"Бақылау-касса машиналарын қолданудың кейбір мәселелері туралы" Қазақстан Республикасы Қаржы министрінің 2018 жылғы 16 ақпандағы № 208 бұйрығына өзгерістер енгізу туралы

Қазақстан Республикасы Қаржы министрінің 2020 жылғы 1 маусымдағы № 554 бұйрығы. Қазақстан Республикасының Әділет министрлігінде 2020 жылғы 2 маусымда № 20807 болып тіркелді

БҰЙЫРАМЫН:

1. "Бақылау-касса машиналарын қолданудың кейбір мәселелері туралы" Қазақстан Республикасы Қаржы министрінің 2018 жылғы 16 ақпандағы № 208 бұйрығына (Қазақстан Республикасының нормативтік құқықтық актілерін мемлекеттік тіркеу тізілімінде № 16508 болып тіркелді, Қазақстан Республикасы нормативтік құқықтық актілерінің эталондық бақылау банкінде 2018 жылғы 13 наурызда жарияланды) мынадай өзгерістер енгізілсін:

кіріспе мынадай редакцияда жазылсын:

"Салық және бюджетке төленетін басқа да міндетті төлемдер туралы" 2017 жылғы 25 желтоқсандағы Қазақстан Республикасы Кодексінің (Салық кодексі) 166-бабының 8-тармағына, 167-бабының 6-тармағына, 170-бабының 2-тармағына, 171-бабына және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес БҰЙЫРАМЫН:";

көрсетілген бұйрықпен бекітілген Бақылау-касса машиналарын қолдану қағидалары осы бұйрыққа 1-қосымшаға сәйкес жаңа редакцияда жазылсын;

көрсетілген бұйрықпен бекітілген Бақылау-касса машиналарының модельдерін мемлекеттік тізілімге (тізілімнен) енгізу (алып тастау) қағидалары осы бұйрыққа 2-қосымшаға сәйкес жаңа редакцияда жазылсын.

2. Қазақстан Республикасы Қаржы министрлігінің Мемлекеттік кірістер комитеті заңнамада белгiленген тәртіппен:

1) осы бұйрықтың Қазақстан Республикасының Әділет министрлігінде мемлекеттік тіркелуін;

2) осы бұйрықтың Қазақстан Республикасы Қаржы министрлігінің интернет-ресурсында орналастырылуын;

3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Қаржы министрлігінің Заң қызметі департаментіне ұсынуды қамтамасыз етсін.

3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Қаржы министрі

Е. Жамаубаев

"КЕЛІСІЛДІ"

Қазақстан Республикасы

Цифрлық даму, инновациялар және

аэроғарыш өнеркәсібі министрлігі

	Қазақстан Республикасы Қаржы министрінің 2020 жылғы 1 маусымдағы № 554 Бұйрыққа 1-қосымша
	Қазақстан Республикасы Қаржы министрінің 2018 жылғы 16 ақпандағы № 208 бұйрығына 1-қосымша

Бақылау-касса машиналарын қолдану қағидалары

1-тарау. Жалпы ережелер

1. Осы Бақылау-касса машиналарын қолдану қағидалары (бұдан әрі - Қағидалар) "Салық және бюджетке төленетін басқа да міндетті төлемдер туралы" 2017 жылғы 25 желтоқсандағы Қазақстан Республикасының Кодексі (Салық кодексі) 166-бабының 8-тармағына және "Мемлекеттік қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес әзірленген және бақылау-касса машиналарын қолдану тәртібін айқындайды.

2. "Бақылау-касса машиналарын (БКМ) есепке қою және есептен шығару" мемлекеттік қызметі аудандар, қалалар және қалалардағы аудандар бойынша, арнайы экономикалық аймақтардың аумақтарындағы Қазақстан Республикасы Қаржы министрлігі Мемлекеттік кірістер комитетінің аумақтық органдары (бұдан әрі - көрсетілетін қызметті беруші) және "электрондық үкімет" веб-порталы арқылы көрсетіледі.

3. Осы Қағидалардың мақсатында салық төлеушінің жауапты адамы (бұдан әрі - көрсетілетін қызметті алушы) - көрсетілетін қызметті алушы не көрсетілетін қызметті алушымен еңбек қатынасында тұрған немесе сенімхат, шарт негізінде немесе өзге де заңды негізде оның атынан әрекет ететін, бақылау-касса машинасын қолдана отырып, сатып алушымен (клиентпен) ақшалай есеп айырысуларды жүзеге асыратын және оның жұмыс істеуіне жауап беретін адам.

4. Заңның 5-бабы 2-тармағының 11) тармақшасына сәйкес көрсетілетін қызметті беруші деректерді ақпараттандыру саласындағы уәкілетті орган белгілеген тәртіппен мемлекеттік қызметті көрсету сатысы туралы мемлекеттік қызметті көрсету мониторингінің ақпараттық жүйесіне енгізуді қамтамасыз етеді.

5. Көрсетілетін қызметті беруші мемлекеттік қызметтерді көрсету үшін қажетті мәліметтерден тұратын ақпараттық жүйелердің үздіксіз жұмыс істеуін қамтамасыз етеді. Мемлекеттік қызметтерді көрсету кезінде пайдаланылатын ақпараттық жүйелерде іркіліс болған жағдайда, көрсетілетін қызметті беруші техникалық ақауларды жоюды қамтамасыз етеді және тиісті уәкілетті тұлғаларды 1 (бір) жұмыс күні ішінде хабардар етеді.

6. Бақылау-касса машиналарын қолдану:

1) бақылау-касса машинасын есепке қоюды;

2) тіркеу деректеріне өзгерістер енгізуді;

3) бақылау-касса машинасын есептен шығаруды;

4) бақылау-касса машинасын пайдалануды қамтиды.

7. Мемлекеттік қызмет көрсету ерекшеліктері ескеріле отырып, қызмет көрсету процесінің сипаттамаларын, нысанын, мазмұны мен нәтижесін, сондай-ақ өзге де мәліметтерді қамтитын мемлекеттік қызметті көрсетуге қойылатын негізгі талаптар тізбесі осы Қағидаларға 1-қосымшаға сәйкес мемлекеттік көрсетілетін қызмет стандартының нысанында жазылған.

2-тарау. "Бақылау-касса машиналарын (БКМ) есепке қою және есептен шығару" мемлекеттік қызмет көрсету тәртібі

1-параграф. Бақылау-касса машиналарын мемлекеттік кірістер органдарында есепке қою

8. Салық кодексінің 166-бабының 2-тармағында белгіленген жағдайларды қоспағанда, Қазақстан Республикасының аумағында ақшалай есеп айырысулар бақылау-касса машиналарын мiндеттi түрде қолданыла отырып жүргiзiледi.

9. Осы тармақта белгіленген жағдайларды қоспағанда, бақылау-касса машиналары пайдаланатын жері бойынша көрсетілетін қызметті берушіде есепке қоюға жатады.

Көрсетілетін қызметті алушылардың орналасқан жері бойынша мынадай:

1) стационарлық емес немесе өзге жылжымалы (мобильді) объектілер арқылы қызметті жүзеге асыру кезінде пайдаланылатын;

2) банктік компьютерлік жүйелер, оның ішінде қызмет көрсетуге ақы төлеу терминалдары жарақтандырылған банктік компьютерлік жүйелер болып табылатын бақылау-касса машиналарын көрсетілетін қызметті берушіде есепке қоюға жатады.

10. Көрсетілетін қызметті алушы деректерді тіркеу және (немесе) беру функциясы бар бақылау-касса машинасын есепке қоюға арналған мәліметтерді көрсетілетін қызметті берушінің "Қазақстан Республикасының интеграцияланған салықтық ақпараттық жүйесі" ақпараттық жүйесіне (бұдан әрі - ақпараттық жүйе) фискалдық деректер операторының интернет-ресурсы арқылы не "электрондық үкімет" веб-порталы арқылы электрондық түрде жолдайды.

11. Көрсетілетін қызметті алушы "Бақылау-касса машиналарын қолданудың кейбір мәселелері туралы" Қазақстан Республикасы Қаржы министрінің 2018 жылғы 16 ақпандағы № 208 бұйрығымен бекітілген Фискалдық деректер операторының деректерді тіркеу және (немесе) беру функциясы бар бақылау-касса машиналары туралы мәліметтерді мемлекеттік кірістер органдарына беру қағидаларына 2-қосымшаға сәйкес (Қазақстан Республикасының Нормативтік құқықтық актілерді мемлекеттік тіркеу тізілімінде № 16508 болып тіркелген) нысан бойынша фискалдық деректер операторы арқылы деректерді тіркеу және (немесе) беру функциясы бар бақылау-касса машиналарын көрсетілетін қызметті берушіде қоюға арналған мәліметтерді қағаз тасымалдағышта жолдайды.

12. Фискалдық деректер операторының деректерді тіркеу және (немесе) беру функциясы бар бақылау-касса машиналары туралы мәліметтерді мемлекеттік кірістер органдарына беру Салық кодексінің 167-бабының 2-тармағына сәйкес көзделген тәртіппен жүзеге асырылады.

13. Көрсетілетін қызметті алушы деректерді бермей бақылау-касса машинасын есепке қою үшін көрсетілетін қызметті берушіге "Салықтық өтініштердің нысандарын бекіту туралы" Қазақстан Республикасы Қаржы министрінің 2018 жылғы 12 ақпандағы № 160 бұйрығымен бекітілген (Қазақстан Республикасының Нормативтік құқықтық актілерді мемлекеттік тіркеу тізілімінде № 16425 болып тіркелген) 16-қосымшаға сәйкес нысан бойынша қағаз тасымалдағышта бақылау-касса машинасын көрсетілетін қызметті берушіде есепке қою туралы салықтық өтінішті (бұдан әрі - салықтық өтініш) ұсынады.

14. Аппараттық-бағдарламалық кешендерді қоспағанда, деректерді беру функциясы жоқ бақылау-касса машинасын есепке қою кезінде көрсетілетін қызметті берушінің лауазымды адамы:

1) салықтық өтініште көрсетілген мәліметтердің ұсынылған құжаттардың, деректерді беру функциясы жоқ бақылау-касса машинасы моделінің сәйкестігін тексереді;

2) таңбалау тақтайшасында көрсетілген деректерді беру функциясы жоқ бақылау-касса машинасының зауыттық нөмiрiн салықтық өтініште көрсетiлген нөмiрмен салыстырады;

3) қолма-қол ақшаны есепке алу кiтабын және тауар чектерi кiтабын ресiмдеудiң дұрыстығын тексередi;

4) бақылау-касса машинасының фискалдық жұмыс режимін белгілейді;

5) фискалдық жады блогы бар бақылау-касса машинасының корпусына көрсетілетін қызметті берушінің пломбасын орнатады;

6) деректерді беру функциясы жоқ бақылау-касса машинасының тіркеу карточкасын ресімдейді;

7) деректерді беру функциясы жоқ бақылау-касса машинасының тіркеу карточкасын, қолма-қол ақшаны және тауар чектерiн есепке алу кiтабын өз қолымен және оларды куәландыру үшін көзделген мөрмен куәландырады;

8) деректерді беру функциясы жоқ бақылау-касса машинасы моделінің бақылау-касса машинасының мемлекеттік тізілімге енгізілген модельдерге сәйкестігін тексереді;

9) көрсетілетін қызметті алушыға:

фискалдық жұмыс режимі белгіленген және көрсетілетін қызметті берушінің пломбасы орнатылған фискалдық жады блогы бар бақылау-касса машинасын;

қолма-қол ақшаны және тауар чектерін есепке алудың куәландырылған кітаптарын қайтарады;

10) көрсетілетін қызметті берушіге бақылау-касса машинасының тіркеу карточкасын береді.

15. Деректерді беру функциясы жоқ аппараттық-бағдарламалық кешен болып табылатын бақылау-касса машинасын есепке қою кезінде көрсетілетін қызметті берушінің лауазымды адамы:

1) салықтық өтініште көрсетілген мәліметтердің ұсынылған құжаттардың, деректерді беру функциясы жоқ бақылау-касса машинасы моделінің сәйкестігін тексереді;

2) аппараттық-бағдарламалық кешеннің функционалдық мүмкіндіктері мен сипаттамаларының қысқаша сипатын;

3) салық органында есепке қою үшін мәлімделген аппараттық-бағдарламалық кешен моделінің "Салық инспекторының жұмыс орны" модулін пайдалану жөніндегі нұсқаулықты тексереді.

16. Көрсетілетін қызметті беруші бақылау-касса машинасын тіркеу есебіне қоюды фискалдық деректер операторының мәліметтерін не Салық кодексінің 167-бабы 2-тармағының 2) тармақшасында көзделген салықтық өтінішті алған күннен бастап 3 (үш) жұмыс күні ішінде жүзеге асырады.

17. Бақылау-касса машинасының тіркеу карточкасы көрсетілетін қызметті алушыға бақылау-касса машинасын көрсетілетін қызметті берушіде есепке қою кезінде беріледі, бақылау-касса машинасының бүкіл пайдалану мерзімі ішінде сақталады және көрсетілетін қызметті берушінің лауазымды адамының талабы бойынша көрсетіледі.

18. Көрсетілетін қызметті алушының және (немесе) мемлекеттік қызмет көрсету үшін қажетті ұсынылған материалдардың, объектілердің, деректер мен мәліметтердің осы Қағидаларда белгіленген талаптарға сәйкес келмеуі мемлекеттік қызмет көрсетуден бас тарту үшін негіз болып табылады.

2-параграф. Бақылау-касса машинасының тiркеу деректерiне өзгерiстер енгiзу

19. Көрсетілетін қызметті алушы деректерді тіркеу және (немесе) беру функциясы бар бақылау-касса машинасының тіркеу карточкасында көрсетілген мәліметтерді өзгертуге арналған мәліметтерді көрсетілетін қызметті берушінің ақпараттық жүйесіне фискалдық деректер операторының интернет-ресурсы арқылы не "электрондық үкімет" веб-порталы арқылы электрондық түрде жолдайды.

20. Көрсетілетін қызметті алушы Қазақстан Республикасы Қаржы министрінің 2018 жылғы 16 ақпандағы № 208 бұйрығымен бекітілген (Қазақстан Республикасының Нормативтік құқықтық актілерді мемлекеттік тіркеу тізілімінде № 16508 болып тіркелген) Фискалдық деректер операторының деректерді тіркеу және (немесе) беру функциясы бар бақылау-касса машиналары туралы мәліметтерді мемлекеттік кірістер органдарына беру қағидаларына 2-қосымшаға сәйкес нысан бойынша фискалдық деректер операторы арқылы деректерді тіркеу және (немесе) беру функциясы бар бақылау-касса машиналарының тіркеу карточкасында көрсетілген мәліметтерді өзгертуге арналған мәліметтерді көрсетілетін қызметті берушіге қағаз тасымалдағышта жолдайды.

21. Көрсетілетін қызметті алушы деректерді бермей бақылау-касса машинасының тіркеу карточкасында көрсетілген мәліметтерді өзгерту үшін Қазақстан Республикасы Қаржы министрінің 2018 жылғы 12 ақпандағы № 160 бұйрығымен бекітілген (Нормативтік құқықтық актілерді мемлекеттік тіркеу тізілімінде № 16425 болып тіркелген) 16-қосымшаға сәйкес нысан бойынша салықтық өтінішті көрсетілетін қызметті берушіге қағаз тасымалдағышта ұсынады.

22. Көрсетілетін қызметті алушы бақылау-касса машинасының тіркеу карточкасында көрсетілген өзгерістер туындаған күннен бастап 5 (бес) жұмыс күні ішінде Салық кодексінің 168-бабында белгіленген тәртіппен әрекеттерді жүзеге асырады.

23. Көрсетілетін қызметті беруші бақылау-касса машинасының тіркеу карточкасында көрсетілген мәліметтерді өзгертуді фискалдық деректер операторының мәліметтерін не Салық кодексінің 168-бабы 1-тармағының 2) тармақшасында көзделген салықтық өтінішті алған күннен бастап 1 (бір) жұмыс күні ішінде жүзеге асырады.

