеттік көрсетілетін қызметті алуды талап ететін қызметке немесе жекелеген қызмет түрлеріне тыйым салу туралы заңды күшіне енген сот шешімінің (үкімінің) болуы.
38. Портал арқылы келіп түскен құжатты ұсынбау фактісі анықталған жағдайда, көрсетілетін қызметті беруші екі жұмыс күні ішінде өтінішті одан әрі қарау туралы еркін нысанда дәлелді бас тартуды көрсетілетін қызметті алушының "жеке кабинетіне" электрондық құжат нысанында жібереді.
39. Көрсетілетін қызметті беруші мемлекеттік қызмет көрсету сатысы туралы деректерді ақпараттандыру саласындағы уәкілетті орган белгілеген тәртіппен мемлекеттік қызметтер көрсету мониторингінің ақпараттық жүйесіне енгізуді қамтамасыз етеді.
40. 1, 6 және 7-сыныптағы қауіпті жүктерді тасымалдауға арналған арнайы рұқсаттар бір немесе бірнеше бірдей тасымалдауға, сондай-ақ белгілі бір маршрут бойынша тасымалданатын қауіпті жүктердің партиясына 1 жыл мерзімге беріледі.
41. Мемлекеттік қызметтер көрсету мәселелері бойынша көрсетілетін қызметті берушінің шешіміне, әрекетіне (әрекетсіздігіне) шағым көрсетілетін қызметті берушінің, көлік саласындағы басшылықты жүзеге асыратын уәкілетті орган (бұдан әрі - уәкілетті орган) басшысының атына Қазақстан Республикасының заңнамасына сәйкес мемлекеттік қызметтер көрсету сапасын бағалау және бақылау жөніндегі уәкілетті органға берілуі мүмкін.
42. Көрсетілетін қызметті алушының шағымы "Мемлекеттік көрсетілетін қызметтер туралы" Заңның 25-бабының 2) тармақшасына сәйкес қарауға жатады:
көрсетілетін қызметті беруші, уәкілетті орган - тіркелген күнінен бастап бес жұмыс күні ішінде;
мемлекеттік қызметтер көрсету сапасын бағалау және бақылау жөніндегі уәкілетті орган - ол тіркелген күннен бастап он бес жұмыс күні ішінде.
43. Көрсетілетін қызметті берушінің, уәкілетті органның, мемлекеттік қызметтер көрсету сапасын бағалау және бақылау жөніндегі уәкілетті органның "Мемлекеттік көрсетілетін қызметтер туралы" Заңның 25-бабының 4-тармағына сәйкес шағымды қарау мерзімі:
1) шағым бойынша қосымша зерделеу немесе тексеру не жергілікті жерге барып тексеру жүргізу;
2) қосымша ақпарат алу қажет болған жағдайда он жұмыс күнінен аспайтын мерзімге ұзартылады.
44. Шағымды қарау мерзімі ұзартылған жағдайда шағымдарды қарау жөніндегі өкілеттіктер берілген лауазымды адам шағымды қарау мерзімі ұзартылған кезден бастап үш жұмыс күні ішінде шағым берген өтініш берушіге ұзарту себептерін көрсете отырып, шағымды қарау мерзімінің ұзартылғаны туралы жазбаша нысанда (шағым қағаз тасығышта берілген кезде) немесе электрондық нысанда (шағым электрондық түрде берілген кезде) хабарлайды.
Мемлекеттік қызмет көрсету нәтижелерімен келіспеген жағдайда көрсетілетін қызметті алушы Қазақстан Республикасының заңнамасында белгіленген тәртіппен сотқа жүгінеді.