3-параграф. Мемлекеттік кірістер органдарында бақылау-касса машинасын есептен шығару

24. Көрсетілетін қызметті алушы деректерді тіркеу және (немесе) беру функциясы бар бақылау-касса машинасын есептен алу туралы мәліметтерді көрсетілетін қызметті берушінің ақпараттық жүйесіне фискалдық деректер операторының интернет-ресурсы арқылы не "электрондық үкімет" веб-порталы арқылы электрондық түрде жолдайды.

25. Көрсетілетін қызметті алушы Қазақстан Республикасы Қаржы министрінің 2018 жылғы 16 ақпандағы № 208 бұйрығымен бекітілген (Қазақстан Республикасының Нормативтік құқықтық актілерді мемлекеттік тіркеу тізілімінде № 16508 болып тіркелген) Фискалдық деректер операторының деректерді тіркеу және (немесе) беру функциясы бар бақылау-касса машиналары туралы мәліметтерді мемлекеттік кірістер органдарына беру қағидаларына 3-қосымшаға сәйкес нысан бойынша фискалдық деректер операторы арқылы деректерді тіркеу және (немесе) беру функциясы бар бақылау-касса машиналарын есептен шығаруға арналған мәліметтерді көрсетілетін қызметті берушіге қағаз тасымалдағышта жолдайды. 26. Көрсетілетін қызметті алушы Қазақстан Республикасы Қаржы министрінің 2018 жылғы 12 ақпандағы № 160 бұйрығымен бекітілген (Нормативтік құқықтық актілерді мемлекеттік тіркеу тізілімінде № 16425 болып тіркелген) 17-қосымшаға сәйкес нысан бойынша деректерді бермей бақылау-касса машинасын көрсетілетін қызметті берушіден есептен шығаруға салықтық өтінішті қағаз тасымалдағышта ұсынады.

27. Аппараттық-бағдарламалық кешендерді қоспағанда, деректерді беру функциясы жоқ бақылау-касса машинасын есептен шығарған кезінде көрсетілетін қызметті алушының лауазымды адамы:

1) фискалдық есепті алады;

2) камералдық бақылауды және қолма-қол ақшаны есепке алу кiтабының деректерін фискалдық есеп көрсеткіштерімен және тауар чектерi кiтабының деректерімен салыстыруды жүргізеді;

3) қолма-қол ақшаны есепке алу кiтабы мен тауар чектерi кiтабының жабылғаны туралы жазба жүргізеді;

4) фискалдық жады блогы бар бақылау-касса машинасының корпусынан көрсетілетін қызметті берушінің пломбасын алып тастауды жүргiзедi;

5) көрсетілетін қызметті алушыға:

бақылау-касса машинасын;

қолма-қол ақшаны есепке алу және тауар чектерi кiтаптарын;

бақылау-касса машинасының есептен шығарылғаны туралы белгі қоя отырып, тіркеу карточкасын қайтарады.

28. Көрсетілетін қызметті беруші бақылау-касса машинасын алуды фискалдық деректер операторының мәліметтерін не Салық кодексінің 169-бабы 2-тармағының 2) тармақшасында көзделген салықтық өтінішті алған күннен бастап 1 (бір) жұмыс күні ішінде жүзеге асырады.

29. Аппараттық-бағдарламалық кешен болып табылатын бақылау-касса машинасын есептен шығарған кезде көрсетілетін қызметті алушының лауазымды адамы фискалдық есепті алады және көрсетілетін қызметті алушыға бақылау-касса машинасын есептен шығарғаны туралы белгі қоя отырып, тіркеу карточкасын қайтарады.

2-тарау. Фискалдық есепті алу

30. Фискалдық есепті көрсетілетін қызметті беруші мынадай:

1) салықтық тексерулер жүргізілген;

2) фискалдық жадының блогын ауыстырған;

3) бақылау-касса машинасы есептен шығарылған;

4) фискалды жадыға кіру паролін енгізуді талап ететін бақылау-касса машинасына жөндеу жүзеге асырылған;

5) қолма-қол ақшаны есепке алу кiтабы толығымен толтырылған;

6) қолма-қол ақшаны есепке алу кiтабы жоғалған (бүлінген) жағдайларда алады.

31. Осы Қағидалардың 30-тармағының 1) тармақшасында көзделген жағдайды қоспағанда, фискалдық есепті алу үшін көрсетілетін қызметті берушіге бақылау-касса машинасы мен мынадай құжаттар:

1) нөмірленген, тігілген, көрсетілетін қызметті берушінің басшысы өз қолымен және мөрімен куәландырылған қолма-қол ақшаны есепке алу және тауар чектерi кiтаптары;

2) соңғы фискалдық есеп алынған күннен бастап ауысымдық есептер табыс етіледі.

Фискалдық есепті алу кезінде деректері көрсетілетін қызметті берушінің ақпараттық жүйесіне енгізілуге жататын фискалдық есепті алу актісі осы Қағидаларға 2-қосымшаға сәйкес нысан бойынша жасалады.

3-тарау. Бақылау-касса машинасын пайдалану

32. Көрсетілетін қызметті алушының жауапты тұлғасы бақылау-касса машинасын пайдаланған кезде:

1) бақылау-касса машинасын пайдалану бойынша нұсқауға сәйкес ақшалай есеп айырысу туралы ақпараттың енгізуін жүзеге асырады;

2) электр энергиясы болмаған немесе бақылау-касса машинасында ақаулар болған жағдайда тауар чегін толтырады және береді;

3) фискалдық деректердің операторы ұсынатын телекоммуникациялар желісі уақытша болмаған жағдайда, деректерді тіркеу және беру функциясы бар бақылау-касса машинасының автономды жұмыс режимін пайдаланады;

4) деректерді тіркеу және (немесе) беру функциясы бар бақылау-касса машинасын қолдану жағдайын қоспағанда, қолма-қол ақшаны есепке алу кітабын толтырады;

5) ауысым аяқталған кезде бақылау-касса машинасының моделін дайындаушының техникалық талаптарына сәйкес ауысымдық есепті алу (Z-есеп) жолымен "ауысым соңы" рәсiмiн орындайды.

Ауысымдық есептерді, қолма-қол ақшаны есепке алу және тауар чегі кiтаптарын, сондай-ақ олар бойынша жою және қайтару операциялары жүргізілген жою, қайтару чектері мен бақылау чектерін көрсетілетін қызметті алушы оларды басып шығарған немесе толық толтырған күнінен бастап 5 (бес) жыл бойы сақтайды.

Бақылау-касса машиналары үшін ауысым кезеңі жиырма төрт сағаттан аспайды.

33. Қате енгізілген соманы жою немесе ақшалай есеп айырысуларды қайтару операциялары бақылау-касса машинасының моделін дайындаушының техникалық талаптарына сәйкес:

деректерді тіркеу және (немесе) беру функциясы жоқ бақылау-касса машинасы бақылау чегінің түпнұсқасы және қолма-қол ақшаны есепке алу кiтабында жүргізілген жазба болған кезде;

сатушы (дайындаушы, орындаушы), сатып алу күні, тауар (жұмыс, қызмет) атауы, құны туралы мәліметтен тұратын өзге де құжатты қоса бере отырып деректерді тіркеу және (немесе) беру функциясы бар бақылау-касса машинасының бақылау чегінің түпнұсқасы не фискалды деректер операторының сайтынан шығарылған бақылау чегі болған кезде жүргізіледі.

Осы тармақтың бірінші бөлігінің ережесі "Қазақстан Республикасындағы көлiк туралы" Қазақстан Республикасының 1994 жылғы 21 қыркүйектегі Заңының 13-бабына сәйкес автоматтандырылған тәсілмен ресімделген пайдаланылмаған теміржол, автобус, әуе билеттері үшін ақшалай есеп айырысуларды қайтару операцияларына қолданылмайды.

34. Қолма-қол ақшаны есепке алу кітабының деректері тиісті күнге ауысым есептерінің көрсеткіштеріне сәйкес келеді.

35. Төлем карточкалары пайдаланылған кездегі төлемдер сомалары ескерілген кассаның ағымдағы жай-күйі туралы есептің көрсеткіштері фискалдық есепті алған сәттегі кассадағы қолма-қол ақшаның сомасына, қолма-қол ақшаны есепке алу кітабында көрсетілген тауарларды өткізуге, жұмыстарды орындауға, қызметтер көрсетуге байланысты емес қолма-қол ақшаны қабылдау және беру сомаларына сәйкес келеді.

Осы Қағидалардың 30-тармағының 1) тармақшасына сәйкес кассаның ағымдағы жай-күйі туралы фискалдық есепті алған кезде кассадағы қолма-қол ақшаны есептеуді көрсетілетін қызметті алушы (оның лауазымды адамы) көрсетілетін қызметті берушінің тексеруші адамының қатысуымен жүргізеді.

36. Бақылау-касса машинасының көрсетілетін қызметті беруші пломбасының бүтіндігін бұзбай жою мүмкін емес техникалық ақауы пайда болған жағдайда, көрсетілетін қызметті алушы ақау пайда болған сәттен бастап 5 (бес) жұмыс күні ішінде бақылау-касса машинасын есепке қою жүргізілген көрсетілетін қызметті берушіге:

1) бақылау-касса машинаның тіркеу карточкасының нөмірін, берілген күнін және ақау болған күннің басындағы есептегіштің жиынтық көрсеткіштерін көрсете отырып, осы Қағидаларға 3-қосымшаға сәйкес бақылау-касса машинасын пайдалану кезінде туындайтын міндеттемелердің орындалуы туралы салықтық өтінішті;

2) жөндеу жүргізу мерзімдері мен ақау себептерін негіздеп көрсете отырып, техникалық қызмет көрсету орталығының қорытындысын береді.

Көрсетілетін қызметті беруші осы тармақтың 1) және 2) тармақшаларында көзделген құжаттар мәліметтерін бермеген немесе толық құрамда бермеген жағдайларда пломбаның бүтіндігін бұзуға рұқсатты алуға құжаттарды қабылдаудан бас тартады.

Көрсетілетін қызметті беруші салықтық өтінішті қабылдаған күні ақауды жою үшін бақылау-касса машинасы пломбасының бүтіндігін бұзуға рұқсат беру немесе беруден бас тарту туралы шешімді осы Қағидаларға 4-қосымшаға сәйкес нысан бойынша қабылдайды.

Бақылау-касса машинасы пломбасының бүтіндігін бұзуға көрсетілетін қызметті берушінің рұқсатын көрсетілетін қызметті берушінің пломба орнатуға жауапты лауазымды адамы оны беру туралы шешім қабылдаған күні, осы Қағидаларға 4-қосымшаға сәйкес нысан бойынша береді.

Техникалық ақау жойылғаннан кейін фискалдық жады блогы бар бақылау-касса машинасын пломба орнату үшін көрсетілетін қызметті берушіге табыс ету мерзімі техникалық қызмет көрсету орталығының қорытындысында көрсетілген жөндеу жүргізу мерзімінен кем болмауға, бірақ пломбаның бүтіндігін бұзуға көрсетілетін қызметті беруші рұқсат берген күннен бастап 15 (он бес) жұмыс күнінен аспауға тиіс.

37. Деректерді тіркеу және (немесе) беру функциясы бар бақылау-касса машинасының техникалық қызмет көрсету орталығына жүгінбей жою мүмкін емес техникалық ақауы болған жағдайда, көрсетілетін қызметті алушы ақау пайда болған күннен бастап 3 (үш) жұмыс күні ішінде бақылау-касса машинасын есепке қою жүргізілген және (немесе) оған қызмет көрсету жүргізілетін техникалық қызмет көрсету орталығына жүгінеді.

Деректерді тіркеу және беру функциясы бар бақылау-касса машинасы бойынша техникалық қызмет көрсету орталығының жөндеу жүргізу мерзімі көрсетілген ақау себептері туралы қорытындысы берілген күнінен бастап 5 (бес) жыл бойы көрсетілетін қызметті алушыда сақталады.

38. Бақылау-касса машинасы мына жағдайларда, егер:

1) басып шығармаса, анық баспаса немесе бақылау-касса машинасының чегін электрондық түрде беру жағдайларын қоспағанда, Салық кодексінің 166-бабында айқындалған бақылау чегiндегі деректемелер толық басылмаса;

2) фискалдық жадынан не фискалдық деректер жинақтауышынан деректерді алуға мүмкіндік болмаса;

3) фискалдық жады блогы бар бақылау-касса машинасында көрсетілетін қызметті берушінің пломбасы болмаса немесе бүлінсе;

4) дайындаушы зауыттың таңбасы болмаса;

5) фискалдық деректердің операторы ұсынатын жарамды байланыс болған кезде деректерді тіркеу және (немесе) беру функциясы бар бақылау-касса машинасынан деректерді беру мүмкіндігі болмаса, техникалық ақаулы деп есептеледі.

39. Аппараттық-бағдарламалық кешен болып табылатын бақылау-касса машинасы осы Қағидалардың 38-тармағы 1), 2) және 5) тармақшаларында көзделген жағдайларда техникалық ақаулы деп есептеледі.

40. Көрсетілетін қызметті алушы қолма-қол ақшаны есепке алу кiтабын және (немесе) тауар чектерi кiтабын толық толтырған жағдайда, не олар жоғалған (бүлінген) жағдайда оларды ауыстыру (қалпына келтіру) үшін 5 (бес) жұмыс күні ішінде бақылау-касса машинасын есепке қойған жері бойынша көрсетілетін қызметті берушіге:

1) осы Қағидаларға 3-қосымшаға сәйкес нысан бойынша бақылау-касса машинасын пайдалану кезінде туындайтын міндеттемелердің орындалуы туралы салықтық өтінішті;

2) нөмiрленген, тiгілген, көрсетілетін қызметті алушының (жеке кәсіпкерлік субъектілеріне жататын заңды тұлғаларды қоспағанда) қолымен және (немесе) мөрiмен куәландырылған жаңа қолма-қол ақшаны есепке алу кiтабын және (немесе) тауар чектерi кiтабын;

3) бақылау-касса машинасының тіркеу карточкасын;

4) бақылау-касса машинасын береді.

Қолма-қол ақшаны есепке алу кiтабы толық толтырылған немесе жоғалған (бүлінген) жағдайда көрсетілетін қызметті берушіге көрсетілетін қызметті алушы фискалдық есепті шығару үшін қосымша бақылау-касса машинасын береді.

41. Көрсетілетін қызметті беруші қолма-қол ақшаны және (немесе) тауар чектерін есепке алу кітабын ауыстыруды салықтық өтініш көрсетілетін қызметті берушіде тіркелген сәттен бастап 3 (үш) жұмыс күні ішінде жүргізеді.

4-тарау. Көрсетілетін қызметті берушілердің және (немесе) олардың лауазымды адамдарының мемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағымдану тәртібі

42. Көрсетілетін қызметті алушы мемлекеттік қызметтерді көрсету нәтижелерімен келіспеген жағдайда көрсетілетін қызметті берушінің мемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағым Заңға сәйкес:

көрсетілетін қызметті беруші басшысының атына;

салықтардың және төлемдердің бюджетке түсуін қамтамасыз ету саласында басшылықты жүзеге асыратын уәкілетті органның басшысының атына;

мемлекеттік қызметтерді көрсету сапасын бағалау және бақылау жөніндегі уәкілетті органға беріледі.

43. Мемлекеттік қызметтерді тікелей көрсететін көрсетілетін қызметті берушінің атына келіп түскен көрсетілетін қызметті алушының шағымы Заңның 25-бабының 4-тармағына сәйкес оны тіркеген күнінен бастап 10 (он) жұмыс күні ішінде қаралуға жатады.

Мемлекеттік қызметтерді көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы оны тіркеген күннен бастап 15 (он бес) жұмыс күні ішінде қаралуға жатады.

44. Мемлекеттік қызметтерді көрсету нәтижелерімен келіспеген жағдайда, көрсетілетін қызметті алушы "Қазақстан Республикасының Азаматтық процестік кодексі" 2015 жылғы 31 қазандағы Қазақстан Республикасы Кодексінің талаптарына сәйкес сотқа жүгінуге құқылы.

Бақылау-касса машиналарын қолдану қағидаларына 1-қосымша

"Бақылау-касса машиналарын (БКМ) есепке қою және есептен шығару" мемлекеттік көрсетілетін қызмет стандарты

1	Көрсетілетін қызметті берушінің атауы	Қазақстан Республикасы Қаржы министрлігі Мемлекеттік кірістер комитетінің аудандар, қалалар және қалалардағы аудандар бойынша, арнайы экономикалық аймақтардың аумақтарындағы аумақтық органдары (бұдан әрі - көрсетілетін қызметті беруші)
2	Мемлекеттік көрсетілетін қызметті ұсыну тәсілдері	1) көрсетілетін қызметті берушінің қызмет көрсету орталығы арқылы; 2) "электрондық үкімет" веб-порталы арқылы.
3	Мемлекеттік қызметті көрсету мерзімдері	1) бақылау-касса машиналарын есепке қою - 3 (үш) жұмыс күні ішінде: 2) бақылау-касса машинасының тіркеу карточкасында көрсетілген мәліметтер өзгерген жағдайда - 1 (бір) жұмыс күні ішінде; 3) бақылау-касса машинасын есептен шығару - 1 (бір) жұмыс күні ішінде.
4	Мемлекеттік қызметті көрсету нысаны	Қағаз, электронды түрде
5	Мемлекеттік қызметті көрсету нәтижесі	1) Қазақстан Республикасы Қаржы министрінің 2018 жылғы 16 ақпандағы № 208 бекітілген бұйрыққа сәйкес нысан бойынша тіркеу карточкасын беру (Қазақстан Республикасының Нормативтік құқықтық актілерді мемлекеттік тіркеу тізілімінде № 16508 болып тіркелген); 2) осы мемлекеттік көрсетілетін қызмет стандартының 9-тармағында көрсетілген жағдайларда және негіздер бойынша мемлекеттік қызмет көрсетуден бас тарту туралы дәлелді жауап.
6	Мемлекеттік қызмет көрсету кезінде көрсетілетін қызметті алушыдан алынатын төлемақы мөлшері және Қазақстан Республикасының заңнамасында көзделген жағдайларда оны алу тәсілдері	Мемлекеттік қызмет тегін көрсетіледі
7	Жұмыс кестесі	1) көрсетілетін қызметті беруші - Қазақстан Республикасының 2015 жылғы 23 қарашадағы Еңбек кодексіне (бұдан әрі - Еңбек кодексі) сәйкес демалыс және мереке күндерінен басқа, дүйсенбіден бастап жұмаға дейін, сағат 13.00-ден 14.30-ға дейінгі түскі үзіліспен сағат 9.00-ден 18.30-ға дейін. Мемлекеттік көрсетілетін қызмет кезекпен, алдын ала жазылусыз және жеделдетілген қызмет көрсету тәртібінде көрсетіледі. 2) "электрондық үкімет" веб-порталы - жөндеу жұмыстарын жүргізуге байланысты техникалық үзілістерді қоспағанда, тәулік бойы (көрсетілетін қызметті алушы Еңбек кодексіне сәйкес жұмыс уақыты аяқталғаннан кейін, демалыс және мереке күндері жүгінген кезде өтініштерді қабылдау мен мемлекеттік қызмет көрсету нәтижелерін беру келесі жұмыс күні жүзеге асырылады).
8	Мемлекеттік қызметті көрсету үшін қажетті құжаттар тізбесі	1) аппараттық-бағдарламалық кешендерді қоспағанда, деректерді беру функциясы жоқ бақылау-касса машиналарды қою үшін: - Қазақстан Республикасы Қаржы министрінің 2018 жылғы 12 ақпандағы № 160 (Нормативтік құқықтық актілерді мемлекеттік тіркеу тізілімінде № 16425 болып тіркелген) бұйрығымен бекітілген 16-қосымшаға сәйкес нысан бойынша бақылау-касса машиналарын мемлекеттік кірістер органына есепке қою туралы салықтық өтініш; - фискалдық режимді орнатпай енгізілуі мүмкін көрсетілетін қызметті алушы туралы мәліметтерді қамтитын бақылау-касса машинасы; - нөмiрленген, тiгілген, салық төлеушінің қолымен және (немесе) мөрiмен куәландырылған қолма-қол ақшаны есепке алу кiтабын және (немесе) тауар чектерi кiтабын ұсынады. Көрсетілетін қызметті берушіге деректерді беру функциясы жоқ аппараттық-бағдарламалық кешен болып табылатын бақылау-касса машинасын есепке қою кезінде мынадай құжаттар ұсынылады: - Қазақстан Республикасы Қаржы министрінің 2018 жылғы 12 ақпандағы № 160 (Нормативтік құқықтық актілерді мемлекеттік тіркеу тізілімінде № 16425 болып тіркелген) бұйрығымен бекітілген 16-қосымшаға сәйкес нысан бойынша бақылау-касса машиналарын мемлекеттік кірістер органына есепке қою туралы салықтық өтініш; - аппараттық-бағдарламалық кешеннің функционалдық мүмкіндіктері мен сипаттамаларының қысқаша сипаттамасы; - аппараттық-бағдарламалық кешен моделін мемлекеттік кірістер органында есепке қою үшін мәлімделген "Салық инспекторының жұмыс орны" модулін пайдалану бойынша басшылық. Деректерді тіркеу және (немесе) беру функциясы бар бақылау-касса машиналарын қойған кезде көрсетілетін қызметті алушының құжаттарды ұсынуы талап етілмейді. 2) Аппараттық-бағдарламалық кешенді қоспағанда, деректерді беру функциясы жоқ бақылау-касса машинасын есептен шығару үшін оны пайдалану орны бойынша көрсетілетін қызметті берушіге: - Қазақстан Республикасы Қаржы министрінің 2018 жылғы 12 ақпандағы № 160 (Нормативтік құқықтық актілерді мемлекеттік тіркеу тізілімінде № 16425 болып тіркелген) бұйрығымен бекітілген 17-қосымшаға сәйкес нысан бойынша бақылау-касса машиналарын есептен шығару туралы салықтық өтініш; - көрсетілетін қызмет берушінің белгіленген пломбасымен фискалдық жады блогы бар бақылау-касса машинасы; - нөмірленген, тігілген, лауазымды тұлғаның қолымен және көрсетілетін қызметті берушінің мөрімен куәландырылған қолма-қол ақшаны есепке алу кітабы және тауар чектері кітабы; - бақылау-касса машинасының тіркеу карточкасы табыс етіледі. Аппараттық-бағдарламалық кешен болып табылатын деректерді беру функциясы жоқ бақылау-касса машинасын есептен шығару үшін көрсетілетін қызметті алушы көрсетілетін қызметті берушіге бақылау-касса машинасын есептен шығару туралы салықтық өтінішті ұсынады және "Салық инспекторының жұмыс орны" модуліне қолжетімділікті қамтамасыз етеді.
9	Қазақстан Республикасының заңдарымен белгіленген мемлекеттік қызметті көрсетуден бас тарту негіздемелері	Көрсетілетін қызметті алушының және (немесе) мемлекеттік қызмет көрсету үшін қажетті ұсынылған материалдардың, объектілердің, деректер мен мәліметтердің осы Қағидаларда белгіленген талаптарға сәйкес келмеуі.
10	Мемлекеттік қызметті көрсету, оның ішінде электрондық нысанда және Мемлекеттік корпорациясы арқылы көрсету ерекшеліктері ескеріле отырып қойылатын өзге де талаптар	Көрсетілетін қызметті алушының көрсетілетін қызметті берушінің ақпараттық жүйесінде мемлекеттік көрсетілетін қызметті алуға мүмкіндігі бар: 1) электрондық цифрлық қолтаңба (бұдан әрі - ЭЦҚ) болған жағдайда және SMS-хабарлау арқылы алынған бір реттік парольді пайдалану арқылы фискалдық деректер операторларының интернет-ресурсы арқылы; 2) ЭЦҚ болған жағдайда және SMS-хабарлау арқылы алынған бір реттік парольді пайдалану арқылы: фискалдық деректер операторларының интернет - ресурстарында "электрондық үкімет" веб-порталы арқылы. "Электрондық үкімет" веб-порталда іркіліс не техникалық ақаулар анықталған жағдайда мемлекеттік қызметтер көрсету мәселелері жөніндегі бірыңғай байланыс орталығына жүгіну қажет. Мемлекеттік қызметтер көрсету мәселелері жөніндегі бірыңғай байланыс орталығы: 8-800-080-7777 немесе 1414.

	Бақылау-касса машиналарын қолдану қағидаларына 2-қосымша
	Нысан

	Бақылау-касса машиналарын қолдану қағидаларына 3-қосымша
	Нысан

	Бақылау-касса машиналарын қолдану қағидаларына 4-қосымша
	Нысан

Бақылау-касса машинасы пломбасының бүтіндігін бұзуға рұқсат

20__ жылғы "___"__________ _______________

(жасалған орны)

________________________________________________________________________________

(мемлекеттік кірістер органның атауы)

________________________________________________________________________________

(салық төлеушінің тегі, аты, әкесінің аты (ол болған жағдайда) немесе атауы,

20___ жылғы "____" _____________________________________________________________

Жеке сәйкестендіру нөмірі/Бизнес-сәйкестендіру нөмірі)

бақылау-касса машинасын пайдалану кезінде туындайтын міндеттемелерді орындау туралы

салықтық өтінішке сәйкес, сондай-ақ

________________________________________________________________________________

(Техникалық қызмет көрсету орталығының атауы)

Техникалық қызмет көрсету орталығының

________________________________________________________________________________

________________________________________________________________________________

________________________________________________________________________________

_____________________________________ себебі бойынша техникалық ақаулығы туралы

20___ жылғы "_____" _________________ № _______ қорытындысының негізінде зауыттық

нөмірі ________________, тіркеу карточкасы №______________________, берілген күні

20___жылғы "___" ____________ _________________________ бақылау-касса машинасының

техникалық ақаулығын жою үшін № _______________________ пломбасының тұтастығын бұзуға рұқсат етуге шешім қабылдады.

Мемлекеттік кірістер органының пломбасын орнату үшін Сізге ақаулықты жойғаннан

кейін бақылау-касса машинасын мемлекеттік кірістер органына 20___ жылғы "____"

_________ кешіктірмейтін мерзімде беру қажет.

Пломба орнатуға жауапты

мемлекеттік кірістер органының

лауазымды тұлғасы _______ _________________________________________

(қолы) (тегі, аты, әкесінің аты (ол болған жағдайда))

мөртабан орны

Рұқсатты алдым ____________________________________________________________

(тегі, аты, әкесінің аты (ол болған жағдайда)) немесе салық төлеушінің атауы,

қолы, (жеке кәсіпкерлік субъектілеріне жататын заңды

тұлғаларды қоспағанда), күні)

	Қазақстан Республикасы Қаржы министрінің 2020 жылғы 1 маусымдағы № 554 Бұйрыққа 2-қосымша
	Қазақстан Республикасы Қаржы министрінің 2018 жылғы 16 ақпандағы № 208 бұйрығына 1-қосымша

Бақылау-касса машиналарының модельдерін бақылау-касса машиналарының мемлекеттік тізіліміне (тізілімнен) енгізу (алып тастау) қағидасы

1-тарау. Жалпы ережелер

1. Осы Бақылау-касса машиналарының модельдерін бақылау-касса машиналарының мемлекеттік тізіліміне (тізілімнен) енгізу (алып тастау) қағидасы (бұдан әрі - Қағидалар) "Салық және бюджетке төленетін басқа да міндетті төлемдер туралы" 2017 жылғы 25 желтоқсандағы Қазақстан Республикасының Кодексі (Салық кодексі) 170-бабының 2-тармағына және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының (бұдан әрі - Заң) 10-бабы 1) тармақшасына сәйкес әзірленді және бақылау-касса машиналарының модельдерін бақылау-касса машиналарының мемлекеттік тізіліміне (тізілімнен) енгізу (алып тастау) тәртібін айқындайды.

2. "Салық және бюджетке төленетін басқа да міндетті төлемдер туралы" 2017 жылғы 25 желтоқсандағы Қазақстан Республикасының Кодексі (Салық кодексі) 170-бабына сәйкес уәкілетті орган (бұдан әрі - көрсетілетін қызметті беруші) бақылау-касса машиналарының мемлекеттік тізілімін (бұдан әрі - мемлекеттік тізілім) бақылау-касса машиналарының модельдерін бақылау-касса машиналарының мемлекеттік тізіліміне (тізілімнен) енгізу (алып тастау) жолымен жүргізеді.

3. Бақылау-касса машинасының моделін мемлекеттік тізілімге енгізу туралы мәселелерді қарау осы Қағидаларға 1-қосымшаға сәйкес мүдделі тұлғаның (бұдан әрі - көрсетілетін қызметті алушы) бақылау-касса машинасының моделін мемлекеттік тізілімге енгізу туралы салықтық өтініші (бұдан әрі - Салықтық өтініш) негізінде жүзеге асырылады.

4. Мемлекеттік тізілімге деректерді тіркеу және (немесе) беру функциясы бар бақылау-касса машиналары енгізілуге жатады.

5. Заңның 5-бабы 2-тармағының 11) тармақшасына сәйкес көрсетілетін қызметті берушілер деректерді ақпараттандыру саласындағы уәкілетті орган белгілеген тәртіппен мемлекеттік қызметті көрсету сатысы туралы мемлекеттік қызметті көрсету мониторингінің ақпараттық жүйесіне енгізуді қамтамасыз етеді.

6. Мемлекеттік қызмет көрсету ерекшеліктері ескеріле отырып, қызмет көрсету процесінің сипаттамаларын, нысанын, мазмұны мен нәтижесін, сондай-ақ өзге де мәліметтерді қамтитын мемлекеттік қызметті көрсетуге қойылатын негізгі талаптар тізбесі осы Қағидаларға 2-қосымшаға сәйкес мемлекеттік қызмет көрсету стандартының нысанында жазылған.

2-тарау. "Бақылау-касса машиналарының мемлекеттік тізіліміне бақылау-касса машиналарының жаңа модельдерін енгізу" мемлекеттік қызмет көрсету тәртібі

1-параграф. Бақылау-касса машинасының моделін мемлекеттік тізілімге енгізу

7. Көрсетілетін қызметті алушы көрсетілетін қызметті берушіге бақылау-касса машинасы моделінің эталондық үлгісін ұсына және бақылау-касса машинасы моделінің техникалық, функционалдық және пайдалану сипаттамаларын сипаттайтын мынадай материалдарды қоса бере отырып, осы Қағидаларға 1-қосымшаға сәйкес нысан бойынша қағаз тасымалдағыштағы салықтық өтінішті ұсынады:

1) дайындаушы зауыттың паспорты;

2) дайындаушы зауыттың техникалық құжаттамасы;

3) қағаз және электронды тасымалдағыштарда бақылау-касса машинасын пайдалану жөнiндегi нұсқаулық;

4) фискалды режим орнату, бақылау-касса машинасын қайта тіркеу, фискалдық есептерді, кассаның ағымдағы жай-күйі туралы есепті (Х-есеп) алу, сондай-ақ бақылау чегінде басып шығару үшін Салық кодексінің 166-бабында көзделген ақпаратты енгізу кезіндегі көрсетілетін қызметті беруші лауазымды адамының іс-қимылын егжей-тегжейлі сипаттап көрсететін қағаз және электронды тасымалдағыштағы көрсетілетін қызметті берушінің лауазымды адамына арналған нұсқаулық;

5) дайындаушы зауыттың бақылау-касса машинасы моделіне техникалық қолдау көрсету бойынша кепілдік міндеттемесі;

6) дайындаушы зауыттың құжаттамасында көрсетілген бақылау-касса машинасы моделінің техникалық сипаттамасының осы Қағидаларға 3-қосымшаға сәйкес уәкілетті орган белгілеген нысан бойынша негізгі техникалық талаптарға сәйкестігі туралы мәліметтер;

7) бақылау-касса машинасы моделінің сәйкестік сертификатының нотариат куәландырған көшірмесі.

Егер бақылау-касса машинасының моделі фискалдық тіркеуші болып табылса, салықтық өтінішке қосымша фискалдық тіркеушіні дербес компьютерге қосу үшін электронды тасымалдағыштағы бағдарламалық қамтамасыз ету қоса беріледі.