7-тарау. Көлік құралын халықаралық қатынаста қауіпті жүктерді тасымалдауға жіберу туралы куәлікті беру тәртібі
45. Көрсетілетін қызметті беруші портал арқылы "Көлік құралын халықаралық қатынаста қауіпті жүктерді тасымалдауға жіберу туралы куәлік беру" мемлекеттік көрсетілетін қызметті көрсетілетін қызметті алушыларға осы Қағидаларға 7-қосымшаға сәйкес нысан бойынша өтініш жіберу арқылы, міндетті техникалық қарап-тексеруден өтудің белгіленген кезеңділігіне сәйкес келесі міндетті техникалық қарап-тексеруден өту мерзімі көрсетілген техникалық қарап-тексерудің диагностикалық картасы негізінде көрсетеді.
46. "Көлік құралын халықаралық қатынаста қауіпті жүктерді тасымалдауға жіберу туралы куәлік беру" мемлекеттік қызмет көрсету ерекшеліктері ескеріле отырып, қызмет көрсету процесінің сипаттамаларын, нысанын, мазмұны мен нәтижесін, сондай-ақ, өзге де мәліметтерді қамтитын "Көлік құралын халықаралық қатынаста қауіпті жүктерді тасымалдауға жіберу туралы куәлік беру" мемлекеттік қызмет көрсетуге қойылатын негізгі талаптардың тізбесі осы Қағидалардың 8-қосымшасында мемлекеттік көрсетілетін қызмет стандарты (бұдан әрі - Стандарт) нысанында көзделген.
47. Портал арқылы жүгінген кезде көрсетілетін қызметті алушының "жеке кабинетіне" "Көлік құралын халықаралық қатынаста қауіпті жүктерді тасымалдауға жіберу туралы куәлік беру" мемлекеттік көрсетілетін қызметіне сұрау салуды қабылдау туралы мәртебе жіберіледі.
48. Көрсетілетін қызметті беруші құжаттар келіп түскен күні тіркеуді жүзеге асырады және оны орындау үшін лауазымды адамды тағайындайды.
49. Жеке басын куәландыратын, дара кәсіпкерді немесе заңды тұлғаны мемлекеттік тіркеу (қайта тіркеу) туралы құжаттардың мәліметтерін, көлік құралын тіркеу туралы мәліметтерді көрсетілетін қызметті беруші тиісті мемлекеттік ақпараттық жүйелерден "электрондық үкіметтің" шлюзі арқылы, механикалық көлік құралдарын және олардың тіркемелерін міндетті техникалық қарап-тексерудің бірыңғай ақпараттық жүйесінен диагностикалық карта туралы мәліметтерді алады.
50. Лауазымды адам берілген өтініштің осы Қағидалардың талаптарына сәйкестігін тексеруді жүзеге асырады.
51. Техникалық қарап-тексерудің диагностикалық картасы болған және ол жарамды болған жағдайда, міндетті техникалық қарап-тексеруден өтудің белгіленген кезеңділігіне сәйкес, көрсетілетін қызметті беруші бір жұмыс күні ішінде көрсетілетін қызметті алушының сәйкестігін осы Қағидалардың талаптарына сәйкес мемлекеттік қызметті көрсету үшін қажетті мәліметтерді тексереді және осы Қағидаларға 9-қосымшаға сәйкес нысан бойынша көлік құралын халықаралық қатынаста қауіпті жүктерді тасымалдауға жіберу туралы куәлікті не Стандарттың 9-тармағында көрсетілген жағдайларда және негіздер бойынша мемлекеттік қызмет көрсетуден бас тарту туралы дәлелді жауапты ресімдейді, ол көрсетілетін қызметті алушының "жеке кабинетіне" электрондық құжат нысанында жіберіледі.
Өтініш демалыс (сенбі және жексенбі) және мереке күндерінен басқа сағат 16.00-ден кейін келіп түскен жағдайда "Көлік құралын халықаралық қатынаста қауіпті жүктерді тасымалдауға жіберу туралы куәлік беру" мемлекеттік көрсетілетін қызмет келесі жұмыс күнінде көрсетіледі.