Қызметті беруші кіріс хат-хабардың нөмірін, осы Қағидаларға 1-қосымшаға сәйкес нысан бойынша қағаз жеткізгіштегі салықтық өтінішті бере отырып, бақылау-касса машинасы моделінің эталондық үлгісін ұсына отырып және осы Қағидалардың 7-тармағында көрсетілген материалдарды қоса бере отырып, тіркеуді жүзеге асырады.

8. Бақылау-касса машинасының моделін мемлекеттік тізілімге енгізу бір мезгілде мынадай шарттар:

1) көрсетілетін қызметті алушының Салықтық өтінішінің және осы Қағидалардың 7-тармағында көрсетілген материалдардың болуы;

2) бақылау-касса машинасы моделінің осы Қағидаларға 3-қосымшаға сәйкес техникалық талаптарға сәйкестігі сақталған кезде жүзеге асырылады.

9. Қызметті беруші қызметті алушы ұсынған салықтық өтініш пен материалдарды тексереді.

Қызметті беруші бақылау-касса машинасы моделінің осы Қағидалардың 3 - қосымшасына сәйкес нысан бойынша техникалық талаптарға сәйкестігіне сынауды (тестілеуді) мемлекеттік тізілімге бақылау-касса машинасының моделін енгізуге бастамашылық жасаған қызметті алушы өкілдерінің қатысуымен жүргізеді.

Бақылау-касса машинасы моделінің техникалық талаптарға сәйкестігін анықтау үшін көрсетілетін қызметті беруші өзге де мемлекеттік органдардан, басқа да тұлғалардан (бақылау-касса машинасы моделінің мемлекеттік тізілімге енгізілуіне бастамашы болған көрсетілетін қызметті алушы - тұлғаларды және олармен байланысты тұлғаларды қоспағанда) сарапшылар тартуға құқылы.

10. Бақылау-касса машинасы моделін мемлекеттік тізілімге енгізу (енгізуден бас тарту) туралы шешімді көрсетілетін қызметті беруші көрсетілетін қызметті алушының Салықтық өтінішін қабылдаған күннен бастап 10 (он) жұмыс күні ішінде қабылдайды.

Бақылау-касса машиналарының мемлекеттік тізілімі көрсетілетін қызметті берушінің сайтында орналастырылады.

Бақылау-касса машинасы моделін мемлекеттік тізілімге енгізуден бас тартқан жағдайда көрсетілетін қызметті беруші бас тарту себептерін көрсете отырып, көрсетілетін қызметті алушыны жазбаша түрде хабардар етеді.

Қызметті берушінің мемлекеттік қызметті көрсетуден бас тарту үшін қызметті алушының осы Қағидалардың 8-тармағында көрсетілген шарттардың бірін сақтамауы негіз болып табылады.

Мемлекеттік қызметті көрсету нәтижесі хаттама түрінде ресімделген Бақылау-касса машинасының моделін Мемлекеттік тізілімге енгізу (енгізуден бас тарту) туралы шешім болып табылады.

2-параграф. Бақылау-касса машинасының моделін мемлекеттік тізілімнен алып тастау

11. Бақылау-касса машинасының моделін мемлекеттік тізілімнен алып тастауды мемлекеттік тізілімге енгізу кезінде көрсетілетін қызметті берушіге берілген құжаттамада көрсетілген бақылау-касса машинасының моделі сипаттамалары техникалық талаптарға сәйкес келмеген жағдайда көрсетілетін қызметті беруші жүргізеді.

12. Көрсетілетін қызметті беруші бақылау-касса машинасының моделін мемлекеттік тізілімнен алып тастау туралы шешім қабылданғаны туралы бақылау-касса машинасының осы моделін қолданатын көрсетілетін қызметті алушыға мемлекеттік тізілімнен алып тастағанға дейінгі алты айлық кезеңнен кешіктірмей хабарлайды.

4-тарау. Көрсетілетін қызметті берушілердің және (немесе) олардың лауазымды адамдарының мемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағымдану тәртібі

13. Көрсетілетін қызметті алушы мемлекеттік қызметтерді көрсету нәтижелерімен келіспеген жағдайда көрсетілетін қызметті берушінің мемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағым Қазақстан Республикасының заңнамасына сәйкес:

көрсетілетін қызметті беруші басшысының атына;

салықтардың және төлемдердің бюджетке түсуін қамтамасыз ету саласында басшылықты жүзеге асыратын уәкілетті органның басшысының атына;

мемлекеттік қызметтерді көрсету сапасын бағалау және бақылау жөніндегі уәкілетті органға беріледі.

14. Мемлекеттік қызметтерді тікелей көрсететін қызметті берушінің атына келіп түскен қызметті алушының шағымы Заңның 25-бабының 4-тармағына сәйкес оны тіркелген күнінен бастап 10 (он) жұмыс күні ішінде қаралуға жатады.

Мемлекеттік қызметтерді көрсету сапасын бағалау және бақылау жөніндегі уәкілетті органға келіп түскен көрсетілетін қызметті алушының шағымы оның тіркелген күнінен бастап 15 (он бес) жұмыс күні ішінде қаралуға жатады.

15. Мемлекеттік қызметтерді көрсету нәтижелерімен келіспеген жағдайда, көрсетілетін қызметті алушы "Қазақстан Республикасының Азаматтық процестік кодексі" 2015 жылғы 31 қазандағы Қазақстан Республикасы Кодексінің талаптарына сәйкес сотқа жүгінуге құқылы.

	Бақылау-касса машиналарының модельдерін бақылау-касса машиналарының мемлекеттік тізіліміне (тізілімнен) енгізу (алып тастау) Қағидасына 1-қосымша
	Нысан

Бақылау-касса машиналарының модельдерін бақылау-касса машиналарының мемлекеттік тізіліміне (тізілімнен) енгізу (алып тастау) Қағидасына 2-қосымша

"Бақылау-касса машиналарының мемлекеттік тізіліміне бақылау-касса машиналарының жаңа модельдерін енгізу" мемлекеттік көрсетілетін қызмет стандарты"

1	Көрсетілетін қызметті берушінің атауы	Қазақстан Республикасы Қаржы министрлігінің Мемлекеттік кірістер комитеті (бұдан әрі - көрсетілетін қызметті беруші)
2	Мемлекеттік көрсетілетін қызметті ұсыну тәсілдері	көрсетілетін қызметті берушінің кеңсесі арқылы
3	Мемлекеттік қызмет көрсетудің мерзімдері	10 (он) жұмыс күні ішінде көрсетіледі
4	Мемлекеттік қызметті көрсету нысаны	Қағаз түрінде
5	Мемлекеттік қызметті көрсету нәтижесі	Бақылау-касса машинасының моделін мемлекеттік тізілімге енгізу (енгізуден бас тарту) туралы шешім
6	Мемлекеттік қызметті көрсету үшін көрсетілетін қызметті алушыдан өндіріп алынатын төлемақы мөлшері, және Қазақстан Республикасының заңнамасында көзделген жағдайларда, оны өндіріп алу тәсілдері	Мемлекеттік қызмет тегін көрсетіледі
7	Көрсетілетін қызмет берушінің жұмыс кестесі	Қазақстан Республикасының 2015 жылғы 23 қарашадағы Еңбек кодексіне сәйкес демалыс және мереке күндерінен басқа, дүйсенбіден бастап жұмаға дейін, 13.00-ден 14.30-ға дейінгі түскі үзіліспен сағат 9.00-ден 18.30-ға дейін. Мемлекеттік көрсетілетін қызмет кезекпен, алдын ала жазылусыз және жеделдетілген қызмет көрсету тәртібінде көрсетіледі.
8	Мемлекеттік қызметті көрсету үшін қажетті құжаттар тізбесі	1) осы Қағидаларға 1-қосымшаға сәйкес нысан бойынша бақылау-касса машинасын мемлекеттік тізілімге енгізу туралы салықтық өтініш; 2) бақылау-касса машинасы моделінің эталондық үлгісі; 3) дайындаушы зауыттың паспорты; 4) дайындаушы зауыттың техникалық құжаттамасы; 5) қағаз және электрондық тасымалдағыштағы бақылау-касса машинасын пайдалану жөніндегі нұсқаулық; 6) фискалды режим орнату, бақылау-касса машинасын қайта тіркеу, фискалдық есептерді, кассаның ағымдағы жай-күйі туралы есепті (Х-есеп) алу, сондай-ақ бақылау чегінде басып шығару үшін Салық кодексінің 166-бабында көзделген ақпаратты енгізу кезіндегі көрсетілетін қызметті беруші лауазымды адамының іс-қимылын егжей-тегжейлі сипаттап көрсететін қағаз және электронды тасымалдағыштағы көрсетілетін қызметті берушінің лауазымды адамына арналған нұсқаулық; 7) бақылау-касса машинасы моделінің техникалық қолдауы бойынша дайындаушы-зауыттың кепілдік міндеттемесі; 8) дайындаушы зауыттың құжаттамасында көрсетілген бақылау-касса машинасы моделінің техникалық сипаттамасының осы Қағидаларға қосымшаға сәйкес уәкілетті орган белгілеген нысан бойынша негізгі техникалық талаптарға сәйкестігі туралы мәліметтер; 9) бақылау-касса машинасы моделінің сәйкестік сертификатының нотариат куәландырған көшірмесі. Егер бақылау-касса машинасының моделі фискалдық тіркеуші болып табылса, салықтық өтінішке қосымша фискалдық тіркеушіні дербес компьютерге қосу үшін электронды тасымалдағыштағы бағдарламалық қамтамасыз ету қоса беріледі.
9	Қазақстан Республикасының заңдарымен белгіленген мемлекеттік қызметті көрсетуден бас тарту негіздемелері	Осы Қағидалардың 8-тармағында көрсетілген шарттардың бірі сақталмаған жағдайларда: 1) көрсетілетін қызметті алушының бақылау-касса машинасын мемлекеттік тізілімге енгізу туралы Салықтық өтінішінің және осы Қағидалардың 7-тармағында көрсетілген материалдардың болуы; 2) бақылау-касса машинасы моделінің осы Қағидаларға 3-қосымшаға сәйкес техникалық талаптарға сәйкес келуі.
10	Мемлекеттік қызметті көрсету, оның ішінде электрондық нысанда және Мемлекеттік корпорациясы арқылы көрсету ерекшеліктері ескеріле отырып қойылатын өзге де талаптар	Көрсетілетін қызметті алушының мемлекеттік қызметті көрсету мәртебесі туралы ақпаратты Бірыңғай байланыс орталығы арқылы қашықтықтан қолжетімділік режимінде алу мүмкіндігі бар. Бірыңғай байланыс орталығының байланыс телефондары: 8-800-080-7777, 1414. Мемлекеттік қызметті көрсету орнының мекенжайы көрсетілетін қызметті берушінің интернет-ресурстарында орналастырылған.

Бақылау-касса машиналарының модельдерін бақылау-касса машиналарының мемлекеттік тізіліміне (тізілімнен) енгізу (алып тастау) Қағидасына 3-қосымша

Ақшалай есеп айырысу туралы мәліметтерді мемлекеттік кірістер органдарына беруді қамтамасыз етпейтін техникалық талаптар және бақылау-кассалық машиналардың техникалық талаптарға сәйкестілік нысаны _____________________________________________________ (бақылау-кассалық машиналар үлгілерінің атауы)

№ р/с	Компьютерлік жүйе болып табылмайтын бақылау-кассалық машинаға (бұдан әрі - БКМ) техникалық талаптар	БКМ үлгісінің техникалық мінездемелері негізгі техникалық талаптарға сәйкестілігі жөніндегі мәліметтер	Ескерту
	Жалпы талаптар	Осы графаны толтыруға зауыт-жасап шығарушы сөзсіз құжаттамадағы бетін нұсқаумен құжаттаманың мәліметтері қолданылады.
1	БКМ жеткізу жиынтығына кіретін бағдарламалық паролі мен (кемінде төрт дәреже) немесе нөмірлік кілттер (кемінде 99 нұсқа) (кілттердің саны нақты моделімен анықталады).
2	сатып алуды (сатуды) тіркеу кезінде біртұтас жұмыс айналымында бақылау және чек таспаларын ресімдеуді қамтамасыз ету (электрондық журналды).
3	фискалдық жады бар болуы.
4	таспаның жоқтығы, кассирдің операцияны дұрыс орындамау жағдайында, апатты жағдайлардың пайда болуы немесе қайтару (өткізілген операцияларды жою) кезінде, фискалдық немесе жедел жады жарамсыздығы, сөнуі, сондай-ақ БКМ-нің фискалдық режимінде жұмыс істеуі кезінде фискалдық немесе жедел жадына рұқсатсыз қол жеткізу кезінде БКМ оқшаулауды қамтамасыз ету.
5	фискалдық жады аса толып кетуі кезінде сауда операцияларын ресімдеудің және бақылау чегін берудің алдын алу.
6	төрт белгіден кем емес басты Z-есеп беруінің разрядтылығының болуы.
7	1 айдан кем емеске (720 сағат) желілік қоректендіруді үзіп тастау кезінде БКМ-ның жедел еске сақтау құрылысына БКМ ақпаратты сақтауды қамтамасыз ету.
8	жұмыстың негізгі режимдерінің бағдарламалауын қамтамасыз ету.
9	автоматты тестілеу болуы.
10	оны бақылаусыз алып тастауды болдырмайтын қаптамамен жабдықталуы және өндіруші-зауытпен немесе техникалық БКМ-нің қызмет көрсетуін өткізетін тұлғамен пломбаның салынуы.
11	басуға және индикациялауға шығарылатын ақпарат, клавиатурадағы белгілеулер және ақпаратты тіркеу мемлекеттік немесе орыс тілдерінде болуы тиіс.
	БКМ-ді таңбалауға талаптар
12	БКМ-ның мынадай ақпараттан тұратын таңбалауы болуы тиіс:
	1) моделінің атауы
	2) зауыт нөмірі
	3) шығару күні
	4) шығарушының фирмалық таңбасы. Бұл ретте БКМ моделінің атында, сондай-ақ БКМ-нің осы моделіне арналған пайдалану құжаттамасында көрсетілетін, Қазақстан Республикасының тұтынушыларына арналған "KZ" айырмашылық таңбасы болуы тиіс.
13	БКМ-нің қызмет ету мерзімі ішінде таңбаны салу әдісі оның сақталуын қамтамасыз етуі тиіс.
	БКМ қалыптастыратын чектерге және өзге құжаттарға талаптар
14	БКМ мынадай құжаттарды қалыптастыруды қамтамасыз етуі тиіс:
	1) БКМ-нің чегі
	2) фискальдық есеп (қысқаша және толық);
	3) кассирлер бойынша есеп
	4) секциялар бойынша есеп
	5) ауысымғы (тәуіліктік) есеп.
15	БКМ мынадай бақылау чектерінде мөрді қамтамасыз етеді:
	1) салық төлеушінің атауы
	2) бизнес-сәйкестендіру нөмірі/ жеке сәйкестендіру нөмірі
	3) БКМ-нің зауыт нөмірі
	4) тіркеу нөмірі
	5) чектің реттік нөмірі
	6) тауар, жұмыс, қызметтің атауы
	7) тауарларды сатып алудың, жұмысты орындаудың, қызмет көрсетудің күні мен уақыты
	8) тауардың, жұмыстың, қызметтің бағасы
	9) сатып алудың сомасы
	10) фискалдық белгі
	11) Валюта айырбастау, металдар сынығын, шыны ыдысты қабылдау, ломбардтарға қолданылатын БКМ бақылау чегінде сату, сондай-ақ сатып алулар сомасы туралы ақпаратты басып шығаруды қамтамасыз етуі қажет.
	12) БКМ-нің 2009 жылдың 1 қаңтарынан кейін қосылған мемлекеттік тізілімге БКМ моделдері, осы тармақта көрcетілген деректемелерді бақылау чегінде басып шығаруды, соның ішінде қазақ тілінде қазақ тілінің ерекше әріптерінің қолдануымен қамтамасыз етеді.
16	Фискалды жады (бұдан әрі - ФЖ) есеп беру үлгісі және оны алу үшін іс-әрекеттердің дәйектілігі БКМ нақты модельіне пайдалану құжаттамасында көрсетілуі тиіс.
17	ФЖ есебін алу мыналардан тұрады:
	1) ФЖ-ға енудің қолданыстағы (бұрын белгіленген) паролін енгізу;
	2) бастапқы күнді енгізу (немесе ол үшін ФЖ есебі алынатын кезең ауысымын жабудың бастыпқы нөмірі);
	3) ол үшін ФЖ есебі алынатын кезеңнің соңғы күнін енгізуі (немесе ауысымды жабудың соңғы нөмірі);
	4) ФЖ есеп беруі түрінің белгісін енгізу (толық немесе қысқартылған).
18	Жалпы жағдайда ФЖ-да нақты тіркелгеннен әдейі үлкен кезең берілуі мүмкін.
19	ФЖ есеп беруі мынадай деректемелерден тұрады:
	1) қолданушының атауы
	2) фискалдық белгі
	3) құжаттың өтпелі реттік нөмірі;
	4) есеп беруді алу күні
	5) есепті алу уақыты
	6) ол үшін есеп беру қалыптастырылатын кезең
	7) зауыт нөмірі
	8) фискальдау (парольді қоспағанда) деректемелері
	9) өткізілген қайта тексерудің (парольді қоспағанда) деректемелері
	10) ауысымды жабудың нақты қорытындысы мен нөмірін тіркеу күнін көрсете отырып кезең үшін ауысымғы сатып алулардың (сатудың) барлық қорытындысы
	11) кезең үшін сатып алулардың (сатулардың) жиынтық қорытындысы.
20	Фискальдық жадта тіркелетін ақпаратқа талаптар осы Талаптарға қосымша 1-кестесінде толтырылады
	Жұмыс режиміне және фискальдық жадты толтыру тәртібіне талаптар.
21	БКМ фискальдық емес және фискальдық режимдердегі жұмысты қамтамасыз етуі тиіс.
22	БКМ фискальдау ФЖ-ға ену паролін енгізгеннен кейін жүргізіледі. ФЖ-ға ену енудің алғашқы паролі және фискальдау мен қайта тіркеуді өткізу тәртібі БКМ-нің нақты модельіне пайдалану құжаттамасында көрсетілуі тиіс.
23	Фискальдық режим пайдалану құжаттамасына сәйкес толық БКМ жұмысын қамтамасыз етуі тиіс.
24	Фискальдық режимдегі БКМ ресімдеген барлық құжаттарда бақылау чегін қалыптастыруды аяқтау бойынша ғана баспаға шығарылатын айрықша фискалдық белгі болуы тиіс.
25	БКМ мынадай деректерді енгізуді қамтамасыз етуі тиіс:
	1) БКМ зауыт нөмірі (егер БКМ-нің зауыт нөмірі дайындаушы зауыттағы ФЖ-ға енгізілсе, онда фискальдау кезінде ол енгізілмейді)
	2) бизнес-сәйкестендіру нөмірі/жеке сәйкестендіру нөмірі
	3) фискализацияны өткізу күні
	4) фискалдық жадқа енудің жаңа паролі
	5) БКМ-нің тіркеу нөмірі.
26	БКМ төменде келтірілген аббревиатураларға сәйкес ақшалай есеп айырысу туралы мәліметтерді мемлекеттік кірістер органдарына беруді қамтамасыз етпейтін техникалық талаптар және бақылау-кассалық машиналардың техникалық талаптарға сәйкестілік нысанының (бұдан әрі - Талаптар) 25-тармағында көрcетілген деректерді енгізуді қамтамасыз етеді:
	1) МЗН - БКМ зауыт нөмірі
	2) БСН - бизнес-сәйкестендіру нөмірі/ЖСН - жеке сәйкестендіру нөмірі
	3) МТН - салық органындағы БКМ тіркеу нөмірі
	4) ФЖ - БКМ фискалдық белгісі.
27	БКМ қайта тіркеу процесінде мынадай деректерді енгізуді қамтамасыз етуі тиіс:
	1) ФЖ-ға енудің бұрын белгіленген паролі;
	2) БКМ-нің тіркеу нөмірі
	3) бизнес-сәйкестендіру нөмірі/жеке сәйкестендіру нөмірі
	4) қайта тіркеуді өткізудің күні
	5) фискалдық жадқа енудің жаңа паролі.
28	Фискальдау немесе қайта тіркеу кезінде барлық енгізілетін деректемелер (Фискалдық жадыға ену паролінен басқа) чекте немесе астына салынатын (салынатын) құжатта басуда шығуы тиіс.
29	Ауысымдық есеп берудің деректері ауысымды жабудың операцияларын өткізу кезінде (Өтеумен ауысымдық есеп беруді БКМ қалыптастыруы кезінде) фискалдық жадыда тіркелуі тиіс. Бұл ретте жедел есте сақтау құрылысы ауысымдық ақша тіркеушілерін нөлдеу фискалдық жадыға деректерді тіркеуді аяқтаудан және ауысымдық есеп беруді басудан кейін ғана болуы тиіс.
30	Фискалдық жады есеп беруін есептен шығару, қайта тіркеуді өткізу операциялары және күндерді түзету ауысымды жабу операцияларын аяқтау бойынша ғана БКМ-да жүргізілуі мүмкін. Осы сәтке дейін жоғарыда көрсетілген операцияларды жүргізу жабылуы тиіс.
31	БКМ ауысымның ұзақтығын бақылауы тиіс. Ауысымның ұзақтығын есеп берудің басталу сәті деп ауысым үшін бірінші төлем құжатын ресімдеуді аяқтау саналады. БКМ ауысымның көрсетілген ұзақтығынан асуы жағдайында өтеумен ауысымдық есеп беруді жүргізуге дейін төлем құжаттарын ресімдеу мүмкіндігін жабуы тиіс.
32	Ағымдағы күнді түзету кезінде БКМ енгізілетін күннің дұрыстылығын бақылауы тиіс, ол фискальдау немесе қайта тіркеу операцияларын жүргізудің күнін қоса ФЖ-ға соңғы жазбаның күніне қарағанда ертерек болуы мүмкін емес. Ертерек күнді енгізуге тырысу кезінде БКМ дұрыс күнді енгізуге дейін барлық операцияларды жүргізуді жабуы тиіс. Үлкен жағына бір күннен астамыраққа енгізу кезінде БКМ-да енгізудің кездейсоқ қатесін болдырмау жөніндегі арнайы іс-шаралар қабылдануы тиіс, мысалы, күнді қайта сұрату және оны екі реттік сәйкес келуден кейін ғана орнату.
33	БКМ фискалдық жадыға есеп беруді алуды және фискалдау немесе қайта тіркеу процесінде фискалдық жадыда енгізілетін және тіркелетін фискалдық жадыға ену паролі бойынша ғана қайта тіркеуден өткізуді қамтамасыз етуге жатады.
34	Фискалдық жады блогында тіркелген ақпарат, БКМ-нің фискалдық режимге аударылған мезгілден бастап кемінде 8 жылы сақталуы тиіс.
	БКМ операцияларды бұғаттау шарттарына талаптары
35	БКМ мынадай жағдайларда операцияларды орындауға бұғаттауы (тоқтатуы) тиіс:
	1) фискалдық жадыға дұрыс емес ену паролін енгізу кезінде;
	2) сауда операцияларын өткізу, БКМ параметрлерін бағдарламалау, тиісті Z-есеп берулерін өткізбеу жағдайында күнді түзету және фискальдық есеп беруді есептен шығару, қайта тіркеуге тырысу кезінде;
	3) толып кетуге немесе теріс нәтижеге алып келетін операцияларды өткізу кезінде, сондай-ақ, фискалдық жадының ақаулығы немесе үзіп тастауы кезінде. БКМ-ның тіркеуші функцияларын бұғаттау бұғаттауды тудыратын себептерді жоюдан кейін алынуы тиіс.
36	БКМ ауысымдық есеп берулерді жазу үшін ФЖ-ға бос өрістердің саны туралы хабарламаны шығаруды қамтамасыз етуі қажет. 30 шығарулардан кем емес еркін сандар кезінде хабарлау қатаң міндетті және ауысымның жабылуы немесе басталуы операциялары кезінде БКМ ресімдейтін құжатта автоматты түрде жүзеге асырылуы тиіс.
	БКМ конструкивті орындауға талаптар
37	Фискалдық жады БКМ пломбаланған жалпы қаптаманың астында, ал БКМ-ның блоктық конструкциясы жағдайында фискальдық деректері, фискалдық жады басқару процессоры және төлем құжаттарының басу құрылғысы қалыптасатын энергияға тәуелсіз жедел сақтайтын құрылғыны жабатын, пломбаланған қаптаманың астында орналастырылуы мүмкін.
38	Фискалдық жады немесе фискалдық жады блогы жеке модуль (төлем) түрінде орындалуы тиіс. Бұл модульдың конструкциясы фискалдық жадыны (фискалдық жады блогын) ауыстыру және ақпаратты фискалдық жадыда сақтауға енудің мүмкін еместігін қамтамасыз етуі тиіс.
39	Фискальдық жадтың конструкциясы (фискалдық жады блогы) БКМ-мен жұмыс кезінде, және штаттық аспаптарды, жабдықты және шығыс материалдарын қолданумен техникалық қызмет көрсету мен жөндеу кезінде де механикалық, электромагниттік және басқа да әсер етулерден қорғауды көздеуі тиіс.
	БКМ-на қосымша талаптар
40	БКМ-да фискальдық деректерді сақтауды тексерудің режимі көзделуі тиіс. Режимді өткізу тәртібі БКМ-нің нақты моделіне пайдалану құжаттамасында көрсетілуі тиіс.
41	БКМ-ын жасап шығарушы техникалық қызмет көрсетуді жүзеге асыратын тұлғаның апатты жағдайлардағы басқа техникалық құралдарға ФЖ мазмұнын мемлекеттік кірістер органдарының қызметкері оқу мүмкіндігін БКМ авариясы кезінде қарастыруы тиіс. Осы жағдай үшін ФЖ мазмұнын оқу тәртібі. Касса машинасының нақты моделіне жөндеу құжаттамасында көрсетілуі тиіс.
	БКМ үшін бағдарламалық қамтамасыз етуге талаптар
42	БКМ-нің нақты тобы үшін техникалық талаптарға сәйкес функцияларды толық іске асырумен бірге БКМ пломбалауын бұзбастан мыналардың мүмкіндігін болдырмауы тиіс:
	1) тұтынушының фискалдық жадыға ақпаратты тіркеуді және оқуды басқаратын сол өз бөлігіндегі өзгертуі
	2) энергияға тәуелсіз есте сақтайтын құрылғыда фискальдық деректерді қалаптастыру
	3) фискальдық режимнің айыру белгісін құжаттарға шығару
	Ескерту: *) Деректемелер толық фискальдық есеп беруді алу кезінде ғана шығарылады. **) Егер, ол үшін фискальдық есеп беру алынатын кезеңде ондық нүктенің ережесі өзгерсе, қорытынды қайта есептелуі тиіс және әрбір кезең бойынша жинақталады (ондық нүктенің ережелері өзгергенге дейін және кейін).
	Техникалық талаптар БКМ-ге, болатын компьютерлік жүйелермен	Пайдалану жөніндегі басшылықта тиісті техникалық мінездемелердің болуы жөніндегі мәліметтер	Ескертулер
43	БКМ-да "салық инспекторының жұмыс орны" модулі іске асырылуы тиіс
44	"салық инспекторының жұмыс орны" модулі оның қолдану бойынша нұсқаулықтың бар болуын (қалыптасуын) алдын ала қарастыруы қажет
45	"салық инспекторының жұмыс орны" модулі ақшалай есеп-айырысумен байланысты, БКМ-нің барлық операцияларының түзетілмейтін энергияға тәуелсіз сақтауды қамтамасыз етуі тиіс
46	"салық инспекторының жұмыс орны" модулі мына есептердің қалыптасуын, Excel қалпына және басып шығаруға қамтамасыз етуі тиіс:
	1) X есеп - (аралық есеп) - ауысымның басы және есепті алу сәтіндегі кассаның қалдығы, күніне қызметтік кіріс және шығысы (инкассация), түсулердің және ақшалай қаржыларды сомалары туралы міндетті мәліметтер бар болуы тиіс, есепті алу кезіндегі кассаның жағдайы туралы есеп. Есеп кассалар, кассирлар, есептік-кассалық бөлімдердің кесімінде қалыптасуы тиіс.
	2) Кезең үшін фискалдық есеп - белгілі мерзім ішінде жасалған операциялар бойынша ақша қаражаттар сомалары туралы есеп
	3) қосымша есептер - операциялар, кассалар (кассирлар), валюталар бойынша есептер
	4) есептер журналы - алдыңғы алынған фискалдық есептер бойынша есеп
47	"салық инспекторының жұмыс орны" модуліне бастапқы кіру кезінде мемлекеттік кірістер органы маманның логин және паролін енгізумен және БКМ фискалдық деректеріне қол жеткізу үшін крипто-кілттің қалыптастыруы болуы тиіс. "салық инспекторының жұмыс орны" модуліне кейінгі кіру тек қана қалыптасқан крипто-кілттің және мемлекеттік кірістер органы маманның енгізілген логин және паролі көмегімен қамтамасыз етілуі тиіс - кілт.
48	фискалдық деректеріне қол жеткізу үшін крипто-кілттің қалыптастыруы кезінде БКМ қолданылатын, алгоритмдер, Қазақстан Республикасының "Ақпараттандыру туралы" заңына сәйкес сертификатталған болуы тиіс.
49	БКМ бақылау чегі (компьютерлік жүйелер болып табылатын, банктер мен банктік операциялардың жеке түрлерін орындайтын ұйымдармен қолданылатын БКМ қоспағанда) бақылау чегіндегі мөрді қамтамасыз етеді:
	1) салық төлеушінің атауы
	2) бизнес-сәйкестендіру нөмірі/жеке сәйкестендіру нөмірі
	3) БКМ-нің зауыт нөмірі
	4) тіркеу нөмірі
	5) чектің реттік нөмір
	6) операция, тауар, жұмыс, қызметтің атауы
	7) тауарларды сатып алудың, операцияны іске асырудың, қызметтерді көрсетудің күні және уақыты
	8) операция, тауар, қызметтің, жұмыс сомасы
	9) тауар, жұмыс, қызметтің жалпы құны
	10) осы тармақта көрcетілген деректемелер, соның ішінде қазақ тілінде қазақ тілінің ерекше әріптерінің қолдануымен қамтамасыз етуі тиіс
50	Компьютерлік жүйелер болып тпбылатын, банктер мен банктік операциялардың жеке түрлерін орындайтын ұйымдармен қолданылатын БКМ бақылау чектері Қазақстан Республикасының Қаржы министрлігімен келісіп "Банктер және банк операцияларының жекелеген түрлерін жүзеге асыратын ұйымдар қолданатын аппараттық-бағдарламалық кешендерінің бақылау чегінің нысанын және мазмұнын белгілеу туралы" Қазақстан Республикасы Ұлттық Банкі Басқармасының Қаулысымен орнатылған нысандар мен мазмұнына сәйкес болады.

1-кесте

Фискалдық жадта тіркелетін ақпаратқа талаптар

Жазба түрі	Деректемесі	Ондық разряд деректемелерінің разрядтылығы		Жазба саны
		Талаптың орнатылуы	Жасап шығарушы зауыт құжаттамасында көрсетілген мәліметтер	Орнатылған талаптар	Жасап шығарушы зауыт құжаттамасында көрсетілген мәліметтер
Нөмір	бақылау-касса машинасының (бұдан әрі - БКМ) зауыт нөмірі	12		1
БКМ фискализациясы	БКМ тіркеу нөмірі	8		1
	БКМ үшін қолданушы бизнес-сәйкестендіру нөмірі/ жеке сәйкестендіру нөмірі (бұдан әрі - БСН/ЖСН)	12
	Фискализация күні	6
	Жаңадан тіркеуін жүргізу және фискалдық есепті алу үшін пароль	8
БКМ жаңадан тіркеу	БКМ тіркеу нөмірі	8		1
	БКМ үшін қолданушы БСН/ЖСН-і	12
	Жаңадан тіркеу күні	6
	Ауысымды жабудың соңғы нөмірі	4
	Жаңадан тіркеуін жүргізу және фискалдық есепті алу үшін пароль	8
Ауысымды жабу	Есеп күні	6		3000
	Ауысымды жабу нөмірі	4
	Ауысымдық сатып алулар қорытындысы	7
	*Ауысымдық сатудың қорытындысы	7
Қызметтік ақпарат (міндетті)	Жазбалардың бақылау сомалары	Жасап-шығарушы мен анықталады
	ФЖ-де тіркелетін қорытынды мәндеріндегі үтірдің орналасу орны Қызметтік индекстер, белгілер, тулар

Ескерту: *Деректемелер валюта айырбастау, металлдардың сынығын, шыны ыдысты қабылдау пунктері, ломбардтар үшін Касса машиналарына жатады.