52. Көрсетілетін қызметті алушының "Көлік құралын халықаралық қатынаста қауіпті жүктерді тасымалдауға жіберу туралы куәлік беру" мемлекеттік көрсетілетін қызметті алуға өтініш беруі міндетті техникалық қарап-тексерудің бірыңғай ақпараттық жүйесінде диагностикалық карта болған кезде жүзеге асырылады.
53. Көлік құралын халықаралық қатынаста қауіпті жүктерді тасымалдауға жіберу туралы куәлік беру "Азаматтарға арналған үкімет" мемлекеттік корпорациясы" коммерциялық емес акционерлік қоғамы арқылы жүзеге асырылады.
54. Портал арқылы келіп түскен ұсынылған құжаттардың толық болмау фактісі немесе міндетті техникалық қарап-тексеруден өту кезеңділігінің жарамсыздығы анықталған жағдайда көрсетілетін қызметті беруші бір жұмыс күні ішінде өтінішті одан әрі қарау туралы еркін нысандағы дәлелді бас тартуды көрсетілетін қызметті алушының "жеке кабинетіне" электрондық құжат нысанында жібереді.
55. Көрсетілетін қызметті беруші мемлекеттік қызмет көрсету сатысы туралы деректерді ақпараттандыру саласындағы уәкілетті орган белгілеген тәртіппен мемлекеттік қызметтер көрсету мониторингінің ақпараттық жүйесіне енгізуді қамтамасыз етеді.
56. Жіберу туралы куәлік техникалық қарап-тексерудің диагностикалық картасының қолданылу мерзіміне беріледі.
57. Мемлекеттік корпорация қызметкерінің әрекетіне (әрекетсіздігіне) шағым Мемлекеттік корпорация филиалының басшысына мемлекеттік корпорацияның www.gov4c.kz интернет-ресурсында көрсетілген мекенжайлар мен телефондар арқылы жіберіледі.
58. Қолма-қол да, пошта арқылы да келіп түскен шағымның Мемлекеттік корпорацияға қабылданғанын растау оны тіркеу (мөртабан, кіріс нөмірі және тіркеу күні шағымның екінші данасына немесе шағымға ілеспе хатқа қойылады) болып табылады.
59. Мемлекеттік қызметтер көрсету мәселелері бойынша көрсетілетін қызметті берушінің шешіміне, әрекетіне (әрекетсіздігіне) шағым көрсетілетін қызметті берушінің, көлік саласындағы басшылықты жүзеге асыратын уәкілетті орган (бұдан әрі - уәкілетті орган) басшысының атына Қазақстан Республикасының заңнамасына сәйкес мемлекеттік қызметтер көрсету сапасын бағалау және бақылау жөніндегі уәкілетті органға берілуі мүмкін.
60. Көрсетілетін қызметті алушының шағымы "Мемлекеттік көрсетілетін қызметтер туралы" Заңның 25-бабының 2) тармақшасына сәйкес:
көрсетілетін қызметті беруші, уәкілетті орган - тіркелген күнінен бастап бес жұмыс күні ішінде;
мемлекеттік қызметтер көрсету сапасын бағалау және бақылау жөніндегі уәкілетті орган - ол тіркелген күннен бастап он бес жұмыс күні ішінде қарауға жатады.
61. Көрсетілетін қызметті берушінің, уәкілетті органның, мемлекеттік қызметтер көрсету сапасын бағалау және бақылау жөніндегі уәкілетті органның "Мемлекеттік көрсетілетін қызметтер туралы" Заңның 25-бабының 4-тармағына сәйкес шағымды қарау мерзімі:
1) шағым бойынша қосымша зерделеу немесе тексеру не жергілікті жерге барып тексеру жүргізу;
2) қосымша ақпарат алу қажет болған жағдайда он жұмыс күнінен аспайтын мерзімге ұзартылады.