Көрсетілген деректерді физикалық сақтау фискалдық жады блогында жүзеге асырылады.

Ақшалай есеп айырысу туралы мәліметтерді мемлекеттік кірістер органдарына беруді қамтамасыз ететін техникалық талаптар және бақылау-кассалық машиналардың техникалық талаптарға сәйкестілік нысаны _______________________________________________________________ (бақылау-кассалық машиналар үлгілерінің атауы)

№ р/с	Бақылау-кассалық машинаға (бұдан әрі - БКМ) техникалық талаптар	БКМ үлгісінің техникалық мінездемелері негізгі техникалық талаптарға сәйкестілігі жөніндегі мәліметтер	Ескерту
	Жалпы талаптар	Осы бағанды толтыру үшін құжаттың атауын, беттің нөмірін және талапты іске асыру сипатталған құжаттың нақты тармағын міндетті түрде көрсете отырып, дайындаушы зауыт құжаттамасының мәліметтері пайдаланылады.
1-бөлім. Деректерді тіркеу және беру функциясы бар бақылау-кассалық машиналарға қойылатын талаптар
1.	Бағдарламалық паролі (кемінде төрт разряд) немесе нөмірлік кілттері болуы тиіс. Бағдарламалық парольдермен кем дегенде БКМ жұмысының келесі режимдері қорғалуы тиіс:
1.1	1) сатуды тіркеу режимі;
1.2	2) бағдарламалау режимі;
1.3	3) "Ауысымды жабу" режимі.
2.	БКМ ауысым басында жұмысқа қосқан кезде, сондай-ақ ауысым соңында тәуліктік Z-есепті алған кезде автоматты тестілеу функционалы болуы тиіс. Функционал өзіне қамтуы тиіс:
2.1	Негізгі блоктар мен тораптарды тестілеу.
2.2	БКМ бағдарламалық қамтамасыз етуді тестілеу.
2.3	Жинақтауышта сақталған фискалдық деректердің тұтастығын тестілеу және бақылау: 1) Соңғы ауысымда берілген барлық чектер туралы ақпаратты тексеру және соңғы Z-есептің бақылау сомасымен салыстыру; 2) фискалдық деректер жинақтаушысындағы барлық жазбалардың жалпы бақылау сомасын барлық Z-есептердің бақылау жазбаларының сомасымен салыстыру.
2.4	Фискалдық деректер операторының серверімен байланысты тестілеу (мәтіндік хабарлама жіберу және жауап алу арқылы).
3.	Автоматты тестілеуден теріс өткен жағдайда БКМ бұғаттауды қамтамасыз ету:
3.1	Негізгі блоктар мен тораптарды тестілеу кезінде.
3.2	БКМ бағдарламалық қамтамасыз етуді тестілеу кезінде.
3.3	Жинақтауышта сақталған фискалдық деректер тұтастығын тестілеу және бақылау кезінде
4.	Transmission Control Protocol/Internet Protocol (TCP/IP) қосылу хаттамасын пайдалана отырып және фискалдық деректер операторының серверіне БКМ деректерді беру хаттамасына сәйкес vpn арнасы бойынша фискалдық деректер операторының телекоммуникациялық желісі бойынша фискалдық деректер операторының серверіне қосылу*
5.	БКМ чегін ресімдеуді және чектің деректерін сатып алуды (сатуды) тіркеу кезінде бірыңғай жұмыс циклінде фискалдық деректер операторының серверіне беруді қамтамасыз ету.
6.	Чек лентасы болмаған немесе үзілген, кассир операцияны дұрыс орындамаған жағдайда және БКМ жұмысында кассирдің БКМ чегін сатып алушыға беру мүмкін еместігіне әкелген басқа да проблемалар туындаған кезде операцияларды жүргізуді оқшаулауды қамтамасыз ету.
6.1.	Тауарды таңбалау идентификаторын оқу үшін штрих код сканерін қосу мүмкіндігі болуы тиіс
7.	БКМ автономды режімде БКМ жұмысы кезеңінде жинақталған БКМ чектері туралы ақпараттың ФДО серверіне беру сәтіне дейін сақталуын қамтамасыз ету. БКМ автономды жұмыс режимі байланыс арналарына қолжетімділік болмаған кезде және фискалдық деректер операторының серверіне ақшалай есеп айырысулар туралы ақпаратты жіберу сәтіне дейін әрекет етеді.
8.	БКМ-да әрбір жазбаның бақылау сомасын және барлық жазбалардың жалпы бақылау сомасын қалыптастыру арқылы БКМ фискалдық деректер жинауышындағы ақпараттың сақталуын тексеру режимі, олардың мерзімдік бақылау салыстыруын жүргізу (БКМ қосу және Z-есепті алу кезінде) көзделуі тиіс.
9.	Жұмыстың негізгі режимдерін бағдарламалауды (конфигурациялауды) қамтамасыз ету: 1) тіркеу режимі (сату, қайтаруларды тіркеу, салықтарды есептеу); есептерді X және Z режимі; 2) бағдарламалау режимі (қарау/БКМ параметрлерін өзгерту, сыртқы құрылғылары бар БКМ баптау); 3) қосымша режимдер (БКМ ішкі сағаттарында уақытты орнату, БКМ тестілеу режимі).
10.	Пернетақтадағы белгілер және индикацияға шығарылатын ақпарат мемлекеттік және / немесе орыс тілдерінде болуы тиіс.		Осы талап фискалды регистратор болып табылатын БКМ таратылмайды
11.	БКМ ауысымды жабу және ауысымдық (тәуліктік) есепті (Z есеп) қалыптастыру рәсімін жүргізуді қамтамасыз етуі тиіс.
12.	Ауысымдық (тәуліктік) есепті (Z есепті) қалыптастыру кезінде БКМ осы Z есептің бақылау сомасы және барлық жазбалардың жалпы бақылау сомасы қалыптастырылуы және осы талаптардың 2.3-тармағына сәйкес фискалдық деректер жинауышында сақталған деректердің тұтастығын бақылау рәсімі іске қосылуы тиіс.
13.	БКМ ауысым ұзақтығын бақылауы тиіс. Ауысым ұзақтығын есептеудің басталу сәті ауысым үшін бірінші төлем құжатын ресімдеудің аяқталуы болып саналады. Ауысым ұзақтығы 24 сағаттан асқан жағдайда БКМ ауысымды жабу операциясын жүргізгенге дейін төлем құжаттарын ресімдеу мүмкіндігін оқшаулауы тиіс.
14.	БКМ БКМ чегін қайтару рәсімін жүргізуді және фискалдық деректер операторының серверіне тиісті хабарламаны қалыптастыруды қамтамасыз етеді.
15.	БКМ фискалдық деректер операторының серверінен Мемлекеттік кіріс органдары ұсынған касса бойынша операцияларды тоқтата тұру туралы талаппен хабарлама алған кезде жұмысты бұғаттауды қамтамасыз етеді.
16.	БКМ фискалдық деректер операторының серверінен алынған хабарламаларды мемлекеттік кіріс органдары қалыптастырған хабарламалармен шығаруды қамтамасыз етеді. Хабарламалар БКМ экранына шығарылады немесе фискалдық деректер операторының серверінен алынған кезде чек таспасында басылады.
Фискалдық деректер операторының серверімен жұмыс істеуге қойылатын талаптар
17.	БКМ деректерді берудің кемінде екі тәуелсіз арналарын ұстап тұруы тиіс.
17.1	2015 жылғы 1 шілдеге дейін БКМ мемлекеттік тізіліміне енгізілген БКМ жаңғыртудан кейін деректерді берудің бір немесе одан да көп тәуелсіз арналарын қолдайды. Жаңғырту - БКМ ескі моделін жаңа талаптар мен нормаларға, техникалық шарттарға сәйкес келтіру.
18.	БКМ деректерді фискалдық деректер операторының серверіне берудің хаттамасында сипатталған тәртіпке сәйкес фискалдық деректер операторының серверінде БКМ авторизациялауды жүргізу.
19.	БКМ деректерді беру хаттамасына сәйкес фискалдық деректер операторының серверіне жасалатын кассалық операциялар туралы деректерді беру.
20.	Ауысымды жабудың жасалатын операциялары туралы деректерді беру және фискалдық деректер операторының серверіне БКМ деректерді беру хаттамасына сәйкес z-есептерді қалыптастыру.
21.	Фискалдық деректер операторының серверінен фискалдық белгіні алу.
22.	Фискалдық деректер операторының серверінен алынған фискалдық белгісі бар кассалық чекті басып шығару. Чектің мазмұнына қойылатын талаптар "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) (бұдан әрі-Салық кодексі) 166-бабының 6-тармағында белгіленген.
23.	Фискалдық деректер операторының серверіне деректерді қабылдау-беру уақыты (оператор чекті ресімдеу туралы ақпаратты енгізу рәсімдерін аяқтағаннан кейін чекті қалыптастыру уақыты) 7 секундтан аспауы тиіс.
24.	Фискалдық деректер операторының серверімен қосылудың уақытша жоғалуы жағдайында чектерді қалыптастыру және чектерді басып шығаруды қамтамасыз ету (БКМ автономды жұмыс режиміне көшуі).
25.	БКМ фискалдық деректер операторының серверіне кассаға қолма-қол ақшаны енгізу және кассадан қолма-қол ақшаны алу жөніндегі ақпаратты беруді қамтамасыз етеді
	Сервермен байланысты уақытша жоғалту жағдайында жұмысқа қойылатын талаптар
26.	БКМ автономды режимде фискалдық белгінің қалыптасуын қамтамасыз ететін фискалдық деректердің жинақтаушысы болуы тиіс, фискалдық деректер операторының серверіне кейіннен беру үшін жазу күнінен бастап кем дегенде 1 ай (720 сағат) ішінде қоректендіру көздерінен энергия тұтынусыз өзгеріссіз түрде фискалдық деректерді жазу, жүйелеу, жинақтау, сақтау. Фискалдық деректер жинауышы БКМ фискалдық және жедел жадынан тұрады.
27.	Фискалдық деректер операторының серверімен байланыс уақытша болмаған кезде немесе деректерді беру арнасында рұқсат етілген шамадан тыс кідірістер кезінде (фискалдық деректер операторының серверінен жауап алуға 5 секунд), сондай-ақ БКМ фискалдық деректер операторының серверімен байланыс үшін жеткілікті электр қорегі болмаған кезде фискалдық деректер операторының серверімен байланыс жасауға:
27.1	1) БКМ автономды жұмыс режиміне өтеді
27.2	2) оператор-кассирге фискалдық деректер операторының серверіне қол жетімділік жоқтығы және БКМ автономды режимге көшкені туралы хабарлайды;
27.3	3) чекке жеке бірегей нөмір - автономды фискалдық белгі береді. Чектің жеке бірегей нөмірі БКМ пайдалану мерзімі ішінде бірегей болуы тиіс.
27.4	4) чекте автономды фискалды белгіні басып шығарады;
27.5	5) басып шығарылатын чектерде құрылғының автономды режимде жұмыс істейтіні белгісі болуы тиіс: "Автономды" термині көрсетілген;
27.6	6) БКМ автономды режімде 72 сағаттан артық жұмыс істеген кезде, кассир-операторды хабардар ете отырып (ең "ескі" автономды чек 72 сағаттан аспауы тиіс) блоктайды.
27.7	7) БКМ автономды жұмыс режимінде Z-есептің мөрімен "Ауысымды жабу" рәсімін жүргізуді қамтамасыз етеді. БКМ ауысымды автономды кезекке жабуға сұраныс қосып, Z-есепті алу күні мен уақыты бар белгіні қоса отырып, байланысты қалпына келтіру кезінде оны серверге беруі тиіс. Фискалдық деректер операторының серверімен байланыс болмаған жағдайда, Z-есеп БКМ фискалдық деректер жинауышында сақталған жүргізілген ақша операциялары және берілген чектер туралы деректер негізінде БКМ-де жинақталуы тиіс.
28.	Фискалдық деректер операторының серверімен байланысты қалпына келтіру кезінде БКМ келесі әрекеттерді орындауы тиіс:
28.1	1) фискалдық деректер операторының серверіне автономды режимде жұмыс істеу ұзақтығы туралы ақпараты бар хабарламаны қалыптастыру және жіберу;
28.2	2) фискалдық деректер операторының серверіне БКМ барлық бақылау чектерін және БКМ автономды режимде жұмыс істеу кезінде жинақталған ауысым жабулары (Z-есептер) туралы белгілерді жіберу, олардың әрқайсысына БКМ деректерді фискалдық деректер операторының серверіне беру хаттамасына сәйкес фискалдық деректер операторының серверінен жауап алу*;
28.3	3) әрбір хабарламада тиісті өрісте дербес жұмыс кезінде БКМ берілген бақылау чегінің автономды фискалдық белгісі ("Бақылау чегінің автономды фискалдық белгісі" өрісі) немесе деректерді БКМ-дан фискалдық деректер операторының серверіне беру хаттамасына сәйкес автономды режимде жұмыс істеу белгісі (автономды режимде жұмыс белгі өрісі) болуы тиіс.
БКМ қалыптастыратын чектерге және өзге де құжаттарға қойылатын талаптар
29.	БКМ келесі құжаттардың басып шығарылуын қамтамасыз етуі тиіс:
29.1	1) БКМ чегі;
29.2	2) кассирлер бойынша есеп;
29.3	3) секциялар бойынша есеп;
29.4	4) өшірусіз есеп (X-есеп). Фискалдық деректер операторының серверімен байланыс болған жағдайда х-есеп серверден басып шығаруға беріледі, фискалдық деректер операторының серверімен байланыс болмаған жағдайда, есеп БКМ фискалдық деректер жинауышында сақталған есептеуіштердің деректері негізінде БКМ-ге генерацияланады;
29.5	5) ауысымдық (тәуліктік) есеп (Z-есеп). Ауысымдық (тәуліктік) есеп БКМ сұрау салуы бойынша фискалдық деректер операторының серверінде қалыптастырылады және БКМ жеке құжатпен мөр үшін беріледі. Фискалдық деректер операторының серверімен байланыс болмаған жағдайда, Z - есеп БКМ фискалдық деректер жинауышында сақталған жүргізілген ақша операциялары және берілген чектер туралы деректер негізінде БКМ-де генерацияланады. Z-есептің құрылымы 11.3.т. "Есептерді алу - Z-есеп, Х-есеп" фискалдық деректер операторының серверіне БКМ-нан деректерді беру хаттамасына сәйкес келтірілген*.
30.	БКМ Салық кодексінің 166-бабы 6-тармағына сәйкес бақылау чегінде деректемелерді басып шығаруды, оның ішінде қазақ тілі әліпбиінің ерекше әріптерін пайдалана отырып, қазақ тілінде қамтамасыз етуі тиіс.
30.1	уәкілетті органның интернет-ресурсында чектің түпнұсқалығын автоматтандырылған тексеру үшін чекте QR-кодты қалыптастыру мүмкіндігін қамтамасыз етеді.
30.2	QR-кодта болуы тиіс: Осы чекке URL, ол келесіні қосады: 1) фискалды деректер операторы сайтынан немесе автономды режимде БКМ-мен қалыптастырылған фискалды белгі; 2) мемлекеттік кірістер органдарындағы БКМ тіркеу нөмірі; 3) БКМ чекті қалыптастыру күні мен уақыты; 4) БКМ чегінің жалпы сомасы.
30.3	QR-кодты қалыптастыру жол пішіні келесі маскаға сәйкес болуы қажет: Протокол://URL?i=Фискальный признак&f=РНМ&s=сумма тенге.тиын&t=датаTвремя.
30.4	Қалыптасатын QR-кодтың мөлшері мен сапасы ҚР СТ ISO IEC 18004-2017 стандартының 9 және 10-бөлімдеріне сәйкес белгіленеді және БКМ техникалық мүмкіндіктеріне байланысты болады.
Жұмыс режиміне және серверге фискалдық деректерді беру тәртібіне қойылатын талаптар