62. Шағымды қарау мерзімі ұзартылған жағдайда шағымдарды қарау жөніндегі өкілеттіктер берілген лауазымды адам шағымды қарау мерзімі ұзартылған кезден бастап үш жұмыс күні ішінде шағым берген өтініш берушіге ұзарту себептерін көрсете отырып, шағымды қарау мерзімінің ұзартылғаны туралы жазбаша нысанда (шағым қағаз тасығышта берілген кезде) немесе электрондық нысанда (шағым электрондық түрде берілген кезде) хабарлайды.
Мемлекеттік қызмет көрсету нәтижелерімен келіспеген жағдайда көрсетілетін қызметті алушы Қазақстан Республикасының заңнамасында белгіленген тәртіппен сотқа жүгінеді.
| Автомобиль көлігімен қауіпті жүктерді тасымалдау қағидаларына 1-қосымша |
|
| нысаны |
МИНИСТЕРСТВО ИНДУСТРИИ И ИНФРАСТРУКТУРНОГО РАЗВИТИЯ РЕСПУБЛИКИ КАЗАХСТАН КОМИТЕТ ТРАНСПОРТА | ҚАЗАҚСТАН РЕСПУБЛИКАСЫ ИНДУСТРИЯ ЖӘНЕ ИНФРАҚҰРЫЛЫМДЫҚ ДАМУ МИНИСТІРЛІГІ КӨЛІК КОМИТЕТІ | MІNІSTRY OF ІNDUSTRY AND ІNFRASTRUCTURAL DEVELOPMENT OF THE REPUBLІC OF KAZAKHSTAN TRANSPORT COMMІTTEE |
СПЕЦИАЛЬНОЕ РАЗРЕШЕНИЕ НА ПЕРЕВОЗКУ ОПАСНОГО ГРУЗА КЛАССОВ 1, 6 И 7 |
| SPECІAL PERMІT ON ІMPLEMENTATІON OF AUTOMOBІLE TRANSPORTATІON OF HAZARDOUS GOODS OF CLASSES 1, 6 AND 7 |
1, 6 ЖӘНЕ 7-СЫНЫПТАҒЫ ҚАУІПТІ ЖҮКТЕРДІ ТАСЫМАЛДАУҒА АРНАЙЫ РҰҚСАТ |
№ XXXXXXXX
Тасымалдаушының атауы | ||
Тасымалдаушының орналасқан жері және телефоны | ||
Тасымалданатын қауіпті жүктің сыныбы, БҰҰ нөмірі, атауы және сипаттамасы | ||
Көлік құралының түрі, маркасы | ||
Автомобильдің мемлекеттік тіркеу белгісі | ||
Тіркеменің (жартылай тіркеменің) мемлекеттік тіркеу белгісі | ||
Арнайы рұқсаттың қолданылу мерзімі |
_____ бастап _____ дейін |
______ тасымалға жарамды |
Тасымалдау маршруты | ||
Жүк жөнелтушінің мекенжайы және телефоны | ||
Жүк алушының мекенжайы және телефоны | ||
Тасымалдау маршрутының аралық пункттерінің мекенжайы және авариялық қызметтің телефондары | ||
Тұрақтар және отын құю орны | ||
Арнайы рұқсатты қолданудың ерекше шарттары | ||
Қадағалау бақылау органдарының лауазымды адамдарының белгілері | ||
Шектеулер | ||
Уәкілетті органның лауазымды адамының тегі, аты, әкесінің аты (ол болған жағдайда) және берілген күні | ||
| Автомобиль көлігімен қауіпті жүктерді тасымалдау қағидаларына 2-қосымша |
|
| нысан |
Жүргізушіге арналған нұсқаулық
Жүргізушіге арналған нұсқаулық нақты маршрутта осы қауіпті жүкті тасымалдауды жүзеге асыру кезінде автокөлік құралының жүргізушісіне басшылық етуші нұсқаманы қамтуы тиіс.
Бұл ретте нұсқаулыққа мынадай ақпарат енгізіледі:
1. Нұсқаулық берілетін жүргізушінің деректері, қауіпті жүктерді тасымалдау бойынша дайындығы туралы куәліктің №.
2. Автокөлік құралының, автокөлік ұйымының деректері, олардың деректемелері.
3. Жүкті жіберуші, қауіпті жүкпен шығу күні мен уақыты.
4. Жүкті алушы, қауіпті жүкті жеткізудің бағдарланған күні мен уақыты.
5. Қозғалыс маршруты.
6. Автокөлік ұйымының гаражына қайтып оралудың бағдарланған уақыты.
Жүктің атауы | Қауіпті жүктің сыныбы | Қауіптілік № | БҰҰ тізімі бойынша № | ||
Синонимдер | |||||
Физикалық қасиеттері | Қауіптілік белгілері | ||||
Қайнау температурасы, 0 С | |||||
Балқу температурасы, 0 С | |||||
Ұшқыштық (бу қысымы) | |||||
Бу тығыздығы (aуa бойынша) | |||||
Тығыздық (cу бойынша) | |||||
Суда ерігіштік | |||||
Өрт және жарылыс қаупі | |||||
Тұтану температурасы , оС | Өздігінен тұтану температурасы, оС | Бұдың тұтану аймағы | Тұтану шегі, оС | ||
Төменгі | Жоғарғы | ||||
Адам үшін қауіптілігі | |||||
ПДК мг/м 3 | ЛД 50. мг/кг (ішке түскен кезде) | ЛД 50. мг/м 3 (тері арқылы) | ЛК 50. мл/м 3 | ||
Ағзаға түсу жолдары | |||||
Уыттылық әсері | |||||
Теріге және шырышты қабықшаға әсері | |||||
Қауіптің өзге түрлері | |||||
Экологиялық қауіпсіздік | |||||
Қауіптілік туралы ақпараттық жүйенің авариялық карточкасы | |||||
Ұсынылғандар | Тыйым салынғандар | ||||
өрт кезінде | |||||
жану кезінде | |||||
Алғашқы көмек шаралары | |||||
Демді ішке тарту кезінде | |||||
Демді тоқтату кезінде | |||||
Көзге, теріге тиген кезде | |||||
Жұтқан кезде | |||||
Қорғаудың жеке құралдары | |||||
Тыныс органдарын | |||||
Көздерді | |||||
Теріні | |||||
Зиянсыздандырудың тәсілдері мен құралдары | |||||
7. Қауіпті жүк туралы деректер.
Ұйымның бастығы (қолы және мөрі)
________________________________________________________________________________
Ескерту: "Синонимдер" бағаны міндетті түрде толтырылуы керек
| Автомобиль көлігімен қауіпті жүктерді тасымалдау қағидаларына 3-қосымша |
|
| нысан |
Қазақстан Республикасының аумағы арқылы жүргізушіні қауіпті жүктерді тасымалдауға рұқсат беру туралы куәлік Бет жағы
ЖҮРГІЗУШІЛЕРІН ДАЙЫНДАУ ТУРАЛЫ ҚЖХЖТ КУӘЛІГІ | |
ADR DRІVER TRAІNІNG CERTІFІCATE | |
Куәлікті берген мемлекеттің айырмашылық белгісі | |
(Жүргізушінің фотосуретіне арналған орын) | 1. Куәлік № |
2. Тегі | |
3. Аты - жөні | |
4. Туған күні | |
5. Азаматтығы | |
6. Жүргішінің қолы | |
7. Куәліктік берген орган | |
8. Дейін мерзімді | |
Сыртқы жағы
Сыныптар үшін жарамды немесе БҰҰ |
| Автомобиль көлігімен қауіпті жүктерді тасымалдау қағидаларына 4-қосымша |
|
| нысан |
1, 6 және 7-сыныпты қауіпті жүктерді тасымалдау маршрутының бланкісі Қауіпті жүк туралы мәлімет
Жүктің атауы "ҚЖ" тану белгісі
Қауіпті жүктің сыныбы
Қауіптілік №, БҰҰ нөмірі
Бір көлік құралындағы жүктің жалпы салмағы _______ тонна.