31.	БКМ фискалдық деректер серверіне қосу тәртібі БКМ нақты моделіне пайдалану құжаттамасында көрсетілуі тиіс.
32.	БКМ жұмыс режимі (деректерді фискалдық деректер операторының серверіне беру режимі, сондай-ақ сервермен байланыс болмаған жағдайда автономды) БКМ жұмысын пайдалану құжаттамасына толық сәйкес қамтамасыз етуі тиіс.
33.	БКМ ресімделген барлық құжаттардың (деректерді фискалдық деректер операторының серверіне беру режимінде, сондай-ақ сервермен байланыс болмаған жағдайда автономды түрде) фискалдық режимнің ерекше белгісі болуы тиіс ("фискалдық чек" сөз тіркесі) фискалдық деректер операторының серверінен бақылау чегінің нөмірін алғаннан кейін немесе фискалдық деректер операторының серверімен байланыс болмаған жағдайда БКМ автономды фискалдық белгіні қалыптастырғаннан кейін ғана басып шығаруға шығарылатын.
34.	БКМ келесі деректерді енгізуді қамтамасыз етуі тиіс:
34.1	1) фискалдық деректер операторының серверімен жұмыс істеуге арналған мекенжайлар мен порттар;
34.2	2) мемлекеттік кірістер органдарында БКМ тіркеу нөмірі (12 белгіден кем емес);
34.3	3) БКМ сәйкестендіру нөмірі;
34.4	4) бастапқы инициализациялық токен (деректерді алмасуға рұқсатсыз араласудан қорғау үшін фискалдық деректер операторының серверімен жасалған сандық код);
34.5	5) қабылдау-беру арнасын таңдау басымдығын басқару, пайдаланылатын байланыс арналарының параметрлерін баптау..
35.	Фискалдық деректер операторының серверіне БКМ қосу (токенді енгізуден басқа) және күні мен уақытын түзету операциялары БКМ ауысымды жабу операциясы аяқталғаннан кейін ғана жүргізілуі мүмкін. Осы сәтке дейін осы операцияларды жүргізу бұғатталуы тиіс.
36.	БКМ күні мен уақытын бағдарламалау операцияларын жүргізу кезінде соңғы қалыптастырылған фискалдық құжаттың күні мен уақытына қарағанда аз мәндерді енгізуге бақылау және тыйым салу қажет.
БКМ үшін бағдарламалық қамтамасыз етуге қойылатын талаптар
37.	Техникалық талаптарға сәйкес функцияларды толық іске асырумен қатар:
37.1	1) БКМ бағдарламалық бөлігін өндіруші санкцияланбаған өзгерту;
37.2	2) фискалдық деректер жинақтаушысына сақталған бақылау чектерінің деректеріне түзетулер енгізу;
37.3	3) фискалдық деректер операторының серверінен бақылау чегінің нөмірін алмай немесе БКМ автономды кодын қалыптастырмай, фискалдық деректер операторының серверімен байланыс болмаған жағдайда, фискалдық режимнің ерекшелік белгісін құжаттарға шығару;
37.4	4) фискалдық деректер операторының серверінен алынған фискалдық белгінің, сондай-ақ автономды жұмыс режимінде БКМ чегіне берілген автономды фискалдық белгінің өзгеруі.
2-бөлім. Деректерді беру функциясы бар бақылау-кассалық машиналарға қойылатын талаптар
38	Бағдарламалық паролі (кемінде төрт разряд) немесе нөмірлік кілттері болуы тиіс. Бағдарламалық парольдермен кем дегенде БКМ жұмысының келесі режимдері қорғалуы тиіс:
38.1	1) сатуды тіркеу режимі;
38.2	2) теңшеу режимі
38.3	3) "Ауысымды жабу" режимі.
39	Фискалдық деректер операторының серверімен байланыстың болуын тексеру фискалдық деректер операторы серверінің қолжетімділігін тексеру хабарламасын жіберу арқылы қамтамасыз етіледі.
40	Чек лентасы болмаған немесе үзілген, кассир операцияны дұрыс орындамаған, фискалдық деректер операторының серверімен қосылмаған жағдайда және БКМ электронды чегін жіберу немесе кассирдің БКМ чегін сатып алушыға беру мүмкін еместігіне әкелген БКМ жұмысында басқа да проблемалар туындаған жағдайда операцияларды жүргізуді бұғаттауды қамтамасыз ету.
41	Тауарды таңбалау идентификаторын оқу үшін штрих код сканерін қосу мүмкіндігі болуы тиіс
42	Transmission Control Protocol/Internet Protocol (TCP/IP) қосылу хаттамасын пайдалана отырып және фискалдық деректер операторының серверіне БКМ деректерді беру хаттамасына сәйкес vpn арнасы бойынша фискалдық деректер операторының телекоммуникациялық желісі бойынша фискалдық деректер операторының серверіне қосылу*
43	Сатып алуды (сатуды) тіркеу кезінде фискалдық деректер операторының серверінде чекті ресімдеуді қамтамасыз ету.
44	Жұмыстың негізгі режимдерін бағдарламалауды (конфигурациялауды) қамтамасыз ету: 1) тіркеу режимі (сату, қайтаруларды тіркеу, салықтарды есептеу); есептерді X және Z режимі; 2) бағдарламалау режимі (қарау/БКМ параметрлерін өзгерту, сыртқы құрылғылары бар БКМ баптау); 3) қосымша режимдер (БКМ ішкі сағаттарында уақытты орнату, БКМ тестілеу режимі және).
45	БКМ ауысымды жабу рәсімін және фискалдық деректер операторының серверінен алынған ауысымдық (тәуліктік) есептің (Z есептің) мөрін жүргізуді қамтамасыз етеді.
46	БКМ ауысым ұзақтығын бақылауы тиіс. Ауысым ұзақтығын есептеудің басталу сәті ауысым үшін бірінші төлем құжатын ресімдеудің аяқталуы болып саналады. Ауысым ұзақтығы 24 сағаттан асқан жағдайда БКМ ауысымды жабу операциясын жүргізгенге дейін төлем құжаттарын ресімдеу мүмкіндігін оқшаулауы тиіс.
47	БКМ чекті қайтару рәсімін жүргізуді және фискалдық деректер операторының серверіне тиісті хабарламаны қалыптастыруды қамтамасыз етеді.
48	БКМ фискалдық деректер операторының серверінен Мемлекеттік кіріс органдары ұсынған касса бойынша операцияларды тоқтата тұру туралы талаппен хабарлама алған кезде жұмысты бұғаттауды қамтамасыз етеді.
49	БКМ фискалдық деректер операторының серверінен алынған хабарламаларды мемлекеттік кіріс органдары қалыптастырған хабарламалармен шығаруды қамтамасыз етеді. Хабарламалар БКМ экранына шығарылады немесе фискалдық деректер операторының серверінен алынған кезде чек таспасында басылады.
50	БКМ аппараттық бөлігі деректерді берудің кемінде екі тәуелсіз каналын ұстауы тиіс.
51	Фискалдық деректер операторының серверіне БКМ-мен деректерді беру хаттамасына сәйкес фискалдық деректер операторының серверінде жасалатын чектік операциялар туралы деректерді қалыптастыру*.
52	Фискалдық деректер операторының серверінде ауысымдарды жабу операциясын жүргізу және фискалдық деректер операторының серверіне БКМ деректерді беру хаттамасына сәйкес Z-есептерді қалыптастыру*.
53	Фискалдық деректер операторының серверінен фискалдық белгіні алу.
54	Фискалдық деректер операторының серверінен алынған фискалдық белгісі бар БКМ чегін басып шығару және сатып алушыға БКМ электрондық чегін жіберу мүмкіндігі болуы тиіс. Чектің мазмұнына қойылатын талаптар Салық кодексінің 166-бабының 6-тармағында белгіленген.
55	Фискалдық деректер операторының серверіне деректерді қабылдау-беру уақыты (оператор чекті ресімдеу туралы ақпаратты енгізу рәсімдерін аяқтағаннан кейін чекті қалыптастыру уақыты) 7 секундтан аспауы тиіс.
56	Фискалдық деректер операторының серверімен байланыс уақытша жоғалғанда кассалық операцияларды орындауды бұғаттау.
57	БКМ кассадан қолма-қол ақшаны енгізу және алу бойынша ақпаратты фискалдық деректер операторының серверіне беруді қамтамасыз етеді
БКМ қалыптастыратын чектерге және өзге де құжаттарға қойылатын талаптар
58	БКМ келесі құжаттарды басып шығаруды қамтамасыз етеді:
58.1	1) БКМ чегі;
58.2	2) кассирлер бойынша есеп;
58.3	3) секциялар бойынша есеп;
58.4	4) өшірусіз есеп (X-есеп). X - есеп фискалдық деректер операторының серверінен басып шығаруға беріледі;
58.5	5) ауысымдық (тәуліктік) есеп (Z-есеп). Ауысымдық (тәуліктік) есеп БКМ сұрау салуы бойынша фискалдық деректер операторының серверінде қалыптастырылады және БКМ жеке құжатпен мөр үшін беріледі.
59	БКМ Салық кодексінің 166-бабы 6-тармағына сәйкес бақылау чегінде деректемелерді басып шығаруды, оның ішінде қазақ тілі әліпбиінің ерекше әріптерін пайдалана отырып, қазақ тілінде қамтамасыз етуі тиіс.
60	уәкілетті органның интернет-ресурсында чектің түпнұсқалығын автоматтандырылған тексеру үшін чекте QR-кодты қалыптастыру мүмкіндігін қамтамасыз етеді.
60.1	QR-кодта болуы тиіс: Осы чекке URL, ол келесіні қосады: 1) фискалды деректер операторы сайтынан немесе автономды режимде БКМ-мен қалыптастырылған фискалды белгі; 2) мемлекеттік кірістер органдарындағы БКМ тіркеу нөмірі; 3) БКМ чекті қалыптастыру күні мен уақыты; 4) БКМ чегінің жалпы сомасы.
60.2	QR-кодты қалыптастыру жол пішіні келесі маскаға сәйкес болуы қажет: Протокол://URL?i=Фискальный признак&f=РНМ&s=сумма тенге.тиын&t=датаTвремя.
60.3	Қалыптасатын QR-кодтың мөлшері мен сапасы ҚР СТ ISO IEC 18004-2017 стандартының 9 және 10-бөлімдеріне сәйкес белгіленеді және БКМ техникалық мүмкіндіктеріне байланысты болады.
Фискалдық деректер операторының серверіне фискалдық деректерді беру тәртібі мен жұмыс режиміне қойылатын талаптар
61	БКМ фискалдық деректер операторының серверіне қосу тәртібі БКМ нақты моделіне пайдалану құжаттамасында көрсетілуі тиіс.
62	БКМ жұмыс режимі пайдалану құжаттамасына толық сәйкес БКМ жұмысын қамтамасыз етуі тиіс.
63	БКМ ресімделген барлық құжаттардың фискалдық режимнің ерекше белгісі ("Фискалдық чек" сөз тіркесі) болуы тиіс, фискалдық деректер операторының серверінен БКМ чегінің нөмірін алғаннан кейін ғана басып шығаруға шығарылады.
64	БКМ мынадай деректерді енгізуді қамтамасыз етеді:
64.1	1) фискалдық деректер операторының серверімен жұмыс істеуге арналған мекенжайлар мен порттар;
64.2	2) мемлекеттік кірістер органдарында БКМ тіркеу нөмірі (12 белгіден кем емес);
64.3	3) фискалдық деректер операторының серверінде алынған БКМ сәйкестендіру нөмірі
64.4	4) астапқы инициализациялық токен (деректерді алмасуға рұқсатсыз араласудан қорғау үшін фискалдық деректер серверімен жасалған сандық код);
64.5	5) қабылдау-беру арнасын таңдау басымдығын басқару, пайдаланылатын байланыс арналарының параметрлерін баптау.
65	БКМ жүйедегі уақытты бақылап, фискалдық деректер операторының серверіне тіркелген соңғы операцияға қарағанда аз уақытпен операциялық қызметке тыйым салуы тиіс.
БКМ үшін бағдарламалық қамтамасыз етуге қойылатын талаптар
66	Техникалық талаптарға сәйкес функцияларды толық іске асырумен қатар:
66.1	1) БКМ бағдарламалық бөлігін өндіруші санкцияланбаған өзгерту
66.2	2) фискалдық деректер операторының серверінен БКМ чегінің нөмірін алмай фискалдық режимнің ерекше белгісін құжаттарға шығару;
66.3	3) фискалдық деректер операторының серверінен алынған фискалдық белгінің өзгеруі;
66.4	4) серверден алынған кезде БКМ кассалық операцияларды орындау сәйкессіздікті жойғанға дейін салық төлеуші және (немесе) БКМ туралы мәліметтердің сәйкессіздігі туралы фискалдық деректер операторының жауап беруі.
3-бөлім. Аппараттық-бағдарламалық кешен болып табылатын БКМ-ға қойылатын техникалық талаптар
69.	Бағдарламалық паролі (кемінде төрт разряд) немесе нөмірлік кілттері болуы тиіс. Бағдарламалық парольдермен кем дегенде БКМ жұмысының келесі режимдері қорғалуы тиіс:
69.1	1) сатуды тіркеу режимі;
69.2	2) теңшеу режимі
69.3	3) "Ауысымды жабу" режимі.
70	Сақталған фискалдық деректердің бүтіндігін автоматты бақылау және ақпаратты тексеру, фискалдық деректер операторымен байланыстың болуы функционалының болуы. Функционал өзіне қамтуы тиіс:
70.1	1. Сақталған фискалдық деректердің тұтастығын бақылау: 1) Соңғы ауысымда берілген барлық чектер туралы ақпаратты тексеру және соңғы Z-есептің бақылау сомасымен салыстыру; 2) фискалдық деректер жинақтаушысындағы барлық жазбалардың жалпы бақылау сомасын барлық Z-есептердің бақылау жазбаларының сомасымен салыстыру.
70.2	Фискалдық деректер операторының серверімен байланыстың болуын тексеру фискалдық деректер операторы серверінің қолжетімділігін тексеру хабарламасын жіберу арқылы қамтамасыз етіледі.
70.3	Клиенттік бөлікте Аппараттық-бағдарламалық кешеннің (бұдан әрі - АБК) серверімен автоматты байланыс тестілеу функционалы болуы тиіс.
71.	БКМ 70.1 және 70.3-тармақтарда көрсетілген тестілеуден теріс өту кезінде жұмысты оқшаулауы тиіс.
72.	Transmission Control Protocol/Internet Protocol (TCP/IP) қосылу хаттамасын пайдалана отырып және фискалдық деректер операторының серверіне БКМ деректерді беру хаттамасына сәйкес vpn арнасы бойынша фискалдық деректер операторының телекоммуникациялық желісі бойынша фискалдық деректер операторының серверіне қосылу*
73.	БКМ чегін ресімдеуді және чектің деректерін сатып алуды (сатуды) тіркеу кезінде бірыңғай жұмыс циклінде фискалдық деректер операторының серверіне беруді қамтамасыз ету.
73.1	Чекті қағаз түрінде беру және сатып алушыға чекті электрондық түрде жіберу мүмкіндігін қамтамасыз ету
74.	Кассир БКМ осы моделіне пайдалану жөніндегі басшылықта сипатталған алгоритмдерді бұзған жағдайда, сондай-ақ қағаз тасығышта чекті басып шығару немесе чекті электронды түрде жіберу мүмкін болмаған жағдайда операция жүргізуді оқшаулауды қамтамасыз ету
74.1	Чекті басып шығаруға қайта жіберу немесе электрондық чекті жіберу мүмкіндігін қамтамасыз ету. Қайталама чекте "Телнұсқа" деген белгі болуы тиіс.
75.	БКМ автономды режімде БКМ жұмысы кезеңінде жинақталған БКМ чектері туралы ақпараттың ФДО серверіне беру сәтіне дейін сақталуын қамтамасыз ету. БКМ автономды жұмыс режимі байланыс арналарына қолжетімділік болмаған кезде және фискалдық деректер операторының серверіне ақшалай есеп айырысулар туралы ақпаратты жіберу сәтіне дейін әрекет етеді.