Қозғалыстың ерекше шарттары_____________________________________________________
1. Аралықтардағы қозғалыс жылдамдығы_____________________________________________
2. Пана (барлық маршрутта, жекелеген учаскелерде)____________________________________
3. Бірге жүру (барлық маршрутта, жекелеген учаскелерде)_______________________________
4. Түндегі қозғалыс (рұқсат етілген, тыйым салынған)__________________________________
Қозғалыс маршруты______________________________________________________________
(елді мекендердің, көшелердің және автомобиль жолдарының атауы)
1. Жүк жөнелтушінің мекенжайы және телефоны______________________________________
2. Пункттердің мекенжайлары және жүк алушының телефондары_________________________
3. Олар арқылы көлік құралдары өтетін авариялық қызмет пункттерінің мекенжайлары және
телефондары_____________________________________________________________________
4. Қажет болған жағдайда қауіпті жүкті тапсыруға болатын аралық пункттердің
мекенжайлары___________________________________________________________________
5. Тұрақ орындары________________________________________________________________
6. Отын құятын орындар___________________________________________________________
7. Тасымалдаушы мен автокөлік құралының деректері__________________________________
(атауы, тегі, аты, әкесінің аты (ол болған жағдайда), мекенжайы және мемлекеттік
нөмірі)____________________________________________________________ тасымалдаушы
(қолы ) 20_ жылғы "___" __________
| Автомобиль көлігімен қауіпті жүктерді тасымалдау қағидаларына 5-қосымша |
|
| нысан |
Тіркеу нөмірі және күні____________________________________________________________
(Аумақтық бөлімше ресімдейді)
________________________________________________________________________________
(аумақтық бөлімшенің атауы)
Өтініш
________________________________________________________________________________
(заңды тұлғаның атауы немесе жеке кәсіпкердің және жеке адамның тегі, аты,
әкесінің аты (ол болған жағдайда), төлқұжат деректері) қауіпті жүкті
тасымалдауға арнайы рұқсатты ресімдеуді (қайта ресімдеуді) сұрайды
________________________________________________________________________________
(тасымалдаушы тасымалдауды жүзеге асыратын қауіпті жүктің классы, БҰҰ
нөмірі, атауы және сипаттамасын көрсету)
Тасымалдау ______________ көлік құралымен жүзеге асырылады________________________
(көлік құралының түрін, маркасын, автомобильдің, тіркеменің және ашық
тіркеменің мемлекеттік тіркеу нөмірлерін көрсету)
________________________________________________________________________________
(тасымалдау маршрутын, қауіпті жүкті тасымалдау күнін және мерзімін,
тиеу және түсіру орнын көрсету)
Қосымша хабарлаймын:___________________________________________________________
(қауіпті жүкті жөнелтушінің және жүк алушының атауы, нақты пошталық
мекенжайы, телефон нөмірі, факс немесе электрондық поштаның мекенжайы)
Қажетті құжаттар өтінішке қоса беріледі. Ұсынылған құжаттардың тұпнұсқалылығын және
дұрыстығын растаймын.
Арнайы рұқсаттың қолдану мерзімін _____ бастап______дейін ____________ жол жүруге
белгілеуді сұраймын.
Республикасының заңдарында өзгеше көзделмесе мемлекеттік қызметтер көрсету кезінде,
ақпараттық жүйелерде қамтылған, заңмен қорғалатын құпияны құрайтын мәліметтерді
пайдалануға келісім беремін.
20___ж. "_____" ___________
| Автомобиль көлігімен қауіпті жүктерді тасымалдау қағидаларына 6-қосымша |
"1, 6 және 7-сыныптағы қауіпті жүктерді тасымалдауға арнайы рұқсат беру" мемлекеттік көрсетілетін қызметтер стандарты | ||
1 | Көрсетілетін қызметті берушінің атауы | Қазақстан Республикасы Индустрия және инфрақұрылымдық даму министрлігі Көлік комитетінің аумақтық органдары (бұдан әрі - көрсетілетін қызметті беруші). |
2 | Мемлекеттік қызметті ұсыну тәсілдері (қол жеткізу арналары) | Көрсетілетін қызметті беруші немесе www.elіcense.kz, www.egov.kz "электрондық үкімет" веб-порталы (бұдан әрі - портал) арқылы жүзеге асырылады. |
3 | Мемлекеттік қызмет көрсету мерзімі | Екі жұмыс күн |
4 | Мемлекеттік қызметті көрсету нысаны | Электрондық (толық автоматтандырылған) |
5 | Мемлекеттік қызметті көрсету нәтижесі |
1, 6 және 7-сыныптағы қауіпті жүктерді тасымалдауға арнайы рұқсат немесе осы мемлекеттік қызметті көрсетуден бас тарту туралы дәлелді жауап. |
6 | Мемлекеттік қызмет көрсету кезінде көрсетілетін қызметті алушыдан алынатын төлем мөлшері және Қазақстан Республикасының заңнамасында көзделген жағдайларда оны алу тәсілдері | Ақысыз |
7 | Жұмыс кестесі |
көрсетілетін қызметті беруші - Қазақстан Республикасының еңбек заңнамасына сәйкес демалыс және мереке күндерінен басқа, дүйсенбіден бастап жұманы қоса алғанда, сағат 13.00-ден 14.30-ға дейінгі түскі үзіліспен сағат 09.00-ден 18.30-ға дейін; |
8 | Мемлекеттік қызмет көрсету үшін қажетті құжаттар тізбесі |
порталда көрсетілетін қызметті алушының электрондық цифрлық қолтаңбасы (бұдан әрі - ЭЦҚ) осы Қағидаларға 5-қосымшаға сәйкес нысан бойынша қойылған электрондық құжат нысанындағы өтініш. |
9 | Қазақстан Республикасының заңнамасында белгіленген мемлекеттік қызмет көрсетуден бас тарту үшін негіздер |
1) көрсетілетін қызметті алушы мемлекеттік көрсетілетін қызметті алу үшін ұсынған деректердің (мәліметтердің) дұрыс еместігін анықтау; |
10 | Мемлекеттік қызметті, оның ішінде электрондық нысанда және Мемлекеттік корпорация арқылы көрсету ерекшеліктері ескеріле отырып қойылатын өзге де талаптар |
Көрсетілетін қызметті алушының мемлекеттік қызмет көрсету тәртібі мен мәртебесі туралы ақпаратты порталдағы "жеке кабинеті", сондай-ақ мемлекеттік қызметтер көрсету мәселелері жөніндегі бірыңғай байланыс орталығы арқылы қашықтықтан қол жеткізу режимінде алуға мүмкіндігі бар. |
| Автомобиль көлігімен қауіпті жүктерді тасымалдау қағидаларына 7-қосымша |
|
| нысан |
________________________________________________________________________________
(аумақтық бөлімшенің атауы)
Өтініш
________________________________________________________________________________
(тасымалдаушының атауы, халықаралық автомобильмен жүк тасымалдауды жүзеге асыруға
рұқсат беру куәлігінің нөмірі)
________________________________________________________________________________
тасымалдаушы тасымалдауды жүзеге асыратын қауіпті жүктің сыныбы, Біріккен Ұлттар
Ұйымының нөмірі, атауы және сипаттамасын көрсету) көлік құралына кейбір қауіпті жүктерді
тасымалдауға рұқсат беру туралы куәлікті ресімдеуді сұрайды.