76.	БКМ әрбір жазбаның бақылау сомасын және барлық жазбалардың жалпы бақылау сомасын қалыптастыру жолымен БКМ фискалдық деректер жинауышында ақпараттың сақталуын тексеру режимі қарастырылуы тиіс және ауысымында 2 реттен кем емес (ауысым басында және соңында) мерзімдік бақылау тексеруін жүргізу керек.
77.	Жұмыстың негізгі режимдерін конфигурациялауды қамтамасыз ету: 1) тіркеу режимі (сату, қайтаруларды тіркеу, салықтарды есептеу); 2) X және Z есептер режимі, конфигурациялау режимі (БКМ баптауларын қарау/өзгерту, сыртқы құрылғылары бар БКМ баптау); 3) қосымша режимдер (сынақ чегін басып шығару).
77.1	Пайдаланушының құрылғысында қолданылатын БКМ АӨК клиенттік бөлігінің бағдарламалық құраушысы БКМ пайдаланушының сағаттық белдеуін ескере отырып, БКМ АӨК серверінің уақытын БКМ ішкі уақыты ретінде пайдалануы тиіс.
77.2	Клиенттік бөлікте тауарды таңбалау идентификаторын оқу үшін штрих код сканерінен деректер алу немесе қосу мүмкіндігі болуы тиіс.
78.	Пайдаланушының интерфейсіндегі белгілер, сондай-ақ баспаға және индикацияға шығарылатын ақпарат мемлекеттік және орыс тілдерінде болуы тиіс.
79.	БКМ ауысымды жабу және қалыптастыру рәсімін өткізуді қамтамасыз етеді есеп (Z есеп).
80.	Ауысымдық (тәуліктік) есепті (Z есепті) қалыптастыру кезінде БКМ осы Z есептің бақылау сомасы және барлық жазбалардың жалпы бақылау сомасы қалыптастырылуы және осы талаптардың 70.1-тармағына сәйкес фискалдық деректер жинауышында сақталған деректердің тұтастығын бақылау рәсімі іске қосылуы тиіс.
81.	БКМ ауысым ұзақтығын бақылауы тиіс. Ауысым ұзақтығын есептеудің басталу сәті ауысым үшін бірінші кассалық операцияны ресімдеудің аяқталуы болып саналады. Ауысым ұзақтығы 24 сағаттан асқан жағдайда БКМ ауысымды жабу операциясын жүргізгенге дейін кассалық операцияларды ресімдеу мүмкіндігін оқшаулауы тиіс.
82.	БКМ чекті қайтару рәсімін жүргізуді және фискалдық деректер операторының серверіне тиісті хабарламаны қалыптастыруды қамтамасыз етеді.
83.	БКМ фискалдық деректер операторының серверінен Мемлекеттік кіріс органдары ұсынған касса бойынша операцияларды тоқтата тұру туралы талаппен хабарлама алған кезде жұмысты бұғаттауды қамтамасыз етеді.
84.	БКМ фискалдық деректер операторының серверінен алынған хабарламаларды мемлекеттік кіріс органдары қалыптастырған хабарламалармен шығаруды қамтамасыз етеді. Хабарламалар БКМ экранына шығарылады немесе фискалдық деректер операторының серверінен алынған кезде чек таспасында басылады.
Фискалдық деректер операторының серверімен аппараттық-бағдарламалық кешеннің жұмысына қойылатын талаптар
85.	БКМ серверлік бөлігі деректерді берудің кемінде екі тәуелсіз арналарын ұстап тұруы тиіс.
86.	Фискалдық деректер операторының серверіне деректерді беру хаттамасына сәйкес серверде БКМ авторизациялауды жүргізу*
87.	Жасалатын операциялар туралы деректерді фискалдық деректер операторының серверіне беру, фискалдық деректер операторының серверіне деректерді беру хаттамасына сәйкес.*
88.	Фискалдық деректер операторының серверімен байланыс болған жағдайда фискалдық деректер операторының серверінен фискалдық белгі алу.
89.	Фискалдық деректер операторының серверімен байланыс болмаған жағдайда фискалдық деректер операторының серверінен алынған фискалдық белгісі бар БКМ чегін басып шығару немесе БКМ электронды чегін қалыптастыру.
90.	Фискалдық деректер операторының серверіне деректерді қабылдау-беру уақыты (оператор чекті ресімдеу туралы ақпаратты енгізу рәсімдерін аяқтағаннан кейін чекті қалыптастыру уақыты) 7 секундтан аспауы тиіс.
91.	Фискалдық деректер операторының серверімен қосылудың уақытша жоғалуы жағдайында БКМ чектерін қалыптастыруды және чектерді басып шығаруды қамтамасыз ету (БКМ автономды жұмыс режиміне көшуі).
	Фискалдық деректер операторының серверімен қосылыстың уақытша жоғалуы жағдайында жұмысқа қойылатын талаптар
92.	БКМ серверлік бөлігінде фискалдық белгіні автономды режимде қалыптастыруды, фискалдық деректерді жазуды, жүйелендіруді, жинақтауды, сақтауды қамтамасыз ететін фискалдық деректердің жинақтауышы болуы тиіс, фискалдық деректер операторының серверіне кейіннен беру үшін БКМ пайдаланудың барлық мерзімі ішінде қоректендіру көздерінен энергия тұтынусыз өзгеріссіз, бірақ 5 жылдан кем емес.
93.	Фискалдық деректер жинағышына БКМ барлық пайдалану мерзімі ішінде сақтау үшін, барлық бақылау чектері мен БКМ қалыптасқан Z-есептерді (фискалдық деректер операторының серверімен байланыс режимінде, сондай-ақ автономды режимде) энергияға тәуелді жады кіреді.
94.	Фискалдық деректер операторының серверімен байланыс уақытша болмаған кезде немесе деректерді беру арнасында рұқсат етілген шамадан артық кідіріс болған кезде (фискалдық деректер операторының серверінен жауап алуға 5 секундтан артық емес), сондай-ақ БКМ фискалдық деректер операторының серверімен байланыс үшін жеткілікті электр қорегі болмаған кезде фискалдық деректер операторының серверімен байланыс жасауға міндетті:
94.1	1) БКМ автономды жұмыс режиміне өту
94.2	2) оператор-кассирге фискалдық деректер операторының серверіне қол жетімділік жоқтығы және БКМ автономды режимге көшкені туралы хабарлау;
94.3	3) чекке жеке бірегей нөмір - дербес фискалдық белгі беру. Чектің жеке бірегей нөмірі БКМ пайдалану мерзімі ішінде бірегей болуы тиіс.
94.4	4) чекте автономды фискалды белгіні басып шығару (немесе электрондық чекте көрсету) ;
94.5	5) басып шығарылатын және электрондық чектерде құрылғының автономды режимде жұмыс істейтіні белгісі болуы тиіс: "Автономды" термині көрсетілген;
94.6	6) БКМ автономды режімде 72 сағаттан артық жұмыс істеген кезде, кассир-операторды хабардар ете отырып (ең "ескі" автономды чек 72 сағаттан аспауы тиіс) бұғаттауға.
94.7	7) БКМ автономды жұмыс режимінде Z-есептің мөрімен "ауысымды жабу" рәсімін жүргізуді қамтамасыз етеді. БКМ ауысымды автономды кезекке жабуға сұраныс қосып, Z-есепті алу күні мен уақыты бар белгіні қоса отырып, байланысты қалпына келтіру кезінде оны серверге беруі тиіс. Фискалдық деректер операторының серверімен байланыс болмаған жағдайда, Z-есеп БКМ фискалдық деректер жинауышында сақталған жүргізілген ақша операциялары және берілген чектер туралы деректер негізінде БКМ-де жинақталуы тиіс.
95	Фискалдық деректер операторының серверімен байланысты қалпына келтіру кезінде БКМ келесі әрекеттерді орындауы тиіс:
95.1	1) фискалдық деректер операторының серверіне автономды режимде жұмыс істеу ұзақтығы туралы ақпараты бар хабарламаны қалыптастыру және жіберу;
95.2	2) фискалдық деректер операторының серверіне БКМ барлық бақылау чектерін және БКМ автономды режимде жұмыс істеу кезінде жинақталған алынған Z-есептер туралы белгілерді жіберу, олардың әрқайсысына фискалдық деректер операторының серверінен деректерді фискалдық деректер операторының серверіне беру хаттамасына сәйкес бақылау чегінің жарамды фискалдық белгісі бар жауап алу*;
95.3	3) әрбір хабарламада тиісті өрісте дербес жұмыс кезінде БКМ берілген бақылау чегінің автономды фискалдық белгісі ("бақылау чегінің автономды фискалдық белгісі" өрісі) немесе деректерді БКМ-дан фискалдық деректер операторының серверіне беру хаттамасына сәйкес автономды режимде жұмыс істеу белгісі (автономды режимде жұмыс белгі өрісі) болуы тиіс.
БКМ қалыптастыратын чектерге және өзге де құжаттарға қойылатын талаптар
96	БКМ келесі құжаттарды басып шығаруды қамтамасыз етеді:
96.1	1) БКМ чегі;
96.2	2) кассирлер бойынша есеп;
96.3	3) секциялар бойынша есеп;
96.4	4) өшірусіз есеп (X-есеп). Фискалдық деректер операторының серверімен байланыс болған жағдайда х - есеп фискалдық деректер операторының серверінен басып шығаруға беріледі, фискалдық деректер операторының серверімен байланыс болмаған жағдайда, есеп БКМ фискалдық деректер жинауышында сақталған есептеуіштердің деректері негізінде БКМ-де генерацияланады;
96.5	5) ауысымдық (тәуліктік) есеп (Z-есеп). Ауысымдық (тәуліктік) есеп БКМ сұрау салуы бойынша фискалдық деректер операторының серверінде қалыптастырылады және БКМ жеке құжатпен мөр үшін беріледі. Фискалдық деректер операторының серверімен байланыс болмаған жағдайда, Z-есеп БКМ фискалдық деректер жинауышында сақталған есептеуіштердің деректері негізінде БКМ-де генерацияланады.
97	БКМ Салық кодексінің 166-бабы 6-тармағына сәйкес бақылау чегінде деректемелерді басып шығаруды, оның ішінде қазақ тілі әліпбиінің ерекше әріптерін пайдалана отырып, қазақ тілінде қамтамасыз етуі тиіс.
98	уәкілетті органның интернет-ресурсында чектің түпнұсқалығын автоматтандырылған тексеру үшін чекте QR-кодты қалыптастыру мүмкіндігін қамтамасыз етеді.
98.1	QR-кодта болуы тиіс: Осы чекке URL, ол келесіні қосады: 1) фискалды деректер операторы сайтынан немесе автономды режимде БКМ-мен қалыптастырылған фискалды белгі; 2) мемлекеттік кірістер органдарындағы БКМ тіркеу нөмірі; 3) БКМ чекті қалыптастыру күні мен уақыты; 4) БКМ чегінің жалпы сомасы.
98.2	QR-кодты қалыптастыру жол пішіні келесі маскаға сәйкес болуы қажет: Протокол://URL?i=Фискальный признак&f=РНМ&s=сумма тенге.тиын&t=датаTвремя.
98.3	Қалыптасатын QR-кодтың мөлшері мен сапасы ҚР СТ ISO IEC 18004-2017 стандартының 9 және 10-бөлімдеріне сәйкес белгіленеді және БКМ техникалық мүмкіндіктеріне байланысты болады.
Фискалдық деректер операторының серверіне фискалдық деректерді беру тәртібі мен жұмыс режиміне қойылатын талаптар
99	БКМ фискалдық деректер операторының серверіне қосу тәртібі БКМ нақты моделіне пайдалану құжаттамасында көрсетілуі тиіс.
100	БКМ жұмыс режимі (деректерді фискалдық деректер операторының серверіне беру режимі, сондай-ақ сервермен байланыс болмаған жағдайда автономды) БКМ жұмысын пайдалану құжаттамасына толық сәйкес қамтамасыз етуі тиіс.
101	БКМ ресімделген барлық құжаттардың (деректерді фискалдық деректер операторының серверіне беру режимінде, сондай-ақ сервермен байланыс болмаған жағдайда автономды түрде) фискалдық режимнің ерекше белгісі болуы тиіс ("фискалдық чек" сөз тіркесі) фискалдық деректер операторының серверінен бақылау чегінің нөмірін алғаннан кейін немесе фискалдық деректер операторының серверімен байланыс болмаған жағдайда БКМ автономды фискалдық белгіні қалыптастырғаннан кейін ғана басып шығаруға шығарылатын.
102	БКМ келесі деректерді енгізуді қамтамасыз етуі тиіс:
102.1	1) фискалдық деректер операторының серверімен жұмыс істеуге арналған мекенжайлар мен порттар;
102.2	2) мемлекеттік кірістер органдарындағы БКМ тіркеу нөмірі (12 белгіден кем емес);
102.3	3) фискалдық деректер операторының серверінде БКМ сәйкестендіру нөмірі;
102.4	4) бастапқы инициализациялық токен (деректерді алмасуға рұқсатсыз араласудан қорғау үшін фискалдық деректер операторының серверімен жасалған сандық код);
102.5	5) қабылдау-беру арнасын таңдау басымдығын басқару, пайдаланылатын байланыс арналарының параметрлерін баптау.
103	Фискалдық деректер операторының серверіне БКМ қосу (токенді енгізуден басқа) және күні мен уақытын түзету операциялары БКМ ауысымды жабу операциясы аяқталғаннан кейін ғана жүргізілуі мүмкін. Осы сәтке дейін осы операцияларды жүргізу бұғатталуы тиіс.
104	БКМ күні мен уақытын бағдарламалау операцияларын жүргізу кезінде соңғы сыналған фискалдық құжаттың күні мен уақытына қарағанда аз мәндерді енгізуге бақылау және тыйым салу қажет.
	БКМ үшін бағдарламалық қамтамасыз етуге қойылатын талаптар
105	Техникалық талаптарға сәйкес функцияларды толық іске асырумен қатар:
105.1	1) БКМ бағдарламалық бөлігін өндіруші санкцияланбаған өзгерту;
105.2	2) фискалдық деректер жинауышында автономды режимде сақталған бақылау чектерінің деректеріне түзетулер енгізу;
105.3	3) фискалдық деректер операторының серверінен бақылау чегінің нөмірін алмай немесе БКМ автономды кодын қалыптастырмай, фискалдық деректер операторының серверімен байланыс болмаған жағдайда, фискалдық режимнің ерекшелік белгісін құжаттарға шығару;
105.4	4) фискалдық деректер операторының серверінен алынған фискалдық белгінің өзгеруі;
105.5	5) автономды режимде жұмыс істеу кезінде БКМ қалыптастырған автономды кодтың өзгеруі.
106	Мынадай функционалы бар "Салық инспекторының жұмыс орны" бағдарламалық модулі болуы:
106.1	Интернет желісі бойынша логин және пароль бойынша БКМ серверлік бөлігіне қашықтан қосылу (қол жетімділігі шектеулі)
106.2	Көрсетілген БКМ бойынша көрсетілген кезеңде жүргізілген операциялар бойынша есептерді қалыптастыру
	БКМ АБК техникалық жарақтандыруға қойылатын талаптар
107	АБК ҚР СТ МЕМСТ Р ИСО/МЭК 15408-3-2006 "Қауіпсіздікті қамтамасыз ету әдістері мен құралдары. Ақпараттық технологиялар қауіпсіздігін бағалау критерийлері" бойынша қауіпсіздіктің үшінші деңгейінен төмен емес талаптарға сәйкес болуы тиіс.

Ескерту: * - БКМ-нан деректерді фискалдық деректер операторының серверіне беру хаттамасы уәкілетті органның интернет-ресурсында орналастырылады