Тасымалдау_____________________________________________________________________
көлік құралымен жүзеге асырылады. (көлік құралының түрін, маркасын, автомобильдің,
тіркеменің және жартылай тіркеменің мемлекеттік тіркеу нөмірлері, міндетті техникалық
қарап тексеруден өту күні, автокөлік құралына рұқсат беру карточкасының нөмірі)
Қосымша хабарлаймын:___________________________________________________________
(қауіпті жүкті жөнелтушінің және жүк алушының атауы, нақты пошталық мекенжайы,
телефон нөмірі, факс немесе электрондық поштасының мекенжайы) Егер Қазақстан
Республикасының заңдарында өзгеше көзделмесе мемлекеттік қызметтер көрсету кезінде,
ақпараттық жүйелерде қамтылған, заңмен қорғалатын құпияны құрайтын мәліметтерді
пайдалануға келісім беремін.
20___ж. "_____" ___________
| Автомобиль көлігімен қауіпті жүктерді тасымалдау қағидаларына 8-қосымша |
"Көлік құралына халықаралық қатынаста қауіпті жүктерді тасымалдауға рұқсат беру туралы куәлік беру" мемлекеттік көрсетілетін қызметтер стандарты | ||
1 | Көрсетілетін қызметті берушінің атауы | Қазақстан Республикасы Индустрия және инфрақұрылымдық даму министрлігі Көлік комитетінің аумақтық органдары (бұдан әрі - көрсетілетін қызметті беруші). |
2 | Мемлекеттік қызметті ұсыну тәсілдері (қол жеткізу арналары) |
"Азаматтарға арналған үкімет" мемлекеттік корпорациясы" коммерциялық емес акционерлік қоғамы |
3 | Мемлекеттік қызмет көрсету мерзімі | Бір жұмыс күн |
4 | Мемлекеттік қызметті көрсету нысаны | Электрондық/қағазша |
5 | Мемлекеттік қызметті көрсету нәтижесі |
Көлік құралына халықаралық қатынаста қауіпті жүктерді тасымалдауға рұқсат немесе осы мемлекеттік көрсетілетін қызмет стандартының 9-тармағында көзделген жағдайларда және негіздер бойынша мемлекеттік қызметті көрсетуден бас тарту туралы дәлелді жауап. |
6 | Мемлекеттік қызмет көрсету кезінде көрсетілетін қызметті алушыдан алынатын төлем мөлшері және Қазақстан Республикасының заңнамасында көзделген жағдайларда оны алу тәсілдері | Ақысыз |
7 | Жұмыс кестесі |
Мемлекеттік корпорация - Қазақстан Республикасының еңбек заңнамасына сәйкес демалыс және мереке күндерін қоспағанда, дүйсенбіден бастап сенбіні қоса алғанда, белгіленген жұмыс кестесіне сәйкес түскі үзіліссіз сағат 9.00-ден 20.00-ге дейін; |
8 | Мемлекеттік қызмет көрсету үшін қажетті құжаттар тізбесі |
Осы мемлекеттік көрсетілетін қызмет стандартына 6-қосымшаға сәйкес көрсетілетін қызметті алушының ЭЦҚ қойылған электрондық құжат нысанындағы өтініш. |
9 | Қазақстан Республикасының заңнамасында белгіленген мемлекеттік қызмет көрсетуден бас тарту үшін негіздер |
1) көрсетілетін қызметті алушы мемлекеттік көрсетілетін қызметті алу үшін ұсынған деректердің (мәліметтердің) дұрыс еместігін анықтау; |
10 | Мемлекеттік қызметті, оның ішінде электрондық нысанда және Мемлекеттік корпорация арқылы көрсету ерекшеліктері ескеріле отырып қойылатын өзге де талаптар |
Көрсетілетін қызметті алушының мемлекеттік қызмет көрсету тәртібі мен мәртебесі туралы ақпаратты порталдағы "жеке кабинеті", сондай-ақ мемлекеттік қызметтер көрсету мәселелері жөніндегі бірыңғай байланыс орталығы арқылы қашықтықтан қол жеткізу режимінде алуға мүмкіндігі бар. |
| Автомобиль көлігімен қауіпті жүктерді тасымалдау қағидаларына 9-қосымша |
КӨЛІК ҚҰРАЛДАРЫН КЕЙБІР ҚАУІПТІ ЖҮКТЕРДІ |
